Is die Christelike Evangelie belangrik?

DIE HERE OPENBAAR NIE ALLES AAN ALMAL NIE (slegs die wat Hom regtig soek), maar daar is DINGE WAT HY WEL AAN ALMAL OPENBAAR!;  bv., ten spyte daarvan dat Hyself onsigbaar is, maak Hy homself sigbaar/bekend deur Sy werke (bv. die skepping/Rom. 1:20,22).  Almal weet van Hom/weet hulle het 'n Skepper! (Joh 16:8).  En almal weet hulle het 'n saligmaker nodig (nl. dat Hy deur Sy Gees die wêreld oortuig van sonde omdat hulle nie in Hom glo nie);  en alhoewel almal ook nie die volle waarheid ken nie, word hulle tog oortuig van geregtigheid (hulle weet goed wat is reg en verkeerd, al wil hulle dit nie altyd erken nie en probeer om hulle eie reels op te maak), en almal weet goed dat elkeen wat verkeerd doen, geoordeel word daarvoor... - hierdie is no-brainers!, want die Here openbaar hierdie dinge AAN ALLE MENSE deur Sy Gees (Joh. 16:8-11).  Dit beteken nie dat die Heilige Gees DEUR almal werk nie, maar Hy werk IN almal.  Bv., almal ontvang nie die Heilige Gees nie (net die wat weergebore word ontvang die Gees en leer die Here KEN), maar deur die teenwoordigheid van die Heilige Gees oor die hele aarde openbaar die Here sekere dinge aan elke mens op aarde (nl. hierdie 3 bg. dinge). Terwyl ongelowiges graag wil voorgee dat die Here homself glad nie aan hulle openbaar nie (en dit gebruik as rede om te sê dat Hy nie werklik is nie), is die teendeel waar:

- (1)  die Here wys vir hulle dat daar 'n Skepper is agter alles, 

- (2) dat hulle sonde het en vergifnis nodig het, en 

- (3) dat daar 'n Wysgewer en Regter is oor die hele mensdom wat die reëls maak en die mensdom sal oordeel (Joh. 16:8-11). Des te meer moet ons verstaan hoe belangrik die EVANGELIE is..., want die Christelike evangelie praat bv, nie net van hoe die mensdom kan vry word van sy slaafskap onder sonde nie, maar ook hoe hy die dood (die vrug van sonde) kan oorwin (en dus nie onder oordeel kom nie)! Ons Skepper het vir ons 'n uitweg gegee, en die evangelie is dit wat hierdie uitweg verduidelik...------------------------------------------------------------------------------------------------------------------------------ Kom ons kyk na 'n paar belangrike punte rondom die evangelie...;  bv., alhoewel die mens aangestel is om oor die hele aarde, en alle visse, voëls, vee en diere op die aarde, te heers (Gen 1:26 - "En God het gesê: Laat Ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip"), is die mens onder 'n GEESTELIKE MAG - daar is 'n geestelike mag hoër as die mens wat oor die mens heers!..., nl. sy Skepper.  Die mens is maw eintlik deel van die Here se Koninkryk!, maar nie alle mense sal "die koninkryk beërwe" (nl. vir ewig op die aarde leef en saam met Hom heers) nie, want die manier hoe die mens "heers op aarde" moet onderwerp word aan die wil van die Here (maar die wat hulle eie wil dien, of die wil vd bose doen, kan nie verwag om die koninkryk te beerwe nie).  Wat God met "heers oor die aarde" bedoel was nooit dat die mens self besluit wat is reg en verkeerd nie (soos dat hy doen soos die vlees dink en sien nie), maar hierdie "regering" was veronderstel om onder leiding van die Here te geskied. Die probleem het begin met die sondeval, want die mens was basies "gevang" om die wil van die bose te doen en op sy eie insigte te begin staatmaak. Hierdie is baie duidelik sigbaar in die wêreld! - ons hoef nie te wonder of dit die waarheid is nie..., want ons kan dit sien (die Skrif verwys hierna as, "die natuurlike mens het 'n wêreldse gees" = dink en sien soos die "wêreld"). Die mens is oppad na sy dood omdat hy die WYSHEID VAN BO eenkant toe geskuif het en VERBODE KENNIS bekom het (verbode kennis verwys na eie wil en die wil van die bose)  (https://warechristene.blogspot.com/2026/04/boom-van-kennis-van-goed-en-kwaad.html). 

Om die Here se wil te doen word voorgestel soos 'n pad wat uitloop op ewige lewe..., maar as iemand self wil heers of 'n ander geestelike mag toelaat om oor hom te heers, dan is hy op 'n pad van nietigheid (sal doodgaan) - dit is die prys van wêreldse wysheid (dra vrugte vir die DOOD). Hierdie is wat verkeerd geloop het in die tuin van Eden..., is nl. dat die mens die pad wat tot nietigheid lei, gekies het in plaas van die pad van lig/ewige lewe. En dit is nie God se skuld nie! Hy het die mens hierteen gewaarsku... (Gen. 3:3). Om oor die aarde te kan heers het die mens nodig om op die pad te wees wat na ewige lewe lei..., want hoe kan die wat doodgaan vir ewig op 'n EWIGE aarde lewe? God is genadig en het vir ons 'n weg geskep deur Jesus Christus, en dit is o.a. waaroor die Christelike evangelie gaan - sien die "evangelie van die Koninkryk".

Die Christelike evangelie (goeie boodskap) bestaan eintlik uit 3 dele, nl.: 

-die "Evangelie van Jesus Christus", 

-die "Evangelie van die Koninkryk" en 

-die "Evangelie van Vrede".

Hierdie 3 dele vorm saam DIE EVANGELIE, maar word noodwendig nie altyd alles op dieselfde tyd gepreek nie... (want dit hang grootliks af van wie die gehoor is, bv. hoeveel kennis hulle het van die Here, ens.). Kom ons staan bietjie stil by die "DIE EVANGELIE VAN DIE KONINKRYK"... Christene glo in 'n komende koninkryk wat vir ewig gaan bestaan!, want dit is wat die Here vir die mens belowe, nl. vir die wat GLO. As jy belangstel in politiek dan sal hierdie begrip vir jou meer sin maak. In die Christelike geloof glo Christene dat Jesus Christus gaan terugkom aan die einde van dae (ook na verwys as "die einde vd wereld", of "aan die einde van hierdie eeu/bedeling") en 'n koninkryk oprig wat vir ewig sal wees (dit sal begin met 'n tydperk van 'n 1000 jaar, en baie dinge sal nuut gemaak word; en wanneer die 1000 jaar verby is sal die hemel en aarde in geheel nuut gemaak word). Dit is logies dat Christene uitsien na Jesus se wederkoms!, want Hy kom nie net om te oordeel nie maar ook om hierdie ewige koninkryk op te neem, en die wat aan Hom behoort het terloops die belofte dat hulle saam met Hom sal regeer! Natuurlik sal nie enige iemand toegelaat word om saam met JESUS CHRISTUS te regeer nie (geloof in Hom is bv. die eerste voorwaarde..., en Hy verwag sekere dinge van die wat afgesonder/geheilig is vir hierdie doel - hulle word duur gekoop en behoort aan Hom, nie aan hulleself nie).  Christene behoort eintlik alreeds aan hierdie koninkryk (van God) en is huidiglik besig om mense uit te nooi om deel te word van hierdie koninkryk. Die Christen is in hierdie sin soos 'n politikus - 'n spreekbuis vir die Here se party, vir Sy Koninkryk. Ons sien dus hoe belangrik die Christelike evangelie is.

