Gelowige Lote

Gelowiges word in sommige skrifte voorgestel soos SAAD wat in die wereld gesaai word .  In ander skrifte word die gelowige voorgestel soos 'n BOOM - Jesus het graag die beeldspraak van "bome" gebruik om te verduidelik hoe iemand aan "sy vrug" geken word.  Gelowiges word ook voorgestel soos TAKKE, en Jesus het ons ook voorgestel soos LOTE.  

Al hierdie voorstellings het te doen met "groei" en VRUG.  

Die gelowige word gesaai om te groei soos 'n boom en vrug te dra.  'n Boom word aan sy vrugte geken.  As takke is ons deel van die groot boom (die koninkryk van die hemele/God), en as lote kan ons nie vrug dra as ons nie in die wynstok bly nie. En net soos enige boom of stok se vrugte geoes word, so sal die gelowige se vrug geoes word met die wederkoms van Jesus, die Christus.  Die wat geen vrug dra, of geen ryp vrug dra nie, sal uitgekap word, en in die vuur gegooi word. 

------------------------------------------------------------------------------------------------------------

========================================================================

GEDAGTE:

Wat beteken dit "OM IN DIE HERE TE BLY"?

Leef ons regtig in die laaste dae?

Leef ons regtig in die laaste dae? 

Is die einde naby? 

Wanneer is die einde?  "Die einde" (Mark. 13:7)(Matt. 24:14) word ook na in die Skrif verwys as "die einde van dae" (2 Pet. 3:3) of "einde van dinge" (1 Pet. 4:7).  Andersins word van die dag van die wederkoms ook gepraat as die "voleinding van die wereld" (Matt. 24:3) of "die einde" (Matt. 24:6,14). Dit is nie net ons wat wonder wanneer die einde is nie, maar reeds 2000 jaar gelede het sommige Christene al verwag dat Jesus se wederkoms in hulle leeftyd sou plaasvind.  Heelwat skrifte gee ook die idee dat sommige so geglo het, maar in ander skrifte is dit weer duidelik gemaak dat die tyd nog nie daar was nie...; alhoewel hulle geglo het dat hulle in die laaste dae lewe (1 Pet. 4:7; Hand. 2; 1 Kor. 1:7,8; Jak. 5:8 ens.)(http://warechristene.blogspot.co.nz/2012/07/het-die-eerste-gemeentes-geglo-dat.html).Wat wel ook duidelik is, is dat die eerste gemeentes geleef het ASOF Jesus in hulle tyd sou terugkom.  Ons behoort ook so te lewe, sodat ons gereed kan wees op daardie dag. Die Here is lankmoedig omdat Hy tyd gee vir mense om tot bekering te kom (2 Pet. 3:9). In ander woorde kan ons se dat ons in die laaste dae is al vir die afgelope 2000 jaar! 
---------------------------------------------------------------------------------------------

Die Here het vir ons tekens gegee sodat ons kan bepaal wanneer "die tyd NABY is" - dit gee mense tyd om seker te maak dat hulle wel GEREED is, en wys net weer op Sy lankmoedigheid!  Toe Jesus gewaarsku het teen die woorgebruik van "die tyd is naby" in Luk. 21:8, het Hy egter nie die woorde "die tyd is naby" afgeskiet nie, maar dit afgeskiet in die konteks waarin sommige dit sou gebruik.  Selfs die boek Openbaring begin met die woorde "want die tyd is naby":  
(Openb. 1:3)  Salig is hy wat die woorde van die profesie lees, en die wat dit hoor en bewaar wat daarin geskrywe is, WANT DIE TYD IS NABY. 
Jakobus het ook hieride woorde gebruik: (Jak. 5:8)  "Julle moet ook geduldig wees; versterk julle harte, WANT DIE WEDERKOMS VAN DIE HERE IS NABY" (kyk ook Openb. 22:10).  Die konteks waarin Jesus die woorde "die tyd is naby" afgeskiet het, was spesifiek toe hy Sy dissipels gewaarsku het teen valse Christusse wat sal se:  "Dit is ek!" en: "Die tyd is naby!". Die probleem le dus by die "rede vir" die woordgebruik. Daarom Jesus se woorde: "Gaan dan nie agter hulle aan nie".  Vgl. dit ook met Sy woorde in Matt. 24:4,5: "En Jesus antwoord en sê vir hulle: Pas op dat niemand julle mislei nie. Want baie sal onder my Naam kom en sê: Ek is die Christus! en hulle sal baie mense mislei".  

