Wat is liefde?

Ons sien LIEFDE somtyds as iets wat bepaal hoe ons menseverhoudinge moet opsom... (bv., asof dit die bepalende faktor is van iets wat moet wees of nie moet wees nie, of ons optrede en emosies beheer).  Die waarheid is egter dat LIEFDE liewer iets is wat van almal van ons verwag word, teenoor alle mense! (selfs vir die wat vir ons haat/Luk. 6:27).  Die begrip "liefde" verwys bv. nie net na 'n gevoel nie, maar gaan veral oor hoe jy optree...  (Spr. 3:3 "Laat liefde (Hebr. woord kheh'-sed, wat verwys na guns, omgee, vriendelik, barmhartig) en trou jou nie verlaat nie; bind dit om jou hals, skryf dit op die tafel van jou hart"). Liefde word somtyds beskryf deur begeerte (bv. "om van begeerte te brand"/1 Kor. 7:9;  of die wêreld liefhê..,nl. die begeerlikheid van die vlees of vd oë.../1 Joh. 2:15-17), maar hierdie soort begeertes is dinge wat verbygaan en gaan oor eie wil, terwyl die liefde soos in 1 Kor. 13 beskryf, gaan oor die Here se wil. Liefde volgens eie wil vergaan;  maar liefde volgens die Here se wil bly vir ewig (dit dra vrug tot lewe). Mense wat nie "die liefde van God" het nie is bv. nie bly oor die waarheid nie, maar bly oor die ongeregtigheid... (Joh. 5:42; 1 Kor. 13:6), want hoeveel liefde jy het of nie, wys wat in jou hart aangaan.  Bv., waar lankmoedigheid ontbreek, wys dit dat iemand nie liefde het nie. Waar iemand onvriendelik is, wys dit dat hy nie liefde het nie. 1 Kor. 13:4-6 leer vir ons die volgende oor "wat liefde is".

LIEFDE IS:

- lankmoedig,

- vriendelik,

- nie jaloers nie, 

- praat nie groot nie, 

- is nie opgeblase nie,

- handel nie onwelvoeglik nie,

- soek nie sy eie belang nie,

- word nie verbitterd nie,

- reken die kwaad nie toe nie,

- is nie bly oor die ongeregtigheid nie (maar is bly saam met die waarheid).

Is jy kortaf?  Is jy opgeblase?  Is jy verbitterd?..... Dit is nie liefde nie, en ten spyte van wat die ander persoon aan jou doen, daar word steeds van jou verwag om lief te hê. Sommige huwelikspaartjies skei bv. bloot omdat hulle sg. "nie meer lief is vir mekaar nie", asof liefde (of die tekort aan liefde) iets is waaroor jy geen beheer het nie (?). As jy dink dat liefde bloot gaan oor begeerte vd vlees of oë, dan sal jy hierdie fout maak, ja, want sulke begeertes gaan tot niet (maar liefde volgens die wil van God, soos in 1 Kor. 13 beskryf, is vir ewig). Jesus het geleer dat ons selfs ons vyande moet liefhê! (en goed doen aan die wat vir ons haat)(Luk. 6:27), want LIEFDE is iets wat Hy van ons verwag.  'n Tekort aan liefde moenie gebruik word as 'n rede om sis of so op te tree nie, maar eerder is dit iets waaraan jy self moet werk. Die Here verwag van ons om barmhartig te wees (Matt. 25), Hy verwag van ons om vir ander om te gee, om vriendelik te wees, ens. Spr. 10:12 leer dat LIEFDE alle oortredinge bedek, en natuurlik beteken die feit dat daar liefde verwag word nie dat jou hater geen berisping nodig het nie (om iemand te vermaan sodat hy hom kan bekeer van sy verkeerde weg, is bv. ook liefde; maar as jy gelei voel om hom/haar te vermaan, maak eers seker dat jy self liefde het! - haal eers die balk uit jou eie oog ). Elke persoon sal self verantwoording doen voor die Here vir wat hulle doen en spreek. As jy nie liefde (vir iemand of vir God) het nie, is jy besig om in jou hart te oortree. 

----------------------------------------------------------------------------------------------------------------------------  Liefde word van ons verwag, maak nie saak wie die ander persoon is of wat hy aan jou gedoen het nie. Wanneer liefde kortkom of  iemand "uit liefde val", dan mag die ander persoon se optrede miskien bygedra het tot hoekom jy nie meer liefhet het nie;  tog, 'n tekort aan liefde aan jou kant is jou probleem (en iets waaraan jy steeds moet werk).  In sekere gevalle is dit beter vir mense om uit te stap uit 'n omstandigheid waar hulle onderwerp is aan 'n onbarmhartige persoon, maar dit beteken nie dat liefde nie meer van jou verwag word nie (ons moet dus verstaan wat liefde beteken!).  Ons is somtyds geneig om te dink dat dit ons in sekere gevalle geoorloof is om bv. kortaf te wees, onvriendelik, opgeblase, verbitterd,... watookal, maar ten spyte van hoe die ander persoon optree, daar word steeds van jou verwag om lief te hê... (en word natuurlik van die ander persoon ook verwag, maar bid daaroor en los dit vir die Here).

Of jy liefde het of nie, moet nie bepaal word deur wat ander mense doen nie..., want liefde word in elk geval van jou verwag; bv., daar word van jou verwag om nie verbitterd te word nie, verwag om nie die kwaad toe reken nie (verwag om te seën al vloek hulle jou!). Dit is wat Jesus Christus van Sy kinders verwag, is dat hulle mekaar moet liefhet soos Hy ons liefgehad het (Joh 15:12,13 "Dit is my gebod, dat julle mekaar moet liefhê net soos Ek julle liefgehad het.  Groter liefde het niemand as dit nie, dat iemand sy lewe vir sy vriende gee"). Ons het beslis nie Sy liefde verdien nie...

-----------------------------------------------------------------------------------------------------------------------------

GEDAGTE:

DIE LIEFDE  bedek alles, glo alles, hoop alles, verdra alles... (1 Kor. 13:7).

