As jy nie in Jesus se woorde glo nie, dan glo jy nie regtig in Hom nie

As iemand bely hy GLO in Jesus, dan moet hy natuurlik ook glo in Sy woorde... 

Somtyds bely iemand dat hy in Jesus Christus glo, maar dan wanneer jy met daardie persoon begin gesels kom jy gou agter dat h(s)y eintlik iets anders glo as wat Jesus geleer het. Baie leringe deur Jesus gegee, bv. leringe oor die koninkryk ("evangelie vd koninkryk"), is vandag verdraaid of word verskillend gepreek van wat Jesus geleer het. Ons moet ag gee op Jesus se woorde, want ons kan nie bely ons glo in Jesus maar glo nie in Sy woorde nie. 

----------------------------------------------------------------------------------------------------------------------------

DIE EVANGELIE gaan oor:

- die evangelie van Jesus Christus, en deels oor

- die evangelie vd koninkryk (Matt. 24:14; Mark. 1:14,15), en deels oor

- die evangelie van vrede.    Die woord "evangelie" is die Griekse woord "yoo-ang-ghel'-ee-on", wat beteken "goeie boodskap". Natuurlik is die "boodskap vd koninkryk" ook deel van die boodskap/evangelie van Jesus Christus, want Jesus se leringe het baie gegaan oor die KONINKRYK VAN DIE HEMELE/GOD - dit is immers een van die redes waarom Hy gestuur was! (Luk. 4:43; 8:1). Ons merk dat Jesus die "evangelie vd koninkryk" verkondig het oral waar Hy rondgegaan het... (Matt. 4:23; 9:35; Mark. 1:14; Luk. 4:34; Luk. 8:1; Luk. 16:16...)(Mar 1:14,15 - "En nadat Johannes oorgelewer was, het Jesus in Galiléa gekom en die evangelie van die koninkryk van God verkondig en gesê: Die tyd is vervul en die koninkryk van God het naby gekom; bekeer julle en GLO DIE EVANGELIE"). Na watter evangelie het Jesus hier verwys wanneer Hy hulle vra om die evangelie te GLO?  Natuurlik die evangelie wat Hy verkondig het...- nl. die "evangelie vd koninkryk"(Mark. 1:15). Wanneer sommige nou kom en iets anders preek oor die Koninkryk as wat Jesus gepreek het oor die Koninkryk, hoe kan hulle dan bely dat hulle glo in die evangelie wat Jesus gebring het?  As ons bely dat ons glo in Jesus Christus, dan moet ons glo in dit wat Hy verkondig het oor die koninkryk, want die "evangelie van Jesus" gaan ook oor die evangelie wat Hy gebring het oor die koninkryk. 

 

L.w. dat leringe oor die koninkryk van God (m.a.w. die "evangelie vd koninkryk") het hulle oorsprong veral in leringe wat Jesus gebring het... (en sommige gedeeltelik uit O.T.iese profesieë)(Matt. 13:35 - "sodat vervul sou word die woord wat gespreek is deur die profeet: Ek sal my mond open deur gelykenisse; Ek sal uitspreek dinge wat verborge was van die grondlegging van die wêreld af").

----------------------------------------------------------------------------------------------------------------------------

In Luk. 16:16 wil dit lyk of die "evangelie vd koninkryk" gestel word teenoor "die wet en die profete" (Luk 16:16 - "Die wet en die profete was tot op Johannes; van toe af word die evangelie van die koninkryk van God verkondig, en elkeen dring met geweld daarin"), asof "die evangelie vd koninkryk" die wet en profete vervang, maar daarmee word egter nie bedoel dat die wet tot niet is of dat die Here se reels nie belangrik is nie, maar waarna dit verwys is dat die Here se wet en voorskrifte nou vervul word in "die evangelie vd koninkryk" (en terloops, in die evangelie vd koninkryk het wette 'n sterker betekenis gekry!). Ons sien dus hoe belangrik hierdie EVANGELIE is wat Jesus oor die koninkryk gebring het, want as ons nie weet wat presies Hy hieroor geleer het nie, hoe sal ons weet wat die Here van ons verwag, Sy reëls, hoe ons gewas word?, hoedanig Sy koninkryk is?, hoe ons salig word, ens.? As ons bely dat ons in Jesus Christus glo, dan moet ons natuurlik die evangelie glo wat Hy gebring het (Mark. 1:15).

-----------------------------------------------------------------------------------------------------------------------------

GEDAGTE:

Behalwe spesifieke dinge wat oor die koninkryk geprofeteer was, het Jesus self vir ons baie meer kom leer oor die koninkryk (in "die evangelie vd koninkryk"), bv. dat dit klein begin maar baie groot sal word en terloops groter as enige ander koninkryk op aarde!  Hierdie is goeie nuus vir elke gelowige, wat soos 'n spreekbuis in hierdie wêreld staan vir die Here se "party". 'n Koninkryk verteenwoordig natuurlik 'n plek en 'n volk met 'n koning... Somtyds word die term "koninkryk vd hemele" gebruik, en somtyds "koninkryk van God". Die Here se koninkryk is in die hemele, ja (en Hy is huidiglik daar teenwoordig), maar daar is ook geprofeteer dat Hy van die hemel af sal (terug)kom en 'n koninkryk op aarde kom oprig (Dan. 2:44)(Openb. 19:11-21; 16:12-21). Maar hierdie koninkryk verwys natuurlik nie net na 'n fisiese koninkryk wat eendag op aarde sal wees nie, maar is ook "geestelik" van aard in die sin van dat die Here alreeds hier teenwoordig is d.m.v. Sy Heilige Gees (in daardie opsig het die koninkryk al gekom - maw nie met sigbare tekens gekom nie...). Geestelike mense is die kinders van hierdie koninkryk, en sien uit na die fisiese koninkryk op aarde wanneer Jesus terugkom. 

