Verstaan ons wat dit beteken dat ons 'n "HEILIGE VOLK" is?

Wat beteken dit dat die volk van God gesien word as 'n "HEILIGE" volk?  (in die O.T. was die besnydenis bv o.a. 'n teken hiervan -Hand. 11:2,3).  1Pe 2:9 - "Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig" - die woord "heilige" in hierdie Skrif is die Griekse woord "hag'-ee-os", wat verwys na iets wat skoon en afgesonder is... In ander skrifte verwys die woord "heilig" ook gewoonlik na iets of iemand wat (skoongemaak en) AFGESONDER IS (bv., is afgesonder vir 'n spesifieke taak of doel)(Openb. 20:6; 15:4; Hebr. 7:26). 

As die volk van God gesien word as 'n "heilige volk", dan beteken dit dat hulle afgesonder is (vir die Here), bv. afgesonder vir 'n doel  (bv. afgesonder om Hom te dien, die evangelie te verkondig, Sy woord te bewaar, ewig te lewe, die aarde te beerwe, ens.). Om skoon te wees is gewoonlik ook nodig voor iets of iemand geheilig kan word... (kyk gerus na vele O.T. voorbeelde, o.a. die priesters wat hulleself moes was voor hulle tempeldiens kon doen, ens.). Op dieselfde wyse het die wat tot geloof kom nodig om "skoongewas" te word voor hulle deel kan word van die "heilige/afgesonderde volk". Die Christelike doop is bv. o.a. 'n teken hiervan, en die wat hulle laat waterdoop word nou gesien as deel van die nageslag van Abraham (Gal. 6:23-29)(is dus deel van "die heilige volk", en dus volgens die belofte erfgename...). 

------------------------------------------------------------------------------------------------------------------------------

Maar daar is uitsonderlike gevalle ter wille vd doel, waar bv. mense wat nie skoongewas is nie ook hanteer word as deel vd geroepenes in hulle huidige lewe, bv. 'n ongelowige wat getroud is met 'n gelowige... (1 Kor. 7:14) - in so 'n geval word die ongelowige gesien as "GEHEILIG deur die gelowige" sodat hulle kinders gesien kan word as rein/heilig (1 Kor. 7:14). Dit beteken natuurlik nie dat die ongelowige nou gered is nie!, bv., dit beteken nie sy/haar sondes is outomaties afgewas, of beteken nie dat hy/sy die Heilige Gees outomaties ontvang het nie, maar verwys daarna dat die ongelowige se kinders bevoordeel is omdat hy/sy met 'n heilige getroud is - hulle kinders word gesien as rein (en kan in daardie opsig afgesonder word vir die Here se werk en word hanteer as deel van die volk van geroepenes; word bv. hanteer as deel van die wat die Here dien en gesien as deel van die wat eendag gaan erf , ens).

'n Ander vb. is voedsel... - onder die wet van Moses was daar onderskei tussen rein en onrein voedsel. "Rein voedsel" het verwys na daardie voedsels wat geëet kon word ("was afgesonder vir eet" - hier sien ons weer hoe die begrip "heilig" verwys na wat afgesonder/rein is). In die N.T. is geen voedsel verwerplik nie (anders as met sommige voedsels in die O.T.) as dit met danksegging ontvang word, want dit word GEHEILIG deur die woord van God en gebed (1 Tim. 4:4,5) - en alle voedsels word dus dan gesien as "rein" wanneer daaroor gebid word... (dit geld natuurlik nie vir bloed eet nie-Gen. 9:4;Hand. 15:20,29). 

------------------------------------------------------------------------------------------------------------------------------

"Heiliges" word dus tipies gesien as "bruikbares" en soos "diensknegte" - hulle dien die Here - hulle is 'n volk vir Hom, en Hy is vir hulle 'n God (2 Tim. 2:19-21; 3:2; Hand. 10:15; 11:9; Eseg. 22:26). 