(Rom 12:9-21 "Laat die liefde ongeveins (opreg) wees; verafsku wat sleg is; hang die goeie aan; wees hartlik teenoor mekaar met broederlike liefde; die een moet die ander voorgaan in eerbetoning; wees nie traag in die ywer nie; wees vurig van gees; dien die Here; verbly julle in die hoop; wees geduldig in die verdrukking; volhard in die gebed. Maak voorsiening in die behoeftes van die heiliges; streef na gasvryheid; seën die wat julle vervolg, seën en moenie vervloek nie; wees bly met die wat bly is, en ween met die wat ween; wees eensgesind onder mekaar; moenie na hoë dinge streef nie, maar voeg julle by die nederige; moenie eiewys wees nie; vergeld niemand kwaad vir kwaad nie; bedink wat goed is voor alle mense; as dit moontlik is, sover as dit van julle afhang, leef in vrede met alle mense. Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here. As jou vyand dan honger het, gee hom iets om te eet; as hy dors het, gee hom iets om te drink, want sodoende sal jy op sy hoof vurige kole ophoop. Laat jou nie deur die kwaad oorwin nie, maar oorwin die kwaad deur die goeie").

------------------------------------------------------------------------------------------------------------------------------

"Wysheid van bo" is nodig om die Here se wil uit te voer

Die WYSHEID VAN BO (Jak. 3:15,17) is anders as "wêreldse wysheid" (1 Kor. 3:19) of "vleeslike wysheid" (2 Kor. 1:12). Om te verstaan wat presies met die woorde "wysheid van bo" bedoel word, met ons natuurlik ten eerste verstaan wat WYSHEID is. Wysheid is bv. nie presies dieselfde as "kennis" nie, alhoewel kennis iemand wys maak... (dus, om wysheid te hê, moet jy kennis bekom, en die woorde wat veral hiervoor gebruik word, is "kennis van die Here").  Die kennis van die Here maak iemand wys.  "Wysheid van bo" word dus baiemaal beskryf as "die kennis van die Here". 

Nie alles KENNIS kom van die Here nie; dus, nie alle wysheid kom van bo nie! 

-----------------------------------------------------------------------------------------------------------------------------Waarna verwys "WYSHEID"?

Kom ons kyk na spesifieke voorbeelde in die Skrif van mense wat wysheid gehad het, en waarna "wysheid" in daardie skrifte verwys het:

- Die wat kunstige planne moes uitdink (bv. die persone wat die priesters se klere moes maak-Eks. 28:3; kyk ook Besáleël en Ohóliab - hulle het die snywerk in stene en houtsneewerk gedoen, asook die artikels van goud, silwer en koper vir die tabernakel gemaak...-Eks. 31:3-6), 

-Die wat goed was in woorde (bv. Salomo-1 Kon. 4:32/hy was bekend vir sy wysheidspreuke en liedjies), en  

-Die wie die insig gehad het om 'n goeie oordeel uit te spreek (bv. Salomo-Kon. 3:28; 10:9). Wysheid het o.a. tot gevolg dat reg en geregtigheid kon geskied. (1 Kon. 10:9; 3:28; Ps. 37:30).  Hierdie is die groot rede waarom Salomo wysheid (en kennis) vd Here wou verkry!, is sodat hy die volk kon lei... (geestelike leiers het wysheid van bo nodig). Wysheid is soos 'n rigtingaanwyser (Spr. 1:20-23). 

- In 2 Sam. 14:20 verwys die woord wysheid na iemand wat uitgeslape en subtiel is, en dit word in daardie skrif o.a. beskryf as "iemand wat alles weet" - "sien" meer as ander mense (is uitgeslape) en weet hoe om 'n situasie te hanteer (is subtiel). Hulle is goed om prosesse te verstaan... en "sien" gewoonlik die volle beeld, terwyl ander mense dalk net 'n deel van dit sien. 

- Die "kenners vd tye" (1 Kron. 12:20)(kundige insig wat die tye betref, en om te weet wat om te doen - bv. profete/sieners-Es. 6:13; Dan. 5:7), of "kenners vd wet en reg" (Est. 1:13)(wyses en geleerdes, maar verwys natuurlik na die Here se wet en reg, nie wereldse wysheid nie).

- Die wyse en ervare: - die wat wys en ervare is word baiemaal gebruik as leiers (Deut. 1:13), en die rede hiervoor is sodat hulle 'n opdrag van die Here kan uitvoer. Hulle word m.a.w. werk gegee... - in Deut. 1:15-18 was hierdie manne bv. as hoofde onder die volk aangestel spesifiek sodat hulle regsake kon hanteer. Hulle was o.a. bevele (kennis) gegee waardeur hulle onderwerp is aan die Here se insettinge. Die Here se insettinge word o.a. beskryf as "WYSHEID EN VERSTAND" (Deut. 4:6), want Sy insettinge maak ons bekwaam en gee ons insig om te weet wat om te doen. Mense wat die Here se insettinge volg word ook gewoonlik gesien as wys en vertandige mense! (Deut. 4:6), want hulle weet wat om te doen en weet wat gese moet word. So iemand het meer insig en is o.a. instaat om te kan regspreek - deur die "wysheid van bo" (wat o.a. verwys na die Here se insettinge) kan reg en geregtigheid geskied (1 Kon. 10:9; 3:28; Ps. 37:30); bv. Salomo wat wysheid (en kennis) vd Here wou verkry sodat hy die volk kon lei... (geestelike leiers het wysheid van bo nodig). Job 11:6 leer vir ons dat die verborgenhede van wysheid, insig verdubbel!  Wysheid is 'n rigtingaanwyser (Spr. 1:20-23) en kan tot baie waarde wees vir 'n mens - as jy dit hoog hou, sal dit jou verhoor;  as jy dit omhels, sal dit jou eer... (Spr. 4:8) - dit moet gesien word as belangriker as goud, silwer en korale (Spr. 3:13-15)(m.a.w., as jy wysheid wat vd Here af kom, hoog hou, sal dit jou verhoor...). Die insettinge vd Here is 'n teregwysing vir ons - dit is ons wysheid en ons moet dit volg (dan is ons wys!)(Spr. 1:7- "Die vrees van die HERE is die beginsel van die kennis; sotte verag wysheid en tug")(Spr. 2:1-10). Dus, die wat kies om verkeerd te doen en nie in die Here se insettinge wil stap nie, word gesien as mense wat nie wys is nie (Spr. 28:26; 29:3). Daarom is die teregwysing belangrik..., want dit is self ook soos wysheid (Spr. 29:15)('n kind wat bv. aan homself oorgelaat is. maak foute omdat hy nie die wysheid geleer is nie). Ons wil dus geleer word en wil dus teregwysing he - dan is ons wys! Anders as aardse wysheid is "wysheid van bo" wysheid wat vd Here af kom.  Die wat Hom gehoorsaam word gesien as "wys en verstandige" mense (hulle het bv. 'n goeie lewenswandel)(Jak. 3:13-15);  MAAR aardse wysheid is niks anders as menslike gebooie nie, en het " 'n het skyn van wysheid ", maar is 'n eiesinnige godsdiens wat nie werklik waarde het nie (Kol. 2:20-23).(1 Kor. 3:19 - "want die wysheid van hierdie wêreld is dwaasheid by God; want daar is geskrywe: Hy wat die wyse mense in hulle listigheid vang; en verder: Die Here ken die gedagtes van die wyse mense, dat dit nietig is")(1 Kor. 2:4-7). 

