Aan wie word die gees van dwaling gestuur?

Iets wat kenmerkend is van die laaste dae (soos wat vir ons in 2 Thess. 2:11 beskryf word) is dat baie mense op 'n dwaalspoor sal gaan,  en   DIE   LEUEN   SAL   GLO  .  Dit beteken dat baie wat glo hulle "sien reg", sien eintlik verkeerd!  Kan dit moontlik wees?  Ja. Hierdie feit word in verskeie skrifte bevestig. Die manier hoe "dwaling" beskryf word in die Skrif, het te doen met mense wat BEDRIEG word om 'n verdraaide waarheid of onwaarheid te glo. Dwaling kom deur die valse leraars of valse profete, valse herders..., en diesulkes word voorgestel as "slu" en "listig" (Ef. 4:14),  Maar dit is 'n sekere soort mens wat vir hulle leuens val, en hierdie mens (of "gelowige") word vir ons baie goed beskryf in die Bybel. Wanneer ons praat oor die onderwerp van "dwaal", dan is dit ook interessant om te sien hoe hierdie onderwerp inskakel by die kwessie van "WIE DIT IS VIR WIE ONS RAADPLEEG" (wanneer ons bv. antwoorde soek). Ware gelowiges SOEK die Here en raadpleeg Hom, maar die afvalliges sal onder oordeel val omdat hulle Hom nie soek nie, en Hom nie raadpleeg nie... (Sef. 1:6; Hebr. 10:38).
------------------------------------------------------------------------------------------------------------

Volgens 1 Joh. 4:6 is dit die wat nie regtig die Here KEN nie wat vir so 'n dwaling val...
(1Jn 4:6 - "Ons (m.a.w., dienaars vd Here) is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling").  Dit is deur DIE WAARHEID wat ons kan onderskei tussen of 'n lering uit die Gees van God is, en of dit 'n dwaallering is. Verder is dit ook juis op hierdie manier wat ons sien wie regtig die Here ken!, want die wat kies om nie ag te gee op die waarheid nie, of nie ag te gee op Jesus Christus se leringe nie, of nie ag gee op Sy koninkryk leringe nie..., wys dat hulle Hom nie werklik ken nie - en dit is hulle wat val vir dwaalleringe.

Jesus Christus het ook hierdie feit bevestig in Joh 15:14 - "Julle is my vriende as julle alles doen wat Ek julle beveel".  Vir die wat werklik die Here KEN is dit dus glad nie moeilik om te onderskei watter prediker (leermeester, profeet, herder...) die Gees van die waarheid het, en wie onder die gees van dwaling is nie.  Ons moet kennis neem dat "dwaling" spesifiek gestuur word aan die wat wel die waarheid hoor, maar dit verwerp!  So, dit verwys geensins na die wat onkundig is nie..., maar verwys na die wat KIES om NIE GEHOORSAAM te wees nie.  Daar is heelwat voorbeelde in die Skrif van "gelowiges" wat ongehoorsaam was aan die Here.  Koning Agab was so 'n vb. en is juis (deur die Here) blootgestel aan 'n leuengees omdat hy gekies het om nie ag te gee op die woorde van ware dienaars van die Here (soos Miga) nie, maar hy was heel tevrede met sy 400 sieners ("profete") wat net goeie dinge met hom gespreek het! - dinge wat hy graag wou hoor.  In die N.T. word ook verwys na mense soos koning Agab, en word beskryf as die wat nie ag gee op die gesonde leer nie, maar vir hulle leermeesters vergader om hulle in die gehoor te streel...(2 Tim. 4:3).  Op dieselfde wyse het koning Agab nie van die profeet (siener) Miga gehou nie (en hom terloops gehaat) omdat Miga vir hom woorde van die Here gegee het WAT HY NIE WOU HOOR NIE (1Kon. 22:8). 

