Wat is die verskil tussen die BESNYDENIS en die CHRISTELIKE DOOP?

Alhoewel die Christelike doop nie die besnydenis vervang het nie, is daar heelwat ooreenkomste tussen die vleeslike besnydenis vd Ou Testament en die Christelike doop vd Nuwe Testament.  In die verskillende bedelings word wette verskillend vervul, en met die besnydenis is dit niks anders nie. .. In kort, die besnydenis het nie weggeval nie maar word bloot op die uitnemender manier vervul in die N.T. - en die manier hoe dit vervul word in die nuwe is nie deur die Christelike doop nie, maar deur die besnydenis van hart en ore  (alhoewel die Christelike doop ook maar 'n teken is hiervan!)(kyk "nuwe lewe"/nuwe hart en "hoor"). In die O.T. was "die besnydenis van hart en ore" ook die uiteindelike bewys van wie dit is wat werklik glo...  

---------------------------------------------------------------------------------------------------------------------------- In die O.T. was die besnydenis 'n belangrike teken onder die volk van God - almal wat manlik was onder die volk moes besny word op 8 dae oud (die voorhuid is afgesny), en as hulle hierdie nie wou doen nie was daar ernstige gevolge;  bv., so iemand moes uit die volk uitgeroei word (Gen. 17:14) en mag nie deelgeneem het aan die Paasfees nie (Eks. 12:43-45), en mag ook nie met 'n dogter van die volk getrou het nie (Gen. 34). As jy 'n seun onder die volk gebore is was dit jou lot ...- elke manlike kind onder die volk was soos 'n priester vir die Here - die mans was afgesonder vir die Here en ook op 'n bepaalde tyd gebring om aan die Here voorgestel te word (Luk. 2:23,24 - kyk "reinigingsoffer")(kyk "bar-mitzvah" op 13 jarige ouderdom - dan het 'n seun 'n man geword-Num. 6:24-26).  Maar waarvan presies was die besnydenis 'n teken (wat het dit voorgestel)? Die besnydenis was 'n teken van God se verbond met die volk ('n teken dat hulle deel is van Sy volk)(Gen. 17 - vgl. met Gen. 12:1-7)(Gen. 34:17,22). Maar ons sien dat die "besnydenis van hart en ore" dit is waaroor die besnydenis eintlik gegaan het. Vir 'n studie oor "besnydenis van hart en ore", gaan na: (https://warechristene.blogspot.com/2016/11/die-besnydenis-2-besnydenis-van-hart-en.html). As hulle hul nie wou besny nie was dit eintlik 'n teken van ongeloof . Op beurt het dit nie veel gehelp jy is besny maar jy het nie geloof nie! Dus, ook in die O.T. was ongehoorsames hanteer soos mense wat nie besny is nie (al was hulle mans vleeslik besny)- wat help dit jy is vleeslik besny, maar het onbesnede hart en ore? Hierdie was moeiliker onder die wet van Moses, maar die inwoning van die Heilige Gees maak dit makliker vir ons in die N.T.  Die BESNYDENIS het dus nooit weggeval nie, maar word beter vervul in die N.T. deur ons geloof in Jesus Christus (Hy vergewe ons sonde, en die Heilige Gees stel ons instaat om nie meer die sonde te dien nie!).

----------------------------------------------------------------------------------------------------------------------------

In die eerste Christelike gemeentes was daar baie oor die besnydenis gesels en oor of dit steeds nodig is. Die Joodse Christene was natuurlik besny, maar wat van die Christene uit die heidene? Sommige het geglo dat dit steeds belangrik is, en ander nie (Hand. 15:24). Natuurlik is daar goeie mediese voordele aan besnydenis, maar in hierdie geval het dit gegaan oor die geestelike (wat met gevolge sou kom sou dit nie gehou word nie, bv. dat onbesnedens afgesny word van die res, verbied word om saam Pasga te hou, en verbied word om te  trou met vrouens van die Christelike geloof). Die dissipels het verstaan dat die gebaar van besnydenis meer gegaan het oor die "besnydenis van hart en ore" as wat dit gaan oor die vleeslike besnydenis, en daar was 'n besluit geneem dat die juk vd vleeslike besnydenis nie verder op Christene gelê word nie... (Hand. 15:10-29,24). Verder was die wat hulle vleeslike besny, onderwerp aan die wet van Moses (Gal. 5:3; 6:13), terwyl daar nou 'n beter manier (as die wet van Moses) was om "hart en ore te besny".  

----------------------------------------------------------------------------------------------------------------------------

In die N.T. word "onbesnedenes" nie gesien as die uit die heidene nie, of vleeslik onbesny nie, maar onbesnedes in die N.T. verwys na die wat nie glo in Jesus Christus nie;  ma.w., die wie se harte en ore nie besny is nie (Hand. 11:2-18)(hulle is nie vernuwe nie/het nie 'n "nuwe hart" gekry nie en "hoor" nie, en gee ook nie verder ag op die pad van godsaligheid nie). Christene uit die heidene is wel nie vleeslik besny nie, maar ten spyte van die feit dat hulle nie besny is nie ontvang hulle die Heilige Gees! -  wat 'n bewys is dat hulle aangeneem is!  (en l.w. dat niemand sal die opstanding tot lewe verkry as hy nie AANGENEEM word nie... - Rom. 8:23). Dit is die "kinders van die opstanding" (die wat waardig geag word om die opstanding uit die dode te verkry) wat uiteindelik die koninkryk sal sien... - hulle sal ingaan in die koninkryk en sal die land as ewige besitting verkry (Dan. 7:27), en sal wees soos engele en KINDERS VAN GOD (Luk. 20:36).

----------------------------------------------------------------------------------------------------------------------------

GEDAGTE:

 

Die Christelike doop word somtyds gesien as 'n teken wat die vleeslike besnydenis vervang het, maar l.w. dat DIE BESNYDENIS self NIE VERVAL HET NIE!, maar word op 'n uitnemender manier vervul in die N.T.... (nl. die klem is nie op die vleeslike besnydenis van die mans nie, maar "besnydenis van hart en ore" - wat slegs moontlik is deur GELOOF). Die kinders vd besnydenis (hetsy ou of nuwe testament) verwys na die kinders van GELOOF (nie die kinders na die vlees nie)(die belofte was bv. aan Abraham gemaak (Gen. 12) lank voor die instelling vd vleeslike besnydenis onder die wet van Moses (Gen. 17)) -  is bv. nie beperk tot die Hebreeuse volk en vleeslike besnydenis vd mans nie (Hand. 10:45), maar het hulle besnydenis deur geloof ontvang (Hand. 11:2). In die N.T. verwys besnedenes na die wie se hart en ore besny is... (m.a.w., die wat vernuwe is deur die weergeboorte asook ag gee op die pad van godsaligheid). Die besnydenis van die hart en ore is  nie net iets wat deur God in die gelowige gedoen word (kry "nuwe hart") nie, maar is ook iets wat van elke gelowige verwag word om self te doen (m.a.w. om ag te gee op die pad van godsaligheid, bv. gehoorsaamheid/werke is 'n bewys dat iemand glo). GELOOF  bepaal of iemand gesien word as 'n besnedene of as 'n onbesnedene (Rom. 4:9,10)(en l.w., geloof sonder werke is dood). 

Dat daar kenmerkende ooreenkomste is tussen die TEKEN van die (vleeslike) besnydenis en die TEKEN van die Christelike doop, is verseker:

- (1) Die besnydenis was bv. 'n teken van wie deel is van die "verbonds"volk, en wys op die nageslag van Abraham... L.w. dat almal wat aan Christus behoort ook gesien word as die nageslag van Abraham...- en volgens die belofte erfgename!  (Gal 3:27 - "want julle almal wat in Christus GEDOOP is, het julle met Christus beklee. Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus. En as julle aan Christus behoort, dan is julle die nageslag van Abraham en volgens die belofte erfgename"). Die doop is o.a. 'n teken hiervan - bestudeer gerus die term "met Christus beklee", wat veral verwys na hoe weergeborenes "vlees en been" is van Christus (is familie van Hom / asof uit Hom gebore - "is uit God gebore" - natuurlik nie fisies uit Hom gebore maar het dit deur die geloof ontvang). 