-----------------------------------------------------------------------------------------------------------------------------Die EVANGELIE VAN VREDE (wat deel is van die Christelike evangelie) leer dat enige iemand uit enige nasie, volk, of taal, gered kan word deur Jesus Christus! Oor die aarde is die Here besig om vir Hom 'n groep mense te versamel wat vir ewig op die aarde sal woon (https://warechristene.blogspot.com/2020/09/gaan-ons-vir-ewig-op-die-aarde-lewe-of.html), en hierdie belofte is gemaak aan 'n spesifieke volk op aarde, nl. die onder die geroepenes wat GLO.  Om REDDING te kry, moet jy basies deel wees van hierdie betrokke volk (aan wie die beloftes gemaak was)..., en in Jesus Christus is dit moontlik om onder hierdie volk "ingedoop" te word (weergeborenes word basies gesien as "kinders van Abraham")(en natuurlik, wat presies bedoel word met kinders van Abraham, verwys nie bloot na die kinders van die vlees nie, maar eitnlik kinders van geloof). Ons sien dus hoe belangrik die Christelike evangelie is!, want Jesus Christus maak dit moontlik vir enige iemand in die hele wêreld om deel te word van hierdie volk deur Sy kind te word (alhoewel hulle dit deur geloof ontvang, nie gebore uit Sy fisiese vlees nie - kyk die tema "met Christus beklee").

Vertroue in die lewende Brood, Jesus Christus en in Sy woorde/waarheid, is belangrik vir REDDING, want wanneer die mens kies om nie die wil van die Here te doen nie maar eerder sy hoop plaas in ander bronne (hetsy homself of die bose), sal hy die dood oes.. (dit is die pad waarop die natuurlike mens homself bevind - natuurlike mense dra vrugte vir die dood/Rom. 7:5). Natuurlike mense het 'n wêreldse gees en dink en sien anders as die Here.  Jy het die Heilige Gees nodig... (wie terloops deur Jesus Christus gegee word aan die wat in Hom glo en Hom gehoorsaam). Die Heilige Gees maak iemand nuut en instaat om "vrug tot lewe" te dra.  Geestelike mense (weergeborenes/nl. die wat die Heilige Gees het) is soos "bome van lewe" (wat vrug tot lewe dra)(hulle "oorwin die wêreld"). Watter "vrug" jy "eet", bepaal dus op watter pad jy is...  Jy het die regte soort geestelike kos en water nodig  (bv., soek jy die kennis van die Here?, of soek jy wereldse wysheid?).  Die wat nie hulle hoop plaas in die Here en dus in die waarheid wat Jesus Christus gebring het nie, is op 'n pad wat tot nietigheid lei. Sien hoe belangrik die evangelie van Jesus Christus is!, want die mens het vrymaking nodig van sy slaafskap onder sonde.

Die "pad van nietigheid" kan o.a. beskryf word as: (1) die vlees dien (bv. self besluit wat is reg en verkeerd, kies NIE die manier hoe die Here "dink en sien" nie) (op die vlees vertrou)(Fil. 3:3; Rom. 8:6-8; Mark. 19:23; Luk. 18:17,24);  EN (2) eie wil doen (die Here versoek/toets, bv. doen wat jy wil en toets of die Here steeds vir jou omgee, sondig opsetlik, en toets die Here of Hy jou steeds sal vergewe, ens.); EN (3) hoop plaas in ander geestelike bronne (ander geestelike bronne soek, aanbid, dien). Sommige wat tot geloof kom val terug op hierdie pad, wat terloops beskryf word as "hulle terg die Here" - hulle glo nie regtig nie, so hulle versoek Hom... (bv., kla, is ontevrede, plaas hoop in ander geestelike bronne) (bestudeer die temas van "verharde hart", "wederstrewigheid" en "dooie werke" om hierdie beter te verstaan)(Hebr. 3:7-13). Die wat op 'n PAD VAN NIETIGHEID is, doen maw nie die wil van die Here nie, maar hulle eie wil of die wil van ander geestelike magte, en die uiteinde daarvan is die DOOD. Ons kan kortom vra, KEN jy die Here?, of KEN jy die wêreld? Die vraag is dus nou, onder watter geestelike mag is jy? Die mens is veronderstel om sy vertroue in sy Skepper te plaas - alle mense word "in sonde gebore" (dien die sonde/is 'n slaaf van sonde), maar "wie jy DIEN", is belangrik!, want dit wys wie se "kind" jy is - dit wys uit watter saad jy gebore is... (maw, na wie luister jy?, want dit bepaal "van watter saad jy is");  dit is hoekom weergeboorte so belangrik is. In ander woorde, wie is jou "pa"? (geestelik bedoel..., want dit is die een vir wie jy vertrou en na wie jy luister / glo). Die mens is soos saad wat in die wêreld geplant word, groei en vrug dra - die vraag is nou, van watter saad is jy? (of uit watter saad is jy gebore?), want dit bepaal watter soort vrug jy gaan dra ("vrug" wys wat se soort boom jy is).  Dit is hoekom elke mens nodig het om WEER GEBORE te word..., want as jy 'n saad/boom wil wees wat "vrug tot lewe" dra, moet jy uit die regte saad gebore wees (natuurlike mense is uit Adam gebore = bome wat "vrugte vir die dood" dra)  (geestelike mense word voorgestel soos mense wat "uit God gebore is", en kan daarom "vrug tot lewe" dra - hulle word dus o.a. gesien soos "bome van lewe") - sien hoe belangrik die Christelike evangelie is. Jesus Christus gee vir ons die weg om WEERGEBORE te word...

-----------------------------------------------------------------------------------------------------------------------------GEDAGTE:

Nie almal wat wil hê dat die Here Homself aan hulle openbaar, leer KEN die Here nie... (Joh. 14:21-23; Luk. 10:22; Matt. 11:27; Mark. 16:17) - die begrip "openbaarmaak" verwys bv. na om "tot kennis te kom" (2 Kor. 11:6; 1 Kor. 4:5; Mark. 4:22; Matt. 11:25). Dit is anders wanneer jy iemand leer ken as om net van hom te weet... (jy kan net iemand werklik leer ken deur gemeenskap). Al manier hoe iemand volkome oortuiging kan kry van wie die Here is en Hom begin KEN, is as die Here jou daardie openbaring gee! (Mark. 16:17). Jesus het geleer, "soek, en julle sal vind"... (Luk 11:10 - "Want elkeen wat bid, ontvang; en hy wat soek, vind; en vir hom wat klop, sal oopgemaak word"). Mense wat die Here bevraagteken, vra bv. ook somtyds die Here moet Homself aan hulle openbaar, maar baiemaal is hierdie eerder 'n manier om die Here te toets;  in ander woorde, hulle versoek die Here (bv., dat as Hy homself openbaar, sal hulle glo, en as Hy nie sal hulle nie glo nie). Dit is soos wanneer iemand vir jou sê hy't vir jou 'n kar gekoop en jy moet dit vind, maar as jy nie glo dat hy dit gekoop het nie (bv. dat dit nie logies is nie omdat die persoon nie geld het nie, of wat ookal), sal jy nie eens begin om vir die kar te soek nie. Wat mense somtyds in so 'n geval doen is om liewer te begin gekskeer (bv. om die kar in 'n kas te soek, onder 'n mat of waarookal... - dit wys eintlik dat hulle nie glo nie!). Mense doen dieselfde wanneer hulle nie in die Here Jesus Christus wil glo nie..., nl. dat hulle Hom begin soek op ander plekke, ander gelowe en gode waar hulle Hom beslis nie sal vind nie! Nee, om die kar wat vir jou gekoop is te vind, moet jy dit in die straat of jou "driveway" gaan soek.., nie in 'n kas of onder 'n mat nie. Die Here Jesus moet op die regte plek gesoek word - moenie 'n verspotting van Hom maak deur Hom in ander geestelike bronne te gaan soek nie. 

