Niks wat verontreinig is, sal ingaan in die Nuwe Jerusalem nie

Die Skrif verklaar dat niks wat VERONTREINIG is, sal ingaan in die nuwe stad Jerusalem nie (Openb. 21:27), en verklaar ook verder dat geen ONREINE 'n erfdeel het in die koninkryk van Christus en van God nie (Ef. 5:5). Slegs die wie se name geskryf is in die boek van die lewe van die Lam, sal ingaan in die toekomstige heilige nuwe Jerusalem.
------------------------------------------------------------------------------------------------------------
Dit is nie verniet dat Christene glo dat Jesus Christus die enigste weg is tot saligheid nie, want Hy is die Een wie ons sal opwek TOT LEWE wanneer Hy terugkom.  Hierdie toekomstige opstanding (wat gepaardgaan met wat baie noem "wegraping") is iets waarna Jesus verskeie male verwys het in Sy bediening.  As ons die tema van "opstanding uit die dode/opstanding tot lewe" verstaan, dan verstaan ons ook beter waaroor die Christelike doop gaan, en dat die doop nie slegs verwys na vergifnis van sondes en 'n geestelike opstanding tot nuwe lewe nie, maar ook 'n teken is van die Christen se hoop in die toekomstige fisiese OPSTANDING TOT LEWE (tot ewige lewe). (http://warechristene.blogspot.co.nz/2013/09/die-christelike-doop.html)  / ( http://warechristene.blogspot.co.nz/2013/09/opsomming-die-opstanding-wegraping.html).

Maar nie almal (en ook nie almal wat bely dat hulle Christene of kinders van God is) sal waardig geag word om deel te he aan hierdie "opstanding tot lewe" nie. Baie van die wat bely dat hulle kinders van God is, se name sal uitgedelg word uit die boek van die lewe, en alhoewel hulle ook sal opstaan, sal dit wees tot veroordeling (nie "tot lewe" nie).  Meeste Christene glo vandag dat niemand wat tot geloof gekom het in Jesus Christus (en wie se naam in die boek v/d lewe opgeskryf is), ooit uitgedelg kan word nie;  tog het Jesus Christus iets anders geleer ten opsigte van die wat nie vashou en in Hom bly nie. Ook Dawid het geweet dat dit moontlik is (Ps. 69:28).  Die Here Jesus het verder gese dat "baie geroep is, maar min uitverkies" (Matt. 20:16;22:14). In Openb. 3:5 waarsku Hy die wat "die naam het dat hulle lewe, maar eintlik dood is";  en se verder dat dit slegs DIE is WAT OORWIN wie se name NOOIT UITGEWIS sal word nie. Met hierdie stelling wys Hy dat die wat nie oorwin nie, se name wel uitgewis sal word uit die boek van die lewe. 

Ook Openb. 22:19 is 'n verdere bewys dat dit moontlik is dat iemand se deel weggeneem kan word uit die boek van die lewe, en uit die heilige stad!  Die Skrif is duidelik:  "Niks wat verontreinig is sal ingaan in die nuwe stad Jeruslem nie, en geen onreine sal 'n erfdeel he in die koninkryk van Christus en van God nie".
------------------------------------------------------------------------------------------------------------

GEDAGTE:


Maar wat is dit in Openb. 22:19 wat kan veroorsaak dat iemand se deel weggeneem word uit die boek van die lewe?    - IN HIERDIE VERS GAAN DIT OOR "DIE WAT DIE WAARHEID VERDRAAI".
Wat is dit in Openb. 3:5 wat kan veroorsaak dat iemand se naam uitgewis word uit die boek van die lewe?
-  IN HIERDIE GEDEELTE GAAN DIT OOR "DIE BESOEDELDES".  

Die Skrif gee vir ons 'n goeie aanduiding van watter Christene gesien word as "besoedeldes" (onrein) -  meer spesifiek is dit die wat in sondes stap sonder om hulle daarvan te bekeer. Bv.,  heelwat spesifieke dinge wat van binne kom, uit die hart uit, word deur Jesus genoem:  - slegte gedagtes, egbreuk, hoerery, moord, diewery, hebsug, boosheid, bedrog, losbandigheid, afguns, lastering, hoogmoed, dwaasheid  (Mark. 7:21,22).  
Heelwat dinge wat in die O.T. veroorsaak het dat iemand besoedel word, word ook in die N.T. genoem as dinge waardeur iemand onrein word, bv.:
- Christene wat deelneem aan afgodsaanbidding en heidense geloofspraktyke beoefen,  is ONREIN  (Lev. 18:24; 19:4,26; Hand. 15:20; 1 Kor. 10:8,20; 12:2; Matt. 6:7; 1 Joh. 5:21; 1 Tim. 4:1...)
-  Christene wat wederstrewig is en die wat geeste van afgestorwenes raadpleeg, hulle besig hou met towery en geeste wat waarse..., is ONREIN  (Lev. 19:31; 20:6; Deut. 18:10; Hand. 8:9; 19:19; Gal. 5:20; Openb. 18:23...).
-  Christene wat hoereer, owerspel of egbreuk pleeg, sodomiete, of die wat met 'n dier gemeenskap het, die wat bloedskande pleeg..., is ONREIN (Lev. 19:29; Hand. 15:20; 1 Kor. 5:1; 6:10; 1 Tim. 1:10; Openb. 2:14;  Rom. 1...). 
-  Christene wat afgodsoffers eet saam met die wat dit aan afgode offer, of bloed eet of dit wat verwurg is..., is ONREIN.  (1 Kor. 8; 2 Kor. 6:16....  )
-  Christene wat die waarheid verdraai en hulle eerder besighou met twisvrae, fabels verkondig en gebooie van mense leer..., het 'n slegte gewete en is ONREIN. (Lev. 24:16; Hand. 26:11; Kol. 3:8; 1 Pet. 4:4; 1 Joh. 2:4; 4:6; Ef. 4:17; Rom. 1:25.... ) 
-  Christene wat eiesinnig is, m.a.w soos koning Saul ongehoorsaam was aan die Here en eerder staatgemaak het op sy eie insig, is besig met afgodery en beeldediens; ook die wat hulle hoop plaas in wereldse rykdom en sekuriteit... is besig om twee here te dien,  en is ONREIN. (1 Sam. 15:23; Eseg. 28:4; Rom. 2:8; Tit. 1:7; Jak. 5:2; 1 Tim. 6:17; Mark. 4:19...)  