DUS, OM TE SE DAT "DIE TYD NABY IS", OF "DAT DIE WEDERKOMS VAN DIE HERE NABY IS", IS NIE IN WORTEL VERKEERD NIE, EN GELOWIGES MOET ALTYD LEEF ASOF DIE HERE JESUS CHRISTUS SE WEDERKOMS NABY IS!  (m.a.w., "moet altyd GEREED WEES"!). (http://warechristene.blogspot.co.nz/2013/05/die-tyd-is-naby.html).
------------------------------------------------------------------------------------------------------------
CHRISTENE MOET DAAROM ALTYD LEEF ASOF DIE HERE IN HULLE TYD TERUGKOM.  Jesus het gepraat oor hoe ons GEREED moet wees, en "besig moet wees" wanneer Hy terugkom:  (Luk 12:40)  "Julle moet dan ook gereed wees, omdat die Seun van die mens kom op ‘n uur dat julle dit nie verwag nie".  Dit is duidelik om te sien wat Jesus hier bedoel het met "gereed wees" as ons die hele Luk. 12 in konteks gaan lees.  In die gedeelte het Hy gepraat van dat ons:
-  (1)  Luk. 12:13-40:  - moet "ryk wees in die Here" 
-  (2)  Luk. 12:1-12:  -   nie moet vrees vir die wat die liggaam doodmaak nie, maar vrees Hom wat by magte is om in die hel te werp /  moenie die Here verloën nie;
- (3)  Luk. 12:41-59:  -  ken die wil van die Here en doen dit.
Hy verduidelik dat die lewe nie vir ons moet gaan oor besittings en om skatte te vergader, of om behep te raak met die sorge van die lewe nie, maar liewer dat ons moet RYK WORD IN DIE HERE.    Ook in Matt. 24:36-51 verduidelik Hy dat ons nie meer besig moet wees met die lewe, as met die Here nie!Ook in die verhaal v/d 5 verstandiges en die 5 dwase, gaan dit oor die feit dat ons die Here meer lief moet he as ons eie lewens - meer besig moet wees met Hom en bereid om op te gee ter wille v/d koninkryk.   Ons moet eerste Sy koninkryk soek, en Sy geregtigheid (nie later nie!).  Vgl. hierdie gerus met die gelykenis v/d saaier, met die 3 de groep wat hulle vrug verloor a.g.v. sorge v/d lewe, rykdom, genietinge en begeerlikhede!  Dit gaan daaroor dat ons selfs bereid moet wees om besittings, rykdom en genietinge vd lewe, op te gee (sodat Hy ons oor Sy besittings kan aanstel op daardie dag - Matt. 24:47; Luk. 12:44).  Daarom het Jesus ook verduidelik dat ons Sy koninkryk in so 'n mate moet begeer dat ons bereid is om enige iets daarvoor op te gee! (Mat 13:44)  "Verder is die koninkryk van die hemele soos ‘n skat wat verborge is in die saailand, wat ‘n man kry en wegsteek; en uit blydskap daaroor gaan hy en verkoop alles wat hy het, en koop daardie saailand". ; (Mat 16:26)  "Want wat baat dit ‘n mens as hy die hele wêreld win, maar aan sy siel skade ly? Of wat sal ‘n mens gee as losprys vir sy siel?". Waar genietinge, sorge e.a. dinge so belangrik begin raak dat ons nie meer tyd het vir die Here nie, of tyd het om die waarheid te soek, of die evangelie te verkondig ens. nie, is daar fout! Dit is nie verniet dat Jesus juis met die GELOWIGES gesels het toe Hy hierdie dinge gese het nie.  Die gelowige wat nie ag gee hierop nie, sal sy vrug verloor!  Geloof moenie gaan oor wat ons kan kry uit die "deal" nie, soos materiele seen en voorspoed en eie wil nie, maar geloof gaan oor "opgee" - om jouself op te gee en jou vertroue in die Here te plaas.  Dit is dan ook om hierdie rede wat daar baie nood is onder Christene vandag, omdat elkeen net vir homself lewe!  Dit is ook om daardie rede dat mense nie meer tyd het vir mekaar nie, want die genietinge van die lewe het daardie tyd opgeneem.  Dit is inderdaad soos in die dae van Noag, mense "eet en drink" en steur hulle min aan die wil van die Here en het ook nie veel tyd om aan die Here te spandeer nie - dit gaan meer oor "die lewe", oor die genot in die lewe en dit wat hul lewe opmaak - mense werk hard vir allerhande onnodige besittings en begeer rykdom en sogenaamde voorspoed.  Hulle bekommer hulle meer oor die dag van more, as wat hulle vandag tyd met die Here spandeer.  Jesus het ons gewaarsku oor hierdie dinge.  Ons moet ag gee op die waarheid wat Hy vir ons kom deel het sodat ons die vrug tot heiligmaking kan dra. 
========================================================================

GEDAGTE:

(Luk 17:33)  Elkeen wat probeer om sy lewe te red, sal dit verloor; en elkeen wat dit verloor, sal dit behou.
 -  GAAN LEES DIE SKRIF IN LUK. 17 IN KONTEKS - OOK HIER PRAAT JESUS VAN SY WEDERKOMS (en dat dit sal wees soos in die dae van Noag - mense sal meer besig wees met die lewe as met Hom). 

(Joh 12:25)  Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe.  ( IN konteks JOH. 12 PRAAT HY EGTER OOR SY DOOD - (Joh 12:24)  Voorwaar, voorwaar Ek sê vir julle, as die koringkorrel nie in die grond val en sterf nie, bly dit alleen; maar as dit sterf, dra dit veel vrug.)(Die gelowige moet ook eers sy eie wil afsterf, voor hy kan lewe vir die Here).

=================================================================================

http://warechristene.blogspot.co.nz/2012/06/wat-dit-beteken-om-gereed-te-wees.html
http://warechristene.blogspot.co.nz/2012/12/wanneer-is-die-einde-van-die-wereld.html

Die EVANGELIE van die Koninkryk

Soos ons maar te goed weet, beteken die woord "evangelie",  "goeie tyding of goeie boodskap".  

