Wys tans plasings met die etiket Ken Hom. Wys alle plasings
Wys tans plasings met die etiket Ken Hom. Wys alle plasings

Sondag 27 Augustus 2017

How word ek 'n VRIEND van Jesus Christus?

Abraham was 'n VRIEND van God genoem omdat hy in God geGLO het (Jak. 2:23).

Wanneer jy in iets glo, dan het jy vertroue daarin.  As jy bv. glo in 'n spesifieke produk (vertroue daarin), dan wil jy dit nie net self gebruik nie maar ook vir ander mense daarvan vertel.  Maar as jy KENNIS het van 'n produk maar geen vertroue het daarin nie, dan gaan jy dit nie noodwendig gebruik nie en sal ook nie vir ander mense daarvan vertel nie, want jy is nog onseker oor die produk (m.a.w., jy glo nie noodwendig daarin nie). Sou jy bedreig voel deur daardie produk, sal jy definitief ander daarteen waarsku! Jou optrede wys m.a.w. of jy in die produk GLO of nie. Dieselfde gebeur met vriendskappe - ware vriendskap word gekenmerk deur vertroue. Die ware Christen wil nie stilbly oor die Here, oor Sy waarheid en die evangelie nie, want hy VERTROU die Here - hy weet wat die Here vir Hom beteken en hy wil graag vir ander ook van die Here vertel. As jy 'n VRIEND is van Christus Jesus, dan sal jy jou nie skaam vir Hom nie (want jy het vertroue in Hom). 
"Kennisse" is egter anders, want hulle weet nie noodwendig of hulle mekaar kan vertrou nie...
------------------------------------------------------------------------------------------------------------Jesus het Sy dissispels VRIENDE genoem, want vriende deel hulle planne met mekaar (Joh 15:15). Dit is baiemaal die ding wat wys wie regtig vriende is van mekaar, want as jy iemand nie vertrou nie, dan sal jy nie jou planne met hom deel nie... Vriende deel hulle planne met mekaar want hulle weet dat hulle woorde nie teen hulle gebruik sal word nie, en hulle vertrou mekaar met hulle planne.
------------------------------------------------------------------------------------------------------------
Vriende luister ook graag na mekaar se woorde en kan vir ure gesels, of net tevrede wees die een in die ander se teenwoordigheid. Hulle uitkyk op die lewe is ook gewoonlik baie dieselfde.  Johannes die Doper, wat ook Jesus se VRIEND genoem is, het graag na Hom staan en luister:  (Joh 3:29 - "Hy wat die bruid het, is die bruidegom; maar die vriend van die bruidegom wat na hom staan en luister, verbly hom baie oor die stem van die bruidegom........") - asof hy tevrede was met "wat hy hoor". Sy ore wou dit ontvang.  Jy kan sien WIE waarlik VRIENDE is, want dit is hulle wat graag met mekaar tyd spandeer en graag met mekaar saamstem...
------------------------------------------------------------------------------------------------------------
Iets anders wat in die Bybel uitgelig word oor vriendskap is die "nederigheid" wat tussen vriende heers; die manier hoe hulle begeer om mekaar tevrede te stel:
- Jesus Christus het ook hierdie tipe vriendskap uitgebeeld tussen Hom en die wat in Hom glo: (Joh 15:14 - "Julle is my vriende as julle alles doen wat Ek julle beveel"). In ons onderdanigheid aan Hom wys ons dat ons Hom "as Vriend" wil tevrede stel en vertroue het in Sy oordeel.
- Op dieselfde wyse (as Sy "vriende") is Hy goed vir ons en verhoor ons gebede (alhoewel Hy somtyds ter wille van ons dit nie verhoor nie!): (1Jn 5:14 - "En dit is die vrymoedigheid wat ons teenoor Hom het, dat Hy ons verhoor as ons iets vra volgens sy wil").
-----------------------------------------------------------------------------------------------------------
Verder het Christus Sy lewe vir ons afgelê, 'n bewys van Sy liefde vir ons: (Joh 15:13 - "Groter liefde het niemand as dit nie, dat iemand sy lewe vir sy vriende gee)".  Anders as vyande, is vriende bereid om hulle lewens te verloor vir mekaar, maar vyande het hulle eie lewens meer lief.  Dit was duidelik wie Jesus se vyande was - dit is hulle wat teen Hom raad gehou het (Matt. 27:1) en ander mense teen Hom gewaarsku het  - dit het gewys dat hulle Hom glad nie vertrou nie!  Hulle wou liewer vriende van die keiser wees, as vriende van Jesus (Joh. 19:12,15). Wie jy kies as vriende, wys wie dit is vir wie jy vertrou (Jak. 4:4).
-----------------------------------------------------------------------------------------------------------

GEDAGTE:



Vriende eer mekaar, maar waar een homself hoër ag en meester wil wees oor die ander, is daar nie vertroue nie, want die een wat homself verhoog is skaam vir die ander.  Jy sal nie jou planne maklik met 'n hoogmoedige "vriend" deel nie  Jy kan nie vertrou dat so iemand sy lewe vir jou sal aflê nie, want hy dink dat sy lewe belangriker is as joune! Jy't ook nie vrymoedigheid om hom enige iets te vra nie, want hy glo dat iets hom liewer toekom as vir jou!  Hy is dus verhewe bo jou en sien jou soos die dienskneg. 