As jy as mens dan nou vergifnis van sonde nodig het en vrymaking van jou slaafskap onder sonde, en oorwinning wil kry oor die dood, dan moet jy die Here Jesus Christus begin soek, want Hy is die weg wat ons Skepper gemaak het om hierdie dinge te verkry, nl. dat die Here mens geword het om ons te red!  Heidene soek hulle gode hulle lewe lank en vind hulle nie, al spandeer hulle daaglikse gebede en ondersoek hulle skrifte gereeld;  MAAR DIT IS ANDERS MET CHRISTENSKAP... - JESUS HET BV. BELOWE DAT AS JY HOM SOEK, SAL JY HOM VIND.  Die vraag is, is jy bereid? Gaan jy Hom op die regte plek soek?  Hoe lank dink jy kan jy Hom soek?, of gaan jy opgee na die eerste paar dae of weke? Mense wat VERTROU, hou nie op om te soek nie... (liewer, die wat ophou om te soek, wys eintlik dat hulle nie glo nie, want as jy geglo het sal jy nie ophou soek nie). 

Sommige heidene se vertroue is so groot in hulle geloof dat hulle hulle lewe lank soek, maar wanneer dit kom by Christenskap dan dink mense die Here moet hulle onmiddellik antwoord, Homself onmiddellik openbaar... (hulle is eintlik net besig om Hom te versoek).  Meeste weergeborenes wat sekerheid het en die Here ken en die Heilige Gees ontvang het, het jare na die Here gesoek voor Hy homself heeltemal aan hulle openbaar het - hoekom?, want hulle het VERTROUE gehad.... Hulle het aanhou soek omdat hulle hulle vertroue in die Here geplaas het. Daarom moet jy eers 'n BESLUIT MAAK om die Here te vertrou, want as jy dit nooit doen nie sal jy die Here nooit leer KEN nie.

As jy die Here KEN, is jy op 'n pad van lewe.

As jy op ander plekke soek (om dit liewer te KEN, nl. jou eie wil of die wil van die bose), is jy op die pad van dood (daardie pad kom tot niet...).

-----------------------------------------------------------------------------------------------------------------------------

Is daar 'n volgende lewe?

 Is die dood finaal? Terwyl reïnkernasie beslis nie 'n Skriftuurlike lering is nie, beteken dit nie dat ons nie 'n volgende lewe kan hê nie. Weergeborenes (in wie die Heilige Gees, die Gees van waarheid is) glo bv. nie dat die mens eenvoudig ophou bestaan die oomblik wanneer hulle sterwe nie;  inteendeel, hulle hou vas aan die belofte dat, al kom hulle teenwoordige lewe tot einde, sal hulle vir ewig sal lewe. In die eerste gemeentes was daarna verwys as die "toekomende lewe" (1Ti 4:8). Ja, weergeborenes verwag 'n lewe na die dood..., en het bv. nie net die belofte dat hulle (liggame) eendag opgewek sal word uit die dood (wanneer Jesus terugkom) nie, maar die wat "opstaan tot lewe" het ook die belofte dat hulle nie deur die tweede dood sal gaan nie... (Openb. 2:11; 20:6)(Joh. 5:25-29; 6:35; 10:28; 12:25; Hand. 13:48; Rom. 6:22; 1 Tim. 6:12; ens.). M.a.w., nie net sal hulle opgewek word om weer te lewe nie, maar die wat opgewek word tot lewe, sal vir ewig lewe!

------------------------------------------------------------------------------------------------------------------------------

Nie almal het die belofte van hierdie volgende lewe nie, slegs die wie se name in die BOEK VAN DIE LEWE opgeskryf is (Fil. 4:3; Openb. 20:12). En ook nie alle mense se name is outomaties in die boek van die lewe nie (Openb. 13:8), want dit gaan oor "uit wie jy gebore is" en of jy GLO in die Here God (kyk die belangrikheid van geloof in die beloofde Messias en die weergeboorte). Dus, wat gebeur met kindes wat uit heidene gebore is en nooit die geleentheid gekry het om tot geloof te kom nie? - hierdie is een van daardie vrae wat die Bybel nie in eenvoud vir ons antwoord nie, maar die Skrif leer wel dat God wil hê dat alle mense gered word en tot kennis vd waarheid kom (1 Tim. 2:4);  dus is dit logies dat die Here almal 'n kans sal gee om tot geloof in Hom te kom... (en sal moet kies of hulle glo). Die wie se name in die boek van die lewe is word tipies gesien as "GEROEPENES", wat verwys na almal wat onder die volk van God gebore word - nie net fisies uit Sy heilige volk gebore nie, maar ook die wat dit op 'n geestelike manier verkry het ("kinders van Jesus Christus"/die wat in Hom glo; bestudeer die tema "met Christus beklee"), maar l.w. dat dit eintlik GELOOF is wat bepaal of iemand die ewige lewe kan ontvang of nie, en geloof sonder werke is dood. Nie almal wie se name alreeds in die boek van die lewe opgeskryf is, sal uiteindelik die ewige lewe beërwe nie! - daar is bv. twee skrifte waarvan ons kan aflei dat sommige (van die wie se name in die boek vd lewe is) se name uitgevee kan word...(Ps. 69:29; Openb. 3:5), want dit gaan nie bloot oor "uit watter volk jy gebore is" nie, maar eintlik oor of jy GLO (geloof in die Here God is dit wat uiteindelik bepaal of iemand vir ewig sal lewe).

------------------------------------------------------------------------------------------------------------------------------

Wanneer ons praat oor die onderwerp van DOOD (en OORDEEL), moet ons onderskei tussen "die dood" (wanneer die liggaam sterwe) en die "tweede dood" (wanneer beide liggaam en siel in die poel van vuur gewerp word). 

DIE EERSTE DING WAT GEBEUR NADAT IEMAND (nl. die liggaam) DOODGAAN, IS OORDEEL (Heb 9:27 - "En net soos die mense bestem is om een maal te sterwe en daarna die oordeel"). Natuurlik is die dood self ook "oordeel"... (Gen. 2:17), maar of jy die ewige lewe gaan beërwe of nie, word bepaal in die oordeel nadat jy doodgegaan het, wanneer daar teruggekyk word na jou lewe.  Wat die kinders vd Koninkryk (die geroepenes) aanbetref, het Jesus geleer dat die wat goed gedoen het sal opstaan tot lewe, maar die wat kwaad gedoen het sal opstaan tot veroordeling (Joh. 5:29). Almal is en word m.a.w. alreeds geoordeel wanneer hulle liggame doodgaan (en almal gaan dan na verskillende plekke - Luk. 16:19-31). Daar is ook 'n TWEEDE DOOD..., nl. wanneer beide liggaam en siel in die poel van vuur gegooi word (maar dit gebeur eers aan die einde van die "volgende bedeling";  maw, na die 1000-Ryk voleindig is). Die "tweede dood" word o.a. na verwys as "die ewige oordeel" ("oordeel vd hel"/"poel van vuur")(Mark. 3:29; Hebr. 6:2; Openb. 20:14; 21:8).  Mense wat deur die tweede dood gaan, sal noodwendig nie vir ewig kan lewe nie!, maar die wat gered word sal (1) die ewige oordeel vryspring (Openb. 20:6), en (2) het die belofte van opstanding uit die dood in nuwe "verheerlikte/geestelike/onverganklike liggame". 