Wanneer ons dink aan die woord "evangelie", dan dink ons gewoonlik aan die "evangelie van Jesus Christus", m.a.w. die goeie boodskap oor die Here Jesus Christus, oor hoe Hy vir ons sondes gesterf het, en opgestaan het uit die dode - so die dood oorwin het, sodat ons ook eendag kan opstaan tot lewe...  Maar wat ons moet verstaan, is dat die woord "EVANGELIE" nie net verwysend is na die "evangelie van Jesus Christus" nie, maar ook verwysend is na "die evangelie van vrede", asook "DIE EVANGELIE VAN DIE KONINKRYK".  Ons kan bv. nie regtig die evangelie van Jesus Christus ten volle verstaan as ons nie die evangelie van vrede en die evangelie v/d koninkryk in ag neem nie.  Die EVANGELIE wat Jesus gebring het, was deels gerig op "DIE GOEIE BOODSKAP oor DIE KONINKRYK VAN GOD". 

Waar Jesus die Christus bv. na Sy 40 dae vas, DIE EVANGELIE VAN DIE KONINKRYK VAN GOD begin verkondig het in Galiléa, en Hy hulle beveel het om hulle te bekeer en DIE EVANGELIE TE GLO, was hierdie "evangelie" waarna Hy verwys het, of die boodskap wat Hy hier gebring het, (of die evangelie wat Hy wou he hulle moet GLO), nie oor hoe Hy sou sterf vir hulle sonde nie, maar dit het gegaan oor Sy koninkryk!  Dit was 'n "goeie boodskap" oor Sy koninkryk!  Die opdrag hier dus om "die evangelie te glo", het gegaan oor om "die evangelie oor die koninkryk van God" te glo.  Die evangelie gaan nie net daaroor dat ons moet glo in Jesus die Christus nie, maar ook oor dat ons die evangelie (die waarheid) moet glo oor "die koninkryk van God" - dit behels o.a. voorwaardes om deel te raak van, of hoe om in te gaan in die koninkryk en leringe oor die koninkryk van God. Baie wat hulleself "kinders van die koninkryk" noem,  sal uiteindelik nie ingaan in hierdie koninkryk nie, omdat hulle nie die evangelie oor die die koninkryk van God GLO nie! Iemand kan bv. bely dat Jesus die Christus sy Here is, maar dan moet hy ag gee op die evangelie wat Jesus gebring het: (Luk 6:46) "En wat noem julle My: Here, Here! en doen nie wat Ek sê nie?" (gaan lees gerus ook hierdie skrif in konteks). As iemand nie ag gee op die leringe oor die Here se koninkryk nie, dan "glo" hy dit nie!  Baie bely dat hulle die Here dien, maar hulle is Hom nie gehoorsaam nie;  hulle weet wat Sy leringe behels, maar hulle gee nie ag daarop nie - in so 'n geval bely hulle dat hulle glo Jesus is die Christus, maar hulle glo nie die WAARHEID wat Hy gebring het nie?  

-Jesus het bv. geleer dat sonder vrug niemand in die koninkryk van God kan ingaan nie (ook in verskeie gelykenisse vertel Hy hoe sommige afgesny sal word en uitgewerp sal word omdat hulle nie die voorwaardes nakom nie);   tog GLO baie Christene dit nie, en dink hulle nie dat daar enige manier is hoe hulle hulle saligheid kan verloor nie?  

-Jesus het bv. geleer dat ons verdrukking sal he net soos Hy;  tog GLO baie Christene dit nie en glo eerder dat die Here nooit sal toelaat dat Sy kinders deur verdrukking gaan nie?

-Jesus het bv. geleer dat ons Hom as Eerste Liefde moet ken en dit as voorwaarde voorgehou, en waarskuwings daarby as iemand dit nie nakom nie; tog GLO baie Christene dat Hy niks van hulle verwag nie, stel sorge en begeerlikhede en genietinge van die lewe bo Hom, en dink nie dat hulle hul vrug kan verloor daardeur nie?

-Jesus het bv. geleer dat elkeen wat homself verhoog, verneder sal word;  tog GLO baie Christene dit nie en probeer liewer "wenners" wees, in plaas van "diensknegte"?

MIN GELOWIGES GLO REGTIG IN JESUS SE LERINGE.  MIN GELOWIGES GLO DIE EVANGELIE WAT HY GEBRING HET! Wat Jesus bedoel het met "hoor", is dat ons regtig moet ag gee op Sy woorde!  Hy het baie gepraat oor die belangrikheid van "om te hoor"!  Die manier hoe iemand "hoor", is wat uiteindelik gaan bepaal wie regtig ingaan in die koninkryk;  wie vrug dra, en wie nie, en wie hulle vrug verloor;  wie barmhartig is, en wie nie;  wie die wil van die Vader doen, en wie nie...

In die eerste kerke is hierdie evangelie wat Jesus oor Sy koninkryk verkondig het, saam met die evangelie van Jesus Christus verkondig (Hand. 8:12). Ons moet ag gee op die WAARHEID wat Jesus vir ons gebring het:  
(Mar 1:14)  En nadat Johannes oorgelewer was, het Jesus in Galiléa gekom en die evangelie van die koninkryk van God verkondig
(Mar 1:15)  en gesê: Die tyd is vervul en die koninkryk van God het naby gekom; bekeer julle en glo die evangelie. 

----------------------------------------------------------------------------------------------------------------------------------

GEDAGTE:

In die gelykenisse, verhale en leringe wat Jesus gegee het oor die Koninkryk van God,

stel Hy voor dat die Koninkryk in so 'n mate begeer moet word, dat die mens bereid moet wees om alles op te gee daarvoor en dit bo wereldse dinge moet soek 

(Matt. 13:44,45)(Matt. 6:21)(Matt. 19:21,29)(Luk. 14:33)(Hebr. 10:34)(Luk. 18:23,24)(Hand. 2:44-47; 4:32-35)(Hebr. 11:24-26)(Fil. 3:7-9). 