Jesus het ook geleer dat die koninkryk gesien moet word soos 'n verborge skat in 'n saailand, of is soos 'n kosbare pêrel (Matt. 13:44-46) - uit die vgl. wat Hy hier maak kan ons leer dat dit die moeite werd is om alles te "verkoop" ter wille van die Koninkryk. (Mat 13:44-46 - "Verder is die koninkryk van die hemele soos ‘n skat wat verborge is in die saailand, wat ‘n man kry en wegsteek; en uit blydskap daaroor gaan hy en verkoop alles wat hy het, en koop daardie saailand. Verder is die koninkryk van die hemele soos ‘n koopman wat mooi pêrels soek; en toe hy een baie kosbare pêrel kry, gaan hy weg en verkoop alles wat hy het, en koop dit"). So belangrik is dit om (eers) die koninkryk te soek en Sy geregtigheid (en alle ander dinge, bv. wat jy nodig het, sal vir jou bygevoeg word...)(Matt. 6:33). Natuurlik is dit belangrik om te werk en te sorg ens., maar die koninkryk moet voor al hierdie dinge gesoek word!  Dit is bv. belangriker om die Here eers te raadpleeg voor jy iemand anders raadpleeg. Dit is belangrik om eerste te bid wanneer jy siek is, voor jy dokter toe gaan. Dit is belangriker om eerste te bid vir voorsiening, voor jy gaan werk daarvoor... Die Here moet ons bron wees -  kinders vd koninkryk moet besluite neem volgens Sy wil en Sy reëls, moet leer wat Hy geleer het, ens..  Daarom moet ons ag gee op Jesus se leringe, dit wat Hy geleer het oor die koninkryk van God, en verstaan dat hierdie leringe belangriker is as wereldse wysheid of ons eie slotsomme, en belangriker as wat enige iemand anders leer of getuig. Selfs as jy dink die Here praat met jou (bv. deur "woord", 'n engel, droom, visioen ens.), moet daardie woorde klop met wat Jesus geleer het!  As dit nie klop nie, kom dit nie van die Here af nie. Wat Jesus geleer het oor 'n onderwerp is m.a.w. belangriker as wat enige iemand anders daaroor te sê het of daaroor leer.  Ons moet eerste by die Here leer voor ons na ander leermeesters luister. 

Leringe oor die koninkryk (die evangelie vd koninkryk) verander ons uitkyk op die lewe en die manier hoe ons sien en dink. Ons moet seker maak dat ons ons bekeer het tot die manier hoe die Here sien en dink...(Mar 1:15 - "en gesê: Die tyd is vervul en die koninkryk van God het naby gekom; bekeer julle en glo die evangelie").

-----------------------------------------------------------------------------------------------------------------------------

Is jy swak, of is jy sterk?

Die woorde "swak" of "sterk" word somtyds in die Skrif gebruik in konteks met wie dit is wat maklik vir verleiding val, en wie nie... NIE ALLE CHRISTENE staan STERK NIE, alhoewel daar van Christene verwag word om sterk te wees! (2 Tim. 2:1).  Wat beteken dit om sterk te wees in die Here?  En wie word tipies as sterk gesien? Volgens 1 Joh. 2:14 is 'n STERK Christen die een wat die woord van God in hom het en die bose oorwin. Bv., net soos voedsel iemand sterk maak (Hand. 9:19), net so maak geestelike voedsel (die woord / die waarheid) iemand sterk.  In 2 Tim. 2:1 word die "sterke" daar ook beskryf as 

- die een wat die woord in hom het, en 

- meer presies in daardie konteks verwys dit ook na die een wat verdrukking kan verdra ter wille vd waarheid. Hy staan dus sterk in die waarheid en oorwin so die bose... STERK CHRISTENE WORD NIE MAKLIK VERLEI NIE.

Ons kan dit vgl. met die woorde "kragtig in die Here". Om "kragtig te wees in die Here" verwys bv. nie noodwendig na die wat kragdade doen of die met kragtige woordgebruik of status nie, maar verwys eerder na die wat die waarheid soek en vashou aan die geloof - m.a.w., verwys na die wat vasstaan in die Here en in Sy waarheid ten spyte van verleiding en verdrukking (m.a.w., hulle kan verdrukking ly terwille vd waarheid).  Die manier hoe dit in Ef. 6 beskryf word van "hoe" ons kragtig word in die Here, is deur om "die wapenrusting" aan te trek - en die rede wat daar gegee word "hoekom" ons moet kragtig word, is sodat ons kan "staande bly teen die liste vd duiwel" (want swak Christene word maklik verlei). Dus, as ons STERK is gaan ons nie maklik vir versoeking val nie. "Sterkes" verwys dus na mense wat hierdie "wapenrusting" (waarheid, geregtigheid, bereidheid om die evangelie te verkondig, geloof, verlossing, woord van God) aanhet;  dus ook die wat in die gewoonte is om te waak en bid. 

----------------------------------------------------------------------------------------------------------------------------

Swak Christene word o.a. beskryf as die met 'n swak gewete. Volgens 1 Kor. 8 word die man daar (wat beskryf word as "swak") beskryf as die een wat maklik verlei word om vleis te eet wat aan afgode geoffer is (1 Kor. 8:7,10,12). In hierdie konteks verwys "om swak te wees" dus na die wat maklik verlei word, m.a.w. die wat sukkel om sterk te staan teen verleiding - vgl. dit met bg., dan is dit duidelik dat die swakke die een is met 'n tekort aan geestelike voedsel en nie verdrukking kan verdra terwille vd waarheid nie (daarom bv., in hierdie geval, het die persoon toegegee aan verleiding, bv. eet afgodsoffers).  "Swakheid" kan ook beskryf word deur die woorde "die vlees is swak" - 'n goeie vb. is Mar 14:38 waar Jesus van die dissipels verwag het om te waak en bid SODAT hulle (l.w. die woorde...) NIE IN DIE VERSOEKING KOM NIE... - en dan maak Hy die volgende stelling daar: "die gees is wel gewillig, maar die vlees is swak". Die wat nalaat om te waak en bid plaas hulleself in hierdie plek waar hulle "swak" raak, en sukkel dan om staande te bly teen versoeking.

----------------------------------------------------------------------------------------------------------------------------

Daar word vd Christen verwag om STERK te wees, sterk te staan en vas te hou aan die geloof en waarheid, en te heers oor versoeking.

