Wys tans plasings met die etiket die Here versoek. Wys alle plasings
Wys tans plasings met die etiket die Here versoek. Wys alle plasings

Maandag 28 April 2014

Waar 'n gelowige die Here versoek, wys hy dat hy nie regtig die Here liefhet nie!

In die eerste gemeentes was die gelowiges gewaarsku dat hulle nie dieselfde moes doen soos die volk in die woestyn, wat vir God versoek het nie  -(1 Kor. 10:1-12; Hebr. 3:7-13; Eks. 17:2,7; Num. 14:22,23; Deut. 6:16).  (L.w. dat in hierdie skrifte die betekenis van die woord "versoek", is "om te toets" ("to test" or "try")). Merk ook dat hierdie nie net 'n bevel was vir kinders van die koninkryk nie, maar wel 'n WAARSKUWING!   


(Heb 3:8)  verhard julle harte nie soos in die verbittering, in die dag van die versoeking in die woestyn nie,
(Heb 3:9)  waar julle vaders My versoek, My beproef het en my werke veertig jaar lank gesien het.
(Heb 3:10)  Daarom het Ek vertoornd geword op daardie geslag en gesê: Altyd dwaal hulle met die hart. Maar húlle het my weë nie leer ken nie,
(Heb 3:11)  sodat Ek in my toorn gesweer het: Hulle sal in my rus nie ingaan nie.

EN KYK OOK:

(1Kor. 10:5)  Maar God het in die meeste van hulle geen welgevalle gehad nie, want hulle is neergeslaan in die woestyn.
..............(1Kor. 10:11)  Maar al hierdie dinge het hulle oorgekom as voorbeelde en is opgeskrywe as ‘n waarskuwing aan ons op wie die eindes van die eeue gekom het.
(1Kor. 10:12)  Daarom, wie meen dat hy staan, moet oppas dat hy nie val nie.
---------------------------------------------------------------------------------------------

Baie gelowiges glo dat Jode outomaties gered is omdat hulle kinders van Abraham is, maar die waarheid is dat "geloof" altyd 'n voorwaarde was!  WAAR 'N "GELOWIGE" DIE HERE VERSOEK, WYS DIT DAT HY NIE REGTIG GELOOF HET NIE! Dit is duidelik dat nie almal wat hulleself noem, "kinders van Abraham", in Sy rus sal ingaan nie! (Hebr. 3:11), want Geloof is o.a.:  - om Hom lief te he!  In gebroke huishoudings sien ons min van ware liefde, waar familiede veronderstel is om geduldig te wees met mekaar, lydsaamheid het, vriendelik is met mekaar, nie eie belang soek nie, nie opgeblase nie, nie verbitterd raak nie....(1 Kor. 13).. Wanneer daar geen vertroue is tussen mense nie, dan heers daar 'n soort van onvriendelikheid en ongeduldigheid tussen hulle - hulle neem mekaar kwalik vir letterlik enige iets en  raak  maklik  verbitterd  - iemand wat nie sy metgesel regtig liefhet nie, soek net sy eie belang!  WANNEER CHRISTENE NIE DIE HERE VERTROU NIE, RAAK HULLE OOK ONGEDULDIG MET HOM, is SELFGESENTREERD (soek hulle eie wil, nie die Here se wil nie), raak SELFS VERBITTERD en OPGEBLASE....... (soos die volk in die woestyn).
---------------------------------------------------------------------------------------------------------------------------------

Sommige van die volk in die woestyn was so 'n vb van gelowiges wat nie regtig die Here liefgehad het nie -  daarom het hulle die Here versoek:

 (hulle het Hom verag,  na Sy stem nie geluister nie, in sonde gestap, was wederstrewig (Ps. 78:17, 56) - ontevrede, kla, verbitterd, begerig (Ps. 78:18; 106:14)...vra volgens hulle eie wil, praat teen die Here (Ps. 78:19) - het nie vertrou op Sy hulp nie (Ps. 78:22); Sy werke vergeet (Ps. 106:13), nie Sy getuienis gehou nie (Ps. 78:56); was afvallig en het afgodsdiens beoefen (Ps. 78:57,58); afgunstig teenoor die wat tevrede was...en nie gewag op die Here nie (Ps. 106:13)(Ps. 95:11-)).   Sommige van hulle het o.a. woorde gebruik soos "is die Here in ons midde of nie?";  -die oomblik wat dinge nie so goed verloop het nie, het hulle God bevraagteken en Hom getoets ...asof die Here nie vir hulle sal sorg nie, en nie 'n uitkoms sal gee nie!   OP DIESELFDE WYSE TOETS BAIE GELOWIGES DIE HERE, EN WYS DAT HULLE NIE REGTIG VIR HOM LIEF IS NIE!  HULLE KIES OM SY WIL TE DOEN, MAAR DIE OOMBLIK WANNEER DINGE NIE SO GOED VERLOOP NIE, DAN KOM HULLE IN OPSTAND TEEN HOM!  HULLE IS ONTEVREDE, RAAK VERBITTERD, LUISTER NIE MEER NA SY STEM NIE, DOEN WAT HULLE WIL, VERTROU NIE OP SY HULP NIE, HOU NIE SY GETUIENIS NIE, MAAR KLA GEDURIG EN IS SELFS AFGUNSTIG OP DIE WAT WEL VASHOU AAN HOM! Hierdie gelowiges is soos stout kinders... 'n Kind wat kwaad is oor hy nie kan kry wat hy wil he nie, of ontevrede met sy ouers, kom in opstand teen hulle - hy doen ook opsetlik verkeerd en kom in opstand teen hulle reels/wette. Hy versoek sy ouers deur hulle heeltyd te bevraagteken. Hy is selfgesentreerd en soek net sy eie belang.   Gelowiges wat soos stout kinders is, soek vir hulle 'n "evangelie wat werk!", en skep hulle eie wette en doen soos hulle goeddoen, net soos sekeres van die volk in die woestyn wat die goue kalf gemaak het en ongehoorsaam was aan die Here! Hulle was kwaad vir die Here, en het Hom nie vertrou nie. Baie predikers is besig om die Here van die preekstoel af te versoek deur mensgemaakte wette en leringe te preek wat gaan oor wat "die mens wil he", of "wil hoor"! So iemand is nie tevrede met die Here se wil nie, of met Sy waarheid nie, en nader Hom ook nie om hulp nie, maar skep vir hom 'n evangelie wat hom in sy gehoor streel (soos die goue kalf in die woestyn) - so toets hy die Here se liefde vir hom, maar self is hy nie vir Hom lief nie! Dit is ook om hierdie rede wat baie "die waarheid" wegwys en agter valse leraars aangaan. Hulle vertrou liewer 'n "goue kalf" ('n mensgemaakte evangelie) as om die Here te vertrou!; want as hulle die Here vertrou, dan gaan dit oor "Sy wil", nie oor hulle eie wil nie...