Die begrip "heilig" kan ook beter verstaan word deur ander voorbeelde, bv.:

- Die wet en gebod is HEILIG... - nie sodat iemand daardeur kan erf nie, maar is afgesonder vir lering - bv. sodat geleer kan word wat is sonde (Rom. 7:7); 

- In die volgende eeu sal die Here alleen HEILIG wees op die aarde... (Openb. 15:4) - wat dit beteken is dat geen ander gode toegelaat sal word of gesien sal word as heilig nie (maw geen ander gode sal mag aanbid word nie - die Here sal alleen aanbid word/is afgesonder as die Een wat aanbid word - in ander woorde, mense sal gedwing word om die Here Jesus Christus as Here te sien en sal nie toegelaat word om afgode te aanbid nie; 

- Jesus Christus het Sy volk deur Sy eie bloed GEHEILIG... (Hebr. 10:8-14; 13:12) - die wat in Hom glo word deur Sy bloed afgewas en so vir Hom afgesonder (om hom te dien - hulle leef nie meer vir hulleself nie, want hulle is deur Hom losgekoop - is nou nie meer slawe van sonde nie maar is slawe van Hom);   en Hyself is GEHEILIG vir Sy kinders... (Hy is deur die Vader vir hulle afgesonder - in die wêreld ingestuur - Joh. 10:36; Luk. 20:13); sodat hulle in die waarheid GEHEILIG kan wees... (die wat in Jesus Christus glo, is afgesonder vir die waarheid, bv. om dit te ken en verkondig, en word deur Jesus in die wêreld ingestuur - Joh. 17:14-26; Luk. 10:3).

- Nog 'n vb. om die begrip "heilig" beter te verstaa, is deur te kyk na die feit dat Jesus Christus GEHEILIG (afgesonder) is as ewige hoëpriester... (Hebr. 7:26)(ons het Jesus en het daarom nie 'n ander hoëpriester nodig om vir ons in te tree nie - Hy is maw afgesonder as die Een wat vir ons intree);

- Nog 'n vb. is die wat sal deel hê aan die "eerste opstanding"... - hulle is GEHEILIG/afgesonder vir die ewige lewe... (Openb. 20:6)(dit verwys na die wat opstaan tot lewe - die wat uitverkies word om die koninkryk/aarde te beerwe;  dit verwys nie na die wat sal opstaan tot veroordeling nie); 

- Die Christen se liggaam word ook gesien as "heilig"... (is 'n tempel vd Gees) - is afgesonder vir die inwoning vd Heilige Gees (1 Kor. 6:19; 3:17) - wat dus daarna verwys dat Christene nie aan hulleself behoort nie. Weergeborenes se liggame word afgesonder vir die Here se Gees (is tempels), en hulle is deur die Heilige Gees (wat in hulle woon) afgesonder vir die Here.

------------------------------------------------------------------------------------------------------------------------------

GEDAGTE:

Die HEILIGE VOLK (die wat afgesonder is vir die Here) word ook "kinders vd belofte" genoem, en verwys na die wat gaan erf (Gal. 4:28; 3:29; Rom. 9:8; Hand. 2:39; 1 Thess. 5:23; Ef. 1:4);  daarom word hulle ook 'n volk/gemeente van "eersgeborenes" genoem (bestudeer gerus die tema van eersgeborenes om hierdie beter te verstaan). 

Die volk van God is 'n HEILIGE VOLK omdat hulle skoongewas en afgesonderd is, maar as hulle hul VERONTREINIG (m.a.w. hulleself besoedel), dan is hulle besig om hulleself te ONTHEILIG (besig om hulleself af te sny van die "afsondering").