------------------------------------------------------------------------------------------------------------------------------
Daar is heelwat verdraaide of valse leringe in die omloop rondom die tema van die "dood", waarvan een so 'n lering leer dat mense in engel (wesens) of sterre verander wanneer hulle doodgaan, en 'n ander leer dat ons vir ewig in die hemel gaan bly (?). Hierdie is maar net twee van vele miskonsepsies..., en dit gebeur gewoonlik wanneer mense skrifte uit konteks neem bv., alhoewel kinders vd koninkryk eendag "soos engele" (Matt. 22:30; Mark. 12:25; Luk. 20:36) sal wees (bedoelende "kinders van God" wat bv. nie trou en ook nie doodgaan nie...) en hulle ook voorgestel word met "sterre wat skyn" (bv. die regverdiges/verstandiges sal eendag skyn soos die son in die koninkryk van hulle Vader...Matt. 13:43, en glinster soos die glans vd uitspansel...sommige "soos die sterre"...Dan. 12:3)), is die bedoeling in die betrokke skrifte nie om te leer dat hulle letterlik in engel wesens gaan verander of in fisiese sterre nie, maar eerder dat die wat opstaan tot lewe nie sal trou en in die huwelik uitgegee sal word nie (soos die geval met engele); en hulle sal ook nie meer sterwe nie (soos die geval met engele)(Matt. 22:30; Mark. 12:25; Luk. 20:36). Net so word die term "burgerskap in die hemele" uit konteks geneem, wat bv. nie daarna verwys dat ons vir ewig in die hemele sal bly nie, maar in konteks gaan dit oor die erfenis wat vir ons in die hemele bewaar word en waarmee ons "vandaar" eendag oorklee sal word... (verwys na die onverganklike liggaam - opstanding tot lewe). 

-----------------------------------------------------------------------------------------------------------------------------
Natuurlik is daar 'n hemel, en natuurlik is daar 'n hel...  Jesus Christus het self ook melding gemaak vd hemel en die hel op verskillende geleenthede..., en bv. o.a. verklaar dat daar 'n onuitbluslike vuur in die hel is... (Mark. 9:43), en Hy't die hel o.a. voorgestel as 'n plek waar die siel en liggaam verderwe kan word (Matt. 10:28)(Matt. 10:28; 23:15,33). Dit is duidelik dat Hy self gepraat het van die hel asof dit bestaan, en as Hy van die hel praat asof dit bestaan, glo ons self ook so, want ons glo in Hom en glo in Sy woorde en glo dat Hy die waarheid ken. Hy het ook die begrip "HEMEL" gebruik in die verskillende kontekste, bv. o.a. verwys na die "die hemel waar die voëls vlieg" (Matt. 6:26; 8:20; 13:32), en ook na die plek van God se troon verwys as hemel... (Matt. 5:34)(derde hemel - "BO die uitspansel")(let egter daarop die woord "hemel" nie altyd verwys na die derde hemel waar God woon nie, maar somtyds verwys na die hemel waar die voels vlieg, "LANGS DIE uitspansel", en somtyds na die hemel AAN DIE uitspansel waar die ligte is). Die eerste Christene het ook geweet dat daar 'n plek soos die hel is... In 1 Pet. 2:4 word daar o.a. verwys na 'n deel in die hel waar die engele wat gesondig het gewerp en vasgemaak is... 'n Ander vb. is die gelykenis wat Jesus vertel het vd ryk man en Lasarus (Luk. 16), en in die betrokke gelykenis was dit nie net kenmerkend dat gelowiges en ongelowiges na verskillende plekke gaan wanneer hulle doodgaan nie (vgl. dit met die tema van "oordeel" en "doderyk"), maar dit is ook hier duidelik dat die doderyk uit verskillende dele bestaan... (waarvan die poel van vuur een is, waarna ook verwys word as die plek van "ewige oordeel"/Openb. 20:10).  In die ou bedeling was dit wel so dat gelowiges en ongelowiges na hierdie verskillende plekke in die doderyk gegaan het wanneer hulle sterwe, maar in die nuwe bedeling is baie geleerdes van mening dat die wat in Christus sterf nie meer na 'n plek in die doderyk gaan wanneer hulle sterwe nie, maar "inwoon by die Here" (2 Kor. 5:8-10) - vandaar die begrip "ons gaan hemel toe wanneer ons doodgaan". Hierdie is egter steeds 'n redenasie onder sommige geleerdes wat in siening hieroor verskil. Nietemin waarnatoe Christene (se geeste) gaan wanneer hulle doodgaan, hulle gaan nie na dieselfde plek as ongelowiges nie... (Luk. 16), en wanneer Jesus terugkom sal Hy die wat in Hom gesterf het, saambring(1 Thess. 4:14).

------------------------------------------------------------------------------------------------------------------------------

GEDAGTE:

(Joh 5:24)  Voorwaar, voorwaar Ek sê vir julle, wie my woord hoor en Hom glo wat My gestuur het, het die ewige lewe en kom nie in die oordeel nie, maar het oorgegaan uit die dood in die lewe.

------------------------------------------------------------------------------------------------------------------------------

Waarnatoe gaan die mens wanneer hy sterwe? Vir die vorige dagstukkie oor hierdie onderwerp (waarin veral gekyk is na hoe verskillend die dood is vir natuurlike mense as vir geestelik mense, asook o.a. gekyk na wat met die uiterlike mens gebeur wanneer iemand doodgaan en wat met die innerlike mens gebeur) gaan na: https://warechristenedagstukkies.blogspot.com/2020/05/wat-gebeur-met-die-mens-wanneer-hy.html.

Wat is saligheid (2)

Waarna verwys die begrip "saligheid"?
Die woord "saligheid" is die Gr. woord "so-tay-ree'-ah", wat beteken: -"om te red, gesondheid, red, redding...".  Die AOV gebruik veral die woord "heil" in die O.T. vir saligheid - die Hebreeuse woord " yesh-oo'-aw ", wat beteken "redding, gesondheid, hulp, red, gered, welsyn (e.a.: veiligheid, oorwinning)". In die vorige pos oor wat is saligheid, waarin ons gekyk het na hoekom iemand saligheid nodig het, het ons o.a gesien dat dit verwys na "REDDING van",  bv.:
-(a) die mens het redding nodig van sy vyand, die dood (die mens gaan dood omdat hy sondig en is dus besoedel en het redding nodig van die dood -  redding vd "tweede dood", en as hy doodgaan, opstanding vd uiterlike mens)(m.a.w., liggaam en siel moet gered word vd dood),
-(b) die mens het redding nodig van sy slaafskap onder sonde (almal word as "natuurlike mense" gebore wie se uiteinde is om in die ewige oordeel te gaan - het dus redding nodig van hierdie slaafskap sodat hulle nie in die ewige oordeel gaan nie - m.a.w., het nodig om "weer gebore" te word maar hierdie keer uit God se saad, dus dan gebore as vrymense, nie as slawe van sonde nie (m.a.w., liggaam en siel moet gered word van die oordeel).