Christene wat hulleself verontreinig het nodig om weer rein te word!  Om sonde te regverdig gaan nie die reiniging aanbring nie.  Sonde moet bely en afgele word...  (Ef. 5:5 - "Want dit moet julle weet dat geen hoereerder of onreine of gierigaard, wat ‘n afgodedienaar is, ‘n erfdeel het in die koninkryk van Christus en van God nie").

_________________________________________________________________________________
http://warechristene.blogspot.co.nz/2016/09/verontreinig-ontheilig.html
http://warechristenedagstukkies.blogspot.co.nz/2015/07/die-heilige-stad.html
http://warechristenedagstukkies.blogspot.co.nz/2015/10/gaan-die-opstanding-en-die-wegraping-op.html
http://warechristenedagstukkies.blogspot.co.nz/2014/12/wie-op-onwaardige-wyse-eet-of-drink-sal.html
http://warechristenedagstukkies.blogspot.co.nz/2015/08/die-christelike-doop.html
http://warechristene.blogspot.co.nz/2015/07/nuwe-jerusalem.html
http://warechristene.blogspot.co.nz/2016/02/verdere-aantekeninge-oor-die-nuwe.html

Laat U Naam geheilig word

Wanneer die Christen bid "laat u Naam geheilig word" (Matt. 6:9) is dit 'n verklaring wat hy maak waarin hy bely dat die Naam van die Here vir hom HEILIG is.  Maar wat beteken dit regtig en wat leer die Skrif vir ons oor die betekenis van "heilig"? 
En hoe word "die Here GEHEILIG" onder Sy kinders?  
En wat beteken dit wanneer hulle Sy Naam ontheilig? 
---------------------------------------------------------------------------------------------Wanneer iets of iemand "geheilig" word,  beteken dit veral dat dit/hy AFGESONDER word (vir 'n spesifieke doel).  Die Sabbat is bv. 'n HEILIGE dag omdat dit afgesonder is as rusdag.  Die artikels in die tabernakel was HEILIG want dit was afgesonder vir diens. Sekere voedsel in die Ou Testament was HEILIG want dit was afgesonder as voedsel wat geeet kon word. Die eersgeborenes onder die volk van God was HEILIG want hulle was afgesonder om vir Hom priesters te wees. Die stad Jerusalem was 'n HEILIGE stad want dit is die stad wat die Here uitverkies (afgesonder) het tussen die stamme van Israel (Eseg. 5:5,6)(en is terloops ook geheilig/afgesonder vir die volgende eeu, en vir ewig!...http://warechristene.blogspot.co.nz/2015/07/jerusalem.html);  en die land Israel was HEILIG want dit is die land wat die Here afgesonder het vir Sy volk sodat hulle vir Hom 'n volk kon wees, en Hy vir hulle 'n Here.  Die volk van God is 'n HEILIGE volk want hulle is afgesonder uit die ander volke as 'n volk vir Hom (Deut. 14:2).............
------------------------------------------------------------------------------------------------------------
Jesus Christus se Naam is heilig vir die Christen want dit is afgesonder (geheilig) as die Naam in wie ons glo (Joh. 11:27).  Dit is in Sy Naam op wie ons hoop op die ewige lewe (Joh. 11:25). Sy Naam is afgesonder (geheilig) as die Naam (en die enigste Naam) in wie ons verlossing kan verkry, nl. vergifnis van sondes (Kol. 1:14) en Hy is deur God die Vader genoem ‘n hoëpriester vir ewig (Hebr. 5:6,10).  Sy Naam is afgesonder (geheilig) as die Naam aan wie ons gehoorsaam is (Joh. 15:14)............ SY NAAM IS VIR ONS HEILIG (afgesonderd)....  Christene is ook HEILIG want hulle is afgesonder vir die Here, skoongewas en geheilig (afgesonder) om vir Hom vrug te dra. 
------------------------------------------------------------------------------------------------------------
Vir 'n Christen wat ook afgode aabid,  is die Naam van die Here nie meer "afgesonder" nie (want die persoon sonder nou ook ander "name" af "vir wie" hy aanbid).  In daardie sin het hy die Here se Naam ontheilig (Amos 2:7; Eseg. 39:7; Eseg. 36:20; 20:39; Jer. 34:16; Jes. 48:11), want hy't nie onderskei tussen wat heilig is en wat nie; of die Here se Naam was eens vir hom heilig (afgesonder/gekies) as die een vir wie hy DIEN, maar nou is dit nie meer nie. Die land Israel was ook heilig/afgesonder vir die kinders van Jakob, maar hulle het dit ontheilig deur afgodsaanbidding (Jer. 16:18; Jer. 3:1,2,9; 3:1)(Lev. 20:3; 22:2,32).  A.g.daarvan het hulle die land verloor en was versprei onder die nasies.  In sekere profetiese skrifte was hulle vgl. met "hoereerders", want hulle het agter gode aan "hoereer" (Eseg. 6:9), en so beide die land asook die Here se Naam ontheilig.  Om die tema van ontheiliging nog beter te verstaan kan ons kyk na ander vb.e van waar iets/iemand ontheilig is:  -  Een vb. is die van Ruben, wat die BED van sy vader ontheilig het (1 Korn. 5:1 en Gen. 49:4).  Ruben het met Bilha, sy vader se byvrou, gemeenskap gehad (Gen. 35:22). Jakob se "bed" was afgesonder (heilig)(en onbesmet) - Bilha het aan Jakob behoort, maar Ruben het dit besmet deur hoerery (Hebr. 13:4) - en dit so ontheilig...
_________________________________________________________________________________

GEDAGTE:


Christene wat ook afgode aanbid, of betrokke word by heidense afgodspraktyke soos towery, waarsêery, goëlery, bid soos die heidene met herhaling van woorde ens. (Deut. 18:10; 19:26; Gal. 5:20; Jer. 14:14; Matt. 6:7...) is besig om die Naam van die Here te ontheilig. Wat help dit hulle bid, "laat U Naam geheilig word", maar hulle lewens wys dat hulle hul hoop plaas in "iemand"/iets anders of in nie-Christelike praktyke. So iemand is besig om die Naam wat eens vir hom heilig was, nou te ontheilig.  En net soos die volk die land ontheilig het en a.g.daarvan dit nie kon behou nie, (want hulle het die Naam van die Here ontheilig),  net so kan Christene wat begin afgode en ander afgodspraktyke dien, nie verwag om 'n erfdeel te he in die koninkryk van God nie (Ef. 5:5) - tensy hulle hul bekeer daarvan. Hulle is besig om die Naam wat eens vir hulle heilig was, te ontheilig - en hulle is ook besig om hulleself weer te verontreinig (besoedel).  Niemand kan twee here dien nie (Matt. 6:24).  Vir die gierigaard is mammon sy afgod, want hy plaas sy hoop in 'n ander naam.  Vir die wat op die vlees vertrou, eiesinnig is in dit wat hulle wil glo, en wederstrewig teenoor die waarheid, is hulle buik hulle afgod (Fil. 3:19; 1 Sam. 15:23) want hulle plaas hulle hoop in wereldse wysheid. Die valse profeet is ook besig om die Naam van die Here te ontheilig, want hy dien homself - sy eie naam - (Eseg. 13:19; Jes. 47:6). 

As ons wil bid "laat U Naam geheilig word", dan moet ons ook ons eie lewenswandel heilig waardeur ons wys dat Sy Naam vir ons heilig is.(1Pe 1:14,15). Hoe word die Here geheilig onder Sy kinders? - Wanneer hulle NIE Sy Naam ontheilig nie! (Lev. 22:32). Net soos die Here ons HEILIG vir Hom, so wil Hy he dat ons ook ons eie lewenswandel HEILIG - afsonder (om nie vir onsself te lewe nie, maar vir Hom). Ons moet dus onderskei tussen WAT IS HEILIG en WAT IS ONHEILIG, en tussen WAT IS REIN en WAT IS ONREIN (Lev. 10:10; Eseg. 44:23). Christene wat nie hierdie onderskeiding maak nie, staan die gevaar dat hulle hulself verontreinig of die Naam van die Here ontheilig. (http://warechristene.blogspot.co.nz/2016/09/verontreinig-ontheilig.html)
------------------------------------------------------------------------------------------------------------

http://warechristene.blogspot.co.nz/2016/06/heilig-1.html
http://warechristene.blogspot.co.nz/2016/08/heilig-2.html

'n Volk uit die nasies versamel, 'n volk wat veilig woon

Daar is reeds lank terug geprofeteer dat God Sy volk sal terugbring in die land Israel en hulle laat veilig woon, maar ons moenie dink dat waar die skrif praat van "versamel uit die nasies" dit altyd verwys na slegs een geval van versameling nie.  ONS MOET DUS ONDERSKEI TUSSEN VERSKILLENDE "VERSAMELINGS" (in die verskillende skrifgedeeltes)(bv. Eseg. 37 en 38), ASOOK VERSKILLENDE TYE VAN VREDE. 

Dus, ons verstaan dat daar 'n "versameling" is VOOR Hy terugkom, maar verstaan ons dat daar ook 'n versameling sal plaasvind wanneer Hy terugkom? En ja, ook die volk wat in die land is net VOOR Hy terugkom (Eseg. 38:8-12), word beskryf as " 'n volk wat uit die nasies versamel is".  
------------------------------------------------------------------------------------------------------------Geleerdes onderskei wel tussen hierdie verskillende "tye van versameling", maar verskil natuurlik op interpretasie van die "tyd" van die verskillende versamelings. Meeste is bv. eens dat daar 'n versameling sal wees VOOR Jesus Christus terugkom,  VOOR die Groot Verdrukking asook nadat Hy teruggekom het, maar min identifiseer 'n versameling in die land wat lyk of dit moontlik tydens die Groot verdrukking sal plaasvind (Eseg. 38:8-12) - 'n versameling wat nog nie plaasgevind het nie en verwys na 'n tydperk wanneer die land Israel "van die swaard weer reggekom het, versamel is uit baie volke, en almal woon  in veiligheid". Baie sien bv. " v a n d a g " as die tydperk wat beskryf word in Eseg. 38, tog woon die volk in die land nog nie in veiligheid nie, en woon hulle ook nie almal "sonder muur en geen grendel of poorte" soos Eseg. 38:11 verklaar nie! Dit is dus duidelik dat Eseg. 38 :8-12 eerder verwys na 'n tydperk IN DIE TOEKOMS - moontlik na die tydperk wat in Openb. 11:1-14 beskryf word, 'n tyd waarin daar sogenaamde vrede sal wees (en die voorhof buitekant die tempel aan die heidene gegee is).  Omdat baie Jode nie glo dat Jesus Christus die Messias is nie, wag hulle nog op die Messias.  Die ongeluk is dat hulle 'n "ander een" (http://warechristenedagstukkies.blogspot.co.nz/2015/08/die-een-wat-in-eie-naam-uitgaan.html) sal ontvang as messias en natuurlik 'n VERSAMELING verwag wanneer hy kom.  So 'n  "versameling" kan voorkom asof dit in vrede geskied (en sal ook met oordeel geskied, ja). Maar moet ons onthou dat sogenaamde "vrede" in die verlede ook al geskied het terwyl baie van die volk van God in ballingskap was (Sag. 1:11-15), m.a.w. terwyl hulle verdruk was! 