Hierdie "sterkheid" word egter baimaal deur die wat vleeslik dink, gesien as swak (omdat sterkes anders praat en dink as die res vd wêreld).  In 'n ander konteks kan "om swak te wees" dus bv 'n goeie ding wees!, meer presies in die sin van waar dit gaan oor die persepsie vd wêreld of van die wat vleeslik dink, deurdat hulle die wat sterk is as "swak" sien - is dus hier verwysend na 'n sterk Christen (wat die waarheid beskerm en nie val vir verleiding nie) maar deur ander as swak gesien word omdat hy nie soos die res sien en dink nie - 2 Kor. 12:10 : ("...want as ek swak is, is ek sterk")  - 1 Kor. 1:27, 2 Kor. 12:10 ens. (1Co 4:10)(Ons is dwaas ter wille van Christus, maar julle is verstandig in Christus. Ons is swak, maar julle sterk. Julle is in aansien, maar ons in oneer).

-----------------------------------------------------------------------------------------------------------------------------

GEDAGTE:

Om sterk te wees verwys dus na die wat die woord in hulle het en dit beskerm, en dus heers oor versoekinge en nie vir verleiding val nie - bv. (1Jn 2:14 - "Ek het aan julle geskrywe, vaders, omdat julle Hom ken wat van die begin af is. Ek het aan julle geskrywe, jongmanne, omdat julle sterk is en die woord van God in julle bly en julle die Bose oorwin het"). Christene wat "sterk" is word dus tipies gesien as die wat vashou aan die waarheid en in die Here bly en so die bose oorwin ;  dit verwys duidelik NIE na die wat die waarheid verloën en/of vir die leuen val nie!, maar eerder na die wat hulle priestelike plig ernstig opneem (bv. om die waarheid te beskerm, is in die gewoonte om te waak en bid, raadpleeg die Here en soek na Sy wil, en is bereid om te lei ter wille vd waarheid en die Here). 

Swak Christene word maklik verlei en hulle is soos mense sonder wapenrusting. Die rede waarom Christene somtyds in oortreding kom of hulle hoop plaas in valse of verdraaide leerstelings of afvallig word van die geloof, is juis omdat hulle SWAK is. M.a.w., die woord is nie in hulle nie - hulle het 'n tekort aan geestelike voedsel, of gee nie ag op die waarheid nie. Swak Christene word ook gekenmerk as die wat nie bereid is om verdrukking te verdra terwille van die waarheid en die Here nie.  As jou lendene nie met die waarheid omgord is nie (as jy bv. nie die waarheid ken nie), kan jy maklik verlei word om 'n valse of verdraaide leerstelling te glo.  As jy nie die borswapen van geregtigheid aanhet nie, sal jy nalaat om die Here se wil te soek en Hom te raadpleeg, en dit kan tot gevolg hê dat jy jou eie kop volg of jou deur 'n blinde leier laat lei. Op dieselfde wyse kan die wat "kaalvoet" is, as swak gesien word omdat hulle nie bereid is om op te staan vir die evangelie nie (het nie skoene aan van bereidheid om die evangelie te verkondig nie) - hierdie is terloops baiemaal die rede waarom sommige Christene val vir ander geloofspraktyke of die Here verloën. Op dieselfde wyse is die sonder die helm van verlossing, of sonder 'n swaard, swak, want hulle is soos gebondes wie se gedagtes nie beskerm is nie, en hulle het nie die woorde om te veg nie...

Kom ons kyk na 'n paar gevare wat Christene swak maak?

-  hulle glo / plaas hoop in wêreldse wysheid en menslike leringe (bv. die met 'n swak gewete);

-  soek en leer ken nie die waarheid nie, en gee nie ag op die pad van godsaligheid nie (bv, die wat nie geestelike kos en water kry nie en nie geestelik groei nie);

-  plaas hulle hoop in 'n "ander evangelie" (bv. wat luister na die wat hulle in die gehoor streel en hulle hoop plaas in menslike leringe);

-  hou nie vas aan die geloof nie (bv. deur "dorings" wat hulle verstik - genietinge vd lew ens.);

- glo wat hulle wil en laat na om hulle denke te verander na hoe die Here sien (bv. die wat hulle nie bekeer van valse en verdraaide leringe nie);

-  laat na om te waak en bid, of raadpleeg nie die Here nie (bv. die wat nie wortel het en in die Here bly nie).

-----------------------------------------------------------------------------------------------------------------------------

Het die koninkryk al gekom, of moet dit nog kom?

In die "Onse Vader" waarin Jesus vir Sy dissipels geleer het hoe om te bid, is o.a. die woorde "laat U koninkryk kom"... (Luk. 11:2).  Dus, het die koninkryk al gekom? Gaan dit nog kom? As Christus dan reeds gekom het, wat terloops volgens O.T. profesiee gepaard sou gaan met die koms vd koninkryk, hoe verstaan ons dan dat Christene huidiglik nog bid "laat U koninkryk kom" en wag vir die koninkryk om te kom?, en hoekom is die Messias dan nie huidiglik besig om oor die hele aarde te regeer nie?  Ons weet dat die volk van God vir eeue gewag het op hierdie beloofde koninkryk (Mar 15:43; Luk. 23:51) wat gepaard sou gaan met die koms vd Messias en die verlossing, (asook Israel se vertroosting)(Luk. 2:25,38), maar siende die Messias alreeds gekom het moet ons nou die vraag vra of die beloofde koninkryk dan al gekom het, en of dit nog moet kom? 

In die tyd wat Jesus op aarde was was gepreek dat hierdie "koninkryk vd hemele/van God" naby gekom het:

- Mat_3:2  gepreek en gesê: Bekeer julle, want die koninkryk van die hemele het naby gekom.

- Mat_4:17  Van toe af het Jesus begin om te preek en te sê: Bekeer julle, want die koninkryk van die hemele het naby gekom.

- Mat_10:7  En gaan preek en sê: Die koninkryk van die hemele het naby gekom.

- Mar_1:15  en gesê: Die tyd is vervul en die koninkryk van God het naby gekom; bekeer julle en glo die evangelie.

- Luk_10:9  En maak die siekes gesond wat daarin is, en sê vir hulle: Die koninkryk van God het naby julle gekom.

- Luk_10:11  Selfs die stof wat uit julle stad aan ons kleef, vee ons vir julle af; maar tog moet julle dit weet dat die koninkryk van God naby julle gekom het.