As ons 'n studie maak om 'n OORSIG te kry vd woord saligheid, sal ons sien dat dit verwys na:
- (1) REDDING van die liggaam ("liggaam" hier verwysend na die uiterlike mens)(reininging van vlees)(Hebr. 9:13; 10:22)(- die wat redding vd liggaam ontvang, sal eendag deel he aan "die opstanding" wanneer Jesus terugkom - in daardie opsig oorwin hulle die dood), 
- (2)  REDDING vd siel (1 Pet. 1:9; 3:21; Hebr. 9:14; 10:22)("siel" hier verwysend na die innerlike mens)(reiniging vd gewete-Hebr. 9:14)(- die wat redding vd siel ontvang, sal nie onder die ewige oordeel val nie - sal dus nie deur die tweede dood gaan nie), en
- (3) alledaagse REDDING (bv. red van vyande)(verwys na die volk van God / "kinders vd koninkryk")(Luk. 1:71; Dan. 2:44; Hag. 2:7; Sag. 6:12; Ps. 98:3; Jes. 49:6,8; 1 Kron. 16:35)(- wanneer Jesus terugkom sal Hy Sy volk uit die hand van hulle vyande red, ens.).

Die mens is nie net uiterlik nie, maar het ook 'n innerlike.  Dit is dus nie net die uiterlike mens wat redding nodig het (nl. "redding vd liggaam") nie, maar ook die innerlike..(nl. "redding vd siel"). 

Hierdie word in die volgende paragraaf beter verduidelik.

------------------------------------------------------------------------------------------------------------------------------
Toe Jesus die eerste keer gekom het, het Hy veral "redding vd siel" bewerk. Wanneer Hy terugkom gaan Hy (1) "redding vd liggaam" bewerk  ("liggaam" hier verwys na die "uiterlike mens")("redding vd liggaam" verwys hier na "die opstanding")(m.a.w., die wat in Hom glo sal deur Hom opgewek word in nuwe liggame, nl. 'n nuwe "uiterlike mens" kry - kyk die tema van "verheerlikte liggame" - hulle word GERED deur die "opstanding tot lewe" - liggame waarin hulle vir ewig kan lewe). In 'n sin het kinders vd Here alreeds "redding vd liggaam" ontvang omdat hulle die belofte het van opstanding en hulle sondes afgewas is (en die Christelike doop is o.a. tekens hiervan). In die O.T. "bedeling" het die volk uitgesien na hierdie toekomstige opstanding, alhoewel die offerstelsel van afwassing van sondes toe anders gewerk het en kon nie die mens van alle sondes reinig nie (bv., kon nie vir bloedsondes betaal of die gewete volkome reinig nie)(Hebr. 9:9-28). Jesus se offer is egter volkome en instaat om alle sondes (behalwe natuurlik lastering teen die Heilige Gees) asook gewete af te was! Daarom het die wat in Hom glo die belofte van opstanding en kan volkome gereinig word.

Toe Jesus die eerste keer gekom het, het Hy veral (2) "redding vd siel" bewerk (die woord "siel" hier verwys na die "innerlike mens")("redding van siel" verwys hier na hoe die innerlike mens vernuwe word - m.a.w. "nuwe hart" - die oue dood, en staan op in 'n nuwe... - en die Christelike doop is o.a. 'n teken hiervan). Hierdie word bewerk deur "water en Gees" (m.a.w. afwassing, en die ontvang vd Heilige Gees). As iemand nie in Jesus Christus glo nie, is daar geen ander offer wat hom volkome skoon kan was nie.  En as iemand nie in Jesus glo nie, hoe sal hy die Gees ontvang?  Sonder water en Gees kan niemand weer gebore word nie!  Jesus Christus is die Een wat die Heilige Gees gee (aan die wat in Hom glo en Hom gehoorsaam)(m.a.w., die wat in Hom glo se sondes en gewete word afgewas en hulle innerlike word vernuwe - hulle word GERED deur wedergeboorte (en hulle het ook die belofte van redding vd liggaam eendag).  Wedergeborenes is soos mense wat van voor af gebore word, maar hierdie keer uit God se saad - m.a.w. is nou "geestelike mense" - is gebore uit God se saad en dus gered van hulle slaafskap onder sonde.  Oorspronklik was hulle as slawe van sonde gebore, nl. "natuurlike mense", maar nou word hulle "weer gebore" -  hierdie keer gebore as vrymense, en is dus nie meer slawe van sonde ("natuurlike mense") nie, maar nou "geestelike mense" - en omdat hulle gekoop is met die bloed van Christus is hulle in der waarheid "slawe van Christus").

Wanneer Jesus terugkom sal hierdie saligheid (bedoel vir die wat in Hom glo) voltrek word (Hebr. 9:28; Jes. 38:17).
------------------------------------------------------------------------------------------------------------------------------
(3) Saligheid is ook iets wat letterlik ervaar word deur gelowiges (bv, "alledaagse redding"), bv. redding van siekte of redding uit die hand van vyande...  Bv., die tyd wanneer Christus terugkom kan ook gesien word soos 'n tyd van wedergeboorte (Matt. 19:28) of  "tyd van HEIL (saligheid)" (Jes. 49:8), wanneer God Sy volk red uit die hand van hulle vyande... (m.a.w. wanneer die tyd wanneer Here Sy koninkryk oprig en op Sy troon gaan sit om oor die hele aarde regeer).
------------------------------------------------------------------------------------------------------------------------------

GEDAGTE:
(hierdie is soos 'n opsomming van bg.)

Alhoewel "saligheid" of die tyd van heil ook gesien word as die tyd wanneer Christus Sy volk kom red uit die hand van hulle vyande (en Hy die land herstel en hulle terugbring in die land en 'n tempel laat bou, ens.), gaan saligheid nie net oor hierdie soort redding nie, maar ook oor die redding van liggaam en siel. Matt. 10:28 - "En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel". "Saligheid" RED mense van hulle SLAAFSKAP onder sonde, en van die DOOD ((1) sal dood oorwin deur die opstanding - saligheid vd liggaam), en (2) sal nie deur die tweede dood gaan nie - dus saligheid van beide liggaam en siel).

Die wat eendag REDDING VD LIGGAAM ontvang, sal die dood oorwin.  Die wat in Christus gesterf het, sal opstaan in nuwe liggame (en vd wat in Hom glo wat nog dan in die lewe is, se liggame sal ook verander word). Weergeborenes word alreeds gesien soos mense wat redding van die liggaam ontvang het, nie net omdat hulle sondes afgewas is nie maar hulle innerlike mens ("die siel") is ook alreeds vernuwe (soos mense wat opgestaan het uit die dood! - die Christelike doop is o.a. 'n teken hiervan...). Die innerlike mens vd weergeborene kan dus gesien word soos iemand wat alreeds opgestaan het uit die dood - (Rom 6:2-4 - "....Ons wat die sonde afgesterf het, hoe kan ons nog daarin lewe? Of weet julle nie dat ons almal wat in Christus Jesus gedoop is, in sy dood gedoop is nie? Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in ‘n nuwe lewe kan wandel) - hierdie "opstanding" verwys veral na die nuwe lewe waarin die Christen wandel, en na die "redding vd siel". "REDDING VD SIEL" verwys m.a.w. na "weergeboorte". Die wat redding van siel ontvang se uiterlike (belofte) en innerlike word bewaar sodat dit nie in die ewige oordeel of "tweede dood" val nie. Alhoewel die woorde Redding vd siel dus meer verwysend is na die redding vd innerlike mens, het die wat redding vd siel verkry ook die belofte van opstanding in 'n nuwe uiterlike eendag (m.a.w. "redding vd liggaam").