 ---------------------------------------------------------------------------------------------------------------------------------

http://warechristene.blogspot.co.nz/2012/06/aan-hom-wat-oorwin-sal-ek-gee-om-saam.html

http://warechristene.blogspot.co.nz/2012/12/jesus-christus-se-koninkryk-die.html

Wat jy opgee in hierdie lewe, sal jy wen in die ewige lewe

Alhoewel Jesus se stelling, "Maak vir julle vriende deur die onregverdige Mammon" (Luk. 16:9) vreeslik verkeerd klink, gaan dit wat Hy vir ons verduidelik het in hierdie gedeelte, nie oor onregverdigheid of geld nie, maar eerder oor "REGVERDIGHEID" en oor "OM TE GEE". (Luk. 16:1-15). Dit bevat die konsep van: "wat jy opgee in hierdie lewe, sal jy wen in die ewige lewe" (m.a.w., "die wat hulle lewe verloor, sal dit wen")( wat jy saai, sal jy maai, d.w.s. soos geld saai, of besittings saai, of tyd saai ens.)(dit is ook spes. in die geval van gelowiges, nie ongelowiges nie, en in die geval van waar goeie dade gedoen word uit diensbaarheid aan God, nie volgens eie wil of om selfsugtige redes nie!).Die belofte dat die sagmoediges die aarde sal beërwe (Matt. 5:5) word nie verniet aan die "sagmoediges" belowe nie! Die Here ag "barmhartigheid" baie belangrik en verwag van ons dat ons barmhartig moet wees soos Hy barmhartig is. In die wereld word sukses anders voorgestel as wat die Here dit sien.  Volgens wereldse standaarde is iemand bv. suksesvol wanneer hulle ryk word, of baie (wereldse) kennis het, of bekend is!  Sulke mense word gesien as die wenners in die lewe, maar volgens wat Jesus vir ons geleer het in die evangelie van die koninkryk, is dit die wat hulle lewens verloor (in hierdie lewe), wat dit uiteindelik sal wen (in die ewige lewe).  In die Here se oë is die geseëndes nie die wat ryk is nie, maar die wat barmhartig is, en bereid is om op te gee van hulle besittings en tyd en geld (Matt. 5).  (Luk 12:33 - " Verkoop julle besittings en gee aalmoese; maak vir julle beurse wat nie oud word nie, ‘n skat in die hemel wat onuitputlik is, waar geen dief by kom of mot verteer nie").  In die Here se oë is die geseëndes  nie die wat wereldse kennis najaag en leer en leer, maar nooit tot die WAARHEID kom nie!, maar eerder die wat ryk is in Hom, wat eerste Sy koninkryk soek en Sy geregtigheid.  In die Here se oë is die geseëndes nie die wat hoogmoedig is en hulleself meer belangrik ag as ander mense nie!, maar dit is die nederiges (Matt.11:11; Luk. 22:26).  http://warechristene.blogspot.co.nz/2012/05/is-jy-n-geseende.html. WAT DIT BETEKEN IS DAT 'N GELOWIGE BEREID MOET WEES OM "SY LEWE TE VERLOOR" - Wat ons sien as logies of regverdig, is nie noodwendig hoe die Here dit sien nie...
---------------------------------------------------------------------------------
In beide Luk. 12 en 15, skets Jesus vir ons 'n heel ander prentjie i.v.m. wat dit beteken om REGVERDIG te wees. In die verhaal van die verlore skaap (Luk. 15), los hy die 99 ander skape in die woestyn en daar is meer blydskap oor die verlore een wat gevind word, as oor die ander 99 ! 
- DIT KLINK ONREGVERDIG DAT DIE 99 GELOS WORD EN AGTER DIE EEN "STOUT" SKAAP AANGEGAAN WORD OM HOM TE RED!, maar die manier hoe ons "regverdigheid" sien, is anders as hoe die Here dit sien. Die Here se barmhartigheid strek baie verder as net dit wat vir ons regverdig voel.
-  Ook in die verhaal van die verlore seun, is daar nooit, in al die jare wat die oudste broer sy vader gedien het, vir hom 'n bokkie gegee om saam met sy vriende vrolik te wees nie, maar dit is gedoen vir die een wat "afvallig" was.  WEER-EENS KLINK DIT SO ONREGVERDIG TEENOOR DIE EEN WAT HOM VIR JARE GEDIEN HET, EN DAAR WORD FEESGEVIER OOR DIE EEN WAT "STOUT" WAS!
-  In die verhaal van die bestuurder, maak Jesus die volgende opmerking:  "hy wat getrou is in die minste, is ook in die grote getrou; en hy wat onregverdig is in die minste, is ook in die grote onregverdig"- Jesus sien dit dus as "onregverdig", sou die bestuurder nie vir die wat hom skuld, afgee nie.  DIE MENS SIEN "OM REGVERDIG TE WEES" HEEL ANDERS, EN VOEL DAT DIE 99 SKAPE BELANGRIKER IS OMDAT HULLE GEHOORSAAM WAS EN NIE AFGEDWAAL HET NIE;  net so in die verhaal van die verlore seun - almal sal voel dat dit net regverdig is dat die vader eerder vir die oudste seun, wat gehoorsaam was en hom al die jare gedien het, die bokkie sal slag. So kon die bestuurder reken dis regverdig dat almal hom betaal wat hulle skuld, maar selfs die bestuurder, wat in die wereld is, was slimmer as ons!  SO MAAK ONS BAIEMAAL STAAT OP WAT "ONS VERDIEN", OMDAT ONS VOEL ONS IS Sy kinders.  Dit voel net "regverdig" dat ons kan geniet "wat ons verdien"!    Maar die bestuurder het besef dat dit beter is om "nou te verloor, en later te wen" (as om nou te wen en later te verloor). Dit beteken nie dat die 99 skape of die oudste broer glad nie belangrik is, en nie eendag wel beloning sal ontvang nie, maar dat hulle bereid moet wees om soos diensknegte "hulle eie wil op te gee". Al voel dit vir hom net regverdig dat hy nou kan geniet "wat hy verdien het", soek die Here liewer barmhartigheid en is dit in die oe v/d Here eerder regverdig dat hy dit wat hy "verdien" het, ook deel met ander, 'n dienskneg bly en nie ag gee op mag of eer nie. In die Here se oe is dit nie regverdig dat iemand selfsugtig is oor sy tyd en verdienste nie!  Jesus het bv. geleer dat iemand die koninkryk van God in so 'n mate moet begeer dat hy bereid is om alles op te gee ter wille daarvoor (Matt. 13:44)------------------------------------------------------------------------------------------------------------
Dit sou beteken dat die gelowige sy eie begeertes moet kruisig en die self nie so belangrik is nie;  daarom het Jesus verduidelik dat "meer geloof" beteken, om te wees soos ONVERDIENSTELIKE DIENSKNEGTE! (Luk. 17:5-10). Weer-eens ook in hierdie gedeelte, klink dit heeltemal onregverdig!  Die stomme dienskneg wat moeg kom van die veld en dan moet hy nog aandete voorberei en word nie eens bedank nie!  Dit is die manier hoe ons dit verstaan, maar Jesus wil vir ons iets anders hier oor GELOOF leer.  Basies beteken dit dat ons bereid moet wees om te dien, "OM TE VERLOOR"!  -  "om soos onverdienstelike diensknegte te wees" wat meer besorg is oor die wat verlore is of hulp nodig het, as wat ons besorg oor wat ons dink ons verdien (m.a.w., ons moet nie "meer besig wees met die lewe" soos die sorge, begeerlikhede, rykdom en genietinge van die lewe, as met die Here nie!).