Dit moes wonderlik wees om te leef in die tyd waarin hierdie woorde gehoor is siende die volk vir so lank uitgesien het na die koms vd koninkryk. Die feit dat daar gepreek is dat die koninkryk nou naby gekom het het dus veroorsaak dat baie verwag het dat die koninkryk ook in daardie tyd opgerig sou word (Luk. 17:20; 19:11; Hand. 1:6).  Terwyl hulle 'n sigbare koninkryk verwag het waarin die Messias oor die aarde sal regeer vanuit Jerusalem (Ps. 2:6-9; Jes. 24:23), het Jesus ook baie ander dinge oor hierdie koninkryk geleer, o.a. dat dit "nie met sigbare tekens" kom nie! (Luk. 17:20). Dit mag miskien teenstrydig klink, maar heelwat dinge wat oor die komende koninkryk geprofeteer was was sodanig tweeledig van aard en was nie altyd mooi verstaan deur die geleerdes van daardie tyd nie, bv. die koms vd Messias was deur die profete op twee verskillende maniere beskryf nl. (1) deur geboorte (Jes. 7:14; Mig. 5:1,2 / Matt. 1:23), en (2) vd hemel af aarde toe (Jer. 23:5,6; 63:1-5/ Openb. 19:11,21; Jud. 1:14). 

------------------------------------------------------------------------------------------------------------------------------

Baie tekens wat in die O.T. gegee is rakende die koms van hierdie koninkryk, was gekoppel aan die  koms vd Messias - en was o.a. genoem "die koninkryk van Dawid" omdat die Messias / Verlosser gebore sou word uit hierdie geslag (van Dawid)(Mark. 11:10). Hy sou 'n koninkryk oprig wat in der ewigheid nooit sal vergaan nie.

Tipiese TEKENS van die koms vd koninkryk, en dus koms vd Messias, het die volgende ingesluit:

- (1) Die Here sou kom om oor die hele aarde te regeer (Ps. 47; Sag. 14; Dan. 2:44);

- (2) 'n maagd sou swanger word (Jes. 7:14);

- (3) Hy sou soos 'n mens gebore word, uit die stam van Dawid ("seun van Dawid")(2 Sam. 7:12; Jes. 9:5-7);

- (4) Hy sou in Betlehem gebore word (Mig 5:1,2); 

- (5) Hy is Here - die Here sou kom om te heers (Jes. 40; Ps. 47; 110:1);

- (6) Hy sou die Gees op Hom hê (Jes. 11);

- (7) Daar sou een voor Hom uitgaan wat die pad voorberei (Mal. 3:1; 4:6; Jes. 40:3-5);

- (8) Hy sou siekes gesondmaak (Jes. 61:1; Joh. 5:1-0);

- (9) Hy sou preek deur verhale (Ps. 78:2; Matt. 13:34,35);

Ook heelwat ander dinge was geprofeteer oor die Messias, o.a. spesifieke gebeurtenisse bv. 

- (10) die vlug na Egipte (Hos. 11:1; Matt. 2:15), en 

- (11) Sy bediening in Galilea (Jes. 9:1,2; Matt. 4:15,16), en 

- (12) dat Hy sondes sou vergewe, ook dat Hy ter wille van ons oortredinge deurboor sou word (Jes. 53:7; Jes. 52:13).  

En verdere details oor Sy dood het die volgende ingesluit:

- (13) dat Sy dissipels Hom sal verlaat in die oomblik van nood (Ps. 88:8; Mark. 14:50);

- (14) Hy sou gehaat word sonder 'n oorsaak (Ps. 35:19; Joh. 15:25);

- (15) Hy sou deur 'n vriend verloën word (Ps. 41:9);

- (16) Hy sou deur Sy eie mense (die Joodse volk) verwerp word (Jes. 53:3; Joh. 1:11);

- (17) Sy klere sou verdeel word en lot daaroor gewerp word (Ps. 22:19; Matt. 27:35);

- (18) Hy sou saam met kriminele veroordeel word (Jes. 53:12; Luk. 22:37); 

- (18) Sy liggaam sou deurboor word sonder dat enige van Sy bene gebreek word (Ps. 34:20; Sag. 12:10; Joh. 19:36,37); 

- (19) Hy sou begrawe word in 'n ryk man se graf (Jes. 53:9; Matt. 27:57-60).

Maar hierdie was nie al nie! - selfs oor Sy opstanding was geprofeteer, asook dat Hy aan die regterhand van Vader sal gaan sit...:

- (20) Hy sou op die 3de dag opstaan uit die dood (Hos. 6:2; Luk. 24:46);

- (21) Hy sou aan die regterhand vd Vader sit tot al die vyande 'n voetbank (Ps. 110:1);

- (22) Hy sou die Heilige Gees uitstort (Joe 2:28,29).

Hierdie sou gepaardgaan met die koms vd beloofde koninkryk, en:

- (11) Hy sal die God vd hele aarde genoem word (Jes. 54:5); en

- (12) sal as Koning regeer (meer presies, "vanuit Jerusalem")(en die land herstel en volk versamel)(Jer. 23:5,6; Amos 9:11; Jes. 40:10).

In Jesus Christus was al hierdie profesieë vervul maar duidelik kon al hierdie dinge nie op dieselfde tyd gebeur nie, want duidelik is sekere gebeurtenisse tweeledig van aard (bv. die koms vd Messias:- Jesus Christus het alreeds gekom maar ons wag ook nou op Sy wederkoms...).  Wat die KOMS VD KONINKRYK aanbetref moet dit ook nie gesien word as 'n eenmalige gebeurtenis met sigbare tekens nie, maar duidelik in twee dele net soos die koms van die Messias in twee dele geskied. Deels sou die koninkryk nie kom met sigbare tekens nie, maar deels sal dit ook baie sigbaar wees wanneer Jesus Christus terugkom. 

------------------------------------------------------------------------------------------------------------------------------

Die Skrif leer bv. ook dat wanneer Hy terugkom Hy koning sal wees oor die hele aarde en vanuit Jerusalem regeer (Ps. 47; Sag. 14; Dan. 2:44), maar duidelik het hierdie nog nie gebeur nie. Christus is nie huidiglik fisies teenwoordig op die aarde nie (alhoewel Hy tog teenwoordig is deur Sy Heilige Gees), en duidelik is Hy nie huidiglik besig om in fisiese lywe oor die aarde vanuit Jerusalem te regeer nie. Dus het nog nie alles oor die KOMS VD KONINKRYK in vervulling gegaan nie. Sommige gebruik hierdie inligting om te probeer bewys dat Hy nie die Messias is waarop daar gewag was nie, maar duidelik onderskei diesulkes nie die skrifte nie.  Daar was bv. ook geprofeteer dat die Messias sou sterwe en opstaan uit die dood;  en opvaar hemel toe om aan die regterhand van God te gaan sit! Hoe is dit dan dat hulle hierdie profesiee ignoreer? 