 Maar as hy inderdaad "die meester" is maar nederig, dan weet jy jy kan hom vertrou.  Meesters en diensknegte kan slegs vriende word wanneer daar vertroue is tussen hulle, en die manier om iemand se vertroue te wen, is deur nederig te wees (Luk. 14:10,11).  As jy dan nou die Here en Meester, Jesus Christus (wat self vir ons die vb. gestel het van wat dit is om jouself te verneder-Joh. 13:14-17; Matt. 20:26-28...) as Vriend wil KEN, dan moet jy ten eerste jouself VERNEDER voor Hom. Hy het dit alreeds vir jou gedoen!, en het Homself verneder deur mens te word om tyd met ons te spandeer en Sy lewe vir ons te gee.  Hierdeur het Hy gewys dat jy Hom kan vertrou en dat Hy jou vriend wil wees! As jy Sy VRIEND wil wees, dan moet jy ook jouself verneder voor Hom.  Jou vriendskap met Hom sal ook gou bewys word deur jou begeerte om tyd met Hom te spandeer en hoeveel jy met Hom saamstem. Maar as jy as Christen dink dat jy weet beter as Hy en jou vir Hom skaam, jou eie leerstellings hoër ag as Sy waarheid, m.a.w. Hom bedrieg of Sy waarheid verdraai (Jer. 9:5) en nie bereid is om jou lewe te verloor ter wille van Hom nie, dan maak jy jouself reg vir 'n val (Matt. 23:12) -  wat dan ook 'n bewys is dat jy Hom nie VERTROU nie, ten spyte daarvan dat Hy alreeds Sy vriendskap aan jou bewys het... 

Hoe sien jy die Here Jesus Christus?  
Sien jy Hom as Vriend?
- Jou bereidheid om jou lewe op te gee (lewe verloor) ter wille van Hom, wys of jy Hom sien as VRIEND.
- Jou onderdanigheid aan Hom en aan Sy woorde, wys of jy Hom sien as VRIEND.
- Jou begeerte om tyd met Hom te spandeer, wys of jy Hom sien as VRIEND.

 Jou geloof en vertroue in Christus Jesus sal bewys of jy 'n VRIEND is van Hom. 
_________________________________________________________________________________
http://warechristenedagstukkies.blogspot.co.nz/2016/06/vriend-of-vyand.html
Geplaas deur om Geen opmerkings nie:
Etikette: , , , , , ,

Maandag 09 Junie 2014

En dan sal Hy sê: "Ek het julle nooit geKEN nie..."

Toe die Here Jesus die eerste keer gekom het, het Hy nie gekom om te oordeel nie.  Wanneer Hy egter terugkom, gaan Hy kom om te oordeel.
Geen gelowige sal die woorde wil hoor, "Ek het jou nooit geken nie..."!
-------------------------------------------------------------------------------------------------------------------------------

