WareChristene Dagstukkies: valse profete

Wys tans plasings met die etiket valse profete. Wys alle plasings

Woensdag 31 Julie 2024

Valse elemente in die kerk, en die effek daarvan

Ons wil liewer glo dat almal in die Christelike kerk opreg is en gelowig, maar die waarheid is dat dit nie so is nie - somtyds sluip "valse broeders" (2 Kor. 11:26; Gal. 2:4) in die kerk in om die skape te mislei (en word deur die bose daar geplant), en hulle spreek valse dinge... (Spr. 2:12). Hierdie is niks nuuts nie en was nog altyd 'n probleem in die midde van gelowiges. Maar watter effek het hierdie valses op die kerk?, en maak dit regtig saak of daar valse leerstellings in die omtrek is?

------------------------------------------------------------------------------------------------------------------------------

In Matt. 7:15 vgl. Jesus valse profete met WOLWE (Matt. 7:15 - "Maar pas op vir die valse profete wat in skaapsklere na julle kom en van binne roofsugtige wolwe is"). Ten eerste het Hy geleer dat ons moet PAS OP vir hierdie mense! Hoekom moet ons versigtig wees vir hulle? - duidelik het hulle 'n verkeerde invloed op die kerk... Hierdie "wolwe" verwys beslis nie na mense wat onkundige gelowiges is nie, maar eerder na die wat voorgee dat hulle van die Here hoor maar na regte nie werklik van Hom hoor nie; of voorgee dat hulle die waarheid verkondig maar na regte verkondig hulle menslike gebooie of hulle eie opgemaakte geloof. Dit is dan hoe die hart van 'n valse profeet of valse leraar lyk - hy gee voor om iets te wees wat hy nie is nie (gee bv. voor hy is 'n profeet of leraar wat die Here se woord bring, maar bring sy eie woorde of verdraaide of valse leringe - hy pleeg bedrog). Of ons dit wil glo of nie, maar hierdie mense in die kerk het beslis 'n invloed op die huidige afvalligheid!

Diesulkes gee voor hulle is broeders/susters wat saam met ons die Here dien, maar dien eintlik hulleself of iemand anders. Die wat vals is kan leed doen aan die kerk, bv.:

-om die skape uitmekaar te jaag (bring skeuringe in die kerk)(Joh. 10:12); of

-om mense te "vang" (Joh. 10:12)(om agter hulle aan te gaan, bv. om hulle valse en verdraaide leerstellings te glo).

Valse profete gee voor dat hulle die Here dien maar doen nie, en betrek o.a. mense op hierdie manier om die Here op hulle manier te probeer dien... (deur bv. dooie werke). In Eseg. 22:27 word die vorste in Israel vgl. met "wolwe wat prooi verskeur" - hulle het bv. o.a. bloed vergiet sodat hulle onregverdige wins kon maak... "Onregverdige wins" verwys tipies na wanneer iemand wins maak deur die reg te verdraai (bv. om omkoopgeskenke aan te neem - 1 Sam. 8:3; Jer. 22:17; Eseg. 22:13); m.a.w. hulle pleeg bedrog met die doel om wins te maak (is dan "onregverdige wins"-Jer. 6:13). Valse profete/valse leraars pleeg bedrog! (tot hulle eie voordeel). Daar is mense in die kerk wat so opereer, en Paulus het graag na hierdie valses verwys en gewaarsku, bv. waar hy in Tit. 1:10-14 verwys na diesulkes as tugteloos en wat onsin praat en verleiers is, en leer wat nie betaam nie ter wille van vuil wins! Hy het hulle leringe o.a. "Joodse fabels" genoem, en "gebooie van mense" (menslike wette en leringe wat vd waarheid afwyk) - hulle gee dus voor hulle preek die waarheid, maar hulle doen nie, en hulle doen dit ter wille van wat hulle daaruit kan kry (hetsy eer of geld, ens.).