- Kyk ook na Matt. 19:21- "  Jesus antwoord hom: As jy volmaak wil wees, gaan verkoop jou goed en gee dit aan die armes, en jy sal ‘n skat in die hemel hê; en kom hier, volg My".
- Kyk ook na Spr. 19:17 - "Wie hom ontferm oor die arme, leen aan die HERE; en Hy sal hom sy weldaad vergelde".
- Kyk ook na Luk 14:11-15  - "Want elkeen wat homself verhoog, sal verneder word, en wat homself verneder, sal verhoog word. En Hy sê ook vir die man wat Hom genooi het: Wanneer jy ‘n môre— of middagete gee, moenie jou vriende nooi, of jou broers of bloedverwante of ryk bure nie, sodat hulle jou nie miskien ook eendag weer uitnooi en jy vergelding ontvang nie. Maar wanneer jy ‘n feesmaal gee, nooi armes, verminktes, kreupeles, blindes, en jy sal gelukkig wees, omdat hulle niks het om jou te vergeld nie; want dit sal jou vergeld word in die opstanding van die regverdiges. En toe een van die wat saam aan tafel was, dit hoor, sê hy vir Hom: Salig is hy wat brood eet in die koninkryk van God".
In hierdie gedeeltes gaan dit nie oor "om goed te doen" vir eie gewin nie, maar dit gaan oor dien sonder gewin - oor "eie tyd opgee", oor "geld of besittings opgee", oor "iemand afgee wat vir jou skuld", oor "om soos 'n onverdienstelike dienskneg te wees"... 
---------------------------------------------------------------------------------------------

GEDAGTE:


-Matt. 25:13-46 - "En sy heer sê vir hom: Mooi so, goeie en getroue dienskneg, oor weinig was jy getrou, oor veel sal ek jou aanstel. Gaan in in die vreugde van jou heer".  Ons moet woeker met dit wat die Here vir ons gee.  'n Gelowige wat bv. ryk word, word nie ryk om dit alles vir homself te hou nie, maar is ryk omdat die Here wil he dat hy dit moet gebruik in Sy koninkryk (Luk. 12:15-21).  Waar iemand die geld probeer vashou (vir homself hou), gaan dit nie rente trek nie!  (soos die dienskneg wat sy een talent weggesteek het). Hetsy iemand 1 of 2 of 5 of 10 talente ontvang, dit is nie net vir homself bedoel nie!  Sukses in die Here se oe gaan nie oor hoeveel ek vir myself hou nie, maar oor hoeveel ek gee!

(Luk 17:33)  "Elkeen wat probeer om sy lewe te red, sal dit verloor; 

en elkeen wat dit verloor, sal dit behou".

 -----------------------------------------------------------

"As julle dan nie getrou was in die onregverdige Mammon nie, wie sal julle die ware goed toevertrou? En as julle nie getrou was in ‘n ander se goed nie, wie sal aan julle jul eie gee?".