- (2) Die vleeslike besnydenis was slegs 'n teken - die ware besnydenis was die besnydenis van hart en ore. Alhoewel ons nie onder die juk vd vleeslike besnydenis is in die N.T. nie, het die belangrikheid van "ware besnydenis" nie verval nie.  In die O.T. was die wat besny is "onder die wet (van Moses)", maar in die N.T. verwys gelowiges na die wat "onder Christus" is (hulle is deur Hom vrygekoop, en Hy is nou hulle meester - "slawe van Christus").  L.w. dat die Christelike doop ook o.a. hierdie voorstel..., nl. vergifnis van sonde en "doodgaan vir sonde" en "opstaan in 'n nuwe lewe om vir die Here te lewe". 

- (3) Besnedenes in die O.T. het die belofte gehad van opstanding! (maar onbesnedenes sou vergeet word in die graf...-Eseg. 28:10; 32:19,27; Jes. 38:18). In daardie opsig is die dood anders vir onbesnedenes as wat dit is vir die wat besny is (1 Kor. 7:18; Gen. 17:4-9) - besnedenes sal eendag opstaan tot (ewige) lewe.  L.w. dat die Christelike doop ook o.a. hierdie voorstel..., nl. belofte op opstanding in 'n nuwe liggaam wat vir ewig sal lewe.  

- (4) Die vleeslike besnydenis het nie veel beteken as hart en ore nie besny is nie - ongelukkig was dit moeilik onder die ou bedeling (onder die wet van Moses) om vergifnis van sonde te hou, want al het hulle vergifnis gekry deur bloedoffers, moes hierdie offers oor en oor gebring word omdat baie nog steeds "die sonde gedien" het (op daardie manier het die sonde net meer en meer geword). Vernuwing van die hart en gehoorsaamheid aan die Here (ore/"hoor") was nog 'n bewys van wie glo. Die wat in Jesus Christus glo verkry nie net vergifnis van sonde nie, maar ontvang die Heilige Gees deur wie hulle vernuwe word en instaat word om vrug (vrug tot lewe) vir die Here te dra - wat 'n veel uitnemender weg in die nuwe bedeling! L.w. dat die Christelike doop ook o.a. hierna verwys..., nl. die nuwe lewe (nuwe hart en pad van godsaligheid). Dit is waarom die Skrif leer dat almal wat hulle besny is "onder die wet (van Moses) is"... (Gal. 5:3)(gehoorsaam aan die wet van Moses) en is daardeur geoordeel, maar die Christelike doop is in die nuwe bedeling bedoel vir die "onder die wet van vryheid" (die wat "onder Jesus" is / hulle is "onder die Heilige Gees" deur wie Hy teenwoordig is), en sal deur "die wet van vryheid" geoordeel word. 

Nie almal wat GEROEP is sal uiteindelik die Koninkryk beerwe nie, want baie is geroep, maar min uitverkies (Matt. 22:14).    In die N.T. word "onbesnedenes" nie gesien as die uit die heidene of die wat vleeslik onbesny nie, maar onbesnedes in die N.T. verwys na die wat nie weergebore (deur geloof in Jesus Christus ) is nie;  ma.w., die wie se harte en ore nie besny is nie (Hand. 11:2-18). Net soos in die geval van die ou bedeling, sal Christene wat bloot staatmaak op die feit dat hulle "gedoop" is maar nie ag gee op die pad van godsaligheid nie, steeds gesien word soos "onbesnedenes" (al het hulle deur die Christelike doop gegaan - die pad van godsaligheid is m.a.w. steeds belangrik).  Net soos die ongehoorsames onder die volk van God destyds gesien is as "onbesnede" (al was hulle mans vleeslik besny), net so word die ongehoorsame N.T. gelowige gesien as "onbesnede" (al is hy gedoop!). 

----------------------------------------------------------------------------------------------------------------------------

Wat dit beteken om deel te wees/word van die Koninkryk van God

'n Man van hoë geboorte, wat regstaan om Sy koningskap op te neem (Luk. 19:11-27), is Jesus Christus die Seun van God, die vors van vrede (Jes. 9:5). Hy sal ware vrede bring op aarde...  Huidiglik is Hy "soos 'n man op reis" - 'n man wat na 'n ver land gereis het, sy huis agtergelaat het, en sy diensknegte volmag gegee het (vir elkeen sy werk en aan die deurwagter bevel gegee het om te waak...)(Mark. 13:34). En na 'n tyd kom Hy terug! en sal Sy ewige koninkryk op aarde oprig, 'n koninkryk waarna die volk van God lank uitgesien het... (Matt. 15:43; Luk. 23:51). Die Skrif leer dat Jesus vd hemel af sal terugkom (waarnatoe Hy opgevaar het na Sy opstanding), en elke oog sal Hom sien, en Hy sal Koning wees oor die hele aarde... (https://warechristenedagstukkies.blogspot.com/2018/07/die-christen-die-politikus.html). Toe Jesus die eerste keer gekom het het baie mense gedink dat Hy hierdie "aardse" koninkryk in daardie dae sou oprig (Luk 19:11; 17:20; Hand. 1:6), maar dit sal eers gebeur wanneer Hy terugkom. Die Skrif leer verder dat Hy vanuit Jerusalem sal regeer oor die hele aarde (Ps. 2:6-9; Jes. 24:23). Hy sal die ander koninkryke verbrysel en 'n ewige koninkryk oprig (Dan. 2:44)(wat sal begin met 'n 1000-jaar tydperk wat 'n nuwe "eeu"/bedeling inlei...). Christene wag op hierdie "wederkoms" (Hand. 1:11; Openb. 1:7), wat terloops gepaard gaan met 'n opstanding van heiliges (geroepenes) wat sal bepaal wie ingaan in Sy koninkryk en wie nie... In die opstanding sal sommige opstaan tot lewe, en ander sal opstaan tot veroordeling (Joh. 5:29). 

Na regte het die koninkryk al gekom op 'n geestelike manier - m.a.w., Christene behoort eintlik alreeds aan Sy koninkryk (Hy is teenwoordig deur Sy Gees, Hy is hulle Koning, hulle dien Hom...), maar die aanneming tot kinders word eers regtig voltrek in "die opstanding". Bv., nie almal wat huidiglik gesien word as deel vd koninkryk van God (die geroepenes), sal inderdaad eendag ingaan in die koninkryk nie. Sommige sal nie ingaan nie om sekere redes, bv. omdat hulle nie vrug dra nie of vrug verloor het, of omdat hulle afgeval het, ens. Die term "koninkryk van God" is dus beide 'n term wat gebruik word vir die huidige Christelike kerk, asook vir die toekomstige fisiese koninkryk van God op aarde. Die term "koninkryk van God" verwys dus nie net na die wat huidiglik aan die Christelike kerk behoort nie, maar kan ook verwys na die eendag fisiese koninkryk van God op aarde; maar nie almal wat huidiglik aan die Christelike kerk (koninkryk van God) behoort sal eendag ingaan in die fisiese koninkryk wat Jesus sal oprig (wanneer Hy terugkom) nie. In die huidige kerkbedeling (koninkryk van God/koninkryk vd hemele) is daar bv. nie net "KORING" (die wat vrug dra) nie, maar ook "KAF" (die wat nie vrug dra nie-hulle sal uitgegooi word)(Matt. 3:12; Luk. 3:17; Matt. 21:43). Sommige neem die woord aan en word deel vd koninkryk, maar val af die oomblik as versoeking kom omdat hulle nie wortel het nie (hulle kan dus nie groei en vrug dra nie)(2de groep in die gelykenis vd saaier). Daar is die wat wel vrug dra maar hulle vrug verloor (3de groep in die gelykenis vd saaier). En nie almal is "SKAPE" (barmhartiges) nie, maar sommige is "BOKKE" (onbarmhartiges)(Matt. 25:31-46)(hulle sal ook nie kan ingaan nie). En nie almal "hou vas" nie - die waarheid is dat wanneer Jesus terugkom sal baie wat huidiglik gesien word as kinders vd koninkryk, "nie gereed wees nie" (en die deur sal vir hulle toegemaak word)(Matt. 25:1-13).  Daar is ongehoorsames in die kerk (die wat nie die wil vd Here doen nie - hulle ken nie die Here nie en sal weggestuur word)(Matt. 7:21).  En daar is selfs mense wat insluip onder die kinders vd koninkryk, bv., die "ONKRUID" (valses, wat voorgee hulle dien die Here, maar doen nie)(die struikelblokke)(Matt. 13:24-10), wat baiemaal soos verleiers optree (alhoewel hulle tussen die kinders vd koninkryk beweeg, asof geroepenes, is hulle eintlik deur die vyand daar gesaai - hulle sal ook nie kan ingaan nie). En sommige word selfs BOOS en VERHARD hulle HARTE, al ken hulle die waarheid! (Rom. 1)........ Dus, alhoewel die wat nou deel word vd koninkryk van God die belofte het van ewige lewe, is daar sommige wat dit ongelukkig gaan verloor agv afvalligheid, vrugteloosheid, ongehoorsaamheid, ens. Hulle word wel nou gesien as "deel vd koninkryk van God", maar sal nie almal eendag ingaan in die fisiese koninkryk van God en opstaan tot lewe nie. Jesus Christus sal besluit wie ingaan en wie opstaan tot lewe, en wie nie.