GELOOF in Jesus Christus is belangrik, want as jy nie in Hom glo nie,  hoe sal jy dan eendag deur Hom opgewek word? (hoe sal jy dan eendag redding vd liggaam verkry?). Jesus het die sleuterls vd doderyk (Hy het opgestaan uit die dood en het die mag om te besluit wie lewe en wie nie).
En hoe sal iemand kan ingaan in die Koninkryk van God as sy sondes nie afgewas word nie?  Jesus het die mag om sondes te vergewe - as jy nie in Hom glo nie kan jy nie volkome vergifnis ontvang nie.
En hoe sal iemand die Heilige Gees ontvang as hy hom nie tot die Here bekeer en vir Jesus gehoorsaam nie?, want gehoorsaamheid is 'n voorwaarde om die Gees te ontvang (Hand. 5:32).  Jesus is die Een wat die Gees uitstort in mense se harte;  dus, as iemand nie in Hom GLO NIE, hoe sal hy dan die Heilige Gees ontvang?  Die Vader het alles in Jesus Christus, Sy Seun, se hand gegee (Joh. 3:35) - alle mag is aan Hom gegee in die hemel en op die aarde (Matt. 28:18), en aan Hom 'n Naam gegee wat bo elke naam is... Die Here Jesus Christus is die horing van heil van wie geprofeteer was, wie sou kom om saligheid te bewerk (Hand. 4:12 - "En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie"). (Fil. 2:9-11)   -  hierdie word in meer diepte behandel in die volgende pos oor "wat is saligheid".
----------------------------------------------------------------------------------------------------------------------------Vir die vorige dagstukkie oor "wat is saligheid?" en waarin spesifiek gekyk word na HOEKOM die mens saligheid nodig het, gaan na: https://warechristenedagstukkies.blogspot.com/2019/05/wat-is-saligheid-1.html.

Vir Bybelstudie oor die woord saligheid (oorsig), gaan na: http://warechristene.blogspot.com/2020/08/bybelstudie-die-begrip-saligheid-oorsig.html
----------------------------------------------------------------------------------------------------------------------------

Wat gebeur met die mens wanneer hy doodgaan?

Siende almal doodgaan (Ps. 89:48) is hierdie sekerlik 'n onderwerp waaroor daar gesels moet word.
Wat presies gebeur met die mens wanneer hy doodgaan? Nie alles wat vir ons vertel word oor die dood is noodwendig die waarheid nie, en wat iemand glo oor "die dood" is baiemaal 'n aanduiding van watter geloof dit is waaraan hy behoort bv., daar is die wat glo in reïnkarnasie, ander glo dat jy in 'n engel of 'n ster verander, en sommige glo daar is niks na die dood nie of glo dat die mens dan geheel ophou bestaan... As die mens se siening oor die dood "vriend" is i.p.v. "vyand", dan kan hierdie leuen veroorsaak dat so iemand vir ewig wegval bv., somtyds word die dood voorgestel soos 'n tipe wedergeboorte i.p.v. om dit te sien soos 'n tyd van "oordeel".  Deels kan dood seker as "natuurlik" gesien word siende almal doodgaan en verganklik is, maar die dood is ook iets waarvoor mense "gereed" moet wees want elke mens word nadat sy uiterlike gesterwe het, geoordeel  (Heb 9:27 - "En net soos die mense bestem is om een maal te sterwe en daarna die oordeel").
------------------------------------------------------------------------------------------------------------------------------
Om te verstaan wat presies met die mens gebeur wanneer hy doodgaan, moet ons onderskei tussen "natuurlike mense" en "geestelike mense", want die oordeel sal verskillend wees vir hierdie twee groepe. 

"Saad" bepaal wat se soort plant opkom, en wat se soort vrugte dit dra. Geestelike mense (weergebore mense; m.a.w. die wat die Heilige Gees het) is soos mense wat "uit God gebore" is (uit Sy saad);  dus, hulle het lewe... (dra vrug tot lewe), maar natuurlike mense wat nie weergebore is nie, dra vrugte vir die dood (is verganklik).Wanneer die mens sterwe word hy alreeds geoordeel bv., gelowiges en ongelowiges gaan na verskillende "plekke" wanneer hulle doodgaan (Luk. 16 ens.) - hierdie kan alreeds gesien word soos "oordeel".  In die geval van  "natuurlike mense" wag hulle gees dan op die "tweede dood", maar geestelike mense wag op "die opstanding" (en sal bv. nie deur die tweede dood gaan nie). Dus, daar vind alreeds 'n tipe oordeel plaas wanneer iemand doodgaan, en sal verder onder oordeel val die wat nie weergebore is nie, nl. sal deur die tweede dood gaan/die "ewige oordeel" Pet. 2:1-3,9; 1 Pet. 1:15-17; Jak. 3:1; Hebr. 13:4; Hebr. 10:29,30 ens.).  "Geestelike mense" is egter soos mense wat "oor gebore" word en hierdie keer nie uit Adam se saad nie maar uit God se saad (die soort plant wat opkom is instaat om daardie soort vrug te dra wat vrug is tot ewige lewe)(dus nie verganklik nie, maar onverganklik).

------------------------------------------------------------------------------------------------------------------------------

Nog iets waarop ons moet inkyk om te verstaan wat gebeur wanneer iemand doodgaan, is die INNERLIKE MENS en die UITERLIKE MENS - elke mens het 'n uiterlike ("die liggaam") sowel 'n innerlike (die mens van binne)("die siel"). Dit is bv. nie die "uiterlike" wat vernuwe word met weergeboorte nie (want dan sou so iemand se uiterlike glad nie sterf nie!), maar dit is die innerlike mens wat vernuwe word (2 Kor. 4:16) - die uiterlike is op 'n pad van godsaligheid en wag op die opstanding waarin dit vernuwe sal word... (waarin hulle onverganklike liggame sal kry). 

Wanneer die mens doodgaan, is dit die uiterlike mens (liggaam) wat sterwe, nie die innerlike mens nie (in 'n ander dagstukkie word hierdie beter verduidelik). Geestelike mense gaan wel dood, maar het die belofte dat hulle nie deur die tweede dood (oordeel vd hel/poel van vuur) sal gaan nie.

Ons ween nou wanneer 'n geliefde doodgaan, maar anders as die goddelose het gelowiges hoop om mekaar eendag weer te sien (m.a.w., wanneer hulle opgewek word-1 Pet. 1:3; Joh. 5:29; Dan. 12:2,3; Hand. 24:15...). Op dieselfde wyse het die dissipels se droefheid in blydskap verander met Jesus se opstanding uit die dode (Joh. 16:20-22; Rom. 6:9). Gelowiges het die wete dat hulle mekaar wel sal sien na die dood en het nie net hierdie hoop nie maar ook die hoop om mekaar weer te sien in die opstanding eendag.
------------------------------------------------------------------------------------------------------------
GEDAGTE:


"Geestelike mense" (wedergeborenes) sal nie vergeet word in die graf nie maar het die belofte dat hulle die dood sal oorwin (verwysend na die wat "vashou" en hulle klere bewaar) - dieselfde kan nie gesê word van die wat nie glo nie.  Wanneer iemand sterf (verwysend na die uiterlike mens wat doodgaan) is dit 'n reg wat weggeneem word want elkeen wat sterwe kan nie lewe op die aarde nie, maar daar is iets groters waarvoor die mens nog meer moet vrees - en dit is nie wanneer net die liggaam (verwysend na die uiterlike mens) verderwe word nie maar wanneer beide die liggaam en siel (verwysind ook na die innerlike mens - die mens se gees) verderwe kan word (Matt. 10:28)(genoem "tweede dood", of "die oordeel vd hel").