------------------------------------------------------------------------------------------------------------

Daar is verskillende maniere waarop die Here mense antwoord wanneer hulle Hom raadpleeg - in die O.T. was dit bv. veral deur drome, of deur die Urim, of deur die profeet (1 Sam. 28:6; 1 Kon. 22:5,6; 2 Kon. 8:8; Jer. 21:2; 37:4,7...).  Profete was oorspronklik sieners genoem deur die mense van Israel en baiemaal, as iemand die Here wou raadpleeg, het hy na die siener (profeet) gegaan (1 Sam. 9:9)(of na die priester gegaan). Die siener se antwoord was onderwerp aan die Here se antwoord, en as die Here niks antwoord nie, dan het die siener ook nie 'n antwoord nie! Sommige van die wat sieners was in die O.T., was egter nie opreg nie en het geprofeteer volgens dit wat mense wil hoor (soos vb. hierbo-1 Kon. 22:8-13)(hulle het m.a.w. uit hulleself geprofeteer)- soos die "valse profeet" - hy gee voor dat sy woorde van die Here kom, maar dit is nie.   

Maar ook nie almal wat "sieners" is in hierdie wêreld, is natuurlik sieners van die Here nie - m.a.w. nie alle sieners raadpleeg die Here nie.  Daar is bv. "sieners" wat die dooies raadpleeg, en daar is die wat afgode raadpleeg (2 Kon. 1:2), en die wat geeste wat waarsê, raadpleeg (Jes. 8:19).  Gelowiges word beveel om niks met sulke sieners te doen te he nie (Deut. 18:11; 2 Kon. 1:16; Hos 4:12; Jes. 8:19). WIE dit is vir wie ons raadpleeg wys in wie ons ons hoop plaas. Waar kinders van die Here bv. hulle hoop plaas in afgode/afgodspraktyke of dooies of ander geeste, word hulle (geestelik) gesien as "mense wat hoereer" (want hulle verbreek hulle verbintenis met die Here, en verbind hulle aan 'n ander...)(Hos. 4:12). Daar is vandag baie vb.e hiervan onder sekere gelowiges wat hulle hoop plaas in afgodspraktyke met die doel "om gesond te word", of vir "geestesgesondheid", of "om balans en behoud in hulle dag te bring"....en allerhande redes - dit is m.a.w. die plek waar hulle gaan RAADPLEEG vir antwoorde. Baie is onkundig en moet tot insig gebring word maar ongelukkig, baie (gelowiges) wat wel kundig word en weet dat hulle moet wegbly van hierdie soort praktyke steur hulle nie daaraan nie maar stap voort in hulle hardkoppigheid. Sulke gelowiges word beskryf as "opstandige kinders" in Jes. 30:1.  Sommige dink selfs dat hulle altwee kante kan raadpleeg, maar diesulkes sal gou uitvind dat die Here Hom nie altyd laat raapleeg deur die wat geestelike hoereer nie (Eseg. 20:1-4,31). En omdat die Here hulle dan nie meer antwoord nie, veroorsaak dit dat hierdie mense nog verder verval (soos met koning Saul gebeur het)(1 Sam. 28:7,16). Daar is vandag massas voorbeelde (en ongelukkig baie getuienisse) van Christene wat hulle hoop in heidense praktyke begin plaas het, en daarvandaan net meer en meer afvallig geword het van die geloof.  Die ongeluk is dat hierdie gelowiges, as hulle hul nie bekeer van hierdie werke nie, die gees van dwaling gestuur kan word omdat hulle nie die Here soek en Hom nie raadpleeg nie (maar elders raadpleeg en vir hulle leermeesters vergader het wat hulle in die gehoor streel). En as hulle hierdie gees van dwaling gestuur word, is dit amper soos 'n vloek!, want dan sal hulle glo hulle is reg terwyl hulle eintlik verkeerd is. 

_________________________________________________________________________________

GEDAGTE:

Verskeie skrifte verwys na 'n "gees van dwaling" sootgelyk aan die wat ons sien in 1 Kon. 22 (vd leuengees wat deur God gestuur is aan die 400 sieners).  Daar is heelwat valse profete in hierdie wêreld wat hierdie dwaling teweeg bring. Dit is die ongehoorsame gelowiges (m.a.w. die wat nie ag gee op die waarheid nie, en vir wie dit gaan oor eie wil en nie oor die wil vd Here nie) wat die gevaar staan om blootgestel te word aan hierdie gees van dwaling, want sonder waarheid is daar geen vastigheid nie. Gelowiges wat ongehoorsaam is aan die waarheid staan die gevaar dat hulle oorgegee word aan die verhardheid van hulle harte sodat hulle in hulle eie planne kan wandel (want dit is wat hulle eintlik wil doen) - dus dan "dwaal in hulle EIE OORLEGGINGE"... (Ps. 81:11,12; Jes. 29:9,14; Rom. 1:21) - dis amper soos 'n vloek!.  Dit verwys na diesulkes wat, alhoewel hulle die waarheid ken, nie daaraan gehoorsaam is nie (Rom. 1:18,20,21,32) en/of die wat afgode RAADPLEEG (m.a.w. raadpleeg en hoereer agter afgode en afgodspraktyke aan)(Hos. 4:12; Rom. 1:23) - en dan stuur God vir hulle die gees van dwaling sodat hulle die leuen GLO. Hierdie word ongelukkig vandag selfs gesien in sommige Christelike kerke - mense wat NIE DIE GESONDE LEER KAN VERDRA NIE maar inval by hoe die wêreld SIEN en HOOR. Sommige kerke is selfs besig om genadegawes en tyd met die Here te VERVANG met heidense praktyke soos joga en ander vorme van heidense meditasie, genesingspraktyke soos reiki, heidens-herhaling gebedspraktyke soos kontemplatiewe gebed, ens. Sommige is wel onkundig (wat terloops tot insig gebring moet word!), maar baie wat kundig is gee nie ag op die waarheid nie en is ongehoorsaam en stap dus in sonde tot die dood... Hulle is m.a.w. nie besig om die Here te raadpleeg vir antwoorde nie, maar besig om dit elders te soek, en dus besig om geestelik te "hoereer" (2Pe 2:1 - Maar daar was ook valse profete onder die volk, net soos daar onder julle valse leraars sal wees wat verderflike ketterye heimlik sal invoer, en ook die Here wat hulle gekoop het, verloën en ‘n vinnige verderf oor hulleself bring).  In die N.T. is daar 2 skirfgedeeltes wat veral hierdie kwessie besonders aanraak nl. Rom. 1:21-25,28 en 2 Thess. 2:10,11 - sulke gelowiges gee voor dat hulle wys is, maar hulle het dwaas geword in hulle eie oorlegginge (Rom. 1:22), en wat dan gebeur is dat hulle later nie meer SIEN en HOOR nie (Joh. 12:39-43), of later deur die Here oorgegee word aan die begeerlikhede van hulle harte (oorgegee word aan hulle onreinheid)(Rom. 1:24) - dat hulle later dink hulle is reg, al is hulle verkeerd!  Vir so iemand om terug te kom op die pad is baie moeilik, want as hy glo hy is reg, AL IS HY VERKEERD (2 Thess. 2:11), gaan hy hom nie bekeer nie (dit is juis hierdie soort houding wat veroorsaak dat mense vir dwaalleringe val).  Dit veroorsaak dat hierdie gelowiges net meer en meer verval in afvalligheid en op die ou end "doen wat nie betaam nie" (Rom. 1:29-31)... 

- Rom 1:32 - "mense wat al ken hulle die verordening van God goed, dat die wat sulke dinge doen, die dood verdien dié dinge nie alleen self doen nie, maar ook hulle goedkeuring skenk aan die wat dit doen".      

- 2Pe 3:17 - "Noudat julle dit dan vooruit weet, geliefdes, moet julle op jul hoede wees dat julle nie miskien meegesleep word deur die dwaling van sedelose mense en wegval uit jul eie vastigheid nie".
______________________________________________________________________________

http://warechristene.blogspot.co.nz/2017/03/siener-raadpleeg.html
http://warechristene.blogspot.co.nz/2014/02/wat-is-die-sonde-tot-die-dood.html

Die verskil tussen Christelike meditasie en heidense meditasie

Die vraag wat ons eerste moet vra is of daar enigsins iets is soos Christelike meditasie?
En die antwoord is beslis ja, maar dit is nie die soort meditasie waaraan meeste mense dink nie;  ook nie die soort meditasie wat deesdae in baie kerke beoefen word onder die naam van Christelike meditasie nie. Alhoewel die engelse vertalings van die Bybel die woord "meditate" gebruik, gebruik die ou Afrikaanse vertalings glad nie woorde soos "mediteer" of "meditasie" nie, maar die woord/e word meer gebruik in hulle betekenis, m.a.w. as "bepeins", "oordink", "om te sug" of selfs "murmureer" (http://warechristene.blogspot.co.nz/2012/03/meditasie.html).  