Onderskei tussen wat is HEILIG en wat nie

Die woord "HEILIG" word veral gebruik in geval waar iets/iemand afgesonder word (soos vir 'n spesifieke doel) https://warechristene.blogspot.com/2016/06/heilig-1.html.  Alhoewel "om skoon te wees" in meeste opsigte 'n voorwaarde is voordat iemand of iets geHEILIG kan word, of in sekere gevalle in wese wel daarna kan verwys, is dit nie altyd die geval nie. Daar is bv. gevalle waar mense "geheilig" word maar nie skoon/rein is nie!, bv. die ongelowige wat met 'n gelowige getroud is... Ons moet dus gaan kyk na die betekenis van die woord "heilig" in verskillende kontekste. 
In hierdie dagstukkie kyk ons veral na die konteks van "heilig" as "afgesonder". 
-Christene is bv. afgesonder (geheilig) om 'n volk en priesters te wees vir God - en sal deel hê aan die eerste opstanding, en die wat deel in hierdie opstanding is "geheilig" (afgesonder) vir die ewige lewe! (Openb. 20:6)(1 Thess. 5:23; Ef. 1:4). 
- Jesus Christus is "geheilig" (afgesonder) as ewige hoëpriester, en het Homself afgesonder (is geheilig) vir Sy kinders, sodat hulle ook in die waarheid GEHEILIG kan wees (m.a.w., "ons is afgesonder vir die WAARHEID")(Joh. 17:17-19). In hierdie vb.e sien ons dus dat die woord "heilig" veral verwys na hoe Jesus en Sy kinders AFGESONDER is, en "waarvoor" afgesonder. Ons hoef bv. nie 'n aardse priester meer op te soek om vir ons in te tree en 'n offer vir ons sonde te bring nie, want die Vader het Sy Seun afgesonder (Hy is geheilig) vir hierdie taak (het Homself vir ons geoffer en tree heeltyd vir ons in). Jesus Christus het Sy volk deur Sy eie bloed GEHEILIG (hulle skoongewas en afgesonder...)(Hebr. 13:11,12; Kol. 1:22; Ef. 5:26,27).  Net soos Hyself afgesonder (geheilig) is in spesifieke dinge, het hy ons ook afgesonder ("heilig soos Hy heilig is")(Hebr. 2:11; Rom. 11:16; Jud 1:1; Joh. 10:36; 17; Luk. 10:3; 20:13)...
------------------------------------------------------------------------------------------------------------
Die Naam van Jesus Christus is vir elke Christen HEILIG want Sy Naam is afgesonder ("geheilig") as die enigste Naam deur wie iemand die ewige lewe kan verkry;  en Sy Naam is afgesonder as die Naam (die Een) op wie ons hoop en vertrou, en na wie ons luister... Wanneer iemand Jesus Christus se naam "heilig", dan beteken dit dat so 'n persoon kies om Jesus se Naam af te sonder (as die Naam op wie hy hoop en vertrou en na wie hy luister).  Maar as iemand afgode aanbid, dan is Jesus Christus se Naam nie vir hom afgesonder nie. Sou 'n Christen op so 'n manier geestelik hoereer (ook afgode aanbid en nie Jesus se Naam heilig nie), dan is hy besig om die Naam van die Here te ONTHEILIG (m.a.w. die Here se Naam is nie meer vir hom afgesonder as die enigste Naam nie)(http://warechristenedagstukkies.blogspot.com/2016/09/laat-u-naam-geheilig-word.html).  

------------------------------------------------------------------------------------------------------------
Ons moet onderskei tussen wat is heilig en wat nie (Lev. 10:10).  Bv., in die O.T. was die Hebreeuse volk spesifiek GEHEILIG (afgesonder onder die nasies vd aarde) as die "volk van God", maar in die N.T. word enige iemand uit enige volk, taal of nasie wat GLO in Jesus Christus, GEHEILIG (afgesonder) as deel van God se volk. Iemand kan bv. nie "glo wat hy wil" en steeds verwag om deel te wees van die heiliges nie. In die O.T. was die heiliges die kinders van Abraham, Isak, Jakob...  In die N.T. is die heiliges "die Christene" (die wat GLO IN JESUS CHRISTUS - nie "glo wat hulle wil nie"!)(en hulle word "geestelik kinders van Abraham"). Spesieke voorwaardes of reëls geld vir wanneer iemand "geheilig" word, en in hierdie geval is geloof  in Jesus Christus (geloof in die ewige hoëpriester) die voorwaarde! 