Die dood is soos 'n VYAND en ons is veronderstel om dit te vrees! (Matt. 10:28). Jy kan bv. nie vir enige iemand vertel dat hy na die dood met sy geliefdes gaan verenig nie want die waarheid is dat gelowiges en ongelowiges na verskillende plekke gaan. Jy kan ook nie vir 'n ongelowige leer dat "dood" bloot natuurlik is en slegs 'n oorgang na die volgende lewe en hy dit glad nie hoef te vrees nie..., want die waarheid is dat almal alreeds 'n oordeel ontvang wanneer hulle doodgaan. Die dood is beslis iets wat moet gevrees word as iemand nie wedergebore is en "met Christus beklee" is nie, en selfs "geestelike mense" wat nie in die Here bly nie, moet dit vrees. Verder is die plek waarna ongelowiges gaan ook 'n plek van pyniging (kyk gelykenis van die ryk man en Lasarus), en die oordeel vd hel (die poel van vuur) 'n oordeel wat natuurlike mense en die wat gesien word as onregverdig of ongelowig, definitief nie gaan vryspring nie! Ja, die loon vd sonde is DIE DOOD, en as iemand nie afwassing kry van sondes nie dan is sy uiteinde "die dood". Elke natuurlike mens moet verstaan dat dit nie net hulle uiterlike is wat sterf nie maar dat hulle a.g.v. sonde en ongeloof bestem is vir ewige oordeel, en dus bestem is vir "die tweede dood" (poel van vuur);  tensy hulle hul  tot die Here bekeer en glo in die Een wat die mag het om hulle vry te koop van die dood! Daar is geen saligheid na die dood nie (1 Kor. 15:26,55) - saligheid moet verkry word voor iemand doodgaan (voor die uiterlike mens sterwe).  Elke mens het nodig om verlos (vrygekoop) te word uit die mag vd doderyk (Hos. 13:14), want as hy nie hierdie verlossing (redding/saligheid) kry nie, dan is hy nog oppad na dit waarvoor natuurlike mense (gebore uit die saad van Adam) bestem is, nl. "die ewige oordeel" (die tweede dood)(die oordeel vd hel).
------------------------------------------------------------------------------------------------------------

Wat is SALIGHEID? (1)

Wat is "saligheid"?, en hoekom het die mens saligheid nodig? Die woord "saligheid" is die Gr. woord "so-tay-ree'-ah", wat beteken: -"om te red, gesondheid, red, redding...", en is bv. dieselfde woord wat as "redding" vertaal word (AOV) in Luk. 19:19, Hand. 7:25, 13:47, Rom.1:16 e.a. Ons kan ook kyk na die woord "sode'-zo" wat vertaal word as "gered" (wat basies dieselfde beteken)(bv. 1 Pet. 4:18; Tit. 3:5 ens.). As ons beweer dat die mens "redding" nodig het, dan moet ons weet wat dit is waarvan hy GERED moet word (m.a.w., wat die tema van saligheid aanbetref kan ons die volgende vrae vra): 

- (1) Wat is dit waarvan die mens GERED moet word? (bv., vyand?, slaaf?, is hy "siek"?);

- (2)  Is daar 'n manier hoe hy van hierdie vyand en/of slaaf gered kan word?, en wat moet hy doen om hierdie "saligheid" te verky?;
- (3) Hoedanig lyk hierdie redding (saligheid) wat hy beërwe wanneer hy gered word?

------------------------------------------------------------------------------------------------------------

(1)(a) Die DOOD is ons groot VYAND (1Kor. 15). Die mens was nie geskep om dood te gaan nie, maar in sy huidige toestand is hy bestem om een maal te sterwe en daarna die oordeel (Hebr. 9:27).  Die blote feit dat elke mens sterwe is bewys dat dit wat in die tuin van Eden gebeur het, werklik gebeur het! (Gen. 2:17; 3:3). Ons moet verstaan dat dit SONDE is wat hierdie vyand aanbring het...(1 Kor. 16:56; Ps. 90:3; Joh. 8:24; Rom. 5:15; 6:23), en dat dit die duiwel (die VYAND van alle geregtigheid - Hand. 13:10; Matt. 13:39) is wat die mens verlei het om te sondig (Gen. 3:4). As die mens nie gesondig het nie, dan sou hy nie sterwe nie! (Gen. 2:17). Die loon vd sonde is die DOOD (Rom. 6:23), maar die mens is nie net uiterlik van aard nie, maar elkeen het ook 'n innerlike mens ('n gees word in elke mens se binneste geformeer-Sag. 12:1). Dus, wat gebeur met die innerlike mens wanneer die uiterlike mens sterwe? Wat presies is die "oordeel" waarna verwys word in Hebr. 9:27?, want as die loon vd sonde die dood is, dan moet hierdie oordeel ook na iets soos "dood" verwys... Die Skrif leer vir ons wat hierdie oordeel is en noem dit "die oordeel vd hel" (Matt. 23:33; 10:28), ook genoem die "tweede dood" (Openb. 20:14; 21:8). Die loon vd sonde is die dood - die wat die sonde dien is m.a.w. tot TOORN bestem (Ef. 2:3; Kol. 3:6; Ef. 5:6; 1Th 5:9; 2:16; Hebr. 3:11...) en het dus redding nodig! - het m.a.w. nodig om GERED te word van "die dood"... ("die tweede dood" nl. die ewige oordeel (Ps. 78:5), asook oorwinning oor "eerste dood" m.a.w. belofte van opstanding tot lewe), want as hulle nie daarvan gered word nie dan sal hulle onder God se toorn val ("die ewige oordeel"). Vir iemand om hierdie toorn of oordeel vry te spring, moet hy dus VAN DIE DOOD GERED WORD (1 Thess. 1:10), en die woord "saligheid" beskryf o.a. hierdie redding.

Net soos 'n vyand iemand agtervolg en inhaal en verwoes, so maak "die dood" met die mens - dit agtervolg en haal hom in, en vewoes elke mens... In ander woorde kan ons sê dat die mens word geoordeel... tot die DOOD, maar dit verwys (1) nie net na wanneer die uiterlike mens STERWE (m.a.w. wanneer hy sy laaste asem uitblaas) nie, maar (2) verwys ook na die OORDEEL wat daarna volg... (die ewige oordeel - die tweede dood), want wanneer die mens doodgaan sterf sy "uiterlike mens" wel en keer terug na stof, ja, maar dan wag hy (die mens as siel / gees - m.a.w. "die innerlike mens") op die (ewige) oordeel... (Matt. 10:28). 

------------------------------------------------------------------------------------------------------------