Die koninkryk het dus wel gekom, ja, maar die Messias se "sigbare" fisiese regering op aarde sal eers in aanvang neem wanneer Hy terugkom (in daardie opsig moet die koninkryk nog kom...); en dan sal Hy ook die land herstel en die volk versamel (alhoewel ons moet verstaan dat daar ook oor ander versamelings vd volk geprofeteer was, en moet dit nie verwar met hierdie spesifieke versameling nie).   

------------------------------------------------------------------------------------------------------------------------------

GEDAGTE: 

Christene is uitgesproke daaroor dat hulle alreeds deel is van hierdie koninkryk van God (dat Sy koninkryk reeds gekom het), tog wag hulle op die wederkoms van Jesus Christus wanneer Hy Sy koninkryk gaan oprig - hierdie tema kan somtyds moeilik wees om te verstaan deur die wat nie die skrifte onderskei nie.  Ons moet dus onderskei tussen die verskillende tye vd Messias (en Sy koninkryk) se koms soos deur die profete geprofeteer is. Jesus se stelling dat die koninkryk "nie met sigbare tekens kom" nie (Luk 17:20) was nie verkeerd nie maar het verwys na die tyd van Sy eerste koms, en word somtyds beskryf as 'n "geestelike koninkryk" (en Hy is hier teenwoordig d.m.v. Sy Gees, m.a.w. deur die Heilige Gees binne-in gelowiges). Dus selfs die uitstorting van die Heilige Gees is tweeledig van aard, want alhoewel Hy nou al Sy Gees gee aan die wat in Hom glo sal daar ook 'n uitstorting wees wanneer Hy terugkom (Joe 2 :28-32). Bv., alhoewel die term "laaste dae" (waarin die Heilige Gees uitgestort sou word) verwys na die dae net voor Jesus Christus terugkom, kan die laaste 2000 jaar ook gesien word soos "die laaste dae" (Hebr. 1:1; 2 Tim. 3:1; Jak. 5:3; Hand. 2:17).  

Duidelik sal Sy wederkoms (en dus die koms vd koninkryk dan "aan die einde van dae") baie sigbaar wees! (soos ook deur die profete geprofeteer).  Jesus het selfs ook tekens gegee van hoe om te weet wanneer Sy wederkoms en komende koninkryk naby is (Luk. 21:31). Niemand weet egter die dag en uur wanneer Hy terugkom nie, maar ons sal weet wanneer die "tyd naby" is.  Ook sommige profete het vir ons 'n idee gegee van dinge wat gaan gebeur voor Hy terugkom, o.a. was daar geprofeteer hoe die diere, visse en voëls sal wegkwyn...  Baie ander tekens wat gegee is is ook alreeds besig om te gebeur. 

- (1) Die koninkryk van God het dus al gekom (geestelik van aard - "nie met sigbare tekens") omdat die Messias al gekom het, en Hy is hier teenwoordig d.m.v. Sy Gees (die Heilige Gees uitgestort en die Here is Koning vd gelowige se lewe); 

- (2) maar ons verwag ook die koninkryk met die wederkoms, waarin Jesus Christus Sy (fisiese - duidelik sigbare) koninkryk sal oprig, Hyself hier teenwoordig sal wees en oor die hele aarde regeer... (die Here dan Koning oor die hele aarde).

------------------------------------------------------------------------------------------------------------------------------

https://warechristenedagstukkies.blogspot.com/2018/07/die-christen-die-politikus.html

Die kenmerke van 'n verleier

Die duiwel is die groot verleier /  bedrieër (Openb. 12:9,10; 2 Kor. 2:10; 11:3; Gen. 3:13), en hy word nie verniet "duiwel" genoem nie want die woord "duiwel" beteken,  

- "vals aanklaer" (kla iemand vals aan - is 'n kwaadspreker), en 

- "lasteraar" (hy weet wat is die waarheid maar verander die waarheid in 'n leuen - klik hier vir 'n studie oor die woord "laster"). 

Toe die duiwel vir Eva verlei het, was sy doel om haar gekant te maak teen God sodat sy hom eerder gehoorsaam as vir God - die manier hoe hy dit gedoen het, was om vir God soos 'n leuenaar voor te stel (Gen. 3:3,4). In daardie opsig het hy kwaadgespreek van God en gelaster deur die waarheid te verander in 'n leuen.

-----------------------------------------------------------------------------------------------------------------------------Valse profete en valse leraars val ook in hierdie klas want hulle neem die rol op van verleiers omdat hulle laster en kwaadspreek vd wat die waarheid verkondig, en mense op hierdie maniere verlei om eerder in hulle te glo as in die Here (en Sy waarheid). Jesus het geleer dat die manier om diesulkes uit te ken, is deur na hulle vrug te kyk (Matt. 7:16). Valse profete gee bv. voor dat hulle vd Here hoor maar praat eintlik uit hulleself (hulle is bedrieërs)(Matt. 24:11.14). Hulle vrug sal uiteindelik getuig dat dit wat hulle geprofeteer het nie die waarheid is nie. Dieselfde met valse leraars - hulle gee voor dat hulle die waarheid bring maar bring eintlik 'n ander evangelie, valse lering of 'n verdraaide waarheid ('n lering uit hulleself). Hulle vrug getuig dat hulle iets anders preek as wat die Woord leer, of wat Jesus Christus en Sy dissipels geleer het (hulle LASTER teen die waarheid). Hulle is ook maklik om uit te ken want hulle kom gewoonlik in opstand teen die persoon wat die waarheid verkondig (is KWAADPREKERS).  Hulle vrug getuig van wat hulle stand presies is t.o.v. die geloof en die waarheid, en hulle doel is om ander tot diensbaarheid aan hulle te dwing (Gal. 2:4). 