-----------------------------------------------------------------------------------------------------------------------------

GEDAGTE:

Wysheid van bo verwys in wese na wysheid wat van die Here ontvang word (kennis wat jy nodig het om bv. goed te wees met woorde, 'n goeie oordeel te kan uitspreek, kunssinnig wees, bekwaam om te weet wat om te doen, ervare en uitgeslape, watookal - nodig om die wil van die Here te voer). Die kennis van waarheid IS NIE gebooie van mense nie! (Tit. 1:4; 1 Tim. 4:7), maar verwys na kennis van die Here se wil en wet (Rom. 2:20)(m.a.w., "hoe Hy sien en dink"). Dit is belangrik om te verstaan dat solank iemand die waarheid teëstaan, hy nooit tot "kennis van die waarheid" sal kom nie... (2 Tim. 3:7). Wysheid van bo kan slegs verkry word solank iemand sy hoop in die Here en in Sy kennis plaas.

- Die WYSHEID VAN BO het te doen met kennis wat jy nodig OM DIE HERE SE WIL UIT TE VOER.  

- Wêreldse wysheid gaan oor "vleeslike wysheid" (nl. om jou eie wil uit te voer, of die wil van die bose)(word somtyds na vewys as die "kennis van die wêreld", nl.  waardeur iemand vleeslike wysheid verkry...). Wereldse wysheid kan dus o.a. beskryf word as kennis om jou eie wil of die wil van die bose uit te voer (https://warechristene.blogspot.com/2026/04/boom-van-kennis-van-goed-en-kwaad.html). 

-----------------------------------------------------------------------------------------------------------------------------

'n Geween en gekners van tande

Die wat in Jesus Christus glo het natuurlik die belofte van ewige lewe, sal beloon word, sal erf..., maar wat gebeur met wederstrewige kinders van die Here?, of die wat onregverdig of onbarmhartig is? M.a.w., wat sal gebeur met die wat nie Sy wil doen nie of nie in Hom bly nie? En wat van die "slegte" en "nuttelose diensknegte"? En wat sal gebeur met die "struikelblokke" (die wat die ongeregtigheid doen) wat onder die kinders van die Koninkryk beweeg maar nie deur die Here daar gesaai is nie?  Die Skrif leer dat nie alle kinders van die Koninkryk eendag sal ingaan in die Koninkryk van God nie (Matt. 7:21) - Jesus het o.a. geleer dat sommige sal opstaan tot veroordeling (Joh. 5:29), en sommige sal in die vuur beland (Joh. 15:6).  

In 7 verse in die Bybel word die woorde "geween en gekners van die tande" gebruik (Matt. 8:12; 13:42,50; 22:13; 24:51; 25:30; Luk. 13:28) in konteks met STRAF..., meer presies verwys dit na spesifieke kinders van die Koninkryk wat eendag gestraf sal word. Kom ons kyk vinnig wat die verskillende skrifgedeeltes leer waar die bewoording "geween en gekners van tande" gebruik is:

- Volgens Matt. 8:12 sal sommige geroepenes uitgedryf word.

- Volgens Matt. 13:40-42 - die "onkruid" (in die koninkryk) sal verwyder en in die vuuroond gegooi word, nl. die struikelblokke en die wat die ongeregtigheid doen (hulle lyk soos koring maar hulle is nie koring nie - is die valses).

- Volgens Matt. 13:47-50 - die "slegtes" (in die koninkryk) sal afgeskei en in die vuuroond gegooi word, nl. die onregverdiges.

- Volgens Matt. 22:13 - die "sonder bruilofskleed" (nie alle genooides sal ingaan nie) sal gebind en in die buitenste duisternis gewerp word.

- Volgens Matt. 24:51 - die "slegte dienskneg" sal gepynig en 'n deelgenoot vd geveinsdes gemaak word.

- Volgens Matt. 25:30 - die "nuttelose dienskneg" sal uitgewerp word in die buitenste duisternis.

- Volgens Luk. 13:28  -  die "werkers van ongeregtigheid" sal uitgedryf word uit die koninkryk van God.