----------------------------------------------------------------------------------------------------------------------------- 

HOE WORD IEMAND DEEL VD KONINKRYK VAN GOD?

(m.aw., hoe word ons burgers word van Sy "land"?). 

Wanneer iemand emigreer is dit nie so maklik om deel te word van 'n ander land nie.  Immigrante moet deur baie dinge gaan voor hulle burgerskap in die nuwe land kan ontvang.  O.a. kan dit beteken dat hulle eers moet bewys dat hulle tot voordeel is vir die land en dus vir 'n tyd lank werk in die land voor hulle burgerskap kan ontvang, en is dus soos vreemdelinge in daardie hele tyd (geniet bv. nie onmiddellik ditto voordele as die burgers nie);  of hulle moet 'n groot som geld betaal om burgerskap te koop...  Daar is bepaalde stappe wat geneem word om burgerskap te kan verkry - in ander woorde, immigrante moet dit eers verdien of hulle moet dit koop, en wanneer hulle burgerskap in die nuwe land ontvang moet hulle "trou sweer" aan die nuwe land/regering.  Wat die koninkryk van God aanbetref kan dit egter nie gekoop of verdien word nie, maar daar is ook bepaalde stappe nodig voor iemand burgerskap kan ontvang, bv. gesindheid is belangrik!;   nl. vrees vir die Here en om Sy geregtigheid te soek;  en wat is iemand bereid om op te gee terwille vd koninkryk? 

-  (Hand. 10:35 - "maar dat in elke nasie die een wat Hom vrees en geregtigheid doen, Hom welgevallig is");

-  (Matt. 13:44 - "Verder is die koninkryk van die hemele soos ‘n skat wat verborge is in die saailand, wat ‘n man kry en wegsteek; en uit blydskap daaroor gaan hy en verkoop alles wat hy het, en koop daardie saailand")(Matt. 6:19-21,33; Luk. 12:16-21).  

Vrees vir die Here en om Sy geregtigheid te doen, en bereidheid om wil ens. "op te gee" is die maniere hoe iemand wys dat hy 'n burger kan word...  

DIE MANIER HOE JY 'N BURGER WORD IS NATUURLIK DEUR "TROU TE SWEER" AAN JESUS CHRISTUS! (m.a.w., jy moet in Hom glo...)(Joh. 5:24; 6:35,40,47; Joh. 11:25,26; ens.). 

-----------------------------------------------------------------------------------------------------------------------------

Identiteit speel ook 'n groot rol wanneer dit kom by burgerskap. Jy kry bv. outomaties burgerskap op 'n sekere ouderdom wanneer jy gebore is in 'n land (is "'n kind vd volk"), en jy geniet die voordele van 'n burger alreeds vanaf geboorte. Op dieselfde wyse is daar 'n volk op hierdie aarde aan wie burgerskap in die koninkryk van God belowe is, wat hulle bloot ontvang deur geboorte... (nl. die Hebreeuse volk deur 'n spefisieke geslagslyn, nl. Abraham, Isak, 12 stamme van Israel...);  hierdie groep mense staan bekend as die GEROEPENES, en aan hulle is burgerskap belowe - alhoewel die uiteindelike "aanneming tot kinders" gekoppel is aan voorwaardes!, en word eers voltrek in "die opstanding"... (bv., die wat eendag opstaan tot veroordeling sal nie in die koninkryk ingaan nie - baie is geroep, maar min uitverkies).  Enige iemand kan deel word van hierdie geslag (aan wie die erfenis belowe is - hulle kan onder die "kinders van Abraham" ingedoop word), nl. deur GELOOF IN JESUS CHRISTUS.  Die wat in Jesus Christus ("kind van Dawid"/Seun van God) glo, ontvang dus hulle kindskap deur die geloof in Hom (nie deur fisiese geboorte nie, maar geestelike geboorte) - hulle is "kinders van Hom" (asof uit Hom gebore - daar word o.a. na weergeborenes verwys as "gebore uit God")(Ef. 2:11-13). Weergeborenes word onder die kinders van Abraham ingedoop en het die belofte van erfenis (soos mense wat uit daardie geslag gebore is).   

-----------------------------------------------------------------------------------------------------------------------------

'n Lewensmaat en kinders het dit ook makliker wanneer 'n gesin emigreer. 'n Man se vrou en sy kinders kan bv. maklik papiere kry in 'n nuwe land.  Hulle hoef nie deur presies dieselfde stappe te gaan om burgerskap te ontvang as die man nie (hoef bv. nie te bewys dat hulle tot voordeel is vir die land nie), maar verkry dit bloot omdat hulle aan die man/pa behoort. Op ditto wyse sal almal wat aan Jesus Christus behoort, "papiere kry" wanneer Hy terugkom;  maar die wat nie in Hom glo en Hom nie dien nie kan nie verwag om te erf nie. Hy is immers die "Man" - alles behoort aan Hom... (Rom. 14:8; Gal. 4:21-31; Ef. 1:10; 5:23; Kol. 1:18; ens.). 

-----------------------------------------------------------------------------------------------------------------------------

GEDAGTE:

(1) Vir iemand om deel te word vd koninkryk van God is gesindheid dus eerstens belangrik, m.a.w. VREES VIR DIE HERE en OM SY GEREGTIGHEID TE DOEN - dus bekering waar nodig! Die koninkryk van God is soos 'n skat... - wat is jy bereid om op te gee ter wille van hierdie koninkryk (om dit te verkry)?  Bv., is jy bereid om jou wil op te gee? Is jy bereid om die Here alleen te dien, ens.. Hierdie gesindheid is belangrik voor iemand 'n burger kan word vd koninkryk van God/hemele. 

(2) Die manier hoe iemand burgerskap ontvang in die koninkryk van God, is deur geloof in Jesus Christus;  m.a.w., om "trou te sweer" aan Hom (Ef. 2:11-13; Fil. 3:20). 