 Behalwe vir verskillende "tye van versamelings", is daar ook verskillende TYE VAN VREDE.  Die tydperk van die eerste seel word bv. gesien as 'n tydperk van "vrede" (omdat onder die tweede seel die vrede weggeneem word van die aarde);  tog verwys dit nie noodwendig na dieselfde tydperk as die tydperk van "vrede en veiligheid" van 1 Thess. 5:3 (net voor Christus terugkom) nie.  Ons sien dus verskillende tye waarin versamelings in die land sal plaasvind, asook verskillende tye van "vrede".   Dit wil lyk of die tipe vrede en veiligheid wat geskep sal word onder die bewind van die Antichris so 'n tipe valse vrede sal wees, want ons weet dat hy sal oorlog voer teen die heiliges en die volk van die heiliges sal vernietig...  Hier sien ons dus 'n versameling wat gekoppel kan wees met die tyd van die Antichris se bewind (tog verkeerdelik verwar kan word met die wederkoms van Christus!).
_________________________________________________________________________________

GEDAGTE:


ONS MOET DUS ONDERSKEI TUSSEN VERSKILLENDE "VERSAMELINGS" EN VERSKILLENDE TYE VAN VREDE.  Die wat nie hierdie onderskeiding maak nie, staan die gevaar om 'n valse messias te aanvaar omdat hulle sy koms verwar met die wederkoms. Natuurlik sien ons uit na die Here Jesus Christus se wederkoms en ons weet dat dit naby is, MAAR DIT IS NOG NIE TYD NIE.  Die volk wat huidiglik in die land Israel versamel is, is bv. nie die "versameling" waarna verwys word in Eseg. 38 nie (en dus nie die versameling net voor Jesus Christus terugkom nie!).  Die huidige "versameling" verwys eerder na die tydperk VOOR die Groot Verdrukking en dit wil voorkom of die "versameling" in Eseg. 38 verwys na 'n typerk TYDENS of NA die Groot Verdrukking.  

Die wat egter dink dat die huidige versameling in die land die "versameling" is wat beskryf word in Eseg. 38, kan ook verkeerdelik dink dat die koms van die Here enige dag kan wees.  Ons weet nie die dag en uur nie, ja, maar ons weet beslis wat die tekens van die tye is en weet dat daar nog heelwat moet gebeur voor ons Here Jesus Christus terugkom.  Laat ons nie opgesweep word deur die leringe van die wat geen onderskeid maak tussen verskillende tye van versamelings en vrede nie, want sonder dat hulle besef is hulle besig om mense gereed te maak om "die een wat in sy eie naam kom" (Joh. 5:43) te ontvang.

_________________________________________________________________________________

http://warechristenedagstukkies.blogspot.co.nz/2015/08/die-een-wat-in-eie-naam-uitgaan.html

http://warechristene.blogspot.co.nz/2015/03/waarna-verwys-die-term-jode.html
http://warechristene.blogspot.co.nz/2013/11/volledige-uiteensetting-eindtydskrifte.html
http://warechristene.blogspot.co.nz/2013/11/volledige-uiteensetting-eindtyd-gebeure_9635.html

Vriend?, of Vyand?

ONS MOET VERSTAAN WIE DIE "VYAND" IS .  Die vyand verheug hom daaroor as die    regverdige   struikel,   val   of   ly
- die regverdige se gesindheid is egter anders (Spr. 24:17; 25:21)(Matt. 5:43,44). Die regverdige het sy vyande lief en wens nie die slegte vir hulle toe nie, en is barmhartig teenoor hulle.

Mense wat mekaar haat is nie barmhartig teenoor mekaar nie.  Johannes gaan selfs sover om te sê dat elkeen wat sy broeder haat, 'n moordenaar is!  (1Jn 3:15).  Dit dan die rede waarom die ongelowige Jode vir Jesus laat kruisig het;  ook die rede waarom soveel Christene ter wille van hulle geloof doodgemaak is...  - dit was a.g.v. hulle vyande se  HAAT.  Hul vyande se begeerte was om te sien hoe die regverdige struikel, val en ly...  Die regverdige het egter eerder 'n gesindheid van LIEFDE - om eerder sy lewe af te lê vir sy broeders...  (soos Jesus vir ons gedoen het)(1 Joh. 3:16), as om dit te neem of te verwens...  
------------------------------------------------------------------------------------------------------------
Hoe tree die vyand op?  
Ester het vir Haman 'n teëstander en vyand genoem (Est. 3:6) omdat sy begeerte was om die Joodse volk in daardie provinsie uit te roei.  Om dit te bereik het Haman koning Ahasvéros se hart opsetlik opstandig gemaak teen die Jode in die provinsie  (Est. 3:8-10) - in so 'n mate dat die koning sy toestemming gegee het dat hulle uitgeroei kan word.  Hierdie optrede van Haman was 'n tipiese optrede van iemand wat 'n VYAND is - so iemand sal selfs lieg om te sorg dat ander dink die regverdige is vir hulle 'n bedreiging, of om hulle te beweeg om te glo dat die regverdige nie die waarheid praat nie, soos bv. hoe die ongelowige Jode teenoor Paulus en Barnabas gedoen het.  Die ongelowige en ongehoorsame Jode het alles in hulle vermoe gedoen om die dissipels STIL TE MAAK en om hulle doel te bereik het hulle die mense VERBITTERD gemaak teen hulle  (Hand. 14:2; 13:50) - (net soos Haman gedoen het!).  Die gevolg was dat baie doodgemaak is as gevolg hiervan.  Ook Paulus en Barnabas is a.g.hiervan vervolg en hulle het selfs vir Paulus probeer stenig (Hand. 14:19)... Dit is die vyand se begeerte om die regverdige uit te roei (Eks. 15:9; Joh. 11:53) sodat mense nie na die regverdige luister nie - Psa 37:12 -  "Sajin. Die goddelose bedink listige planne teen die regverdige en kners met sy tande teen hom".
------------------------------------------------------------------------------------------------------------
Hierdie vyandskap is ongelukkig baiemaal te sien onder kinders van die Here!  Kyk ons na die vb. van koning Saul en hoe hy vir Dawid probeer doodmaak het, moet ons vra waar hierdie "haat" vandaan gekom het?  Die Bybel gee vir ons 'n antwoord in 1 Sam. 18:28,29 - "Toe Saul sien en merk dat die HERE met Dawid was, en dat Migal, die dogter van Saul, hom liefhet, het Saul nog meer bevrees geword vir Dawid, en Saul het Dawid se vyand geword al die dae".  Om hierdie rede het hy besluit om Dawid se vyand te word, want hy was bang vir hom omdat die Here met Dawid was - hy was bang, en kwaad dat die Here met Dawid was en nie meer met hom nie (natuurlik het dit gebeur a.g.v. sy ongehoorsaamheid);  en op die ou end so kwaad dat die Here nie meer vir hom antwoord wanneer hy Hom raadpleeg nie dat hy selfs 'n dodebesweerder opgesoek het!  Dit is presies wat baie Christene doen teenoor ander broeders wanneer hulle ongehoorsaam is en ervaar dat die Here aan iemand anders se kant is. Ongehoorsame en ongelowige kinders van die Here, wat hul nie wil bekeer nie, begin soos vyand optree en haat of praat kwaad van die regverdige met die doel om ander verbitterd te maak teenoor hulle.  En soos Saul gemaak het toe die Here hom nie meer wil antwoord nie, gaan soek hulle dan antwoorde by heidense praktyke en begin staatmaak op wereldse wysheid in plaas van om hulle te bekeer tot die Here...(http://warechristene.blogspot.co.nz/2013/07/hoekom-voel-sommige-christene-dat-die.html). Maar ons moet verstaan dat wanneer iemand die Heilige Gees bedroef, hy op gevaarlike grond begin beweeg, want kyk wat het met sulke kinders van die volk van God gebeur in die verlede :  - Jes. 63:10 - "Maar húlle was wederstrewig en het sy Heilige Gees bedroef; daarom het Hy vir hulle in ‘n vyand verander: Hy self het teen hulle gestry". En dit is inderdaad ook wat met Saul gebeur het...  (1Sa 28:16).   (Jak. 4:4 - "Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God").
_________________________________________________________________________________