----------------------------------------------------------------------------------------------------------------------------GEDAGTE:

Wanneer Jesus Christus terugkom sal daar baie oordele plaasvind..., o.a. sal die kinders van die Koninkryk voor Sy regterstoel verskyn (Rom. 14:10; 2 Kor. 5:10) en Hy sal Sy dorsvloer skoonmaak (Matt. 3:12). Daar is ook heelwat ander oordele wat natuurlik rondom hierdie tyd plaasvind (bv. die val van Babilon en die slag van Armageddon), maar wat die kinders van die Koninkryk spesifiek aanbetref, is dit so dat hulle geoordeel sal word (bv. op dade/Matt. 25; woorde/Matt. 12:37; ens.), NIE ALLE "KINDERS VD KONINKRYK" sal gered word nie! (die "kaf" sal bv. verbrand word...).  Sommige (bv. die "sonder bruilofskleed", sal gebind word)(asook die nuttelose dienskneg, asook valse profete en valse leraars) sal uitgedryf word in die buitenste duisternis;  sommige sal met vuur verbrand word (bv. die slegtes, nl. die onregverdiges, asook die struikelblokke, nl. die ongeregtiges);  sommige sal gepynig word (bv. die slegte dienskneg;, en sommige sal in die ewige verderf opeindig (bv. die wat God nie ken nie en die evangelie vd Here Jesus ongehoorsaam is).  Matt. 8:13 leer ook dat baie "kinders vd koninkryk" uitgedryf sal word in die buitenste duisternis! (Matt. 8:12 - "Maar die kinders van die koninkryk sal uitgedryf word in die buitenste duisternis. Daar sal geween (Gr. woord " klowth-mos' ", soos klaaglied, en beteken huilende) wees en gekners (Gr. woord " broog-mos' " soos rasper, en beteken knersing) van die tande").

Terwyl ons dit weet moet kinders van die Koninkryk seker maak dat hulle nie net bely dat hulle glo nie, maar ook die dade het. Ons wat alreeds saligheid het, moet verstaan dat geloof sonder werke dood is (soos 'n liggaam sonder gees). Jou dade bewys of jy glo of nie! (nie dade "tot" saligheid nie, maar dade a.g.v. saligheid). Solank die geredde DIE WIL VAN DIE HERE DOEN en IN DIE HERE BLY, is hy veilig.

-----------------------------------------------------------------------------------------------------------------------------(https://bybelstudieopsommings.blogspot.com/2025/01/aanneming-tot-kinders.html)

Is geestelike groei belangrik?

Wanneer dit kom by die tema van GEESTELIKE GROEI wonder mense baiemaal of dit sommer net 'n onderwerp is wat deur sommige kerke opgemaak is met die doel om jou onder "werke" te plaas, maar die waarheid is dat hierdie tema iets is waaroor Jesus baie gesels het.  Hy het nou nie noodwendig die spesifieke woorde "geestelike groei" gebruik nie, maar Hy het baie oor hierdie onderwerp uitgebrei, o.a. oor hoe belangrik dit is om vrug te dra - ook 'n paar van Sy verhale gaan juis oor hierdie tema... (bv., die gelykenis vd saaier/Matt. 13:1-23). Hy't Homself o.a. voorgestel as die ware wynstok, en ons die lote... (soos lote wat GROEI en vrug dra)(Joh 15:1,2 - "Ek is die ware wynstok, en my Vader is die landbouer. Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra"). In Sy woorde kan ons sien hoe belangrik Hy GEESTELIKE GROEI (nl. in die Here) ag (want as 'n loot/boom nie groei nie, kan hy nie vrug dra nie). In die eerste gemeentes was hierdie beslis ook gepreek, bv. kyk hoe Johannes die gemeente daar aanspreek..., nl. dat hy sommige kinders noem, ander jongmanne, en ander vaders (1 Joh. 2:13,14). Paulus het ook na die lidmate vd gemeente van Korinthe verwys op hierdie manier, en hulle "babas" genoem. Hierdie manier van praat wys hoe ver iemand geestelik gegroei het...  Ook Petrus het hierdie soort woorde gebruik, nl. dat ons verlange na die onvervalste woord moet wees, soos pasgebore kindertjies verlang na melk, en l.w. die woorde daar geskryf "DAT JULLE DAARDEUR KAN OPGROEI" (1Pe 2:1,2). In die boek van Korinthiers beskryf Paulus die kinders vd Koninkryk soos iets wat "geplant" word - hierdie is o.a. die werk vd dienaar vd Here, ook dat hulle hierdie "plante" moet natmaak..., en hy verklaar terloops dat God die een is "wat laat groei" - ook in hierdie gedeelte word die koninkryk van God voorgestel soos 'n "akker van God" (soos 'n plaas)(1Kor. 3:5-9). Vgl. dit gerus met ander soort beeldspraak in die Skrif, soos dat ons vir ons 'n braakland moet braak, en in Jes. 5 word die huis van Israel voorgestel soos die Here se wingerd.  

Die gemeente van Efese was ook aangemoedig om te GROEI in die Here... (Ef. 4:15) - ook in hierdie brief wil Paulus hê dat hulle groei tot "volwasse" mense (natuurlik het hy nie hier verwys na die fisiese, nl. die uiterlike mens, nie)(Ef. 4:13). Hy maak die vgl. dat "kinders" maklik soos golwe heen en weer geslinger word deur die wind van lering, en maklik bedrieg kan word... (vir 'n studie oor geestelik babas/kinders in die Here, gaan na: https://warechristene.blogspot.com/2021/03/die-geestelike-mens-as-baba-en-kind.html). "Kinders" (die wat nog nie veel gegroei het in die Here nie) is nog onervare in die woord van geregtigheid (hulle het nog melk nodig);  aan die ander kant is die leraar iemand wat al verder gegroei het... (en kan vaste spys eet)(Hebr. 5:12,13). 

------------------------------------------------------------------------------------------------------------------------------

Die Christelike kerk word terloops ook voorgestel soos 'n liggaam met afsonderlike lede, wat terloops "groei" (Ef. 4:16)(nie soseer in lidmate nie, maar in "vrug"). In die gelykenis wat Jesus vertel het vd "koring en onkruid", word die volgende stelling gemaak:  (Matt. 13:30 - "Laat altwee saam groei tot die OES toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur") - ook in hierdie gelykenis word die mens vgl. met plante, nl. met "koring" (wat verwys na weergeborenes) en "onkruid" (wat "saamgroei" in die kerk). Onkruid "groei" saam met die koring in die kerk, maar nie almal dra die vrug van koring nie.