As hulle mense het wat agter hulle staan kan hulle op hierdie manier die opregte stil maak en verhoed dat die waarheid verkondig word - ons sien dit baiemaal in die kerk gebeur. Hulle kan veroorsaak dat gelowiges afvallig word vd waarheid en hulle sodoende stuit om goeie vrug te dra. Daar is 'n hele paar voorbeelde in die Skrif van diesulkes, bv. valse broeders wat in die pad gestaan het van geestelike werk... (Gal. 2:4).  Hulle is baiemaal ook die rede waarom opregtes vervolg word (2 Kor. 11:26). Die gesindheid van verleiers is dus om mense te beweeg om liewer in hulle te glo (as in die waarheid) en om hulle te volg (as om die Here te volg). Somtyds trap LEIERS in hierdie strik! en verander in bedrieërs wat mense lei om eerder vir hulle te volg i.p.v. die Here, en praat dan kwaad van die wat nie met hulle saamstem nie, of praat teen die waarheid wat die opregte verkondig.  

In 2 Tim. 3:3 word kwaadsprekers voorgestel as die wat "liefhebbers is van hulleself" (hulle glo in hulle eie sieninge en woorde, en versamel vir hulle leermeesters wat hulle in die gehoor streel - hulle het nie die Here lief, en Sy woorde lief nie, maar het hulle eie wil lief).  Hulle word ook verder beskryf as die wat "die gedaante het van godsaligheid, maar die krag daarvan verloën het" (2 Tim. 3:5). Hulle kom voor as broeders maar verhard hulle teen die waarheid en is ongehoorsaam aan die Here. Ons moet versigtig wees vir hierdie soort "Christen";  inteendeel, Paulus beveel dat ons ons selfs moet afkeer van sulke mense (2 Tim. 3:5).  Hulle is soos suurdeeg en maak die hele deeg suur.  Hulle praat kwaad van die wat die waarheid verkondig, en probeer so keer dat mense na die waarheid luister.

-----------------------------------------------------------------------------------------------------------------------------

GEDAGTE:

Twee groepe mense staan veral uit as "verleiers of bedrieërs", nl. kwaadsprekers (vals aanklaers) en lasteraars (die wat die leuen of 'n verdraaide waarheid verkondig). Die wat vals is kan gewoonlik uitgeken word deur hulle lastering en kwaadspraak. Kwaadspreek en lastering is goeie voorbeelde van hoe die vrug lyk van VERLEIERS - ons moet altyd versigtig wees vir die wat iets anders preek as wat Jesus en Sy dissipels gepreek het... Wanneer iemand kwaadpraat van die wat die waarheid verkondig (m.a.w. kwaadspreek), of hulle die waarheid verdraai (m.a.w. laster), is dit baie moontlik dat daardie persoon 'n BEDRIEëR of 'n VERLEIER is. 

- (1)  KWAADSPREKERS: Kwaadsprekers word gesien soos bedrieers of verleiers omdat hulle ander valslik aankla - hulle vertel leuens oor hulle en probeer ander mense teen hulle draai - hulle VERLEI mense om verkeerd te dink oor daardie persoon.  Ons verstaan nie altyd wat met "kwaadspraak" bedoel word nie want baiemaal word die wat werklik kwaadsprekers is eerder gunstig ontvang en voorgestel as "sosiaal", of ontvang omdat die woord wat hulle bring 'n woord is wat in die gehoor streel eerder as die waarheid wat die ander persoon verkondig;   terwyl die wat met reg die waarheid bring of 'n waarheid aan die lig bring baiemaal verkeerdelik gesien word as kwaadsprekers of opstandiges... 

Dit word natuurlik nie gesien as kwaadspreek wanneer jy ander waarsku teen 'n valse leraar of 'n valse profeet nie! (en is eerder belangrik om aan die lig gebring te word)(Matt. 16:6; 7:15; Mark. 8:15; 2 Pet. 2:1; 2 Tim. 2:16,17), maar dan moet jy natuurlik seker wees dat jy nie daardie persoon valslik beskuldig nie;  want as jou teologie verkeerd is of jy nog onkundg is en uit jou onkunde verkeerd oordeel, kan jy miskien self gesien word soos 'n lasteraar (alhoewel "lasteraars" eerder verwys na wetendes, nie onwetendes nie). Baiemaal val onkundiges in hierdie strik en word so "kwaadsprekers" - dit is dus belangrik dat ons nie in 'n gewoonte verval waar ons oor ander mense praat nie.  Ons moet liewer nie omgaan met mense wat kwaadsprekers is nie en self ook nie daaraan deelneem nie (1 Kor. 5:11; 2 Tim. 3:3-5; Eks. 23:1; Tit 2:3), want as jy dit doen kan jyself gesien word as 'n kwaadspreker. Kwaadsprekers is tipies "hoog van oë en trots van hart" - hulle dink hulle is beter of weet beter as ander mense en tree gewoonlik so op omdat hulle iemand haat (Ps. 101:5; Spr. 10:18). Hierdie tema van kwaadspreek is so 'n ernstige onderwerp dat  "kwaadsprekers" in die Skrif getel word onder die ONREGVERDIGES, en hulle word selfs gereken as deel van diesulkes wat NIE eendag die koninkryk sal beerwe nie... (1 Kor. 6:10)  - en l.w. dat hierdie geskryf was tot waarskuwing aan Christene!  Christene wat hulle besig hou met kwaadspreek en dink dat hulle steeds in die Koninkryk sal ingaan al bekeer hulle hul nie van hierdie sonde nie. word getel onder die "onregverdiges" en is besig om te dwaal (is besig om hulleself te mislei en "sien en dink" verkeerd)(1 Kor. 6:10). Jesus het gedurig Sy dissipels gewaarsku teen hierdie soort "gelowiges" (Matt. 16:6; Luk. 12:1).  Hy het sommige o.a. genoem "geveinsdes", want hulle was soos akteurs - hulle het die rol gespeel van gelowiges maar was nie regtig gelowig nie. 