GEDAGTE:


Sommige wat bekend staan as broeders, verander in VYANDE omdat hulle die regverdige probeer stilmaak.  Dit dan ook die rede waarom Kain vir Abel doodgemaak het -  "Omdat sy (Kain) werke boos was en dié van sy broer regverdig" (Joh. 3:12)!  DIE VYAND HOU NIE VAN DIE WAARHEID NIE, want die waarheid beweeg hom om homself te verneder voor die Here (en hy wil hom nie bekeer nie). Hy maak die regverdige stil (deur kwaadspraak en maak ander verbitterd teen hom), sodat hy nie hoef te erken dat dit wat die regverdige verkondig die waarheid is nie. Verder beweeg hy ander om ook in die valse waarheid te glo, want anders word hy uitgevang as 'n bedrieer. In die proses word hy 'n vyand van God omdat hy nie gehoorsaam is aan die Here nie.

Elkeen wat homself 'n kind van God noem, moet hom/haarself afvra:
"IS JY VRIEND ?, OF IS JY VYAND" ?


(Joh 15:14 - "Julle is my vriende as julle alles doen wat Ek julle beveel".

_________________________________________________________________________________

Sonde is nie 'n fisiese siekte

Daar is baie soorte siektes, maar ook baie sondes wat siektes genoem word wat nie regtig siekte is nie bv., iemand wat in 'n gewoonte is om te steel of hoereer of om in een of ander sonde te stap, word baiemaal voorgestel as iemand "met 'n siekte". Maar dit is ook nie heeltemal verkeerd om SONDAARS te sien as "ongesteld" nie, want net soos die een met 'n fisiese siekte die geneesheer nodig het, so het die sondaar Die Geneesheer (Jesus Christus) nodig!  Jesus het self die beeldspraak gebruik van hoe die sondaar "genesing" nodig het in Mark. 9:12, maar die antwoord wat Hy gegee het was natuurlik nie die wereldse antwoorde soos medisyne of ander geloofspraktyke  nie, maar eerder "bekering";  en let wel dat Hy Sy prediking begin het met die woorde: "BEKEER JULLE". 
--------------------------------------------------------------------------------------------
Ons moet onderskei tussen 'n fisiese siekte (wat natuurlike medisyne nodig het, en terloops natuurlik ook deur die Here genees kan word) en die beeldspraak wat in Mark. 9 gebruik word. Sonde is nie 'n fisiese siekte nie, maar die persoon wat in sonde verkeer, is "siek" op 'n ander manier. As ons glo dat "sonde" slegs fisiese siekte is, dan sal ons nooit die nodigheid sien van bekering nie (en sal so iemand terloops ook nooit gesond word nie!). 

'n Fisiese siekte is anders bv., " 'n gestremde kind het nie veel beheer oor sy reaksies nie...", maar die persoon wat in sonde stap het wel BEHEER OOR SY REAKSIES!  "Sondes" is nie siektes van die liggaam nie (maar kan wel somtyds siekte van die liggaam veroorsaak!).  Baie is "ongesteld" a.g.v. sondes, maar in plaas van om hulle te bekeer daarvan, gaan soek hulle allerhande wereldse antwoorde. Selfs Christene val in hierdie strik.  'n Christen wat bv. verbitterd is en in die gewoonte om kwaad te spreek van ander, gaan gedurig neerslagtig en ongelukkig voel. Medisyne of die navolg van afgodspraktyke gaan beslis nie hiervoor help nie! - wat so 'n Christen moet doen, is om hom te bekeer van verbittering en kwaadspreek.

Die wereld het nie die antwoord op "geestelike siekte"( a.g.v. sondes) nie! Die antwoord wat die Bybel vir ons gee op hierdie soort siektes,  is "bekeer julle". Medisyne is bedoel vir siektes van die liggaam, nie "siektes" van die hart nie!
------------------------------------------------------------------------------------------------------------
Wanneer Jesus verwys het na dit wat die mens onrein maak, het Hy juis verwys na dit wat in die hart aangaan en dan "uit die mond" kom of "iemand sondig omdat sy hart verkeerd is" (m.a.w. dit gaan oor die booshede wat "van hom uitgaan"). Heelwat Christene is vandag onder die miskonsepsie dat almal wat siek is "onrein" is. Sommige van die Fariseers en skrifgeleerdes het ook so geglo (Matt. 15) bv., hulle het geglo "dat wanneer iemand eet met ongewaste hande, dit hulle onrein maak", maar alhoewel so 'n gebaar iemand fisies kan siek maak, moet dit nie verwar word met die onreinheid van die hart nie. Andersins is daar weer heelwat Christene wat vandag glo dat almal wat siek is, dit is a.g.v. sonde of selfs dat hulle bose geeste in hulle het, maar ons moet natuurlik verstaan dat alhoewel sonde iemand fisies kan siek maak, en sommige wel gebind word deur siekte a.g.v. bose geeste, dit natuurlik nie altyd die geval is nie.