------------------------------------------------------------------------------------------------------------------------------

GEDAGTE:

Ons liggame is immers van grond gemaak!, en die innerlike mens word baiemaal op hierdie manier voorgestel, soos saad wat in grond geplant word, en groei en vrug dra... Die einde vd wêreld word o.a. gekenmerk aan 'n paar oeste, o.a. sal weergeborenes se vrug geoes word wanneer Jesus Christus terugkom (Luk. 10:2). VRUG wys gewoonlik wat se soort plant of boom iets is - op ditto wyse is dit vrug wat wys wie onder die kinders van die Koninkryk weergebore (koring) is, en wie nie (onkruid).  Die konteks waarin GEESTELIKE GROEI gewoonlik in die Christelike gebruik word, is natuurlik om te "groei in die Here"/Ef. 4:15, maar ons moet verstaan dat nie alle soorte "geestelike groei" verwys na "groei in die Here" nie.  Vrug getuig bv. nie net van wat se soort boom iemand is, (nl. natuurlike of geestelike mens) nie, maar ook van "hoe" iemand geestelik groei...  Bv., almal dra ongelukkig nie goeie vrug (bv. vrug tot lewe) nie... (maar sommige dra slegte vrug, bv. valse profete). 

Sonder vrug tot lewe kan niemand die (ewige) lewe oes nie!, maar groei is belangrik voor iemand vrug kan dra; dus, "hoe iemand bou" (hoe hy groei - bv., wat se soort geestelike kos en water hy kry, en of hy geestelike oefeninge doen) bepaal wat se soort vrug hy gaan dra. Op dieselfde wyse is dit "vrug" wat wys WIE GROEI, EN WIE NIE - vgl. dit met Johannes se woorde waar hy die kinders vd Koninkryk vgl. met óf kaf óf koring ("koring" verwys na die wat vrug dra, maar "kaf" verwys na die wat nie vrug dra nie, en is dus die wat uitgegooi/verbrand sal word - vgl. dit gerus ook met die tweede groep in die gelykenis vd saaier, nl. die wat nie wortel het nie - hulle groei nie!). DIT IS M.A.W. NET SO GEVAARLIK OM "SONDER VRUG" OP TE EINDIG, AS WAT DIT IS OM SLEGTE VRUG TE DRA. Die wat nie vrug dra nie is soos KAF..., en Jesus het op 'n ander geleentheid ook hieroor gepraat, nl. dat elke loot wat nie vrug dra nie, weggeneem word (Joh. 15:1,2). 

- GEESTELIKE GROEI "IN DIE HERE" IS BELANGRIK!, WANT HOE KAN JY VRUG DRA AS JY NIE GROEI NIE?  

- MAAR HOE JY GROEI IS OOK BELANGRIK!   WAT SE SOORT GEESTELIKE KOS EN WATER NEEM JY?  EN DOEN JY GEESTELIKE OEFENINGE?  - hierdie dinge is belangrik vir geestelike groei in die Here;  bv., as jy gaan eet by ander bronne kan jy nie verwag om "in die Here" te groei nie (dan kan jy nie verwag om soos Hy te "sien" en "dink" nie). Natuurlik is dit belangrik wat se soort geestelike kos en water (wat terloops nodig is vir groei) jy neem, want as jy die verbode "vrugte" eet, sal jy die dood oes. As jy gaan drink by ander bronne (maw, afgode aanbid of raadpleeg), dan kan jy nie verwag om "in die Here" te groei nie (in so 'n geval is jy besig om geestelik te hoereer).

------------------------------------------------------------------------------------------------------------------------------

Waarom is die wêreld besig om te breek?

Die Christen weet maar alte goed watter invloed sonde op die skepping het..., want die sondeval het nie net die mens beinvloed nie maar ook die skepping (Gen 3:17,18)(is 'n vloek op die land -Jes. 24:5,6);  bv., met die sondeval was dit onderwerp aan "nietigheid" (verganklikheid), en net soos die mens redding nodig het, so wag die skepping op "redding"! (Rom. 8:19-23). Die AARDE is VERVLOEK om die mens se ontwil (Gen. 3:17; Gen. 5:29). 

Wat dit presies beteken is eerstens dat die skepping (net soos die mens) verganklik is... (te verstane waarom ons redding nodig het!, en so ook die skepping!)(Rom. 8:19-23) - wat op beurt tot gevolg het dat die seisoene, dae en temperature beïnvloed is (Gen. 8:21,22 ). Met die sondvloed was hierdie veronderstel om herstel te word..., maar die mens het egter gou teruggeval in verkeerde weë (Gen. 11). Ons moet dus verstaan die belangrikheid van die sondvloed, want deur die sondvloed is die land herstel (en bloedskuld in die land was betaal deur die bloed van 'n slegte en afvallige generasie wat almal bloedskuld op hulle gehad het). Die wêreld is weer besig om 'n plek te betree waar "die sonde vol word" en onbetaalde bloedskuld sal veroorsaak dit tot 'n einde gebring word. Die boek van Genesis leer ook vir ons waarna die vloek op die aarde verwys..., nl. dat die mens se arbeid en werk moeitevol geword het, want die aarde het nou dorings en distels voorgetbring (wat terloops dus 'n invloed het op die vrug van die aarde)(v.17,18). Dit is interessant hoe "dorings en distels" ook geestelik in die Skrif verwys na bv. sonde, verleiding en verkeerde begeertes, nietighede najaag ens..., want wanneer 'n gelowige "dorings en distels" oplewer, kan dit sy vrug verstik! (vgl. dit met die 3de groep in die gelykenis vd saaier).  

Sonde ontheilig die land (Jes. 24:5,6).  Die rede waarom die wêreld "breek" en diere wegkwyn het veral te doen met die sonde-toestand in die wêreld (Hos. 4:2,3 maak ook melding hiervan, dat bloedskuld so 'n effek het op die land en diere ) ( in die tyd van Dawid sien ons ook dat bloedskuld die rede was vir hongersnood in die land / 2 Sam. 2:21).  Die maat van bloedskuld in die wêreld is geweldig groot! (bestudeer gerus watter sondes bloedskuld veroorsaak, wat bv. o.a. verwys na moordpleeg, hoerery, ongehoorsaamheid aan ouers, bloedskande, geweld, onbarmhartigheid, ens.). Dit is die mens wat veroorsaak dat die skepping onder vloek is, en die mens veroorsaak dat die land ly;  en alhoewel ons baie dinge in plek stel om die wêreld beter te probeer maak, word die grootste probleem (nl. sonde) nie noodwending aangespreek nie! (inteendeel, baie sondes word eerder regverdig). Ons kan nie verwag dat 'n land "vol dorings en distels" a.g.v. die sondetoestand vir ewig kan hou nie;  nee, die uiteinde daarvan is vervloeking en uiteindelik, verbranding! (Hebr. 6:8). So, wat huidiglik met die aarde gebeur (bv. dat dit "breek" en die diere ly) is logies as ons kyk na die mate van afvalligheid wat huidiglik heers...