- (2) LASTERAARS:  LASTERAARS kan ook gesien word as bedrieers en verleiers omdat hulle, alhoewel hulle goed weet wat is die waarheid, in opstand kom teen die waarheid wat verkondig word (en op hierdie manier mense lei om in die leuen te glo). Laster is 'n sonde wat bloedskuld veroorsaak (Lev. 24:15,16). "Lasteraars" verwys nie na onwetendes nie maar na WETENDES - hulle is bv. wetend van wat die waarheid is maar verdraai dit. Onwetendes kan egter nie maklik val onder hierdie groep nie, maar wanneer iemand steeds bly laster selfs nadat hy wetend geword het sal hy beslis onder hierdie groep gekategoriseer word.  Paulus was eens 'n lasteraar (en het selfs ander gedwing om ook te laster - Hand. 26:11), maar hy het dit onwetend gedoen en daarom is daar aan hom barmhartigheid bewys (1Ti 1:13). Baiemaal trap gelowiges in hierdie strik waar hulle onwetend is maar dink hulle weet iets en laster dan teen die waarheid - dit gebeur baiemaal met die wat nog kinders is op die pad van godsaligheid, en nog nie die nodige kennis het nie. Daarom moet jong Christene geleer word om liewer stil te bly en nie teen ander gelowiges te praat nie. Sou 'n gelowige wat onwetend laster, egter wetend word vd waarheid maar steeds laster, dan kan hy nie staatmaak op die barmhartigheid nie..., maar sal dan gesien word as lasteraars (en 'n valse). Christene wat wetend is of word vd waarheid maar steeds laster deur in opstand te kom teen die waarheid is op 'n gevaarlike pad, en kan nie verwag dat hulle onvoorwaardelik vergewe sal word nie, want in so 'n geval is hulle besig met sonde tot die dood. Wanneer iemand wetend word moet hy hom daarvan bekeer.  In Kol 3:8 word Christene wat laster beveel om dit af te lê. Nog 'n vb. in die Skrif van gelowiges wat loop en laster het is Himenéüs en Alexander, wat moes getugtig word sodat hulle kon leer om nie te laster (die waarheid te verdraai - 2 Tim. 4:14,15) nie. Wanneer iemand hom bekeer van lastering kan hy vergewe word, ja, maar hou in gedagte dat lastering teen die Heilige Gees nie vergewe kan word nie - nie in hierdie eeu nie, en ook nie in die volgende eeu nie... (Matt. 12:31,32).

____________________________________________________________________________________

Poste op die WareChristene blog

 Poste op die Ware Christene blog:

(die WareChristene blog is 'n bybelstudie blog met langdradige opsommings om soveel moontlik skrifte en vrae in konteks te behandel.  Die DAGSTUKKIES op hierdie blog is soos KORT OPSOMMINGS van die BYBELSTUDIES op die WareChristene blog. Sommige onderwerpe wat daar behandel is is nie in dagstukkies omskep nie).

Hieronder is 'n lys van huidige onderwerpe op die Bybelstudie blog (klik op die woord om jou na die link te neem): 

 Die geestelike mens as baba / kind

 Die liggaam (2) 

 Verlei / mislei

 Die siel vd mens (1)

 Wie sal eendag erf / regeer ?

 Vir ewig op aarde bly?, of in hemel?

 Begrip saligheid (hoekom)

 Begrip saligheid (oorsig)

-Bybelstudie stensil

-Algemene vrae oor saligheid (Inleiding)(1)

-Honger, dors, vreemdeling, naak, siek, opgesluit (6)

-Hart verhard

-Die nuwe mens (deel 1-die weergeborene)

-Aanneming tot Kinders

-Honger, dors, vreemdeling, naak, siek, opgesluit (5) - Bekleding

-Met Christus beklee

-Asem van die innerlike mens

 Die geeste van alle vlees

 Die liggaam

-Die Here ons Bron

 In die gees (-wees)

-Dooies, Begrafnis, Rou

-Bloed

-Lewende wese, Lewende siel, Menslike natuur, goddelike natuur, Liggaam as slaaf

-Uiterlike mens / Innerlike mens

 Vlees en Been / Vlees of Liggaam en Bloed / Een Vlees

-Natuurlike mens / Geestelike mens

 Water vir lewe

 Dorings en distels / Braak vir julle 'n braakland

-Engel/e

-Jes. 14 en Eseg. 28

 Honger, dors, vreemdeling, naak, siek, opgesluit (3)

 Eden / Tuin van Eden

 Trou, Skei, Hertrou (6)

 Trou, Skei, Hertrou (5)

 Beeldspraak ster, skyn/Morester/kinders vd dag

-Verheerlikte, geestelike, onverganklike liggaam

 Begeer

-Honger, Dors, Vreemdeling, Naak, Siek en Opgesluit (2)

 Honger, Dors, Vreemdeling, Naak, Siek en Opgesluit

-Ongeloof

-Ryk in God

-Onteer

-Die sabbat

-Gesigte en Drome

-Betekenis van "regterhand"

 Wie is nie onder die wet nie?

-"Slaap", en geestelike betekenis van slaap

-Siener (raadpleeg)

-Hoereer, hoerery, hoereerders

-Die besnydenis (1)

-Heilig, onheilig, ontheilig (opsomming)

-Gemeenskap, vleeslike gemeenskap, naaktheid

-Christus, die hoof van elke man

-Die man, die hoof van die vrou

-Geheime, verborge skatte, verborgenhede, in hart bewaar
 Onreine geeste

-Rein/Onrein/Verontoreinig/Reinig (Opsomming)

-Verontreinig/Ontheilig

 Rein (skrifgedeeltes en betekenis)

 In Sy rus ingaan

 Die Gees van God (4)

-Jesaja 19

-Esegiel 36

-Sagaria 12 en 13

-Sagaria 14

-Heilig (2)

 Heilig (1)

-Esegiel 37 - 39

-Beeldspraak "hake in kakebene

-Verdere aantekeninge oor die Nuwe Jerusalem

 Die Skepping (7)

-Die Skepping (6)

 Die Skepping (5)

 Die Skepping (4)

-Die Skepping (3)

 Die Skepping (2)

-Die Skepping (1)

-Christelike groei

-Nuwe wyn in nuwe sakke

 Om te vas

-Waarna verwys die woord "maagd"

-Die 12 stamme van Israel (1)

-Die 12 stamme van israel (2)

 Die 12 stamme van Israel (3)

 Jerusalem

 Hierdie eeu / volgende eeu

 Eersgeborenes / eerstelinge

 Koninklike geslag

-Opsomming boek "Sefanja"

 Opsomming boek "Joel"

 Die Gees van God (3)

-Die Gees van God (2)

-Trou, skei en hertrou (4)

-Trou, skei en hertrou (3)

 Trou, skei en hertrou (2)

 Trou, skei en hertrou (1)

-Soos ons ook ander vergewe (3)

 Die Gees van God (1)- Wat is die waarheid (3)

-Wees niemand iets verskuldig nie

 Slang/e

-Soos ons ook ander vergewe (2)

-Soos ons ook ander vergewe (1)

 Die oordeel / ewige oordeel (3)

 Die oordeel / ewige oordeel (2)

 Die oordeel / ewige oordeel

 Wat is die waarheid (2)- Wat is die waarheid

-Die onvergeeflike sonde

 Onwetende sonde

-Wat julle op die aarde bind

-Leen / uitleen

-JESUS HET MAG OM SONDES TE VERGEWE (naslaan)

-BOOM VAN DIE LEWE

-WIE IS GOD DIE VADER (geneem uit Openbaring)(naslaan)

-WAT HET JESUS VIR ONS GELEER OOR GEBED?