In die O.T. was die wet van Moses "geheilig" (afgesonder) vir die volk van God;  in die N.T. het Hy Sy Gees (die HEILIGE Gees) afgesonder vir Sy volk (en die Gees skryf Sy wette op hulle harte)(Rom. 8:2; 7:2-4).  Alle dinge word nie gesien as "heilig" nie.  Wanneer die Skrif verwys na wat is "heilig", gaan dit veral oor wat die Here sien as heilig of "as heilig" verklaar.  Hy besluit wat is HEILIG (wat wil Hy afsonder) en wat nie (dit is nie ons wat daaroor besluit nie). In die N.T. is die tempelgebou bv. nie geheilig (afgesonder) as die plek waar God teenwoordig is en met die mens ontmoet (soos in die O.T.) nie, maar die Christen se liggaam word hiervoor "geheilig" (liggaam is die tempel vd Heilige Gees). Dit beteken natuurlik nie dat die Here nie 'n gebou meer kan gebruik om daar met mense te ontmoet nie; en inteendeel word 'n kerkgebou deur Christene "geheilig" (afgesonder) vir die doel van byeenkomste, en Christene word ook in geheel gesien as 'n "liggaam" (wat bymekaarkom), en dus die Gees in hulle (die gebou se) midde...  Maar die Here is nie teenwoordig in enige "kerk"gebou nie! 'n Afgodstempel is bv. afgesonder (in daardie opsig deur daardie mense "geheilig") vir afgodsaanbidding, maar dit is nie vir die Christen heilig nie, en God is nie daar teenwoordig nie omdat die wat daar aanbid nie die Gees van God het nie! Dit wat vir mense "heilig" is, is nie noodwendig HEILIG nie - bv., somtyds word daar na hierdie afgodstempels verwys as "heilig", maar dan omdat die mens dit sien as "heilig" - nie iets wat deur God as heilig verklaar is nie! Dit is dus slegs 'n gebou waar Christene bymekaarkom (in wie die Heilige Gees is) wat gesien kan word as "heilig" (omdat hulle daar bymekaarkom)(https://warechristene.blogspot.com/2012/12/die-tempel-van-god.html). 
------------------------------------------------------------------------------------------------------------

GEDAGTE:


Ons verstaan nie altyd hoe Christene "heiliges" genoem kan word nie want Christene is nie altyd rein nie, maar die woord "heilig" verwys nie noodwendig na die of dit wat rein is nie, maar verwys ook na "wat is afgesonder", en "waarvoor" iets of iemand afgesonder is. Ons het reeds bo gekyk na waarin Christene geheilig is (m.a.w. waarvoor hulle afgesonder is, bv. vir die waarheid, vir Christus, ens.) en verstaan dus hoe hulle "heiliges" genoem kan word in sekere skrifte (Kol. 3:12; 1:26; Fil. 1:1; 4:21,22; Ef. 3:8,18; 4:12 ens.). Wat ook belangrik is om in gedagte te hou wanneer ons praat oor heiligheid, is watter invloed die feit dat ons geheilig is, op ons lewens het!
- As iemand afgesonder is vir die waarheid, kan hy bv. nie glo wat hy wil nie, maar moet glo in die Here se woord en die waarheid wat Jesus Christus gebring het. Vir 'n Christen is 'n "ander evangelie" of "valse leerstellings" onrein, en die wat daarop ag gee kan daardeur besoedel word.
- As iemand afgesonder is vir die Here Jesus, kan hy nie doen wat hy wil nie, maar moet dan gehoorsaam wees aan die Here Jesus Christus.  Dit word m.a.w. van Christene (as afgesonderdes) verwag om hulle eie lewenswandel te "heilig" (om dit vir die Here af te sonder), want hulle lewens behoort nie aan hulleself nie!  Christene is nie veronderstel om hulle lewens in te rig volgens die begeerlikhede wat tevore in hulle onwetendheid bestaan het nie (1 Pet. 1:14), maar moet hulle "HEILIG gedra" WANT HULLE IS die "HEILIGES" (1 Thess. 2:10; 1 Pet. 1:15,16; 2 Tim. 2:19,21).
- As iemand afgesonder is om die Heilige Gees te ontvang (kom m.a.w. dan "onder die genade"), mag hy nie in eiewysheid meer optree nie, maar moet die Here raadpleeg, en gehoorsaam wees aan die Gees van waarheid, want as "afgesonderde" is hy nou "onder die Gees, nie onder die wet nie". Christene moet verstaan dat om "onder die Here se genade te wees" juis daaroor gaan dat hulle AFGESONDER IS vir Hom (is GEHEILIG) - hulle het die ou mens afgelê en kan dus nie meer soos die ou mens leef nie, maar leef nou vir die Here (Rom. 6:1-15).