(3) Verder is dit belangrik om vas te hou aan die Here..., want as jy nie vashou aan die Here nie gaan jy dalk nie ingaan in die ewige koninkryk nie (gaan dan nie kan opstaan tot lewe nie, bv. die sonder vrug, bokke, ens.).   Die wat burgerskap ontvang het (die wat huidiglik deel is vd koninkryk van God/Christelike kerk) is onderwerp aan die geloof, maar l.w. dat geloof sonder werke dood is (Jak. 2:20,26). Die "aanneming tot kinders" word eers volkome voltrek in die opstanding. Dus:  Hou vas aan die geloof! (Openb. 2:13; 2:25; 3:11). Bly in Jesus Christus, want sonder Hom kan ons nie (groei en) vrug dra nie (Joh. 15:4-7).  En glo in Sy woorde/die waarheid wat Hy verkondig het (Hand. 3:23; Hebr. 12:25; Joh. 12:47.48; 14:10), want om in Jesus te glo, beteken ook dat jy in Sy woorde glo (glo dat dit wat Hy verkondig het die waarheid is). Moenie ander "bronne" gebruik nie - gaan voort om die Here te dien (moet Hom nie verloen/verwerp nie). Moenie jou hart verhard teen Hom en Sy waarheid nie, Christene is wel vrygekoop (van hulle slaafskap onder sonde), maar behoort nou aan Jesus Christus (deur wie hulle vrygekoop is - is dus nou slawe van Hom), en moet Hom gehoorsaam/dien... (1 Kor. 7:22). Christene kan nie doen "wat hulle wil" nie, maar moet doen wat die Here wil.

-----------------------------------------------------------------------------------------------------------------------------

Die mens gaan nie dood wanneer sy hart stop nie?

Die mens gaan nie dood wanneer sy hart stop nie maar wanneer hy sy laaste asem uitblaas (1 Kon. 17:17; Job 3:11; Gen. 25:8)- ...en dan stop die hart.  Ons weet goed dat solank iemand ASEM het die hart weer aan die gang gemaak kan word, maar sou die asem die liggaam (of meer presies "uiterlike mens") verlaat is dit nie meer moontlik nie en hy moet dan eers die asem terugkry voor sy hart weer aan die gang kan kom. 'n Goeie vb. hiervan is die van die twee toekomstige getuies in Openb. 11:11 - (Openb. 11:11 - "En ná die drie en ‘n halwe dag het ‘n gees van die lewe uit God in hulle ingegaan, en hulle het op hul voete gaan staan, en ‘n groot vrees het geval op die wat hulle aanskou het"). Wanneer iemand die asem uitblaas, verlaat die "siel" ("siel" 'n woord wat somtyds gebruik word van die innerlike mens - die mens van binne) die liggaam. Ons sien 'n vb. hiervan in 1 Kon. 17 waar Elia tot die Here bid en vra dat 'n kind se siel in hom terugkeer (1 Kon. 17:21,22).

Asem verander iemand in 'n lewende siel (Gen. 2:7) en dus, sonder asem kan niemand op aarde lewe nie. In ander woorde, "geen dode se siel kan terugkeer sonder ASEM nie", of niemand kan 'n "lewende siel" wees sonder asem nie. Die hart is nie dit wat bepaal of iemand doodgaan of nie maar "asem" is dit (alhoewel die hart wys of iemand nog in die lewe is of nie).

------------------------------------------------------------------------------------------------------------
GEDAGTE:

Elke dag bid ons "dankie Here vir 'n nuwe dag" en tereg!, want elke dag is nog 'n dag wat aan die mens geleen word. Die gebore in verganklikheid en sonde verdien nie om te lewe op aarde nie, maar God is barmhartig en uit genade gee Hy aan elkeen asem en 'n kans om te lewe op aarde (asook terloops 'n kans om vir ewig te lewe!). Elkeen se "asem" is in Sy hande, nie in ons hande nie (Job 34:14,15 - "As Hy op Homself ag sou gee, sy Gees en sy asem na Hom sou terugtrek, dan sou alle vlees tesame die asem uitblaas en die mens sou tot stof terugkeer"). In ander woorde, hetsy iemand Hom dien of nie dien nie, hy is afhanklik van die Here!, want sonder die asem wat God gee kan niemand lewe nie. (1Sa 2:6 - "Die HERE maak dood en maak lewend; Hy laat neerdaal in die doderyk en laat daaruit opkom")(Rom. 14:9).

Maar Sy genade is baie groter as dit want dit is nie net lewensjare wat aan elkeen geskenk word nie, maar Hy gee ook aan elke mens die kans om vir ewig op aarde te lewe - natuurlik verwysend na die wat Sy voorwaardes nakom, bv. om te glo in Jesus Christus. Vir iemand om vir ewig te kan lewe, moet hy logies gesproke opgewek word siende almal doodgaan, maar niemand kan eendag opwekking tot lewe verkry as hy nie glo in die Een wat die mag het om hom op te wek nie.  Bv., Jesus Christus is die een wat hierdie "opwekking" sal doen (Joh. 6:39-44);  dus, as iemand nie in Hom glo nie, hoe sal hy dan opgewek kan word? En niemand kan hierdie opwekking verkry as hulle sondes nie afgewas is nie, en hierdie afwassing kan nie verkry word deur enige bloedoffer nie. En niemand wie se innerlike vrugte dra vir die dood, kan tog lewe verwag nie!  Slegs die wat die Heilige Gees of die krag vd Heilige Gees ontvang, is instaat om vrug te kan dra tot ewige lewe - en die Een wat hierdie Gees gee is weer-eens, Jesus Christus! M.a.w., niemand kan weergebore word as hy nie glo in die Een wat instaat is om sy sondes weg te was (en aan hom die Heilige Gees te gee nie). So ja!, GELOOF IN JESUS CHRISTUS is dit wat nodig is om eendag vir ewig te kan lewe. Daar is dus 'n groep mense wat (d.m.v. geloof) uitgekies word op hierdie aarde om eendag weer op te staan en vir ewig te lewe. Hulle sal weer "asem" kry...(Eseg. 37:5 - "So spreek die Here HERE tot hierdie bene: Kyk, Ek bring gees in julle in, sodat julle lewendig kan word"). Almal gaan wel dood (verwysend na die uiterlike mens) en almal verdien om deur die tweede dood (oordeel vd hel) te gaan (verwysend na die innerlike mens), maar in Jesus Christus gee die Here elkeen die geleentheid om weer eendag opstanding te verkry (Joh. 5:28) asook vir ewig te lewe en hierdie mense sal die tweede dood (Openb. 2:11; 20:6,14; 21:8) vryspring.
------------------------------------------------------------------------------------------------------------

Onder wie se mag is jy?

Die term "wedergeboorte" verwys na 3 dinge:
(1)  wedergeboorte vd gelowige (deur water en Gees),
om die hoop op opstanding tot (ewige) lewe te verkry (1 Pet. 1:3);
(2) die nuwe lewe van die Christen (dood en staan op in nuwe lewe)(Kol. 2:12),
en vernuwing deur die Heilige Gees (Tit. 3:5);
(3)  die term "wedergeboorte" verwys ook na die tyd van Christus se wederkoms wanneer Hy op Sy heerlike troon sal gaan sit... (Matt. 19:28).

Die Skrif verklaar verder dat die wat WEER GEBORE is,  is "UIT GOD GEBORE"
(Joh. 3:3-8; 1 Pet. 1:23).  

------------------------------------------------------------------------------------------------------------ In heelwat skrifte verwys "saad" na "nageslag" (Hand. 3:25; Gal. 3:16,19,29; 1 Joh. 3:9). 'n Kind is uit die SAAD van sy ouers gebore.  Daarom is kinders ook soos hulle ouers in baie opsigte en verkry van hulle besondere karaktertrekke en talente.  'n Kind wat bv. aangeneem is, verskil van sy ouers omdat hy nie uit hulle saad gebore is nie. Alhoewel hy sekere optredes en talente kan aanleer van sy aanneem ouers, het hyself ander karaktertrekke en talente wat hy van sy bloedouers geeerf het.