Om in die gawes en bedieninge van die Heilige Gees te stap, verg GEHOORSAAMHEID!
Dit beteken dat daardie persoon die wil van die Here ken, en dit doen...  Maar moenie dink dat almal wat lyk of hulle in die gawes stap, regtig die Here KEN nie!  Ook uit Jesus se woorde is dit duidelik dat daar mense is wat in gawes stap, of selfs duiwels uitdryf, maar Hom tog nie werklik KEN nie!   Van hierdie "voorgee" Christene,  het Hy die volgende gese: (Matt. 7:21-23) -  "Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is.  Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie?  En dan sal Ek aan hulle sê: Ek het julle nooit geKEN nie. Gaan weg van My, julle wat die ongeregtigheid werk!". Selfs gawes kan volgens eie wil geskied.  Iemand kan bv. "profeteer" asof hy ter wille van die Here 'n woord gee, maar gee 'n woord wat uit homself kom, m.a.w. wat hy dink die persoon moet hoor, nie uit gehoorsaamheid aan wat die Here wil he hy moet se nie.   As iemand nie die Here ken nie, dan gaan hy nie van Hom "hoor" nie - hoe kan hy dan bedien?   -"Daar is 'n verskil tussen iemand wat gehoorsaam is aan die Here, en iemand wat voorgee dat hy gehoorsaam is aan die Here, maar eintlik gehoorsaam aan sy eie wil".
Die persoon wat uit homself profeteer, gee voor dat hy "goeddoen". http://warechristene.blogspot.co.nz/2012/03/as-jy-dink-jy-doen-goed.html . Hy soek nie na die wil van die Here nie, maar "doen goed" om verkeerde redes.  Hy profeteer m.a.w. nie met die doel "OM TE GETUIG" nie  http://warechristene.blogspot.co.nz/2013/06/wat-het-jesus-bedoel-met-die-woorde.html , maar omdat hy die persoon jammerkry, of met die doel "om gesien te word", of om "iets te wees", of om belangrik voor te kom...http://warechristene.blogspot.co.nz/2013/03/wat-moet-die-christen-se-persepsie-wees.html. So is baie (gelowiges) wat in gawes en bedieninge stap, SE DOEL VERKEERD!
Hier moet ons onderskei tussen 
die ware Christen (wat in gawes stap omdat hy die Here KEN en gehoorsaam en met die doel om te getuig), 
en die 
Christen wat voorgee (die akteur)(die geveinsde)(die wat nie regtig die Here ken nie en in "gawes stap" met 'n verkeerde doel). Die manier hoe ons hierdie onderskeiding maak (het Jesus vir ons geleer), is deur na hulle "vrug" te kyk! Baie Christene gee voor dat hulle die Here ken, maar neem besluite en "bedien" volgens eie wil - sulke mense verdraai bv. die waarheid en skep 'n teologie volgens eie wil, of een wat hulle in die gehoor streel! Wat ook kenmerkend is van sulke voorgee-Christene, is dat hulle nie net besluite neem volgens eie wil nie, maar dat hulle nie veel aandag gee aan die pad van godsaligheid nie.  
Gawes en bedieninge vloei uit gehoorsaamheid aan die Here!, nie volgens wat ek dink of wil he moet gebeur nie...   Deesdae glo baie gelowiges dat gawes of bedieninge aangeleer kan word.  Daar is bv. heelwat kerke wat hulle lidmate onderrig gee in hoe om in gawes te stap, bv. om hulle te leer om "te profeteer".  Hierdie is egter 'n snaakse verskynsel en glad nie skriftuurlik nie! Dat gawes wel ontvang kan word deur handoplegging, is waar, maar dit word nie aangeleer nie!  Wat belangrik is wanneer iemand deur die Here gebruik wil word, is dat die gelowige die waarheid soek/ken, en tyd met die Here spandeer - as die lering dit behels, dan lei dit die persoon tot gehoorsaamheid aan die Here sodat die Here hom kan gebruik in die gawes en bedieninge van Sy Gees;  maar  "Gawes en Bedieninge" is nie iets wat aangeleer word nie, maar iets wat ontvang word deur die Heilige Gees!  -  M.A.W., DIT GAAN OOR GEHOORSAAMHEID AAN DIE HERE SE OPDRAGTE. Die Here gee die opdrag, en die gelowige gehoorsaam!  Die Gees werk soos Hy wil (1 Kor. 12:11), nie soos ons wil nie! (en dit verg gehoorsaamheid). Ook moet die Here nie vir ons volg nie, maar ons moet vir Hom volg!  Daarom gaan geen gawe oor wat ek dink moet gebeur, of wat ek dink die persoon moet hoor nie, maar om te praat/doen wat die Here vir my se om te doen. Dit gaan oor GEHOORSAAMHEID AAN SY OPDRAG!

 Dit kan iemand slegs doen as hy die Here KEN!  Baie Christene bly by die "baba-stadium" op die pad van geestelike ondervinding, en gaan nie oor na die "kind" stadium waar hulle in 'n persoonlike verhouding met die Here kom nie.  
Let wel

  dat om "in die gawes van die Gees" te stap,

  nie beteken dat iemand ver gegroei het op die

  geestelike pad nie!  Hierdie is 'n groot 

 miskonsepsie by baie Christene.  Die gemeente 

 van Korinthiers het nie in een gawe 

 agtergestaan nie, tog noem Paulus hulle 

 "babas" in die geloof! 

=================================================================================


GEDAGTE:


Dit is slegs die wat die wil van die Here doen, wat in die koninkryk van die hemele sal ingaan.  In konteks (Matt. 7) het Jesus ook gepraat van die "vrug v/d gelowige" en oor "gehoorsaamheid aan Sy stem".  Dit is duidelik dat wanneer iemand nie die nodige vrug dra nie en ook nie Sy wil doen nie, dat so iemand nie regtig die Here KEN NIE.  Johannes het ook hierdie feit duidelik gemaak en ongehoorsaamheid toegegee aan die feit dat iemand nie die Here KEN nie:  (1Jn 2:3).