Iets wat onrein is, moet vermy word deur die een wat afgesonder is, want as hy dit nie doen nie kan hy daardeur onrein word... Hierdie feit is nie net 'n O.T. feit nie maar is steeds van toepassing in die N.T. (2Kor. 6:17,18...) - as afgesonderdes moet ons weet wat is vir ons rein, en wat nie! - ons moet weet watter voedsels vir ons heilig is, watter wette, seremonies ens. Hier moet ons onderskei tussen wat is heilig (rein) en wat is onheilig (onrein), want iets wat in die O.T. onrein was is nie noodwendig in die nuwe ook onrein nie; alhoewel dit nooit gesê kan word van "sondes" nie.  Baie kerke val in hierdie strik vandag, waar hulle nie onderskei tussen WETTE en SONDE nie. Wette kan anders vervul word in verskillende bedelings, maar nie "sonde" nie!  Sonde bly altyd verkeerd en kan nie in die O.T. verkeerd gewees het en in die nuwe ewe skielik reg nie. Geen Christelike kerk het die mag om "sonde" rein te verklaar nie.  Om te lieg is bv. 'n sonde en sal en mag nooit rein verklaar word in enige bedeling nie; maar wette soos watter diere gesien is as onrein diere in die O.T. is iets anders... Natuurlik moet daar ook onderskei word tussen MENSGEMAAKTE WETTE en GOD SE WETTE, maar wat ons moet verstaan van God se wette is dat Hy die Een is wat besluit watter wette GEHEILIG (afgesonder) word in watter bedeling of testament. Hierdie wette word nie altyd dieselfde hanteer in verskillende bedelings nie, want dit gaan oor wat God rein maak. Die eerste mense op aarde mag bv. nie vleis geëet het nie (dit was nie vir hulle geheilig nie)(Gen. 1:29), maar vanaf Gen. 9 is hulle toegelaat om vleis te eet (geheilig, alhoewel net sekere diere).  Hier kan ons sien dat "wat God rein maak", mag ons nie onheilig ag nie (Hand. 10:15; 11:9). Dit is m.a.w. verkeerd om Christene onder 'n wet te plaas waarin hulle verbied word om vleis te eet (want God het dit rein gemaak en ons mag dit dan nie onheilig ag nie);  alhoewel elkeen die reg het om te besluit of hy vleis wil eet of nie, en natuurlik moet ons mekaar hierin respekteer (http://warechristenedagstukkies.blogspot.com/2016/11/die-eet-van-rein-en-onrein-diere.html)...

Baiemaal oordeel ons verkeerd omdat ons nie weet wat is rein en wat is onrein nie.  In die O.T. is ook heelwat dinge gesien as onrein vir die volk van God, maar wat presies in die N.T. is vir die Christen onrein? Ons moet weet watter dinge dit is wat nie toelaatbaar is nie, want die Christen is GEHEILIG (afgesonder) vir die Here en kan nie doen wat hy wil nie.  In 2 Kor. 6:14 word Christene bv. verbied om in dieselfde juk te trek met ongelowiges (in die sin van "ongeregtigheid", "die eet van afgodsoffers" ens.)(2 Tim. 2:18,19). Sekere maniere van "bou" is ook ONREIN vir die Christen (1 Kor. 3), bv. "sonde teen liggaam"; "vleeslike wysheid"; "valse leerstellings of leerstellings wat iemand in die gehoor streel-bv. begeerte na fabels en leuens  i.p.v. begeerte na die waarheid, ens.)(2 Tim. 4:3,4; 2 Pet. 2:18; 2 Pet. 3:3; Jud 1:16,18). Alle sondes is vir die Christen onrein en moet bely word (en moet hom daarvan bekeer), bv.egbreuk, hoerery, moord, diewery, boosheid, bedrog, losbandigheid,  lastering, hoogmoed, dwaasheid,  haat broeder, kwaadspreek ens.  Vele "begeertes" en "gedagtes" wat in die Skrif genoem word is ook "onrein" vir die Christen, bv. slegte gedagtes, hebsug, afguns en jaloesie, naywerig, begeerte na onwettige vleeslike gemeenskap, naaste se goed begeer, begeerte na geld, slegte dinge begeer, begeerlikhede vd jonkheid, ens. (Mar 7:20-23; Jak. 1:14,15; Jak. 4; 2 Tim. 2:16-23; Ps. 119:19).