Iemand wat "weer gebore" word, m.a.w. UIT GOD GEBORE WORD (die een wat dus "uit die Gees gebore" is) het GOD SE SAAD binne-in hom. (Joh 3:6 - "Wat uit die vlees gebore is, is vlees; en wat uit die Gees gebore is, is gees")  (1Pe 1:23 - "want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly"). Dit is interessant om te sien hoe iemand verander wanneer hy/sy "weer gebore" word (1 Sam. 10:6) - dit is beslis die invloed van God se saad binne-in iemand.  Die wat uit God gebore word - die wat "KINDERS VAN DIE HERE" word - begin anders te "dink en sien", en anders optree - hulle begin dinge verstaan wat hulle nooit verstaan het nie, en kry oorwinning oor dinge waarmee hulle vir baie lank gesukkel het.  Net soos wat 'n kind se karaktertrekke en talente beinvloed word deur die saad van sy ouers, net so word die kind van God beinvloed deur die saad van God (deur die Gees van God), en hy verkry karaktertrekke en gawes soos die Gees aan elkeen toebedeel (1 Kor. 12:11). Die Gees VERANDER iemand en gee hom mag om dinge te doen wat hy nooit kon doen nie! http://warechristene.blogspot.co.nz/2014/08/die-gees-van-god-1.html. Behalwe dat hy ons onderrig, lei Hy ons ook om te weet wat ons moet, wanneer ons dit moet doen, hoe ons dit moet doen... (Matt. 4:1; Neh. 9:20; Matt. 10:20 ens.).   Dit is duidelik te sien wie die Heilige Gees ontvang het, want die Gees van God is die GEES VAN WAARHEID (Joh. 14:17; 15:26; 16:13) - die wat die Gees vd waarheid het, luister na die waarheid en stem saam met die wat die waarheid praat! (1 Joh. 4:6).
------------------------------------------------------------------------------------------------------------
Daar is ook baie "ander" geeste in hierdie wêreld (bv. "gees van afgestorwene", gees wat waarsê", "gees van hoerery", "stomme gees" .......ens.) en enige iemand wat hierdie geeste ontvang, word deur hulle VERANDER. Kyk die invloed van onreine geeste ("duiwels"-Joh. 10:21)(wat tuiste binne-in mense soek -Matt. 12:44,45) - hoe die wat hierdie geeste binne-in hulle het somtyds abnormaal optree (Matt. 17:18; Joh. 10:20); somtyds lyk of hulle mal is; sommige buitengewoon sterk word (Mark. 5); selfs beheer verloor oor hulle eie liggame, skreeu, stuiptrekkings, skuim in die mond, gooi hulleself in die vuur ens. (Mark. 5; Luk. 4:35; Hand. 8:7). Onreine geeste kan tekens doen (deur mense), en mense beweeg of lei om iets spesifiek te doen... (Openb. 16:14). In Bybelse tye was die met onreine geeste gesien as "kranksinnig" omdat hulle baiemaal soos kranksinniges opgetree het - hulle is ook gekenmerk deur snaakse optredes soos om deure te krap en allerhande bog kwyt te raak... (1 Sam. 21:13; Joh. 10:20).  Maar natuurlik verwys die woord "gees" nie oral na bose geeste nie, want in sekere skrifte beskryf dit slegs 'n gevoel in iemand se eie gees, soos 'n "gees van jaloersheid" (Num. 5:14,30) - wat nie noodwendig beteken dat die persoon 'n onrein gees binne-in hom het nie.  En al is dit so dat sekere siektes wel deur onreine geeste veroorsaak word (Mark. 9:25; 12:22; Hand. 8:7),  moet ons verstaan dat siektes nie altyd die gevolg is van onreine geeste nie (Joh. 9:2,3) - so, ons moet versigtig wees om sommer enige snaakse optrede of siekte toe te skryf aan "ander geeste"!  https://warechristene.blogspot.co.nz/2016/12/onreine-geeste.html . Dit is duidelik dat onreine geeste wat in mense ingaan, daardie mense VERANDER (maar nie ten goede) - hierdie "duiwels" is sleg en sommige slegter as ander (Matt. 12:45), maar hulle bly nie noodwendig in iemand nie (soos bv. in geval van waar 'n gees van 'n afgestorwene in iemand bly -Lev. 20:27 -nie).  Maar hulle word somtyds geraadpleeg deur mense in wie hulle nie woon nie - iets wat natuurlik ook spesifiek deur die Here verbied word! (Deut. 18:10,11).  Wanneer 'n onreine gees in iemand bly, dan "werk hy DEUR daardie persoon.

Die met 'n onreine gees, is "onder die mag van die duiwel" (Hand. 10:38),
MAAR DIE WAT DIE GEES VAN GOD HET, IS ONDER DIE MAG VAN DIE HERE!, en word deur die Gees GELEI (Ps. 143:10; Joh. 16:13). Wanneer iemand die Heilige Gees ontvang, dan word hy deur die Here verander, en die Here werk DEUR hom.

_________________________________________________________________________________

GEDAGTE:

Christus het verklaar dat as iemand nie weer gebore word nie, m.a.w. nie gebore word uit water en Gees nie, hy nie die koninkryk van God sal sien (ken, verstaan) nie, of daar kan ingaan nie (Joh. 3:3-6).  Om die koninkryk van God te beërwe, moet jy deel wees van Sy nageslag wat slegs gebeur deur WATER en GEES (wedergeboorte). As iemand nie die Gees van Christus het nie, dan behoort hy nie aan Christus nie (en het dus nie "Sy Saad" nie)(Rom. 8:9, 14-16), en sal dus nie opgewek word in die laaste dag nie (Joh. 6:40,44,54).  Vlees en bloed kan nie die koninkryk beerwe nie; ook beërwe die verganklikheid nie die onverganklikheid nie... (1Kor. 15:50).  Dus, vir 'n KIND van God om te kan ingaan in die Here se (fisiese) koninkryk, het hy hierdie onverganklike liggaam nodig, maar as iemand nie Sy Gees het nie, dan sal hy nie eendag opgewek word tot lewe nie - en l.w. dat die opstanding plaasvind deur die Gees van God! (Eseg. 37:14). 

(Rom 8:9)  "julle is egter nie in die vlees nie, maar in die Gees, as naamlik die Gees van God in julle woon". Maar as iemand die Gees van Christus nie het nie, dié behoort nie aan Hom nie".  DIT IS DUIDELIK TE SIEN WIE ONDER DIE MAG VAN DIE HERE IS, WANT DIT IS DIE WAT DIE GEES VAN CHRISTUS HET! - en die wat hulle deur Hom laat LEI ! 
Hulle is gehoorsaam aan Hom, en het Sy waarheid lief... 
Hulle word verander deur die vrug van die Gees en verkry gawes van die Gees...

_________________________________________________________________________________ http://warechristene.blogspot.co.nz/2014/02/weer-gebore-wedergeboorte-wedergebore.html
http://warechristene.blogspot.co.nz/2013/09/die-christelike-doop.html
http://warechristene.blogspot.co.nz/2014/08/die-gees-van-god-1.html

Niks wat verontreinig is, sal ingaan in die Nuwe Jerusalem nie

Die Skrif verklaar dat niks wat VERONTREINIG is, sal ingaan in die nuwe stad Jerusalem nie (Openb. 21:27), en verklaar ook verder dat geen ONREINE 'n erfdeel het in die koninkryk van Christus en van God nie (Ef. 5:5). Slegs die wie se name geskryf is in die boek van die lewe van die Lam, sal ingaan in die toekomstige heilige nuwe Jerusalem.
------------------------------------------------------------------------------------------------------------
Dit is nie verniet dat Christene glo dat Jesus Christus die enigste weg is tot saligheid nie, want Hy is die Een wie ons sal opwek TOT LEWE wanneer Hy terugkom.  Hierdie toekomstige opstanding (wat gepaardgaan met wat baie noem "wegraping") is iets waarna Jesus verskeie male verwys het in Sy bediening.  As ons die tema van "opstanding uit die dode/opstanding tot lewe" verstaan, dan verstaan ons ook beter waaroor die Christelike doop gaan, en dat die doop nie slegs verwys na vergifnis van sondes en 'n geestelike opstanding tot nuwe lewe nie, maar ook 'n teken is van die Christen se hoop in die toekomstige fisiese OPSTANDING TOT LEWE (tot ewige lewe). (http://warechristene.blogspot.co.nz/2013/09/die-christelike-doop.html)  / ( http://warechristene.blogspot.co.nz/2013/09/opsomming-die-opstanding-wegraping.html).