-HOE HET DIE EERSTE GEMEENTES GEBID?

- Regverdigmaking, geregverdig, regverdig

- Ek wil barmhartigheid he, nie offerande nie

- Barmhartigheid

- Sweer hoegenaamd nie

- Bloedskuld (1)

- Bloedskuld (2)

- Bloedskuld (3)

- Bloedskuld (4)

- Bloedskuld (5)

- Doen reg aan my teenoor my teeparty

- Weer gebore / Wedergeboorte

- Wat is "sonde tot die dood"?

- Wet en profete / Evangelie vd koninkryk

- Die wet en die profete (2)

- Wat beteken "uit genade gered"

- Uit genade gered (2)

- Uit genade gered (3)

- Uit genade gered - opsomming

- Vloeke - kort opsomming

- VELDDUIWELS

-REGVERDIGMAKING/

 GEREGVERDIG/REGVERDIG

-UNICORN?

-DRAKE, SLANGE BEELDSPRAAK...

-MAG DIE CHRISTEN DEELNEEM AAN OOSTERSE MEDITASIE OF JOGA   DOEN?

-OLYFBERG

-WAT BETEKEN DIT OM TOT BEKERING TE KOM?

-HANDOPLEGGING

-DIE OPSTANDING (EN WEGRAPING)

-DIE CHRISTELIKE DOOP

-VERSOEKING 3 (JY MAG DIE HERE JOU GOD NIE VERSOEK NIE)

-WEERSTAAN DIE DUIWEL 2

-MOENIE OORDEEL/VEROORDEEL NIE 6 (opsomming)

-MOENIE OORDEEL/VEROORDEEL NIE 5

-MOENIE OORDEEL/VEROORDEEL NIE 4

-MOENIE OORDEEL/VEROORDEEL NIE 3

-MOENIE OORDEEL/VEROORDEEL NIE 2

-MOENIE OORDEEL/VEROORDEEL NIE 1

-VERSOEKING 2

-VERSOEKING/BEPROEWING

-GOEIE VRUG/GOEIE WERKE

-WAT BEINVLOED DIE VRUG VD GELOWIGE?

-DIE VRUG VD GELOWIGE

-GEESTELIKE GROEI

-EERS MOET DIE AFVAL KOM

 ONS GEMAAK KONINGS EN PRIETERS

-LET OP WAT JULLE HOOR 2

-LET OP WAT JULLE HOOR

-IEMAND SE WERK VERBRAND WORD

-DIE WAT BUITE IS, WORD DEUR GOD GEOORDEEL 2:

-WAT BETEKEN DIT DAT DAAR KRAG IS IN DIE NAAM VAN DIE HERE?

-JULLE SAL KRAG ONTVANG... HOEKOM?

-IS JY REGTIG VRY VAN AFGODSDIENS?

-AAN HOM WAT OORWIN

-JULLE IS MEER WERD AS BAIE MOSSIES

-WAT JY SAAI SAL JY MAAI

-BEKERING EN WEDERGEBOORTE

-EENMAAL 'N KIND VAN GOD, ALTYD 'N KIND VAN GOD??

-VERVOLGING EN VERDRUKKING

-DIE WAT BUITE IS WORD DEUR GOD GEOORDEEL 1

-WEERSTAAN DIE DUIWEL

-GAWES EN BEDIENINGE, AANGELEER OF ONTVANG?

-CHRISTEN PERSEPSIE VAN GOEDDOEN

-ONDERHOU ALLES WAT HY BEVEEL HET

-HY SIT KONINGS AF EN STEL KONINGS AAN

-NOEM ANDER JOU OOK 'N CHRISTEN?

-GEE AAN HOM WAT JOU IETS VRA

-BEDROEF NIE DIE HEILIGE GEES VAN GOD NIE

-DIE EVANGELIE

-EVANGELIE VERKONDIGING

-DIE KONINKRYK VAN GOD

-DIE NUWE HEMEL EN AARDE/die HERE SAL KOM IN VUUR

-WANNEER IS DIE EINDE VAN DIE WERELD

-SONDE KAN NOOIT VERVULDE WETTE RAAK NIE

-JOOD SOWEL HEIDEN HET HULLE MESSIAS GEKRUISIG

-OM HOM TE KEN

-HET DIE JODE VERSTAAN DAT DIE MESSIAS OOK HERE SOU WEES?

-JESUS IS DIE CHRISTUS

-OM DIE WIL VD HERE TE DOEN, BETEKEN NIE DAT DIE PAD GELYK GAAN WEES NIE

-CHRISTENE IN DIE PAD VAN ANDER CHRISTENE

-WAT HET LOGIKA DAARMEE TE DOEN?

-GEDAGTES

-WIE'S NOU EINTLIK DEUR DIE GEES GELEI?

-MEER GELOOF

-WIE IS DIE BRUID VAN CHRISTUS? / WIE IS DIE VROU VAN DIE LAM?

-DIE GROOT VERDRUKKING

-TOT DIE SONDE VOL IS

-DOEL VAN DIE WEGRAPING

-IS JY 'N GESEENDE?

-WAT BETEKEN DIT OM KRAGTIG TE WEES IN DIE HERE?

-IS DAAR REGTIG IETS SOOS VLOEKE?

-GOD WEET WAT JY DINK

-WIE IS IN BEHEER?

-ONDERWERP JULLE DAN AAN GOD

-HOE STAP CHRISTEN IN GEESTELIKE GAWES?

-WIE OORWIN, SAL BEKLEE WORD MET WIT KLERE

-HOE DIE CHRISTEN "MEDITEER"

-AS JY DINK JY DOEN GOED

-GROOT EN KLEIN SONDE

-SOU JY PAULUS NOG RESPEK BETOON?

-OEFEN JOU IN DIE GODSALIGHEID