------------------------------------------------------------------------------------------------------------

Onder die heiden nasies het die woord mediteer 'n definitiewe ander betekenis en wanneer iemand daaroor praat, skets dit 'n beeld in jou kop van waar hy in 'n sekere posisie sit (soos in oosterse meditasie) of staan en le vir 'n redelike tyd in sekere posisies (soos joga) en dit gaan gewoonlik gepaard met aandag op die asemhaling, mantras en een of ander soort herhaling. Heelwat Christelike kerke volg hierdie spesifieke meditasie praktyke vandag na en gee dit bloot Christelike name, maar dit maak dit natuurlik nie Christelik nie! Nerens in die Skrif word hierdie vorme van meditasie verduidelik of motiveer nie.  Daar is egter baie Christene wat vandag glo dat hierdie praktyke gevolg was deur die vroee Christene en probeer hulle standpunt staaf deur sekere apokriewe boeke soos die evangelie van Judas, en dit maak nie vir hulle saak of die betrokke apokriewe boeke regtig geloofwaardig is nie (http://sondagskooltuis.blogspot.co.nz/2015/04/die-geloofwaardigheid-van-die-bybel_43.html). Hulle glo dit blindelings, maar opgrawings het eerder bewys dat vroee Christene gewaarsku was teen hierdie groepe en valse leerstellings! Hierdie betrokke apokriewe boeke was ook veral deel van die Gnostiese groep wat bestaan het uit verskillende gelowe, en baie van hulle was sogenaamde Christene.  Hulle het die waarheid vreeslik verdraai. As ons gaan kyk na wat hulle presies geglo het, is dit ook INTERESSANT OM TE SIEN DIE VERGELYKINGS TUSSEN HULLE AFVALLIGE LEERSTELLINGS EN DIE LEERSTELLINGS VAN HINDOEISME EN DIE NEW AGE. Christene wat mediteer op heidense manier weet nie noodwendig watter leerstellings saam met hierdie soort van meditasie gaan nie, maar as hulle hulle huiswerk doen alvorens hulle betrokke raak by sulke praktyke dan sal hulle merk dat daar heelwat direkte vgl.s is tussen die leerstellings van heidense gelowe (asook die Gnostiese groep), en dit wat deur heidense meditasie probeer verkry word; inteendeel, as ons weet wat hulle leer, dan sal ons verstaan dat dit niks anders is as 'n vorm van "gebed" nie!
_________________________________________________________________________________
In teenstelling met (opregte) Christelike meditasie, plaas heidense meditasie die aandag op die bose en op die self, maar in Christelike meditasie is die aandag op die Here, en Christelike meditasie het niks te doen met WERKE nie!   Christelike kerke wat vorme van heidense meditasie toelaat, is besig om hulle lidmate onder 'n wet te plaas.  Geloof gaan oor gehoorsaamheid aan die Here, nie gehoorsaamheid aan wette nie! En dit is presies waarom mense heidense meditasie navolg - dit gaan oor 'n sekere roetine waaruit sekere sg. voordele verkry word.  Dit is nie geloof in die Here nie.  Geloof sonder werke is dood, ja, maar die werke van die geloof gaan oor GEHOORSAAMHEID AAN DIE HERE, nie werke met die doel om iets te ontvang nie. Heidense vorme van meditasie verwag geen gehoorsaamheid nie, slegs "werke"!, so wat is die doel daarvan? Dit kan ook geen antwoorde gee nie, want dit is nie onderwerp aan die waarheid nie...

_________________________________________________________________________________

GEDAGTE:


Om "te mediteer" is nie verkeerd nie, maar dit hang af HOE jy mediteer. Volgens die Skrif beteken "om te mediteer", om in diepe gebed voor die Here te wees of om die Here se wette en dade, Sy woorde en voorskrifte en bevele te OORDINK en te BEPEINS (http://warechristene.blogspot.co.nz/2012/03/meditasie.html). Terwyl in meditasie wat in ander geloofspraktyke beoefen word hulle die gedagtes bloot laat verbygaan, word die Christen eerder beveel "OM GEDAGTES GEVANGE TE NEEM TOT GEHOORSAAMHEID AAN CHRISTUS"! (2 Kor. 10:3-5).  Ons word ook verder beveel om dit wat nie saamstem met die waarheid nie, te verbreek (om bv. nie ag te gee op valse leerstellings nie) en om planne of gedagtes soos bekommernis te verbreek. Daarom is meditasie op 'n skriftuurlike manier ook heeltemal anders, want in die eerste plek RAADPLEEG JY DIE HERE, jy bepeins Hom en Sy dinge en is in diepe gebed tot Hom, en soek na Sy wil (en dit geskied nie deur 'n ydele herhaling van woorde of deur om 'n sekere roetine na te volg nie...!).  En die "werke" wat jy doen, is bloot a.g.v. gehoorsaamheid aan die Here (geloof) -  dit gaan m.a.w. daaroor dat jy jou hoop in die Here plaas, maar iemand wat heidense meditasie navolg plaas sy hoop in roetines ("werke") en ander geloofspraktyke.

As ek dan nou wou mediteer op 'n Christelike manier en besluit om Jesus se woorde te BEPEINS toe Hy gese het dat ons nie moet bid soos die heidene met 'n herhaling van woorde nie... , dan sal ek my gedagtes gevange neem tot gehoorsaamheid aan Hom  - ek het m.a.w. nie bloot my gedagtes laat verbygaan (soos in heidense meditasie) nie, maar kies om die Waarheid te soek en om Hom gehoorsaam te wees en nie betrokke te raak by sulke heidense praktyke nie.

Die vraag is dus:  "IS DIE HERE JOU ANTWOORD (m.a.w. om Hom gehoorsaam te wees),
                     OF IS DIE NAKOM VAN SEKERE ROETINES (werke) JOU ANTWOORD?".
_________________________________________________________________________________
http://warechristene.blogspot.co.nz/2014/03/die-wet-en-die-profete-evangelie-vd.html
http://warechristene.blogspot.co.nz/2013/11/mag-die-christen-mediteer-oosterse.html

En as julle bid, gebruik nie 'n ydele herhaling van woorde soos die heidene nie...

Sefanja het profeteer van wat in die toekoms gaan gebeur, nie net met die volk van God nie, maar ook met sekere ander nasies - hy praat van die komende oordeel en die dag van die Wederkoms, hoe die Here gaan terugkom om besoeking te doen oor die mense van die aarde... en hoe Hy ook sal oordeel die wat:
-  VAN HOM AFVALLIG GEWORD het,
-  HOM NIE SOEK nie;  en
-  HOM NIE RAADPLEEG NIE! (Sef. 1:6). 
Hy praat verder oor die wat BETROKKE is BY ANDER GELOOFSPRAKTYKE en AFGODSAANBIDDING... 

Volgens Sefanja se profesie is hierdie een van die dinge wat die Here teen Sy kinders hou, wanneer hulle ophou om Hom te soek en te raadpleeg, en in die proses  ander geloofspraktyke begin navolg. Die Here was nog nooit tevrede daarmee wanneer Sy kinders "ander weivelde soek nie" - hierdie soort van afvalligheid is ook 'n bewys van die eindtye...
------------------------------------------------------------------------------------------------------------
Jesus het heelwat vir ons geleer oor gebed. Iets wat ook duidelik is uit wat Hy vir ons geleer het oor gebed, is dat die Vader nie tevrede is met enige manier van gebed nie.  Nie alle gebed sal beloon of beantwoord word nie!, soos wanneer iemand bid bloot "om gesien te word" of bid met 'n hart wat self nie wil vergewe nie. Die dissipels het ook hierdie geleer en Jakobus het o.a. die volgende stelling gemaak: (Jak. 4:3 - "Julle bid en julle ontvang nie, omdat julle verkeerd bid, om dit in julle welluste deur te bring").Selfs wanneer 'n man nie die nodige eer aan sy vrou bewys nie, kan sy gebede verhinder word! (1 Pet. 3:7).  NIE ALLE MANIERE VAN GEBED IS "REG" NIE en nie alle gebede word beantwoord nie!!!