Maar nie almal (en ook nie almal wat bely dat hulle Christene of kinders van God is) sal waardig geag word om deel te he aan hierdie "opstanding tot lewe" nie. Baie van die wat bely dat hulle kinders van God is, se name sal uitgedelg word uit die boek van die lewe, en alhoewel hulle ook sal opstaan, sal dit wees tot veroordeling (nie "tot lewe" nie).  Meeste Christene glo vandag dat niemand wat tot geloof gekom het in Jesus Christus (en wie se naam in die boek v/d lewe opgeskryf is), ooit uitgedelg kan word nie;  tog het Jesus Christus iets anders geleer ten opsigte van die wat nie vashou en in Hom bly nie. Ook Dawid het geweet dat dit moontlik is (Ps. 69:28).  Die Here Jesus het verder gese dat "baie geroep is, maar min uitverkies" (Matt. 20:16;22:14). In Openb. 3:5 waarsku Hy die wat "die naam het dat hulle lewe, maar eintlik dood is";  en se verder dat dit slegs DIE is WAT OORWIN wie se name NOOIT UITGEWIS sal word nie. Met hierdie stelling wys Hy dat die wat nie oorwin nie, se name wel uitgewis sal word uit die boek van die lewe. 

Ook Openb. 22:19 is 'n verdere bewys dat dit moontlik is dat iemand se deel weggeneem kan word uit die boek van die lewe, en uit die heilige stad!  Die Skrif is duidelik:  "Niks wat verontreinig is sal ingaan in die nuwe stad Jeruslem nie, en geen onreine sal 'n erfdeel he in die koninkryk van Christus en van God nie".
------------------------------------------------------------------------------------------------------------

GEDAGTE:


Maar wat is dit in Openb. 22:19 wat kan veroorsaak dat iemand se deel weggeneem word uit die boek van die lewe?    - IN HIERDIE VERS GAAN DIT OOR "DIE WAT DIE WAARHEID VERDRAAI".
Wat is dit in Openb. 3:5 wat kan veroorsaak dat iemand se naam uitgewis word uit die boek van die lewe?
-  IN HIERDIE GEDEELTE GAAN DIT OOR "DIE BESOEDELDES".  

Die Skrif gee vir ons 'n goeie aanduiding van watter Christene gesien word as "besoedeldes" (onrein) -  meer spesifiek is dit die wat in sondes stap sonder om hulle daarvan te bekeer. Bv.,  heelwat spesifieke dinge wat van binne kom, uit die hart uit, word deur Jesus genoem:  - slegte gedagtes, egbreuk, hoerery, moord, diewery, hebsug, boosheid, bedrog, losbandigheid, afguns, lastering, hoogmoed, dwaasheid  (Mark. 7:21,22).  
Heelwat dinge wat in die O.T. veroorsaak het dat iemand besoedel word, word ook in die N.T. genoem as dinge waardeur iemand onrein word, bv.:
- Christene wat deelneem aan afgodsaanbidding en heidense geloofspraktyke beoefen,  is ONREIN  (Lev. 18:24; 19:4,26; Hand. 15:20; 1 Kor. 10:8,20; 12:2; Matt. 6:7; 1 Joh. 5:21; 1 Tim. 4:1...)
-  Christene wat wederstrewig is en die wat geeste van afgestorwenes raadpleeg, hulle besig hou met towery en geeste wat waarse..., is ONREIN  (Lev. 19:31; 20:6; Deut. 18:10; Hand. 8:9; 19:19; Gal. 5:20; Openb. 18:23...).
-  Christene wat hoereer, owerspel of egbreuk pleeg, sodomiete, of die wat met 'n dier gemeenskap het, die wat bloedskande pleeg..., is ONREIN (Lev. 19:29; Hand. 15:20; 1 Kor. 5:1; 6:10; 1 Tim. 1:10; Openb. 2:14;  Rom. 1...). 
-  Christene wat afgodsoffers eet saam met die wat dit aan afgode offer, of bloed eet of dit wat verwurg is..., is ONREIN.  (1 Kor. 8; 2 Kor. 6:16....  )
-  Christene wat die waarheid verdraai en hulle eerder besighou met twisvrae, fabels verkondig en gebooie van mense leer..., het 'n slegte gewete en is ONREIN. (Lev. 24:16; Hand. 26:11; Kol. 3:8; 1 Pet. 4:4; 1 Joh. 2:4; 4:6; Ef. 4:17; Rom. 1:25.... ) 
-  Christene wat eiesinnig is, m.a.w soos koning Saul ongehoorsaam was aan die Here en eerder staatgemaak het op sy eie insig, is besig met afgodery en beeldediens; ook die wat hulle hoop plaas in wereldse rykdom en sekuriteit... is besig om twee here te dien,  en is ONREIN. (1 Sam. 15:23; Eseg. 28:4; Rom. 2:8; Tit. 1:7; Jak. 5:2; 1 Tim. 6:17; Mark. 4:19...)  

Christene wat hulleself verontreinig het nodig om weer rein te word!  Om sonde te regverdig gaan nie die reiniging aanbring nie.  Sonde moet bely en afgele word...  (Ef. 5:5 - "Want dit moet julle weet dat geen hoereerder of onreine of gierigaard, wat ‘n afgodedienaar is, ‘n erfdeel het in die koninkryk van Christus en van God nie").

_________________________________________________________________________________
http://warechristene.blogspot.co.nz/2016/09/verontreinig-ontheilig.html
http://warechristenedagstukkies.blogspot.co.nz/2015/07/die-heilige-stad.html
http://warechristenedagstukkies.blogspot.co.nz/2015/10/gaan-die-opstanding-en-die-wegraping-op.html
http://warechristenedagstukkies.blogspot.co.nz/2014/12/wie-op-onwaardige-wyse-eet-of-drink-sal.html
http://warechristenedagstukkies.blogspot.co.nz/2015/08/die-christelike-doop.html
http://warechristene.blogspot.co.nz/2015/07/nuwe-jerusalem.html
http://warechristene.blogspot.co.nz/2016/02/verdere-aantekeninge-oor-die-nuwe.html

Gaan die Opstanding en die Wegraping op dieselfde tyd gebeur?

Die opstanding is verseker een van die grootste gebeurtenisse waarna Christene uitsien oor al die eeue. En terwyl ons die huidige liggaam sien soos 'n vyand, sal die verheerlikte liggaam anders wees, en 'n liggaam wat "die dood oorwin" het! (Psa 37:29 - "Die regverdiges sal die aarde besit en vir ewig daarop woon"). God is sowaar nie 'n God van dooies nie, maar van lewendes! Almal sal weer herlewe (opstaan uit die dode - "make alive, give life - G2227 )(regverdiges sowel onregverdiges), maar nie almal sal opstaan TOT LEWE nie! Dit is net die regverdiges wat sal opstaan tot lewe;  die ander sal opstaan tot veroordeling.------------------------------------------------------------------------------------------------------------Daar vind verskillende opstandings plaas oor die eeue en almal herlewe ook nie op dieselfde tyd nie:
(1) DIE EERSTE OPSTANDING:  Daar was 'n opstanding net nadat Jesus opgestaan het uit die dood, toe baie liggame van ontslape heiliges ook uit die grafte uitgegaan het en in die strate van Jerusalem ingegaan en aan baie verskyn het (Matt. 27:50-53). Daar sal ook 'n opstanding plaasvind wanneer Jesus Christus terugkom (m.a.w. met aanvang van Sy 1000-jaar Ryk)(Rom. 6:5-7; 1 Kor. 15:12-58; 1 Pet. 1:3-6; Hebr. 6:2).  Hierdie word gesien as die "eerste opstanding", en die wat in hierdie opstanding opstaan tot lewe, oor hulle het die tweede dood geen mag nie (Joh. 5:24; Openb. 20:6). Christus Jesus was die eersteling in hierdie opstanding - aan Hom is die oordeel oorgegee en Hy sal besluit wie Hy gaan opwek tot lewe en wie nie.
(2) VOLGENDE SAL HERLEWE?: - daar sal ook 'n "opstanding" wees nadat Christus se 1000-jaar Ryk voleindig is (Openb. 20) - by die Wit troon oordeel.