MAAR ander begeertes is wel vir die Christen REIN ! - soos 'n "verlange na die Here se woord, Sy koninkryk, Sy dinge";  "hoop op toekomstige opstanding"; begeerte na 'n "amp met die doel om ander gelowiges te dien"; begeerte na "vleeslike gemeenskap spesifiek in die huwelik"; begeerte na "alledaagse behoeftes" en so aan...(https://warechristene.blogspot.com/2017/10/begeer.html).  Die Here maak die reëls, nie ons nie, en as geheiligdes moet ons WEET wat is vir ons rein en wat nie. In meeste gevalle is voedsel (hetsy gesien as rein of onrein diere in die O.T.) wat met danksegging ontvang word, vir ons REIN wanneer dit "geheilig word deur die gebed"(1 Tim. 4:4,5; Mark. 6:18,19; Hand. 11:9; Rom. 14:14...). Maar daar is ook bepaalde ander rëels rondom voedsel, soos in die eet van afgodsoffers; ons mag nie bloed eet nie, ens...
_________________________________________________________________________________
https://warechristene.blogspot.com/2017/01/heilig-onheilig-ontheilig-opsomming.html
https://warechristene.blogspot.com/2017/10/begeer.html
http://warechristenedagstukkies.blogspot.com/2016/09/laat-u-naam-geheilig-word.html
https://warechristene.blogspot.com/2017/05/wie-is-nie-onder-die-wet-nie.html
https://warechristene.blogspot.com/2013/12/wat-beteken-uit-genade-gered.html

Laat U Naam geheilig word

Wanneer die Christen bid "laat u Naam geheilig word" (Matt. 6:9) is dit 'n verklaring wat hy maak waarin hy bely dat die Naam van die Here vir hom HEILIG is.  Maar wat beteken dit regtig en wat leer die Skrif vir ons oor die betekenis van "heilig"? 
En hoe word "die Here GEHEILIG" onder Sy kinders?  
En wat beteken dit wanneer hulle Sy Naam ontheilig? 
---------------------------------------------------------------------------------------------Wanneer iets of iemand "geheilig" word,  beteken dit veral dat dit/hy AFGESONDER word (vir 'n spesifieke doel).  Die Sabbat is bv. 'n HEILIGE dag omdat dit afgesonder is as rusdag.  Die artikels in die tabernakel was HEILIG want dit was afgesonder vir diens. Sekere voedsel in die Ou Testament was HEILIG want dit was afgesonder as voedsel wat geeet kon word. Die eersgeborenes onder die volk van God was HEILIG want hulle was afgesonder om vir Hom priesters te wees. Die stad Jerusalem was 'n HEILIGE stad want dit is die stad wat die Here uitverkies (afgesonder) het tussen die stamme van Israel (Eseg. 5:5,6)(en is terloops ook geheilig/afgesonder vir die volgende eeu, en vir ewig!...http://warechristene.blogspot.co.nz/2015/07/jerusalem.html);  en die land Israel was HEILIG want dit is die land wat die Here afgesonder het vir Sy volk sodat hulle vir Hom 'n volk kon wees, en Hy vir hulle 'n Here.  Die volk van God is 'n HEILIGE volk want hulle is afgesonder uit die ander volke as 'n volk vir Hom (Deut. 14:2).............
------------------------------------------------------------------------------------------------------------
Jesus Christus se Naam is heilig vir die Christen want dit is afgesonder (geheilig) as die Naam in wie ons glo (Joh. 11:27).  Dit is in Sy Naam op wie ons hoop op die ewige lewe (Joh. 11:25). Sy Naam is afgesonder (geheilig) as die Naam (en die enigste Naam) in wie ons verlossing kan verkry, nl. vergifnis van sondes (Kol. 1:14) en Hy is deur God die Vader genoem ‘n hoëpriester vir ewig (Hebr. 5:6,10).  Sy Naam is afgesonder (geheilig) as die Naam aan wie ons gehoorsaam is (Joh. 15:14)............ SY NAAM IS VIR ONS HEILIG (afgesonderd)....  Christene is ook HEILIG want hulle is afgesonder vir die Here, skoongewas en geheilig (afgesonder) om vir Hom vrug te dra. 
------------------------------------------------------------------------------------------------------------
Vir 'n Christen wat ook afgode aabid,  is die Naam van die Here nie meer "afgesonder" nie (want die persoon sonder nou ook ander "name" af "vir wie" hy aanbid).  In daardie sin het hy die Here se Naam ontheilig (Amos 2:7; Eseg. 39:7; Eseg. 36:20; 20:39; Jer. 34:16; Jes. 48:11), want hy't nie onderskei tussen wat heilig is en wat nie; of die Here se Naam was eens vir hom heilig (afgesonder/gekies) as die een vir wie hy DIEN, maar nou is dit nie meer nie. Die land Israel was ook heilig/afgesonder vir die kinders van Jakob, maar hulle het dit ontheilig deur afgodsaanbidding (Jer. 16:18; Jer. 3:1,2,9; 3:1)(Lev. 20:3; 22:2,32).  A.g.daarvan het hulle die land verloor en was versprei onder die nasies.  In sekere profetiese skrifte was hulle vgl. met "hoereerders", want hulle het agter gode aan "hoereer" (Eseg. 6:9), en so beide die land asook die Here se Naam ontheilig.  Om die tema van ontheiliging nog beter te verstaan kan ons kyk na ander vb.e van waar iets/iemand ontheilig is:  -  Een vb. is die van Ruben, wat die BED van sy vader ontheilig het (1 Korn. 5:1 en Gen. 49:4).  Ruben het met Bilha, sy vader se byvrou, gemeenskap gehad (Gen. 35:22). Jakob se "bed" was afgesonder (heilig)(en onbesmet) - Bilha het aan Jakob behoort, maar Ruben het dit besmet deur hoerery (Hebr. 13:4) - en dit so ontheilig...
_________________________________________________________________________________