-----------------------------------------------------------------------------------------------------------------------------

Des te meer sien ons hoe belangrik vergifnis van sonde en bekering is!, want nie net beïnvloed dit ons siel/gees nie maar dit kan ook herstel teweegbring in ons omgewing. Ons sien dus ook die belangrikheid van offers, 'n weg waar sondes bely en vergifnis ontvang kan word... - in die N.T. is Jesus Christus daardie offer (dus, moet glo in Hom).  Daar is baie onbetaalde bloedskuld in die wereld..., en net soos Kain se sonde/bloedskuld 'n invloed gehad het op die land waarop hy beweeg  (Gen 4:10-12), en bloedskuld in Dawid se tyd 'n invloed gehad het op die heilige land (nl. hongersnood, wat slegs herstel kon word sou daar vir die bloedskuld betaal word)(2 Sam. 2:21), net so het bloedskuld 'n invloed op die land waarop ons vandag beweeg as sondes nie vergewe word nie (en hierdie vergifnis is slegs verkrygbaar in Jesus Christus).  Geloof en vergifnis in die Here Jesus Christus kan inderdaad selfs jou omgewing herstel!, maar natuurlik logies gesproke nie geheel as jy tussen ongelowiges woon nie;  nietemin kan die gelowige op die Here staatmaak.

----------------------------------------------------------------------------------------------------------------------------- 

GEDAGTE:

Die realiteit is dat afvalligheid aan die orde van die dag is, en dit is dus geensins snaaks dat ons ons mag bevind in die laaste dae voor die einde nie (want dorings en distels deug naby vervloeking, en die uiteinde is verbranding/Hebr. 6:8). Wanneer Christus terugkom sal Hy inderdaad in vuur kom...  Hy kom om te oordeel en Hy sal alles nuutmaak en Sy troon opneem (die bloedskuld sal uitgevee word en die land sal herstel word).  As ons kyk na die huidige sondetoestand vd wêreld en hoeveel bloedskuld daar is in die wêreld, kan ons net die ergste verwag, want hoe groter die afval hoe meer sal die aarde breek... (Jes. 24:5,6  - "Want die aarde is ontheilig onder sy bewoners; want hulle het die wette oortree, die insetting geskend, die ewige verbond verbreek. Daarom verteer die vloek die aarde en moet sy bewoners boet; daarom word die bewoners van die aarde deur ‘n gloed verteer en bly daar min mense oor").  Laat ons nie die Here kwalik neem vir dit wat ons self veroorsaak nie!, maar eerder besef hoe belangrik en hoe nodig ons vergifnis het. As jy dan iets wil doen vir die aarde, begin by jouself..., want wanneer die mens "skoon" is het dit ook 'n invloed op sy omgewing.  

As die mens nie die Here se manier van herstel aanneem nie, kan hy nie verwag dat hyself of die land herstel kan word nie. Om daardie rede was die sondvloed nodig...(en die vloek gebreek). Om daardie rede was die verwoesting van Sodom en Gomorra nodig (en die land skoongemaak). Om daardie rede was die met bloedskuld in die O.T. doodgemaak (om o.a. die invloed wat dit het op die land gehad het, te breek), eant die mens moet besef hoe belanrik 'n offer is vir sonde, en dus die belangrikheid van geloof in Jesus Christus en vergifnis wat slegs in Hom te kry is!  In die N.T. het die Here 'n veel uitnemender weg geskep (nl. deur Sy Seun te stuur) - offers wat nie oor en oor gebring hoef te word nie, en 'n offer wat ook vir bloedskuld betaal!;  maar as die wereld nie in die Seun van God, Jesus Christus, glo nie, word die bloedskuld net meer en meer en logies gesproke breek die aarde meer en meer. Hierdie is sekerlik een vd redes vir die vele oordele wanneer Jesus Christus terugkom (bv. die slag van Armageddon, die val van Babilon, die skeiding vd koring en onkruid, ens.), want nie net sal Hy wraak neem op Sy vyande nie, maar Hy sal ook alles nuut maak!  Ons verwag 'n herstelde aarde in die volgende bedeling en ook daarna...

-----------------------------------------------------------------------------------------------------------------------------

Bestudeer gerus die volgende poste om hierdie tema beter te verstaan:

- "lewel vir 'n lewe" onder die pos "Bloed";

- "want die aarde is ontheilig onder sy bewoners";

- "maat van sondes vol";

- "die Here kom in vuur".

Hoe naby is die Wederkoms?

Dat ons min of meer sal weet wanneer die tyd naby is van Jesus se wederkoms (veral nadat die offer afgeskaf en gruwel opgerig is), is beslis so; maar ons weet die dag en uur nie, en niemand kan dit uitwerk nie (neem ag op Jesus se woorde in Matt. 24:36,42; 25:13; Mark. 13:32).  Ja, baie feite word vir ons in die Skrif gegee, maar laat ons nie mislei word en die dag en uur probeer raai nie;  en selfs, al verkyn 'n engel aan jou om jou die tyding te gee, moet dit nie glo nie, want Jesus self het gesê dat niemand die dag en uur weet behalwe die Vader nie (en terloops, Hy't gesê die engele weet dit ook nie / Mat 24:36 - "Maar van dié dag en dié uur weet niemand nie, ook die engele van die hemele nie, maar net my Vader alleen"). Ook moet ons besef dat Jesus self dit ook nie vir ons sal sê nie (bv. deur 'n droom of hoe ookal), want Hy weet ook nie vooraf die dag en uur nie! (net die Vader weet). 