--------------------------------------------------------------------------------


Geplaas deur om Geen opmerkings nie:
Etikette: , , , , , , , , ,

Dinsdag 04 Februarie 2014

Wanneer iemand die Here versoek, wys dit dat hy nie regtig die Here vertrou nie

---------------------------------------------------------------------------------------------
(Mat 4:5)  Toe neem die duiwel Hom saam na die heilige stad en laat Hom op die dak van die tempel staan (Mat 4:6)  en sê vir Hom: As U die Seun van God is, werp Uself af; want daar is geskrywe: Hy sal sy engele bevel gee aangaande U, en hulle sal U op die hande dra, sodat U nie miskien u voet teen ‘n klip stamp nie.(Mat 4:7)  Jesus sê vir hom: Daar is óók geskrywe: Jy mag die Here jou God nie versoek nie.  -Wanneer iemand die Here versoek, wys dit op ongeloof - dit bewys dat hy nie regtig die Here vertrou nie.

Wat ons moet verstaan, is dat wanneer iemand geloof het, hy die wil van die Here begeer. "Om net eenvoudig van 'n hoë plek af te spring, en te vertrou dat die Here Sy engele bevel sal gee om jou te vang, is nie geloof nie!" -(dit is baie soos die leerstelling in omloop, waar gelowiges glo dat geloof gaan oor om "die Here te herinner aan Sy beloftes"!- en l.w., dan "ten spyte van die voorwaardes?").

  Nee, Geloof gaan nie daaroor dat ek "doen wat ek wil, en steeds net glo dat die Here Sy woord sal nakom nie!", maar "geloof gaan daaroor dat ek DIE WIL VAN DIE HERE SOEK/DOEN, en ja, dan sal die Here sy beloftes nakom". Waar 'n werker geen vertroue het in sy leier nie, wil hy nie die leier gehoorsaam wees nie! - in so 'n geval bevraagteken hy die leier gedurig, en probeer heeltyd fout soek by hom.  As die werker nou doen soos hy self dink, ten spyte van die leier se bevele, dan "toets" hy daardeur sy leier se gesag.  Net so toets baie Christene vandag die Here daagliks "deur hulle eie wil" - hulle wil Hom nie gehoorsaam nie, bevraagteken Hom, en onderwerp hulleself nie aan die Here se gesag nie - so "toets" (versoek) hulle Hom...   
- hulle toets bv. of die Here regtig vir hulle omgee (deur besluite te neem volgens hulle eie wil, en te "glo" dat Hy hulle steeds te hulp sal kom!)
- hulle toets of Hy hulle sal vergewe (al doen hulle nie Sy wil nie, en laat na om hulle te bekeer van dooie werke!)
-  hulle toets of Hy tevrede sal wees met bloot offers (in plaas van barmhartigheid en gehoorsaamheid);
-  hulle toets of Hy Sy beloftes sal hou (al doen/begeer hulle nie Sy wil nie!).
(dit wys eintlik daarop dat hulle Hom nie vertrou nie - net soos die werker nie sy leier vertrou nie- m.a.w. hulle het nie "geloof" nie!)
---------------------------------------------------------------------------------

GEDAGTE VIR DIE WEEK: Laat ons in hierdie week seker maak dat ons verstaan wat geloof is, en wat dit beteken wanneer iemand "die Here versoek", sodat ons nie in dieselfde strik trap as "die volk in die woestyn", wat gedurig die Here versoek het nie! - van hulle het Hy gesê: "Hulle sal in my rus nie ingaan nie". (Hebr. 3:7-13)

----------------------------------------------------------------------------------------------------------------------------------
VIR VERDERE STUDIE OOR DIE ONDERWERP VAN WAT DIT BETEKEN "OM DIE HERE TE VERSOEK", GAAN NA MY BLOGPOST GETITELD :
Geplaas deur om Geen opmerkings nie:
Etikette: , , , , , ,
Teken in op: Plasings (Atom)