Dit is dus duidelik dat nie alle maniere van gebed vir die Here aanneemlik is nie, en dat daar verkeerde maniere is van BID soos wanneer iemand selfsugtig bid.  Iets waarteen Jesus ons ook spesifiek gewaarsku het in die bergpredikasie, is die volgende:  (Mat 6:7 - "En as julle bid, gebruik nie ‘n ydele herhaling van woorde soos die heidene  nie, want hulle dink dat hulle deur hul baie woorde verhoor sal word"). Hierdie "manier van bid" (deur die ydele herhaling van woorde) is 'n ou metode van die heidene!  Oral waar ons met die mistiek te doen het, gaan meditasie en gebed gepaard met die ydele herhaling van woorde, kyk bv. na Islamiese meditasie (Muraqaba), Boedhistiese meditasie (Japa), Sjinese meditasie (Daoist), Kabbalah meditasie, en baie ander  -  oral het dit te doen met die herhaling van mantras, heilige name ens., en word dit oor en oor herhaal vir 'n sekere hoeveelheid minute.

Daar is baie soortgelyke vorms van meditasie wat gevolg word "to empty your mind", selfs "kuns"vorms soos zentangle, en mense besef nie altyd waarin hulle betrokke is nie.  Wat egter belangrik is is dat wanneer 'n Christen tot hierdie insig kom, hy moet breek met sulke praktyke.
------------------------------------------------------------------------------------------------------------
Heelwat Christelike kerke is veel uitgesproke oor die mistiek en haar voordele, maar het 'n tekort aan basiese Christelike lering. En baie wat betrokke is in "contemplative prayer" of sg. "Christelike" joga doen, dink dat hulle daardeur besig is met die Here, TOG HET CHRISTUS DIT SELF DUIDELIK GEMAAK DAT DIE VADER NIE BELANGSTEL IN hierdie soort GEBED nie!  - so, hoekom sal Christene hulle dan daarin wil begewe, as hulle weet die Here is nie tevrede daarmee nie? Die manier hoe hierdie praktyke ook vir die westerse voorgehou word, is in die naam van sielkunde en wetenskappe en met baie voordele asof soos medisyne en oefening, maar om jou antwoorde te gaan soek by praktyke van mense wat afgode aanbid en praktyke wat selfs in satanisme beoefen word, kan verseker nie vgl. word met 'n natuurlike pil en oefening nie!!! En daar word terloops baie gepraat oor die sg. voordele, maar omtrent niks oor die massas nadele nie. Wat ons moet verstaan is dat hierdie praktyke inderdaad 'n invloed het op die mens, maar nie die soort "voordele" wat voorgehou word nie. Baie mense glo dat dit geen bose invloed kan he nie, maar dit is soos om te redeneer dat daar niks sal gebeur as jy glasie-glasie speel nie! Die waarheid is dat hierdie praktyke direk afkomstig is van ander gelowe. Ons moet versigtig wees vir dit wat alles vandag vir ons voorgehou word as "goed". (Lev 18:24 - "Verontreinig julle nie deur al hierdie dinge nie, want deur al hierdie dinge is die heidene verontreinig ..."). Kyk bv. praktyke soos "reiki" en "hipnose", wat ook voorgehou word asof heeltemal onskuldig, maar praktyke wat afkomstig is van ander gelowe (en terloops ook in satanisme beoefen word).  Baie ander soortgelyke praktyke word vandag blindelings deur Christene aanvaar. Dit is regtig kommerwekkend wanneer 'n Christen sy hoop eerder plaas in 'n geloofspraktyk soos reiki vir genesing, maar hy glo nie in Christelike genesing en handoplegging nie!? Of wanneer hy homself oopstel vir ander geeste deur heidense metodes van meditasie, maar hy stel homself nie oop vir die Gees van God nie!  Baie Christene het meer geloof in hierdie heidense praktyke as wat hulle het in Bybelse waarhede...in so 'n geval is iemand nie besig  om die Here te soek nie, maar eerder besig om ander geloofspraktyke te raadpleeg.
------------------------------------------------------------------------------------------------------------


GEDAGTE:


As Christelike kerke nou hierdie "ander geloofspraktyke" AS ANTWOORD begin voorhou en verskillende vorms van meditasie in die kerk se bediening begin inskryf (soos wat in baie kerke reeds gebeur), en nog verder laster deur dit te probeer verchristelik, IS HULLE DEFINITIEF NIE BESIG OM DIE WARE EVANGELIE TE BRING NIE, maar 'n "ander evangelie" gebore uit ander gelowe. Hierdie mistiek wat in baie kerke vandag gesien word lyk nie veel anders as die Gnostiese idees van die eerste eeu nie, en baie "leringe van duiwels" het daardeur die kerke ingesluip. Daar is 'n miskonsepsie onder sommige Christene, wat van mening is dat hulle die reg het om "te glo wat hulle wil" en daardeur hulle betrokkenheid in hierdie praktyke probeer regverdig, maar die waarheid is dat alhoewel die Here vir elke mense 'n vrye wil gee, die Christen sy wil onderwerp het aan die Here OM HOM GEHOORSAAM TE WEES - so m.a.w, 'n ware Christen wil tog nou nie glo soos hyself wil nie, maar soek eerder na die wil van die Here! (Matt. 7:21; 12:50).  As die Here dit duidelik maak dat Hy nie tevrede is met hierdie MANIER VAN GEBED nie, waarom probeer Christene dit regverdig asof die Here nie sal omgee dat hulle daarin betrokke is nie?  
Asof die Here vir hulle 'n vrye wil gee om buite Sy wil op te tree? 

Ons bely dat ons die evangelie GLO, maar ons glo baiemaal wat ons wil, of glo dit wat ons in die gehoor streel.  Ons dink dat ons verstaan wat dit beteken om in Hom te glo, maar verstaan ons dat die evangelie ook daaroor gaan dat ons moet glo in Sy woorde?;  inteendeel, as jy nie in Sy woorde glo nie, dan glo jy nie in Hom nie. 
Ons moet onsself die vraag afvra:  Glo ons 'N evangelie, of DIE evangelie? 

_________________________________________________________________________________

http://warechristene.blogspot.co.nz/2012/03/meditasie.html
http://warechristene.blogspot.co.nz/2014/12/opsomming-die-boek-sefanja.html
http://warechristene.blogspot.co.nz/2013/01/die-evangelie.html
http://sondagskooltuis.blogspot.co.nz/2015/04/die-geloofwaardigheid-van-die-bybel_43.html
http://warechristene.blogspot.co.nz/2014/03/wat-het-jesus-vir-ons-oor-gebed-geleer.html

Want onse God is 'n verterende vuur !

Die manier hoe die ongelowiges die begrip "einde" of "voleinding van die wêreld" verstaan, is heelwat anders as hoe die Christen dit verstaan.  Vir die Christen verwys die woorde "voleinding van die wêreld" na Christus Jesus se wederkoms (Matt. 24:3,6,14)(m.a.w., die einde van "hierdie eeu" en die begin vd "volgende eeu").  Maar die Christen weet ook dat wanneer Christus terugkom, Hy kom om te oordeel!  Hoe vreeslik sal dit wees vir die wat val onder die TOORN VAN DIE LAM - die wat Hom nie ken nie en Hom nie gehoorsaam nie...     

------------------------------------------------------------------------------------------------------------