Wat eindtyd studies aanbetref is dit maklik om foute te maak, en die rede hiervoor is baiemaal omdat feite nie in ag geneem word nie of leringe gebou word op afgleidings. Dit is dus belangrik dat ons hou by die feite wat wel vir ons gegee word, en dit wat afleidings is moet ook so hanteer word. Ons kan natuurlik ons interpretasies met mekaar deel, maar moet versigtig wees om alles wat vir ons geleer word oor die eindtye, te sien as feite. Wat eindtyd studies aanbetref, moet broers en susters ook geduldig wees met mekaar en verstaan dat daar ook somtyds foute gemaak word, dit is egter 'n ander saak wanneer die woorde "die tyd is naby" gebruik word in konteks van 'n valse messias wat ingelei word (Matt. 24:5)

-----------------------------------------------------------------------------------------------------------------------------

GEDAGTE:

Die Skrif gee vir ons 'n goeie idee van min of meer wanneer die wederkoms sal plaasvind, maar die gelowige moet altyd leef asof die wederkoms van die Here naby is... (Jak. 5:8; 1 Joh. 2:28,29; 1 Tim. 6:14; 1 Thess. 1:10; ens.). 

Kom ons kyk na 'n paar voorbeelde in die Skrif, moontlike tekens wat as aanduiding kan dien van wanneer die tyd van Jesus se terugkoms naby is:

- Matt. 24:29-31:  Jesus het geleer dat die wederkoms (v.30) eers NA die groot verdrukking sal plaasvind, en ook NA sekere gebeure wat Hy daar genoem het... (v.29). IN HIERDIE GEVAL WORD BESKRYF DAT DIE WEDERKOMS EERS SAL PLAASVIND NA DIE GROOT VERDRUKKING EN SEKERE ANDER GEBEURE ... (wat lyk of dit die 6de seel gebeure beskryf) - volgens Matt. 24 sal die wederkoms plaasvind na die volgende gebeure: -nl., die groot verdrukking, en dan:  die son sal verduister, die maan sal sy glans nie gee nie, die sterre sal van die hemel sal val, en die kragte van die hemele sal geskud word. As Jesus dan inderdaad hier die 6de seel beskryf (nl. dit wat na die groot verdrukking daar beskryf word) kan dit dus ook vgl. word met Openb. 6:12-17 (nl. groot aardbewing, son swart soos ‘n harige sak, maan word soos bloed, sterre van die hemel val op die aarde soos ‘n vyeboom wat deur ‘n groot wind geskud word, hemel wyk weg soos ‘n boek wat toegerol word, die berge en eilande is uit hulle plekke versit; mense steek hullself wet en is bang vir die toorn vd Lam).  Slotsom: AS IEMAND WIL BEWEER DAT DIE WEDERKOMS OM DIE DRAAI IS, DAN MOES HIERDIE DINGE AL GEBEUR HET... Die vraag is, het dit? 

- 1 Thess. 4:13-17:  Volgens v.14 sal Jesus die wat in Hom ontslaap het (maw daardie mense se geeste, want die liggaam het vergaan in die graf) saam met Hom bring... M.a.w., met Sy wederkoms (v. 14,15) sal Hy hulle saambring, en dan sal hulle liggame opstaan en verander word (hulle sal nuwe liggame kry-geestelike liggame/v. 17); en daarna sal die Christene wat nog in die lewe is wanneer Jesus terugkom, se liggame in 'n oogwink verander word (hulle sal ook nuwe liggame kry, meer bekend as "die wegraping")(v. 15-17)(terloops, ook in 1 Kor. 15:51-57 word die opstanding en wegraping beskryf as iets wat mekaar opvolg... (v. 51,52) ; maw., die wegraping sal nie plaasvind voor die opstanding nie eers plaasvind nie - vir 'n studie hieroor, gaan na:https://eindtydonderwerpe.blogspot.com/2017/05/die-doel-van-die-wegraping.html ). MAW, WAT HIER VIR ONS BESKRYF WORD IS DAT DIE OPSTANDING (EN DAARNA DIE WEGRAPING) PLAASVIND WANNEER JESUS TERUKOM...; - hierdie is nie 'n aanduiding van wanneer die wederkoms plaasvind nie, maar die volgorde is belangrik om hier te verstaan. Sommige kerke leer dat die wederkoms in twee dele geskied en die wegraping plaasvind op die eerste deel vd wederkoms, voor die groot verdrukking - maar neem kennis dat die opstanding plaasvind voor die wegraping, en neem ook kennis dat die versameling vd uitverkorenes uit die 4 windstreke beskryf word as iets wat gebeur NA die groot verdrukking! Slotsom: Dit is dus belangrik om te verstaan dat DIE GROOT VERDRUKKING (wat terloops voorkom of dit onder die 5de seel gebeur) ASOOK DIE ANDER MATT. 24:29 GEBEURE PLAASVIND VOOR DIE WEDERKOMS EN OPSTANDING/EN WEGRAPING... Maw, as die groot verdrukking en daardie gebeure nog nie plaasgevind het nie, gaan die wederkoms ook nog nie plaasvind nie.

- 1 Kor. 15:51,52:  Ons weet nie die dag en uur wanneer die wederkoms plaasvind nie, maar ons weet dat die opstanding sal plaasvind by die LAASTE BASUIN (v. 52)... In ander woorde, die wederkoms gaan by die laaste basuin plaasvind (want die opstanding volg net daarna). Hierdie laaste basuin verwys bes moontlik na die 7de basuin onder die 7de seel - Openb. 10:7 verklaar ook dat wanneer die 7de basuin blaas die verborgenheid van God volbring is... (na watter verborgenheid hier verwys word is natuurlik 'n punt van interpretasie, maar dit kan o.a. vgl. word met 1 Kor. 15:51). As dit inderdaad is waarna Paulus hier verwys, dan vind die opstanding plaas by die laaste basuin (onder die 7de seel) - wat ook op beurt beteken dat die groot verdrukking (onder die 5de seel) dan al verby is..., asook die 6de seel! Slotsom:  DIE WEDERKOMS GAAN BY DIE LAASTE BASUIN PLAASVIND (want die opstanding vind dan plaas)(NS: as dit verwys na die 7de basuin onder die 7de seel, dan is dit duidelik dat die groot verdrukking wat onder die 5de seel plaasvind, asook die 6de seel, alreeds verby is - hierdie interpretasie klop terloops ook met die interpretasie vd boek van Openbaring).