GEDAGTE:


Christene wat ook afgode aanbid, of betrokke word by heidense afgodspraktyke soos towery, waarsêery, goëlery, bid soos die heidene met herhaling van woorde ens. (Deut. 18:10; 19:26; Gal. 5:20; Jer. 14:14; Matt. 6:7...) is besig om die Naam van die Here te ontheilig. Wat help dit hulle bid, "laat U Naam geheilig word", maar hulle lewens wys dat hulle hul hoop plaas in "iemand"/iets anders of in nie-Christelike praktyke. So iemand is besig om die Naam wat eens vir hom heilig was, nou te ontheilig.  En net soos die volk die land ontheilig het en a.g.daarvan dit nie kon behou nie, (want hulle het die Naam van die Here ontheilig),  net so kan Christene wat begin afgode en ander afgodspraktyke dien, nie verwag om 'n erfdeel te he in die koninkryk van God nie (Ef. 5:5) - tensy hulle hul bekeer daarvan. Hulle is besig om die Naam wat eens vir hulle heilig was, te ontheilig - en hulle is ook besig om hulleself weer te verontreinig (besoedel).  Niemand kan twee here dien nie (Matt. 6:24).  Vir die gierigaard is mammon sy afgod, want hy plaas sy hoop in 'n ander naam.  Vir die wat op die vlees vertrou, eiesinnig is in dit wat hulle wil glo, en wederstrewig teenoor die waarheid, is hulle buik hulle afgod (Fil. 3:19; 1 Sam. 15:23) want hulle plaas hulle hoop in wereldse wysheid. Die valse profeet is ook besig om die Naam van die Here te ontheilig, want hy dien homself - sy eie naam - (Eseg. 13:19; Jes. 47:6). 

As ons wil bid "laat U Naam geheilig word", dan moet ons ook ons eie lewenswandel heilig waardeur ons wys dat Sy Naam vir ons heilig is.(1Pe 1:14,15). Hoe word die Here geheilig onder Sy kinders? - Wanneer hulle NIE Sy Naam ontheilig nie! (Lev. 22:32). Net soos die Here ons HEILIG vir Hom, so wil Hy he dat ons ook ons eie lewenswandel HEILIG - afsonder (om nie vir onsself te lewe nie, maar vir Hom). Ons moet dus onderskei tussen WAT IS HEILIG en WAT IS ONHEILIG, en tussen WAT IS REIN en WAT IS ONREIN (Lev. 10:10; Eseg. 44:23). Christene wat nie hierdie onderskeiding maak nie, staan die gevaar dat hulle hulself verontreinig of die Naam van die Here ontheilig. (http://warechristene.blogspot.co.nz/2016/09/verontreinig-ontheilig.html)
------------------------------------------------------------------------------------------------------------

http://warechristene.blogspot.co.nz/2016/06/heilig-1.html
http://warechristene.blogspot.co.nz/2016/08/heilig-2.html