Waar egter spesifiek van "DIE OPSTANDING" gepraat word in die Skrif, verwys dit gewoonlik na die opstanding wat sal plaasvind met Jesus Christus se wederkoms. Tog sal nie almal wat dan gaan opstaan, opstaan TOT LEWE nie; dit is dus duidelik dat die woord "opstanding" nie oral verwys na die wat "opstaan tot lewe nie", maar meer verwysend is na 'n spesifieke opstanding van dooies, in 'n spesifieke "eeu" (m.a.w. die opstanding wat plaasvind met Jesus Christus se wederkoms, die opstanding waarna Jesus verwys het wat sal plaasvind in "die laaste dag"). 
------------------------------------------------------------------------------------------------------------
Alhoewel "die Opstanding" en "die Wegraping" twee verskillende gebeurtenisse is (en die opstanding die wegraping voorafgaan), gaan dit in beide gevalle oor om nuwe liggame te kry. Die doel van "die wegraping" is bv. nie om die Groot Verdrukking vry te spring soos baie leer nie, maar volg eintlik na "die opstanding"! 
-Die opstanding verwys na die wat in Christus gesterf het en opgewek word en nuwe liggame ontvang, maar 
-Die wegraping verwys na daardie gelowiges wat nog in die lewe is wanneer Christus terugkom, en in 'n oogwink verander word en ook nuwe liggame ontvang (1 Kor. 15:51,52).  

In beide gevalle verkry hulle nuwe liggame, en die woorde "die opstanding" of dit wat 'n "wegraping" beskryf, gaan meer spesifiek oor die wat OPSTAAN TOT LEWE. Die woord "wegraping" kom terloops nie in die Bybel voor nie, alhoewel die woord "weggevoer" in 1 Thess. 4:17 ("caught up") in die Grieks die woord "har-pad-so" is, wat beteken: "catch (away/up); pluck; pull; take (by force)". Baie Christene kwyn weg wanneer hulle die woord "wegraping" hoor omdat daar soveel verskille is oor die "tyd van die wegraping". Sommige glo in 'n pre-trib wegraping, maar ons moet verstaan dat daardie leringe veral gebou is op afleidings en predikers wat pre-trib wegraping verkondig sukkel om dit te verduidelik weens 'n tekort aan skrif! (1) Heelwat verse word ook uit konteks geneem om hierdie lering te staaf, o.a. 2 Pet. 2:9 wat verklaar dat "die Here weet hoe om die godsaliges uit VERSOEKING te verlos", en dan word die woord versoeking vgl. met die Groot Verdrukking.  Die waarheid is egter dat IN KONTEKS die woord "versoeking" daar verwys na "bewaring van die dag van oordeel" (Hy kom om te oordeel!); dit verwys nie na die Groot verdrukking nie. (2) Ander begrippe wat ook uit konteks geneem word om hierdie verdraaide leerstelling van pre-trib te verkondig, is Matt. 24:22 wat verklaar dat "as daardie dae nie verkort was nie, sou geen vlees gered word nie, maar TER WILLE VAN DIE UITVERKORENES sal daardie dae verkort word".  Wat hierdie Skrif eintlik vir ons leer is nie dat die uitverkorenes uit die weg geruim sal word voor die Groot Verdrukking nie, maar eerder dat hulle nog op die aarde sal wees in daardie dae!, en dat dit die rede is waarom die dae verkort sal word. (3) Iets anders wat ook verkeerd verstaan word is Jesus se woorde "meer werd as baie mossies" (Luk. 12:7; Matt. 10:31), en sommige gebruik dit om te probeer bewys dat dit nie God se wil is dat Christene deur verdrukking gaan nie, maar behalwe dat so 'n stelling geheel en al bots met wat Christus geleer het (Matt. 13:21; Joh. 16:33...), gaan hierdie skrif IN KONTEKS oor "vervolging" en "verdrukking", ook saam met "om te getuig".  Wat Hy eintlik vir ons leer is dat ons nie bevrees moet wees nie - hoekom nie?  Nee, nie soos sommige leer, dat Hy "ons sal verlos van verdrukking" nie, maar eerder dat die gelowige baie werd is vir die Vader en dat die DEUR WIE HULLE VERDRUK WORD, geoordeel sal word  (Matt. 10:26: - "daar is niks bedek wat nie ontdek sal word nie, en verborge wat nie bekend sal word nie"). As die gelowige dus ter wille van sy geloof verdruk en vervolg word, en selfs doodgemaak word, sal dit wat die ander persoon aan die gelowige doen, aan die lig kom - die Christen (wat verdruk word) sal "nie op die aarde val sonder die Vader nie" (m.a.w. "sonder dat Hy weet nie", en dit sal uiteindelik aan die lig gestel word). DIT IS DUS DUIDELIK DAT DIE DOEL VAN DIE WEGRAPING VERSEKER NIE GAAN OOR "OM VERDRUKKING VRY TE SPRING" NIE!
---------------------------------------------------------------------------------------------
Jesus Christus het verskeie male vertel hoe Hy die wat in Hom glo sal opwek IN DIE LAASTE DAG (Joh. 6:39,40; 44; 54; 12:48).  Die woord wat gebruik word in die Grieks vir "laaste dag" is die woord "eschatos" (es'-khat-os):  ("A superlative probably from G2192 (in the sense of contiguity); farthest, final (of place or time): - ends of, last, latter end, lowest, uttermost" - dit is bv. ook dieselfde woord wat gebruik word in Joh. 7:37 waar verwys word na die "laaste" of groot dag van die fees).  Dit is dus duidelik dat "laaste" beslis verwys na "laaste"!  Ook Martha het verstaan dat die opstanding sal plaasvind in die LAASTE DAG: (Joh_11:24  Martha antwoord Hom: Ek weet dat hy sal opstaan in die opstanding in die laaste dag).(Joh_6:40  En dit is die wil van Hom wat My gestuur het, dat elkeen wat die Seun aanskou en in Hom glo, die ewige lewe mag hê; en Ek sal hom opwek in die laaste dag).  Paulus maak dit duidelik dat ons (in die "wegraping") die ontslapenes nie voor sal wees nie, maar dat hulle eerste sal opstaan voor die wegraping plaasvind (1 Thess. 4:13-17).  As die opstanding dan "in die laaste dag" plaasvind, is dit duidelik dat die wegraping ook nie voor die laaste dag sal plaasvind nie. 1 Kor. 15:52 verklaar dat die wegraping sal plaasvind onder die 7 de seel, met die LAASTE basuin (vgl. dit gerus met die 7 basuine in Openbaring, en l.w. dat Christus se wederkoms ook beskryf word onder die 7 de seel;  die Groot Verdrukking word egter beskryf onder die 5 de seel...). 

_________________________________________________________________

GEDAGTE:


Wanneer presies die wat in Christus gesterf het gaan opstaan, is egter duidelik dat dit gaan gebeur iewers voor die  wegraping  - sekere skrifte wys daarop dat die opstanding "op die laaste dag" gaan gebeur (Joh. 11:24; Joh. 6:40; 6:54; 6:39). (Mat 24:30,31 - "En dan sal die teken van die Seun van die mens in die hemel verskyn (WEDERKOMS), en dan sal al die stamme van die aarde rou bedryf en die Seun van die mens sien kom op die wolke van die hemel met groot krag en heerlikheid. En Hy sal sy engele uitstuur met harde trompetgeluid, en hulle sal sy uitverkorenes versamel uit die vier windstreke, van die een einde van die hemele af tot die ander einde daarvan") - DIE WAT IN CHRISTUS GESTERF HET, SAL OPSTAAN (opstanding), EN DIE WAT IN DIE LEWE OOR IS, SAL VERANDER WORD ("wegraping")". Dit is onwaarskynlik dat die opstanding lank voor die wegraping sal plaasvind;  inteendeel, dit wil eerder lyk of die Skrif hierdie twee gebeurtenisse naby opmekaar beskryf (met die opstanding eerste en daarna die wegraping).  