------------------------------------------------------------------------------------------------------------
http://warechristene.blogspot.co.nz/2012/07/die-wat-hulle-lewe-verloor-sal-dit-wen.html
http://warechristene.blogspot.co.nz/2012/06/wies-die-skape-en-die-bokke.html
http://warechristene.blogspot.co.nz/2012/10/maak-vir-julle-vriende-deur-die.html
http://warechristene.blogspot.co.nz/2014/03/leenuitleen.html
http://warechristene.blogspot.co.nz/2014/01/ek-wil-barmhartigheid-he-en-nie.html

Wat beteken dit dat die gelowige die koninkryk sal beërwe ?

Wat beteken dit regtig dat die gelowige "die koninkryk sal beërwe"? (2 Pet. 1:11).  
Beteken dit dat die gelowige vir ewig in die hemel sal bly? Of is dit op die aarde?  Is die koninkryk van God hemels, of aards? 
Aan die een kant wag ons om in 'n hemelse koninkryk in te gaan (2 Tim. 4:18), maar aan die ander kant word vir die sagmoedige belowe dat hy die "aarde sal beerwe"? (Matt. 5:5). 
Is dit slegs beeldspraak, of praat dit van 'n letterlike koninkryk?  
----------------------------------------------------------------------------------------------------------------------------------
Alhoewel gelowiges verstaan dat hulle die koninkryk van God sal beerwe, is baie onkundig oor wat die koninkryk regtig behels. Sommige Christene glo dat hulle vir ewig in die hemel gaan bly en verstaan nie regtig die konsep van dat die Here Jesus sal terugkom om Sy koninkryk op te rig nie...  - hierdie koninkryk, wat terloops vir die mens berei is reeds van die grondlegging van die wereld af...! (Matt. 25:34).  'n Koninkryk het 'n koning, en die koning moet teenwoordig wees, en in beheer wees van sy koninkryk.   "Die Here se Koninkryk" moet natuurlik verwys na "die teenwoordigheid van God" en dat "Hy in beheer is" - HY IS KONING van Sy koninkryk! Jesus het na hierdie koninkryk verwys as "die koninkryk van God", ook na "die koninkryk van die hemele".  Sekere geleerdes is van mening dat hierdie twee terme na verskillende dinge verwys, maar dit is duidelik dat Hy altwee terme gebruik het in dieselfde konteks ( http://warechristene.blogspot.co.nz/2012/12/jesus-christus-se-koninkryk-die.html). "Koninkryk van God" is  m.a.w. dieselfde as "koninkryk van die hemele", maar wat ons moet verstaan is dat daar baie elemente is rondom hierdie koninkryk, bv. 

-  dat hierdie koninkryk deels na 'n HEMELSE  koninkryk verwys omdat,  wanneer Jesus die Christus terugkom, sal die leërs van die hemel Hom volg en saam met Hom veg -dan sal Hy die ander koninkryke verbrysel, 'n einde daaraan maak, en Sy koninkryk op aarde sal vir ewig wees- Joh. 18:36; Judas 1:14,15; Mark. 16:28.
-  dit is ook "hemels", omdat hierdie koninkryk deels na 'n GEESTELIKE koninkryk verwys - die persoon wat gelowig raak, is alreeds deel van die koninkryk van God, en hy woon in by die Here (in die hemel) wanneer hy doodgaan (2 Kor. 5:8), maar alhoewel die Here Jesus huidiglik in die hemel is, is Hy ook teenwoordig deur Sy Heilige Gees in die ware gelowige.  Die koninkryk van God het al gekom, omdat die gelowige die Gees van God ontvang (want in die Here se koninkryk, moet Hy TEENWOORDIG wees) - (m.a.w in die geval van waar die gelowige die Here koning maak van sy lewe en Hom in beheer plaas, ontvang hy die Heilige Gees). Hy is dan in beheer en Koning van die gelowige se lewe en teenwoordig deur Sy Heilige Gees. (Matt. 12:28; 1 Kor. 4:20; Rom. 14:17 ens.)
Andersins moet die koninkryk van God nog kom, in die sin van dat ons wag op die Here wanneer Hy Sy ewige "fisiese" koninkryk gaan oprig op die aarde - (Hy is dan in beheer en Koning oor die hele aarde) 
-  daarom verwys hierdie koninkryk ook na 'n "fisiese koninkryk". 
----------------------------------------------------------------------------------------------------------------------------------

GEDAGTE:

IEMAND KAN NIE EENDAG DEEL WEES VAN DIE "FISIESE" KONINKRYK, AS HY NIE ALREEDS DEEL IS VAN DIE "GEESTELIKE" KONINKRYK NIE. 

Wanneer die Here Jesus Christus  terugkom, gaan Hy al die ander koninkryke verbrysel en Sy ewige koninkryk oprig (Luk. 1:33)(Dan 2:44  - "Maar in die dae van dié konings sal die God van die hemel ‘n koninkryk verwek wat in ewigheid nie vernietig sal word nie, en die heerskappy daarvan sal aan geen ander volk oorgelaat word nie; dit sal al daardie koninkryke verbrysel en daar ‘n einde aan maak, maar self sal dit vir ewig bestaan—")(dit sal begin met die 1000 jaar, maar 'n ewige koninkryk wees).  


(Openb. 11:15 - "En die sewende engel het geblaas, en daar was groot stemme in die hemel wat sê: Die koninkryke van die wêreld het die eiendom van onse Here geword en van sy Christus, en Hy sal as Koning heers tot in alle ewigheid").

Kan iemand weer tot bekering kom?

 As ons verstaan wat die woord "bekeer" beteken, dan moet ons begryp dat "om te bekeer" nie net verwys na een van die voorwaardes wanneer iemand 'n kind van die koninkryk word nie, maar ook belangrik is waar:

-gelowiges weer die sonde begin dien, 

-die Here as hulle eerste liefde verlaat, 

-of van die waarheid afdwaal...  