Die "onreinheid" waarvan Jesus gepraat het, verwys nie na dit wat die liggaam fisies kan siek maak soos om met ongewaste hande te eet nie, maar na WAT IN DIE HART AANGAAN, en dit is hierdie onreinheid wat gaan saakmaak wanneer ons almal eendag geoordeel word.  Dit gaan dus nie oor "wat van buite af in die mens ingaan" (Matt. 7:15) of "wat in die mond ingaan" (Mark. 7:15) nie, maar oor wat UITGAAN uit die mens.  DIE VRAAG WAT DUS GEVRA MOET WORD IS WAT IN IEMAND SE HART AANGAAN?  (Tit 1:15 - "Alle dinge is REIN vir die reines; vir die besoedeldes en ongelowiges egter is niks rein nie, maar hulle verstand sowel as hulle gewete is besoedel").

_________________________________________________________________________________

GEDAGTE:


Net soos die wat liggaamlik "siek" is, so word die wat in sonde stap, gesien as "ongesteld".  Hulle het die Geneesheer nodig, maar kan nie genesing van die Here ontvang as hulle hul nie BEKEER nie. 'n Christen wat bv. hoereer agter ander afgodspraktyke aan of stap in aanhoudende sondes sonder om te bekeer daarvan, word gesien as ONGESTELD - so 'n Christen se hart is verkeerd.  Daar word maklik gese dat alles is geoorloof vir die Christen omdat hy alreeds REIN is deur die woord, maar die waarheid is dat almal wat nie in die Here bly nie, weer onrein kan word!  Jesus praat hieroor in Joh. 15:3-7.  Die wat REIN IS, maar nie in Hom bly nie, sal nie vrug dra nie, en die wat nie vrug dra nie, sal uitgewerp word. Die wat (geestelik) ongesteld is het die Geneesheer nodig, maar hoe sal hulle tot bekering kom as hulle nie "hoor" nie?  Jesus het vir ons die voorbeeld gestel en het nie geskroom om tyd te spandeer met die wat "ongesteld" is nie, maar wat baie mis is dat Hy vir hulle DIE WAARHEID gedeel het (terwyl Hy met hulle tyd spandeer het). Hy het hulle nie onvoorwaardelik vergewe nie, maar eerder vir hulle vertel wat hulle moet doen om vergifnis te ontvang. Die liefde wat Hy getoon het was nie om hulle sonde te aanvaar of regverdig nie, maar Hy het hulle eerder opgeroep tot bekering en vir hulle die voorwaardes gestel van wat hulle moet doen om te kan ingaan in Sy koninkryk. Die voorbeeld wat Jesus Christus, ons Geneesheer, vir ons gestel het is baie anders as wat vandag geleer word dat liefde en vergifnis onvoorwaardelik is...?  
Laat die wat die Geneesheer nodig het, hulle tot Hom bekeer!

(Mat 5:8)  Salig is die wat REIN van hart is, want hulle sal God sien.

_________________________________________________________________________________

http://kortbybelopsommings.blogspot.co.nz/2014/10/eerste-beginsels-van-die-prediking.html
http://warechristene.blogspot.co.nz/2014/02/wat-is-die-sonde-tot-die-dood.html
http://warechristene.blogspot.co.nz/2013/09/wat-beteken-dit-om-tot-bekering-te-kom.html