- 2 Thess. 2:1-8:  In 2 Thess. word ook 'n paar gebeure in volgorde beskryf..., nl. (1) eers die afval, (2) dan sal die seun van verderf geopenbaar word, en (3) dan daarna die wederkoms. Slotsom: DIE WEDERKOMS SAL NIE PLAASVIND VOOR DIE SEUN VAN VERDERF GEOPENBAAR IS NIE.  Nog 'n teken word in v.4 gegee, nl. die teestander wat hom verhef bo al wat God genoem word...,  sal in die tempel van God as God sit en voorgee hy's God. Ons het reeds gesien dat die seun van verderf eers geopenbaar sal word voor die wederkoms plaasvind - as hy in die "tempel van God" gaan sit (en voorgee hy's God), dan moet die tempel ook al gebou wees voor die wederkoms plaasvind! Slotsom:  DIE WEDERKOMS GAAN NIE PLAASVIND VOOR DIE TEMPEL GEBOU IS (en die seun van verderf geopenbaar word) NIE (vgl. hierdie met Openb. 10-13).  

-----------------------------------------------------------------------------------------------------------------------------

Hare op die tande hê

Ons voorouers was slim mense.  Hulle het verstaan die belangrikheid van wysheidspreuke en hoe dit kinders se persepsie vd lewe beïnvloed.  Een so 'n Afrikaanse spreekwoord is die van "hare op die tande hê" wat verwys na iemand met deursettingsvermoë. Die spreekwoord "hare op die tande" kom van 'n groep gevreesde Switserse huursoldate met woeste snorre (wat hulle lippe grotendeels verberg het) - dit het behoorlik gelyk of hulle "hare op die tande het".  Hierdie soldate was bekend as kranige, onverskrokke krygers wat vir niemand gestuit het nie. Iemand met "hare op die tande" verwys na iemand wat sy man kan staan, selfs durf wat ander nie durf nie!

-----------------------------------------------------------------------------------------------------------------------------

Christene moet ook somtyds "hare op die tande hê" en onverskrokke wees t.o.v. die waarheid. Hulle stap in geloof en is soos mense met 'n misie!, wat kranig voortgaan tot hulle hul doel bereik... Ten spyte van wat ander glo, sien, of doen, moet die Christen moed hê om vas te hou aan die Here se woorde en waarheid (al is dit te midde van verdrukking), moed hê om barmhartig te wees (al word hulle onbarmhartig hanteer), moed hê om reg te doen (al doen almal rondom hom verkeerd), moed hê om die evangelie te verkondig (al word dit verdraai of is dit nie logies vir ander nie), moed hê om die Here te bly vertrou (al hou mede-gelowiges op om dit te doen). Hierdie soortvan "uithou" en "aanhou" is nie altyd maklik nie, want in vandag se lewe word jy sommer as hardkoppig bestempel sou jy staan op jou geloof. Jy word bespot, somtyds leuens oor jou versprei, lelik van jou gepraat... Hierdie is alles ook dinge wat Jesus en Sy dissipels ervaar het - hulle is goeie vb.e van mense wat hulle "man kon staan"!, want hulle was onverskrokke t.o.v. die waarheid en het soos dapper soldate in geloof gedurf wat ander nie durf nie. Te midde van somtyds blinde (kerk)leiers of mense wat hulle rug op die Here en die geloof gedraai het, het Jesus die waarheid aanhou spreek. Selfs baie van die Fariseërs en Skrifgeleerdes (leiers van hulle tyd) het baiemaal van Hom verskil en eerder menslike gebooie verkondig as die waarheid, maar Jesus het nie geskroom om uit te wys wat werklik die waarheid is nie. Hy het gehoorsaam gebly aan die Vader en kranig Sy doel bereik, ten spyte van verdrukking en leuens wat oor Hom versprei is. Hulle was gemeen, het Hom bespot, het Hom voorgestel as vals, en het Hom selfs doodgemaak!, maar Jesus het uitgehou en aangehou (en Sy doel bereik) - Hy het oorwin. As ons ook oorwinnaars wil wees, moet ons dieselfde soort houding toon deur aan te hou en vas te hou aan die geloof.

-----------------------------------------------------------------------------------------------------------------------------

GEDAGTE:

Jesus het baie gepraat oor die belangrikheid van uithou (vashou/aanhou/oorwin), en om dit te kan doen moet ons baiemaal hare op die tande hê. Hierdie is nie bloot 'n opsie nie, maar dit word eintlik van elke Christen verwag! Maar natuurlik gaan dit oor waaraan ons vashou... (bv. wat lering aanbetref, evangelie, die belydenis en die hoop...-Tit. 1:9; Hebr. 4:14; 10:23; 1 Kor. 11:2; 15:1,2), want as Christene vashou aan valse leerstellings of die evangelie of leringe verdraai om te glo wat hulle wil en sondes te regverdig, is hulle nie besig om "VAS TE HOU" (aan die Here/waarheid/evangelie) nie (Openb. 2:14,15). Baiemaal volg Christene blinde leiers of hou vas aan wat hulle kerk leer, maar as daardie leringe nie die waarheid is nie kan hulle "vashou" nie vir hulle vrug oplewer nie. Dit is belangrik om "reg te sien" (in ander woorde, om soos die Here te sien). Ons sien baiemaal hierdie afspeel tussen Christene, waar verskillende groepe nie met mekaar saamstem nie... - hierdie is wat gebeur wanneer een groep nie ag gee op die waarheid en Jesus se woorde nie (maw, beide groepe is Christene, maar die een groep hou vas aan Jesus se woorde en die ander nie). Ons moet seker maak dat dit waaraan ons so vreeslik VASHOU inderdaad die waarheid en die opregte evangelie is!; bv., ons moet onsself afvra of dit wat ons glo of wat ons kerk leer, inderdaad is wat Jesus geleer het? 

-----------------------------------------------------------------------------------------------------------------------------