Dit is duidelik dat daar in die eerste gemeentes van die afvalliges verwag was "om hulle te bekeer", sou hulle terugval in hierdie dinge  - 2 Kor. 12:20,21;  Jak. 5:19,20 - en let wel dat hierdie gerig was aan gelowiges, aan Christelike kerke! 
Ook in Openb. 2:1-7 (brief aan die gemeente van Efese), word die wat "HULLE EERSTE LIEFDE VERLAAT HET", die volgende beveel (deur die Here Jesus self!):   "Onthou dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie" (Openb. 2:5).
Kyk ook Openb. 2:16,21,22;  3:3. 

========================================================================

Vele Christene stap vandag in aanhoudende sondes sonder om hulle te bekeer daarvan, of ken nie die Here as eerste Liefde nie, en het van die waarheid afgedwaal terwyl hulle van mening is dat hulle nooit hulle saligheid kan verloor nie!, maar Jesus het dit baie duidelik gemaak dat die wat NIE IN HOM BLY NIE, uitgewerp sal word, en in die vuur gegooi word:  (Joh 15:6 - "As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand").  Natuurlik verwag die Here van ons dat ons ons BEKEER sou ons afvallig raak! 

Ons dink altyd dat wanneer 'n gelowige "afvallig raak" dit slegs beteken dat hy niks meer met die Here te doen wil he nie, maar wat die Skrif ons nog leer oor wat "afvalligheid" beteken, is bv.:

- "waar gelowiges van die waarheid afdwaal" (m.a.w. diesulkes was WETEND oor wat die waarheid is)(Luk. 23:14;Hand. 5:37; 1 Tim. 4:1...) ; 

-of in die geval van "waar iemand die Here versoek" soos die volk vir God in die woestyn versoek het (verbittering, bose en ongelowige hart...)(Hebr. 3:12)http://warechristenedagstukkies.blogspot.co.nz/2014/02/wanneer-iemand-die-here-versoek-wys-dit.html.;  

-ook "die wat nie die Here soek en Hom raadpleeg nie" (Sef. 1:6);

-en die wat weer die sonde begin dien (Hos. 4:12).   

( http://warechristene.blogspot.co.nz/2013/09/wat-beteken-dit-om-tot-bekering-te-kom.html) .

===========================================================

GEDAGTE:

BEKERING uit dooie werke, WAS DEEL VAN DIE FONDAMENT WAT GELE IS IN DIE EERSTE GEMEENTES (Hebr. 6:1,2). Dit moet ook deel wees van ons fondament!

Beteken "tot bekering kom" dieselfde as "om te glo"?

 Toe Johannes die Doper die volgende woorde gebruik het in (Mat 3:2-"...Bekeer julle, want die koninkryk van die hemele het naby gekom"), was die begrip van "om te bekeer" glad nie iets nuuts vir die Jode nie.  Hulle het presies geweet wat bedoel word met die woorde "om te bekeer".  Jesus het ook dieselfde woorde gebruik rakende die koninkryk van die hemele wat naby gekom het:  (Mat 4:17 - "Van toe af het Jesus begin om te preek en te sê: Bekeer julle, want die koninkryk van die hemele het naby gekom"). Die Jode was maar alte bekend met die geskrifte, en hoeveel God die volk moes terugroep tot bekering - hulle het goed verstaan dat die oproep tot bekering gegaan het oor: 

-  "bekeer van werke/sonde" (sonde neerle,  na Sy stem  luister, Hom  gehoorsaam, die wil v/d Here soek bo werke, of barmhartigheid en gehoorsaamheid eerder as werke)(Eseg. 18:23; Dan. 9:13; Hand. 3:26...), 

-  "bekeer van afgode" (om afgode te verwyder en die Here alleen te dien)(Deut. 3:20; Matt. 13:15; Luk. 1:16; Hand. 14:15...), en

-  "bekeer van die manier hoe jy dink"("reconsider ; to think differently afterwards") (bekeer tot die waarheid - soek die waarheid, wil anders "dink") - ("sien soos die Here sien")(Matt. 3:2; 4:17; 11:20; Openb. 2:5...).   ------------------------------------------------------------------------------------------------------"BEKERING was nooit opsioneel nie!" Volgens Mark. 4:12 is dit duidelik dat iemand se sondes nie vergewe kan word as hy nie tot bekering kom nie!

BEKERING 

en

VERGIFNIS VAN SONDES

gaan hand aan hand.

Dit is ook deels wat die doop voorstel! (wat die doop van Johannes voorgestel het, en deels wat die Christelike doop voorstel) - want  As iemand bely dat hy "vergifnis van sondes" ontvang het, moet hy ten minste eers tot bekering gekom het!