-  (Joh 15:4)  "Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie".

-  (Mat 7:15,16)  "Maar pas op vir die valse profete wat in skaapsklere na julle kom en van binne roofsugtige wolwe is. Aan hulle vrugte sal julle hulle ken. ‘n Mens pluk tog nie druiwe van dorings of vye van distels nie!"

=================================================================================
Geplaas deur om Geen opmerkings nie:
Etikette: , , , , , , ,

KEN jy Hom werklik?

(Joh 6:40)  "En dit is die wil van Hom wat My gestuur het, dat elkeen wat die Seun aanskou en in Hom glo, die ewige lewe mag hê; 
en Ek sal hom opwek in die laaste dag".


 Meeste mense se siening van "ewige lewe" gaan daaroor dat iemand vir ewig lewe, tog is dit nie die enigste definisie wat Jesus daarvan gegee het nie.  In 'n gebed wat Hy tot die Vader gebid het, het Hy die volgende stelling oor die "ewige lewe" gemaak:  
(Joh 17:3)  "En dit is die ewige lewe, 
dat hulle U KEN, die enige waaragtige God, 
en Jesus Christus wat U gestuur het".
Baie Christene verklaar dat hulle die ewige lewe verkry het, maar KEN hulle Hom werklik?  As iemand Hom nie ken nie, dan kan hy tog nou nie verklaar dat hy die ewige lewe het nie, want dit is juis wat ewige lewe beteken!  Om iemand te ken, beteken nie dat ek net van "hom weet" nie.  Iemand kan bv. nie se dat hy 'n sportster noodwendig ken net omdat hy baie van hom weet nie, nee, eers as hy daardie sportster persoonlik ontmoet het en tyd met hom spandeer het, kan hy se dat hy hom regtig ken. Om die sportster se vriende te ken, beteken ook nie dat jy hom persoonlik ken nie!   Baie gelowiges weet baie van die Here, en spandeer baie tyd met die Here se "vriende", maar ken Hom nie persoonlik nie, en spandeer nie veel tyd met Hom nie.  Om net tyd met ander gelowiges te spandeer, of om meer op te lees oor die Here, maak nie dat iemand Hom ken nie, maar beteken bloot dat iemand "VAN HOM WEET".  Om die Here egter persoonlik te ken, is heeltemal iets anders!  Wanneer jy iemand persoonlik ken, is daar geselskap tussen julle - hoe meer julle gesels en met mekaar te doen het, hoe beter leer ken julle mekaar se "ins" en "outs".  Daarom is die persoon wat in 'n persoonlike verhouding met die Here is, vasbeslote sonder twyfel, omdat hy "hoor" van die Here - in so 'n geval is iemand nie net meer 'n dienskneg nie, maar 'n "vriend van die Here Jesus"!  -(Joh 15:15 - "Ek noem julle nie meer diensknegte nie, omdat die dienskneg nie weet wat sy heer doen nie. Maar Ek het julle vriende genoem, omdat Ek alles wat Ek van my Vader gehoor het, aan julle bekend gemaak het).
Die ware kind van God (WAT REGTIG DIE HERE KEN!), raak bekend met Sy planne;  m.a.w. "ken die wil van die Here" - hy "hoor" daagliks van die Here,  en plaas sy vertroue in die wil van die Here (net soos vriende mekaar vertrou - geen vriendskap kan groei sonder vertroue nie).  Iemand is ook slegs gehoorsaam waar hy die ander persoon VERTROU.  Daarom is die ware Christen gehoorsaam aan die Here, omdat hy Sy planne vertrou.  Hy "hoor" van die Here, en hy begeer dat Sy wil geskied.  (Joh 15:14 -  "Julle is my vriende as julle alles doen wat Ek julle beveel").

 -Dit is bv. anders as iemand wat probeer om guns te wen, soos mense wat gehoorsaam is aan wette met die doel om die Here se guns te wen. Daar is 'n verskil tussen iemand wat gehoorsaam is aan die Here self omdat hy in guns is (omdat hy Hom vertrou), en iemand wat gehoorsaam is aan wat hy dink vir hom guns gaan wen! 

 -Daar is ook 'n verskil tussen iemand wat opreg gehoorsaam is aan die Here, en iemand wat voorgee dat hy aan die Here gehoorsaam is, maar eintlik gehoorsaam is aan sy eie wil! 

========================================================================
GEDAGTE:

In Joh. 10:14 het Jesus die volgende gese: "Ek is die goeie herder, 
en Ek ken my eie 
en word deur my eie geken".

========================================================================
Geplaas deur om Geen opmerkings nie:
Etikette: , , , , , , , ,
Teken in op: Plasings (Atom)