Wanneer die Hebreers skrywer die woorde gebruik, "Want onse God is ‘n verterende vuur" (Heb 12:29), dan is dit ook in konteks met hoe ons Hom moet vrees en die godsaligheid najaag. Hierdie woorde was geskryf aan Christene en dit is duidelik dat die Christen wat in ONGELOOF en ONGEHOORSAAMHEID stap, rede het om bang te wees!  Dit was lank reeds geprofeteer dat die Here gaan kom en IN VUUR wraak uitoefen op die ongehoorsames en goddeloses, en l.w. dat sulke profesiee veral gemik was teen die "volk van God" in tye van ongehoorsaamheid en ongeloof  (Eseg....).  Jesus Christus het ook verklaar dat Hy gekom het "om vuur op die aarde te werp" (Luk 12:49), en sê Hy verder:  "en hoe wens Ek dat dit al aangesteek was!".  In konteks waarsku Hy Sy dissipels teen die geveinsdheid van die Fariseërs (die voorgee-gelowiges). In die gedeelte word die dienskneg wat nie die wil van die Here doen nie, gewaarsku: (Luk 12:47 - "En daardie dienskneg wat die wil van sy heer geken het en nie klaargemaak of volgens sy wil gedoen het nie, sal met baie slae geslaan word ..."). Wanneer Christus Jesus terugkom, sal Hy inderdaad die "vuur op die aarde kom werp";  en "wraak uitoefen in vuur" op die wat Hom nie KEN nie en op die wat aan die evangelie van onse Here Jesus NIE GEHOORSAAM is nie! (2 Thess. 1:8)(maar Hy sal verligting gee aan die wat verdruk word en almal wat glo sal Hom bewonder...).  Hierdie beeldspraak van "met die vuur brand" word in heelwat ander skrifte en leringe ook gebruik.  Kyk bv. hoe Paulus verduidelik in 1 Kor. 3 van as 'n Christen se WERK VERBRAND WORD, hy skade sal ly.... En kyk die beeldspraak wat Johannes die Doper gebruik het van hoe die KAF VERBRAND sal word (Matt. 3:12). Net so het Christus dit gebruik in die gelykenis van die koring en die onkruid (en hoe die ONKRUID VERBRAND sal word)(Matt. 13:30).   (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand").
------------------------------------------------------------------------------------------------------------ Ook in 1 Kor. 1:8 waar Paulus na die wederkoms van Christus verwys as "die einde",  moedig hy die gemeente aan om "tot die einde toe" ONBERISPELIK te wees.  Alhoewel daar huidiglik baie dinge met die aarde gebeur, weet ons egter dat dit nog nie die einde is nie. Die toestand van die wêreld en dit wat nou met die aarde gebeur, het meer te doen met die probleem van SONDE, of is die gevolg van sonde (Jes. 24:1-5), en is nog nie DIE WRAAK VAN GOD nie (alhoewel dit ook soos oordeel gesien moet word, want die aarde is ontheilig deur sy bewoners en "breek" as gevolg daarvan!). God se wraak sal wel uitgestort word onder die 7de seel (en Christus se wederkoms vind ook plaas onder die 7 de seel).  Die dinge wat ons nou sien is slegs "geboortepyne" en dit sal definitief erger word, want die Skrif verklaar dat die AFVAL eers moet kom voor die Antichris geopenbaar sal word.... en daarna die wederkoms.
_________________________________________________________________________________

GEDAGTE:

Die woord "afval" in 2 Thess. 2 verwys egter nie noodwendig na gelowiges wat afvallig raak nie, maar kan ook verwys na iets van verlate gestel word;  daarom is sommige geleerdes van mening dat "afval" hier eerder verwys na die "gruwel van verwoesting" (Mark. 13:14; Dan. 8:11-13).  Tog maak die Skrif dit ook duidelik in 1 Tim. 4:1 dat "in die laaste dae" sommige gelowiges van die geloof afvallig sal word en hulle onttrek van die geloof en waarheid.  HIERDIE IS IETS WAT ALREEDS BESIG IS OM TE GEBEUR.

In 1 Tim. 4:1-8 word hierdie afvalligheid as volg verduidelik:
(1) Hulle hang verleidende geeste aan.  (Kyk maar hoeveel kerke het betrokke geraak in die mistieke element en gee nie meer ag op "wat die waarheid is" nie, maar dit gaan oor wat hulle dink die waarheid is).
(2) Hulle hang leringe van duiwels aan, wat verbied om te trou en mense gebied om hulle te onthou van voedsel wat God geskape het. (Kyk maar hoeveel Christene het teruggeval op "werke" en hoeveel mensgemaakte wette het die plek ingeneem van gehoorsaamheid - a.g.hiervan vind baie verkeerde oordeel in ons kerke plaas).
(3) Hulle gee meer aandag aan dinge soos liggaamlike oefeninge as om hulleself te oefen in die godsaligheid.  (Kyk maar hoeveel kerke het hulle hoop begin plaas op dinge wat van weinig nut is, en hoeveel Christene soek hulle antwoorde by ander gelowe, soos om joga te begin doen of oosterse meditasie en gebed wat gegrond is op ander geloofsbeginsels, IN PLAAS VAN DAT HULLE DIE HERE EERDER RAADPLEEG!).

(Jud 1:22)  En aan sommige wat twyfel, moet julle barmhartigheid bewys;

(Jud 1:23)  "maar ander moet julle met vrees red deur hulle uit die vuur te ruk; en ook die kleed moet julle haat wat deur sonde bevlek is".

_________________________________________________________________________________