Wat is die verskil tussen Wetend en Onwetende sondes

Alhoewel dit snaaks klink, is dit tog moontlik vir iemand om in sonde te stap sonder dat hy besef hy is eintlik besig om te sondig.  Dit is bv. maklik te sien by klein kindertjies wat verkeerd doen maar nie besef wat hulle doen is verkeerd nie, soos om iemand in die gesig te klap - vertel jy hom dat dit nie so hoort nie, dan verkry hy die kennis dat dit verkeerd is. Nou, as hy dit 'n volgende keer doen, sien hy dit "as verkeerd" want hy het nou tot kennis gekom.  Jy sal bv. nie met 'n kind raas wanneer hy onwetend sondig nie, maar hom liewer tot insig bring en aan hom verduidelik dat dit wat hy doen eintlik verkeerd is en dalk selfs verduidelik hoekom dit verkeerd is. Kinders van die Here het ook nodig om te leer "wat die wil van die Here is". Ons is baie geduldig met klein kindertjies omdat hulle nog nie goed weet om te onderskei tussen reg en verkeerd nie en verstaan goed dat hulle EERS TOT INSIG GEBRING MOET WORD voor hulle self die onderskeiding kan maak. Op dieselfde wyse moet ons ook geduldig wees met die wat nog nie kan onderskei tussen reg en verkeerd nie en verstaan dat hulle eers tot insig gebring moet word. Die Here is ook meer barmhartig teenoor die wat in onwetende sonde stap;  net soos ons ook meer barmhartig is teenoor 'n kind wat onwetend sondig en bring hom daarom eerder tot insig as om hom te vermaan, maar wanneer hy tot insig gebring is, word daar natuurlik gehoorsaamheid verwag!  'n Ongehoorsame kind, aan die ander kant, (m.a.w. die een wat wetend sondig) het alreeds die kennis en moet eerder herinner of vermaan word as wat hy tot insig gebring word.
------------------------------------------------------------------------------------------------------------
Die persoon wat wetend sondig, kan ook barmhartigheid ontvang, ja, maar moet op 'n ander manier gelei word tot bekering van sy sonde. Dit beteken nou nie dat die persoon wat onwetend sondig onvoorwaardelik vergewe word (soos baie glo) nie! (http://warechristene.blogspot.co.nz/2014/05/wat-word-bedoel-met-onwetende-sonde.html).  Nee, daar word steeds van hom ook verwag om te bekeer, maar die manier hoe dit gedoen word is anders as in die geval van waar iemand wetend sondig.  
Altwee moet m.a.w. tot bekering gelei word:
-  die onwetende moet eers die kennis kry (hy kom dus tot kennis oor wat die wil van die Here is, maar nou moet hy kies om Hom gehoorsaam te wees)(net soos 'n kind kennis kry oor wat die wil van sy ouers is en nou moet kies om hulle gehoorsaam te wees);
-  die wetende moet herinner of vermaan word (hy weet reeds wat die wil van die Here is, maar het nie daarop ag gegee nie, en omdat hy nie gehoorsaam is aan die Here nie, word daar nou van hom verwag om 'n wet te gehoorsaam, want 'n wet geld nie vir die wat gehoorsaam is nie, maar vir die wat ongehoorsaam en wetteloos is -1 Tim.1:8-10 - as hy ook kies om nie die wet te gehoorsaam nie, dan word hy gestraf!, en sal onder oordeel kom, net soos die wat nie die wet van Moses gehoorsaam het nie, onder vloek van die wet gekom het) (op dieselfde wyse is dit soos 'n kind wat sy ouers se wil ken, maar omdat hy gekies het om nie gehoorsaam te wees nie, word hy nou vermaan  - daar was dus verwag dat hy sy ouers moet gehoorsaam, maar nou word daar verwag dat hy 'n wet gehoorsaam, en as hy ook nie die wet gehoorsaam nie, dan word hy gestraf) .
DIT GAAN M.A.W. OOR "AAN WIE" ONS GEHOORSAAM IS -  IS EK BV. GEHOORSAAM AAN MY EIE WIL OF AAN DIE HERE SE WIL?  As ek wetend is van wat die wil van die Here is, maar eerder gehoorsaam is aan my eie wil, dan het ek 'n wet nodig om my tot gehoorsaamheid te bring. Kinders van die Here het nodig om te leer "wat die wil van die Here is". Sommige Christene verwar die "wil van die Here" met die feit dat ons nie onder die wet is nie, en wanneer hulle geleer word wat Sy wil is, dan se hulle onmiddellik dat hulle "nie onder die wet is nie" - dus bly hulle onkundig omdat hulle nie na die waarheid soek nie.
_________________________________________________________________________________

GEDAGTE:


Ons dink somtyds dat wanneer 'n broer of suster in Christus in onwetende sonde stap, hy net gelos moet word (en ons sien dit as barmhartigheid??), maar ons moet verstaan dat as hy nie tot insig gebring word nie, hy nie vrug sal dra nie!!!   'n Christen wat bv. betrokke raak by heidense praktyke gaan geen vrug dra nie a.g.daarvan en kan selfs verval in ongeloof!  As ek nou besluit dat ek hom gaan uitlos en stilbly oor die waarheid, dan is ek baie onbarmhartig want ek gee dan nie om of hy vrug dra of nie...  En let wel dat dit hom sy saligheid kan kos (Joh. 15:2)...  Ons moenie dink dat ons enige broer of suster 'n guns doen as ons stilbly oor die waarheid terwyl ons sien dat hy/sy verkeerde grond betrap nie.  Almal van ons is somtyds onwetend oor iets en baie Christene het al a.g.daarvan verkeerde besluite geneem; soos 'n huwelikspaar wat skei sonder grondige rede, of 'n geskeide wat weer trou... Hulle sondig dan onwetend omdat hulle nie die waarheid ken nie. Dit is altyd 'n moeilike situasie wanneer ons nie die kennis het nie.  Ons is nie altyd seker van wat die waarheid nou eintlik is nie omdat daar baiemaal vir ons iets anders geleer word as wat die Skrif ons leer. In sommige gevalle is die Skrif ook duidelik oor wat reg en verkeerd is, maar dan word daar uitsonderings gemaak op ander plekke;  bv., dit is verkeerd om te skei, tog is daar uitsonderings waarom sekere mense toegelaat word om te skei. 

Maar dit is ook nie altyd die geval nie, want baie is WETEND en weet bv. goed dat Jesus Christus self geleer het dat geskeides nie weer mag trou nie of dat iemand nie met 'n geskeide mag trou nie;  tog steur hulle hul nie aan hierdie waarheid nie, en pleeg dus wetende sonde. Geen wonder die Here se " in Hos 4:6,  "My volk gaan te gronde weens gebrek aan kennis", maar let wel dat Hy eintlik nie daar praat van die wat slegs ONKUNDIG is nie, maar van die wat onkundig is omdat hulle NIE NA DIE WAARHEID SOEK NIE! - hulle wil nie "hoor" nie, en a.g.daarvan het hulle DIE KENNIS VERWERP - Hos. 4:6(b): "omdat jy die kennis verwerp het, sal Ek jou verwerp, sodat jy vir My die priesteramp nie sal bedien nie...".
Kinders van die Here wat nie belangstel om te leer wat die wil van die Here is nie, is ONKUNDIG omdat hulle NIE NA DIE WAARHEID SOEK NIE, en dit kan tot gevolg he dat hulle ten gronde gaan weens 'n gebrek aan kennis... Net soos 'n klein kindjie geleer word deur sy ouers, so moet jong kinders in die Here Sy verordeninge en insettinge geleer word.  As hulle hierdie fase mis, dan groei hulle nooit op die pad van godsaligheid nie.
------------------------------------------------------------------------------------------------------------
http://warechristene.blogspot.co.nz/2014/05/wat-word-bedoel-met-onwetende-sonde.html
http://warechristene.blogspot.co.nz/2013/08/hoe-groei-die-christen-geestelik.html
http://warechristene.blogspot.co.nz/2013/05/wat-het-jesus-bedoel-met-aan-hom-wat.html
http://warechristene.blogspot.co.nz/2012/11/hoekom-skei-die-here-nie-nou-al-die.html
http://warechristenedagstukkies.blogspot.co.nz/2015/02/ons-moet-meer-barmhartig-wees-wanneer.html

Wat leer die Bybel vir ons oor die Skepping?