_________________________________________________________________
http://warechristene.blogspot.co.nz/2013/08/die-opstanding-dooies-sal-herlewe.html
http://warechristene.blogspot.co.nz/2015/07/hierdie-eeu-volgende-eeu.html
http://warechristene.blogspot.co.nz/2013/09/opsomming-die-opstanding-wegraping.html
http://warechristene.blogspot.co.nz/2014/07/die-oordeelewige-oordeel-1.html
http://warechristene.blogspot.co.nz/2012/06/die-doel-van-die-wegraping.html
http://warechristene.blogspot.co.nz/2012/12/wanneer-is-die-einde-van-die-wereld.html

Die saligheids-boodskap en die belangrikheid van DIE OPSTANDING

Wanneer die evangelie gedeel word verwag ons ten minste dat die hoorders verstaan waaroor die evangelie gaan en ook dat die antwoord gegee word op watter voorwaardes iemand moet nakom om saligheid te ontvang. (1)  Ten eerste moet die hoop op saligheid gepreek word, en (2) Tweedens moet vir hulle vertel word wat die voorwaardes is wat nagekom moet word om hierdie saligheid te ontvang (http://warechristene.blogspot.co.nz/2013/01/evangelie-verkondiging.html). Baie Christene kwyn weg van evangelie-prediking omdat hulle nie altyd weet hoe om hierdie dinge aan mense te verduidelik nie. Somtyds neem iemand juis nie die evangelie aan nie omdat hy nie regtig verstaan waaroor dit gaan nie! Ons moet self verstaan waaroor die evangelie gaan voor ons dit aan ander kan preek.  Dit baat bv. nie altyd wanneer daar slegs ge-evangeliseer word dat hulle in Hom moet glo en dat Hy vir hulle sondes gesterf het nie, want daar moet ook aan hulle verduidelik word wat dit beteken om in Hom te glo en hoekom hulle in Hom moet glo of hoekom Hy vir hulle sondes gesterf het.  As ons nalaat om sekere waarhede te verkondig soos die feit dat ons eendag deur Hom geoordeel sal word en dat Hy die mag het om sondes te vergewe asook die mag het om ons te laat opstaan tot lewe eendag, dan kan ons nie verwag dat die hoorder verstaan waaroor die evangelie gaan nie.  ------------------------------------------------------------------------------------------------------------Die ander rede waarom Christene somtyds vermy om die evangelie te deel, is omdat die waarheid deur baie gesien word soos dwaasheid. Hulle is m.a.w. skaam om oor die OPSTANDING te praat, want dit klink soos dwaasheid vir baie. Ons kan nie hierdie belangrike details soos Christus se opstanding uit die dode, die belofte van die Heilige Gees, ons HOOP OP OPSTANDING deur Hom, die komende oordeel of die feit dat daar geen saligheid is in enige iemand anders nie ens. weglaat uit evangelie-prediking omdat ons skaam is daarvoor nie! (Rom. 1:16).  Evangelie-prediking moet ten minste vir mense die waarheid gee en hulle laat verstaan wie Christus Jesus regtig is en hoekom Sy opstanding uit die dode so belangrik was. Christene bly baiemaal stil omdat hulle nie verdrukking wil ly ter wille van die waarheid nie (1 Pet. 4:16; 2 Tim. 1:8,12; 2:15) (Mark. 8:38 - "Want elkeen wat hom vir My en my woorde skaam in hierdie owerspelige en sondige geslag, vir hom sal die Seun van die mens Hom ook skaam wanneer Hy kom in die heerlikheid van sy Vader met die heilige engele").  En sommige dink dat die manier hoe hulle hierdie verdrukking a.g.v. die waarheid kan vryspring, is om die evangelie-boodskap te verdraai sodat dit meer aanloklik is, net soos baie detail in advertensies verdraai word om die koper sover te beweeg om dit te koop.  Paulus het egter streng gewaarsku teen sulke mense (Rom 16:17,18). Om mense op so 'n manier te beweeg om die evangelie aan te neem, is soos om iemand om te koop. Sommige kom wel op so 'n manier "tot bekering", maar het 'n valse hoop of het nie sekerheid nie omdat hulle in die eerste plek nie die saligheidsboodskap werklik verstaan het nie; en dan wanneer hulle later van die waarheid van komende oordeel of die belangrikheid van gehoorsaamheid aan die Here ens. hoor, neem hulle dit nie ernstig op nie... 
------------------------------------------------------------------------------------------------------------
Die belofte van 'n "opstanding" was lank reeds tevore deur die profete voorspel (Jes. 26:19). Jesus het self ook getuig van hierdie opstanding en verskeie male verwys na hoe Hy die wat in Hom glo, sal opwek in die laaste dag! (Joh. 11:25; 6:44...).
_________________________________________________________________________________

GEDAGTE:

In die OPSTANDING sal Christus lewend maak wie Hy wil (Joh. 5:21-30; Openb. 1:18), want die Vader het die oordeel aan Hom oorgegee (Joh. 5:22) - Hy het die sleutels van die doderyk en van die dood (Openb. 1:18).  Jesus het self verklaar dat nie almal sal opstaan tot lewe nie.  Hy het gese dat die wat goed gedoen het sal opstaan tot lewe, maar die wat kwaad gedoen het, sal opstaan tot veroordeling.  Die wat nie in Hom glo nie, sal nie deur Hom opgewek word tot lewe nie. Daar is bepaalde voorwaardes wat moet nagekom word voor iemand die hoop op hierdie saligheid verkry. Christus Jesus is die opstanding en die lewe! (Joh. 11:25) - wie in Hom glo, sal lewe al het hy ook gesterwe... Hierdie "opstanding tot lewe" is dus iets wat spesifiek aan die kinders van die Here belowe word en is daarom 'n baie belangrike deel van Evangelie-prediking.  Die dissipels het baie vervolging verduur juis omdat hulle die opstanding verkondig het, en dit is ook juis om daardie rede wat baie nie die evangelie aangeneem het nie want hulle het die prediking van opstanding gesien soos dwaasheid (Hand. 4:2; 17:18,32; 24:15; 26:23; 1 Kor. 15:12...).  As Christus nie opgestaan het uit die dode nie, dan maak ons geloof nie baie sin nie, want hoe kan jy jou hoop plaas op iemand wat jou moet opwek uit die dode as hyself nie lewendig is nie?  En hoe kan jy hoop in 'n opstanding tot lewe as jy nie glo in die Een wat jou gaan opwek nie? Die wat die opstanding tot lewe ontvang (die ewige lewe ontvang), oor hulle het die tweede dood geen mag nie. (...Die term "tweede dood" is 'n term wat gebruik word vir "ewige oordeel"  - Openb. 20:14 - wanneer die dood en doderyk in die poel van vuur gewerp word...). Net soos die Vader die dode opwek en lewend maak (Joh. 5:21), so het Christus die mag oor die dood verkry om die wat aan Hom behoort op te wek tot lewe (1 Kor. 15:21-23), en Hy sal lewend maak WIE HY WIL (Joh. 5:21). Die oordeel is in Sy hand oorgegee. En natuurlik "ELKEEN IN SY EIE ORDE"  - in orde was Christus die eersteling uit die dode (Hand. 2:31), daarna die wat aan Hom behoort by Sy koms... (1 Kor. 15:23). 

(Rom 14:9)  Want hiervoor het Christus ook gesterwe en opgestaan en weer lewend geword, om oor dode sowel as lewende te heers.

_________________________________________________________________________________
http://warechristene.blogspot.co.nz/2013/01/die-evangelie.html
http://warechristene.blogspot.co.nz/2013/09/opsomming-die-opstanding-wegraping.html