http://warechristene.blogspot.co.nz/2013/09/die-christelike-doop.html

Ook waar Jesus die 12 uitgestuur het in Mark. 6, het hulle uitgegaan om mense "tot bekering" te roep (6:12) - ook hier was 'n verwagting aan hulle gestel, en as hulle nie die waarheid wou aanneem nie, moes die dissipels hulle verlaat en "die stof van hulle voete afskud" (Matt. 10:14). Waar iemand die waarheid aanneem, is dit ook 'n manier van tot bekering kom, want hy bekeer hom van die manier van "hoe hy dink".  Inteendeel, in die skrifte waar Johannes die Doper mense opgeroep het tot bekering, en Jesus aan die begin van Sy prediking hulle opgeroep het tot bekering, beteken die woord "bekeer" (in daardie skrifte) "om te bekeer van die manier hoe iemand dink".  M.a.w. so iemand wil graag begin "sien soos die Here sien", dink soos die Here dink... Dit gaan dus oor wat die Here se is die "waarheid", nie wat die mens dink is "waarheid" nie. Jesus het vir ons die WAARHEID kom deel. Om tot bekering te kom van die manier hoe ek dink, beteken nie dat ek net die dele aanneem wat my in die gehoor streel nie, maar ook dit wat bepaalde verwagtinge aan my stel - iemand wat regtig tot bekering kom, raak diensbaar aan die Here (hy dien nie meer sy eie wil nie, maar is nou gehoorsaam aan die Here, en gee ag op Sy leringe!).  Dit dan waarom die oproep tot bekering deur Johannes die Doper so belangrik was - hy het die pad gereed gemaak vir die Here...mense moes hulle bekeer van die manier hoe hulle "sien"/dink, sodat hulle ontvanklik was vir die WAARHEID. Mense wat hoor, maar nie "hoor" nie (nie die waarheid ontvang nie), bekeer hulle nie van die manier hoe hulle dink en sien nie.  Dit is dan ook om hierdie rede dat Jesus die woorde van Jesaja aangehaal het wat se dat die volk se hart stomp geword het en hulle nie verstaan nie - "nie sien nie" (Mat 13:14,15) - dit was mense wat die waarheid gehoor het, maar dit nie wou aanneem nie (wou dit nie "sien en hoor" nie). HULLE HET HUL NIE BEKEER VAN DIE MANIER HOE HULLE DINK NIE!  (Matt. 6:21-24; Hand. 28:27).  In hierdie geval het hulle wel KUNDIG geraak oor die WAARHEID, maar het hulle nog nie bekeer tot die Here nie. Baie gelowiges is vandag in hierdie dilemma, waar hulle die Here se leringe goed ken, maar hulle gee nie ag daarop nie.  In so 'n geval is hulle kundig, maar nie gehoorsaam nie, m.a.w. hulle "glo" nie regtig nie! Baie mense is net "onwetend" - hulle besef nie dat hulle verkeerd "dink" nie, maar in die geval van waar 'n gelowige alreeds wetend is, maar hom nog nie bekeer (het) nie (m.a.w. soos wanneer iemand bely dat hy die Here dien, maar nie regtig gehoorsaam is aan die Here nie, of nie ag gee op Sy leringe nie), stap hy 'n gevaarlike paadjie, en sal nie vrug dra as hy hom nie bekeer nie (in so 'n geval staan hy ook die gevaar om vrug wat hy alreeds dra te verloor!).

Nie oral waar mense opgeroep was tot bekering was dit die betekenis van die woord bekeer nie, want in ander gevalle tydens evangelie-prediking was hulle gevra om hulle te bekeer van afgode, en in ander gevalle weer om hulle te bekeer van sonde...(http://warechristene.blogspot.co.nz/2013/01/evangelie-verkondiging.html).  In sommige gevalle tydens evangelie-prediking was bekering nie eens as een van die voorwaardes genoem nie, maar dan was dit ook duidelik in gevalle waar mense alreeds die Here gevrees het en Sy geregtigheid gedoen het.  

Iemand kan in woorde voorgee dat hy glo, maar nie regtig glo nie (m.a.w. hom nooit bekeer het tot die Here nie;  nooit sy vertroue in die Here geplaas nie).  So iemand se sondes kan nie vergewe word nie!  Iemand kan m.a.w. bely dat hy glo in die Here Jesus Christus as die Messias en Sy offer aanneem ("tot vergifnis van sondes"), maar as die persoon nog nie tot bekering gekom het nie (nog nie bekeer het van sonde, werke, afgode en die manier van hoe hy dink nie - m.a.w. nog nie diensbaar geraak het aan die Here nie), gaan sy vrug gou wys dat hy steeds sy eie wil dien en nie die Here dien nie! (Matt. 3:7-12). Die gelowige wat nie gehoorsaam is aan die Here se bevele nie, is die persoon wat hom nog nie "bekeer" het nie. 

 (Luk 6:46)  "En wat noem julle My: Here, Here! en doen nie wat Ek sê nie?"

========================================================================

GEDAGTE:

(2Pe 3:9)  "Die Here vertraag nie die belofte (van Sy wederkoms) soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.

========================================================================

http://warechristene.blogspot.co.nz/2013/09/wat-beteken-dit-om-tot-bekering-te-kom.html 

http://warechristene.blogspot.co.nz/2012/04/onderwerp-julle-dan-aan-god.html
http://warechristene.blogspot.co.nz/2012/06/aan-hom-wat-oorwin-sal-ek-gee-om-saam.html
http://warechristene.blogspot.co.nz/2013/04/wat-glo-jy-die-waarheid-of-die-halwe.html
http://warechristene.blogspot.co.nz/2013/05/wat-het-jesus-bedoel-met-aan-hom-wat.html
http://warechristene.blogspot.co.nz/2013/09/die-christelike-doop.html
http://warechristene.blogspot.co.nz/2014/02/wat-is-die-sonde-tot-die-dood.html
http://warechristene.blogspot.co.nz/2014/05/wat-word-bedoel-met-onwetende-sonde.html
http://warechristene.blogspot.co.nz/2014/03/uit-genade-gered-opsomming.html