Wat presies leer die Bybel oor die  SKEPPING ?  Dit moet 'n vraag wees op elke Christen se lippe. Is die aarde binne 7 geskep of het dit oor miljoene jare tot stand gekom?  Het ons perongeluk ontstaan deur evolusie of is ons geskep deur 'n Skepper?  Draai die aarde of staan dit stil? Hoeveel hemele is daar?  Is die aarde rond of is dit plat?  Waar is die hel?  In watter volgorde is alles geskep? Hoe het die aarde gelyk voor die skepping?  Waaruit bestaan die uitspansel? Waar is die hemel waar God woon?...........

Alhoewel ons nie altyd seker is oor wat presies die Bybel leer oor die skepping nie, weet ons ook dat daar baie dinge is wat geleer word in wetenskap en biologie wat nie so pluis is nie en in baie gevalle verskil dit geweldig van wat die Bybel leer. Maar juis ook om hierdie rede laat ons baiemaal na om te uit te vind wat presies die Bybel  leer, veral wanneer ons weet dit sal verskil van wat die wereld leer en dit dan makliker is om dit te ignoreer om konflik te vermy.  Ander se geloof is weer so sterk in die wereldse wysheid en sg. waarhede, dat hulle die waarheid van die Bybel in twyfel begin trek...
------------------------------------------------------------------------------------------------------------
Vele dele van Wetenskap en Biologie het in 'n ander "geloof" ontwikkel en is bloot gebou op afleidings. En alhoewel sommige wetenskaplikes getuig dat hulle ateiste is, is dit tog nie waar nie, hulle glo wel in iets - in wereldse wysheid - en hulle kies om dit liewer te glo.  Dit is jammer dat ons kinders gedwing word om hierdie afleidings in die skool te leer en die ongeluk is dat dit vir feite voorgegee word. Hulle gee voor dat dit wat hulle leer oor die skepping bewys kan word;  tog is die teendeel eerder waar en as jy begin ingaan op hulle feite sien mens gou dat hulle leerstellings bloot gebou is op afleidings en terloops kort-kort verander!  Die rede waarom hulle die Bybel afskiet is nie omdat hulle weet dit is bog nie, maar omdat hulle wil glo dit is bog. Hulle glo eerder in die waarheid wat hulle verkondig - dit is niks anders as 'n "geloof" nie!  
Maar die wetenskaplikes wat wel die waarheid soek, word onderdruk... 

Met al die verdraaide waarhede wat in omloop is, sal die Christen 'n keuse moet maak tussen of hy glo in die sg. waarheid wat die wetenskap of biologie handboek hom bring, of glo hy in die waarheid wat die Bybel leer?  Dit is baie eenvoudig - jy glo of die een, of die ander. Jy kan bv. nie op die een hand glo dat God die wereld geskep het in 7 fisiese dae, maar op die ander hand glo dat Hy dit geskep het oor miljoene jare nie!   
_________________________________________________________________________________

GEDAGTE:


Ons kan nie altwee sieninge glo nie.  ONS MOET KRAGTIG WORD IN DIE HERE, nie in die wereld nie!  Ja, wat JY GLO, is toe wel belangrik!  Vandag word daar geleer dat dit nie saakmaak wat jy glo nie, en dat elkeen kan glo wat hy wil, maar dit is 'n strik van die duiwel waarmee hy mense probeer vang om nie na die waarheid te soek nie - sodoende word hulle kragtig in die wereld, maar nie kragtig in die Here nie.  En alhoewel daar geleer word dat elkeen kan glo wat hulle wil, word dit tog nie toegepas nie, want hulle self dwing kinders in die skool om hulle wetenskaplike afleidings te leer asof dit alles waarheid is!  Dit is soos om 'n kind groot te maak in 'n spesifieke geloof.  Hierdie magte is gou om ouers kwalik te neem wanneer hulle hul geloof "op hulle kinders afdwing", maar aan die ander kant doen hulle presies dieselfde deur kinders in die skool te dwing om hulle afleidings te leer, en op 'n globale skaal!  Groot dele van wetenskap en biologie is vandag niks anders as 'n geloof nie;  veral waar dit te doen het met "die skepping".  Die wetenskappe word onvoorwaardelik geglo deur baie (ook deur baie Christene!), en mense plaas maklik hulle hoop eerder daarin as in die Here of in die waarheid wat in die Bybel opgeskryf is.   Elke Christen moet homself afvra wat hy werklik GLO.  Niemand kan twee here dien nie... 


Wanneer Paulus praat van hoe ons moet kragtig word in die Here, dan maak hy o.a. die volgende stelling: Ef. 6:12:  "Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug". 
Dit beteken nie dat jy die owerhede, magte, sekere wereldheersers en bose geeste moet aanval nie, maar 
- dat jy te midde van hulle ONWAARHEDE die WAARHEID moet kies;  
- dat jy te midde van afvalligheid en ongeregtigheid (wat deur hulle ook aangemoedig word), die geregtigheid moet kies;  
- dat jy te midde van die wat die evangelie verdraai (en 'n ander evangelie bring), die ware evangelie moet verkondig;  
- dat jy te midde van ongeloof (die wat hulleself nie ondergeskik stel aan hulle Skepper nie), moet vashou aan die geloof;  
- en dat jy te midde van wereldse wysheid, die woord van God moet opneem! 

_________________________________________________________________________________

VIR 'N STUDIE OOR "DIE SKEPPING", GAAN NA:

http://warechristene.blogspot.co.nz/2016/02/die-skepping-1.html

http://warechristene.blogspot.co.nz/2016/02/die-skepping-2.html

http://warechristene.blogspot.co.nz/2016/02/die-skepping-2.html

http://warechristene.blogspot.co.nz/2016/02/die-skepping-4.html

http://warechristene.blogspot.co.nz/2016/02/die-skepping-5.html

http://warechristene.blogspot.co.nz/2016/02/die-skepping-6.html

http://warechristene.blogspot.co.nz/2016/02/die-skepping-7.html