(1)(b)  Die natuurlike mens is 'n SLAAF van die SONDE (1Kor. 15) - soos iemand wat verkoop word as slaaf is die natuurlike mens verkoop onder sonde (Rom. 7:14). In daardie opsig "dien hy die sonde" soos 'n slaaf sy heer dien. Elkeen wat 'n slaaf is van sonde is van nature kinders vd TOORN (Ef. 2:3). As die loon vd sonde "die dood" is, dan is die enigste manier waarop iemand nie tot dood geoordeel word nie, is om nie die sonde te dien/doen nie! Hierdie is onmoontlik siende elke mens in sonde gebore is... (en daarom verganklik/gaan dood)(genoem die "natuurlike mens" -gebore uit vlees / "gebore uit Adam se saad"). Elke natuurlike mens gebore uit vlees en verganklike bloed (Gen. 2:17; 3:3,4), is dus soos 'n "SLAAF of dienskneg" van SONDE (2 Pet. 2:19; Rom. 6:17; Rom. 5:15,17) want hulle is "in sonde gebore" (Ps. 51:5; 1 Joh. 1:8) - want waar ‘n mens deur oorwin is, daarvan het hy ook ‘n slaaf geword! (2Pe 2:19)(vgl. hierdie met die verhaal van Adam en Eva). Ons sien dus dat die NATUURLIKE MENS in 'n probleem gewikkeld is omdat hy in sonde gebore is, en is dus soos 'n slaaf is van sonde - iets waarvan hy REDDING NODIG het. As hy nie redding hiervan kry nie, sal hy beslis onder die ewige oordeel val. Die (natuurlike) mens het dus nie net AFWASSING nodig nie, maar ook VERNUWING... (bedoelende "uit ander saad gebore word")(Tit. 3:5)(sodat hy ophou sondig-1 Joh. 3:6), want as hy nie weergebore word nie, dan bly hy 'n slaaf van sonde.  Die wat in Jesus Christus glo word deur Hom deur die Heilige Gees weergebore (gebore uit God se saad)("die innerlike mens").  Die geestelike mens (die wat weergebore is) se uiterlike gaan wel steeds sterwe, ja, want wanneer hy "vernuwe" word (deur die wedergeboorte) is dit nie sy uiterlike wat vernuwe word nie maar sy innerlike mens. Hy begin wel anders dink en doen (want sy innerlike is vernuwe) en hy gee sy uiterlike mens as slaaf vir Christus, maar hy het nog gedurig afwassing van sondes nodig (omdat sy uiterlike mens nie vernuwe is nie, en sy uiterlike mens gaan daarom steeds sterwe...). Maar alhoewel die geestelike mens se uiterlike mens sterwe, net soos die natuurlike mens, het die geestelike mens die belofte van opstanding tot lewe eendag (en sy uiterlike mens sal dus so ook die dood oorwin - 1 Kor. 15:54). Die Christen (se innerlike mens) het dus wel LEWE in die onverganklike bloed van Christus, ja, maar sy "uiterlike mens" is nog in 'n verganklike liggaam... (Rom. 7).

Wie dit is vir wie "kinders" gehoorsaam en dien, het dus te doen met watter saad dit is waaruit hulle gebore is (1 Joh. 3:9)(bv. kinders gehoorsaam hulle ouers - is uit hulle saad gebore). Die natuurlike mens is gebore uit vlees (gebore uit die saad van Adam en dien dus die sonde), maar die geestelike mens is uit Gees gebore (Joh. 3:5-8)(uit God gebore-Joh. 1:13; 1 Joh. 3:9; 4:7; 5:1,4,18) en dien dus die Here (hy verkry 'n goddelike natuur-2 Pet. 1:4).  Die gelowige is duur gekoop en hy gee sy liggaam as slaaf vir Christus... (nie meer 'n slaaf vd sonde nie).

------------------------------------------------------------------------------------------------------------

GEDAGTE:

Wat is dit waarvan die mens GERED moet word (vyand, slaaf, is hy "siek") ?

Dit is duidelik dat elke mens REDDING NODIG het, nie net
(1)(a) van hulle vyand , die dood, nie;  maar ook redding nodig van
(1)(b)die sonde wat hy soos 'n slaaf dien (omdat hy in sonde gebore is)(en is dus verganklik).

Na regte kan "die natuurlike mens" gesien word soos 'n "kind van die duiwel" omdat hy die sonde DIEN, want dit gaan oor wie dit is vir wie jy dien/vertrou/gehoorsaam (Eva het na die slang geluister / Adam het na Eva geluister en dus indirek ook die slang vertrou )(1 Joh. 3:8a - "Hy wat die sonde doen, is uit die duiwel, want die duiwel sondig van die begin af....")(1 Joh. 3:10; 1 Joh. 5:19; Joh. 8:44; Ef. 2:2). Daar is 'n plek berei vir die duiwel en sy engele (Matt. 25:41), nl. "die ewige vuur/oordeel" of "die poel van vuur", en alhoewel hierdie plek nooit bedoel was vir mense nie sal alle "natuurlike mense" wat uit vlees en verganklike bloed gebore is, daar opeindig (omdat hulle VERGANKLIK is)... - almal wat sondig kan dus gesien word soos "kinders vd duiwel" en moet dus na dieselfde plek gaan wat berei is vir die duiwel want die loon vd sonde is die dood! (Rom. 6:23). Hierdie "oordeel" word ook genoem "oordeel vd hel" (Matt. 23:33) of die "tweede dood" (Openb. 2:11; 20:6,14; 21:8).
(1)(c) In daardie opsig kan die mens gesien word as "siek" (want elke mens gaan dood) en het "genesing" nodig (Mal. 4:2; Matt. 9:11-13). Nie alle mense sal gered word, m.a.w. "saligheid beërwe" (of "saligheid van siel" verkry-1Pet.1:9) nie, maar slegs 'n uitgesoekte groep mense op aarde..., en hierdie "hoop" is slegs in een Persoon (nl. Jesus Christus), en dus slegs op een manier verkrygbaar... (Hand. 4:12; Hebr. 9:28; Luk. 1:77; Joh. 4:22; Rom. 11:11). (Heb 2:14,15).  Christene (die wat in Christus Jesus GLO) deel in hierdie gemeenskaplike saligheid (Jud. 1:3) en het die hoop op saligheid... (1 Thess. 5:8; Rom. 13:11; 1 Pet. 1:5,9 ens.) - nie net is hulle innerlike mens vernuwe nie, maar hulle het ook die hoop dat hulle uit die dood uit OPGEWEK sal word wanneer Jesus Christus terugkom, in nuwe verheerlikte liggame (1 Kor. 15)(en sal so die dood oorwin - verwysend na die uiterlike mens). Hierdie is iets waarna die volk van God nog altyd uitgesien het en is oor die eeue deur vele profete geprofeteer (Dan. 12:2,3; Hos. 13:14; Ps. 49:15; Joh. 11:24), en ook deur Jesus Christus self bevestig (Joh. 11:25,26;  5:28,29; Matt. 22:23-32; Luk. 14:14 ens.). In die eerste Christelike kerke is daar baie gepreek oor die opstanding van die dode en is met rede een van die basiese beginsels van Christenskap (Hand. 17:31,32;  24:15 ens.).

Niemand kan bely dat hy nie SALIGHEID nodig het nie want alle mense het dieselfde VYAND, en almal sondig (is 'n SLAAF van sonde), en almal is dus "geestelik" siek.  As iemand nie REDDING (saligheid verkry) nie, kan hy nie vir ewig (op aarde) lewe nie, en sal dus onder die oordeel van die tweede dood val. As VERGANKLIKE (1 Kor. 15:22; Rom. 5:12) en SLAAF van sonde, het elke mens nodig om vrygekoop te word. M.a.w. solank iemand lewe, het hy "redding" nodig!, want wanneer hy sterwe, volg die oordeel...(Hebr. 9:27). Die saligheid wat egter belowe word vir die wat glo in Jesus Christus en Hom gehoorsaam, is nie net tydelik nie maar 'n EWIGE SALIGHEID! (Heb 5:9). Vir die wat "ingaan" word belowe dat daar nooit meer dood sal wees nie... (Openb. 21:4; Jes. 25:8) - hulle sal reg hê op DIE BOOM VD LEWE en ingaan deur die poorte in die stad, die nuwe Jerusalem (Openb. 22:14). Die woord "SALIGES" verwys na dissipels van Jesus Christus (Luk. 6:20) - die wat nie aan Hom aanstoot neem nie (Matt. 11:6) en "waak en hulle klere bewaar" (Openb. 16:15) en DEEL HET AAN DIE EERSTE OPSTANDING (Openb. 20:6)...
----------------------------------------------------------------------------------------------------------------------------

VIR DIE TWEEDE DEEL OOR HIERDIE ONDERWERP, GAAN NA: https://warechristenedagstukkies.blogspot.com/2020/08/wat-is-saligheid-2.html

----------------------------------------------------------------------------------------------------------------------------