------------------------------------------------------------------------------------------------------------------------------

Ons moet natuurlik versigtig wees om iemand vinnig te oordeel (as bv. 'n valse profeet, want sommige is bloot onkudig), maar versigtigheid werk ook na die ander kant toe... - as iemand bv. gekenmerk kan word as vals, moet die waarheid gespreek word sodat dit kan wys hy's vals. Kyk bv. Jesus se woorde in Matt. 10:16 - " Kyk, Ek stuur julle soos skape onder die WOLWE in; wees dan versigtig soos die slange en opreg soos die duiwe". Let wel dat hierdie "uitstuur onder wolwe" nie verwys het na uitstuur onder ongelowiges nie, maar uitstuur onder mense wat bely hulle is gelowig (in hierdie geval was dit "skape van Israel", waarvan sommige nie werklik skape was nie maar "wolwe"). Die dissipels was uitgestuur om die waarheid te bring aan beide opregtes en valses (nie net aan die skape nie, maar ook aan die wolwe...). Die manier dus om so 'n situasie te hanteer is nie om stil te bly oor die waarheid (soos sommige kerke doen) nie, maar eerder om die waarheid te preek (en dan sal die wolwe hulle klere wys). Wolwe "verskeur" (Eseg. 22:27) en vang en jaag skape uitmekaar (Joh. 10:12), en terwille van onregverdige wins sal sommige selfs bloed vergiet (Eseg. 22:27)(is roofsugtig-Matt. 7:15) - hierdie is baiemaal 'n kenmerk van verleiers - hulle haat die opregte... -1Jn 3:15. Wanneer wolwe in 'n kerk inkom en sekere broeders "vang" (beweeg om agter hulle aan te gaan) en die ander "uitmekaarjaag" (skeuringe bring), saai dit verwoesting in 'n kerk. Voor Paulus se vertrek in Hand. 20 het hy o.a. die Efese ouderlinge gewaarsku teen WOLWE wat sal inkom in hulle gemeente... (Hand. 20:29-31), en hy't die volgende stellings gemaak rakende wolwe: (1) Hulle sal die kudde nie spaar nie; (2) Hulle sal verkeerde dinge praat om die dissipels weg te trek agter hulle aan... Hierdie is die doel van "ingesluiptes".

Dit is maklik om te sien wie is wolwe en wie skape... - wolwe ontvang nie die waarheid nie! (Luk. 10), maar is liewer die wat opstaan teen die waarheid en ander beweeg om nie die waarheid (wat deur die opregte gepreek word) te ontvang nie. Hierdie is terloops 'n goeie manier om "valse broeders" uit te ken... - is om die waarheid te spreek! 'n Valse profeet of valse leraar sal bv. bely dat hy in Jesus glo en in die waarheid, maar is nie gehoorsaam aan Jesus nie en glo nie in Sy woorde nie, maar glo liewer in "wat hy wil of wie hy wil" - hulle gee dus voor dat hulle die waarheid liefhet maar hulle vrug getuig anders sodra hulle met die waarheid gekonfronteer word. Hierdie verleiers gebruik o.a die metode van spot (is spotters vd waarheid) om mense te druk om liewer in hulle te glo as in die waaheid.

--------------------------------------------------------------------------------------------------------------------------
GEDAGTE:

Daar is Christene wat vandag glo dat daar nie iets bestaan soos "valse broeders" nie - hierdie is 'n groot miskonsepsie van ons tyd en baiemaal die rede waarom suurdeeg in die kerk insluip... Of hulle dink dat valse leerstellings nie regtig 'n probleem is, maar dit is net waar in geval van waar mense die waarheid ken en volg. Die waarheid is dat in sommige kerke word valse leringe liewer gekoester in plaas van aangespreek!, en die wat die waarheid ken, bly stil daaroor (?). Ons moet verstaan dat "ingesluiptes" deur die bose in die kerk gesaai word, en Jesus het o.a. geleer dat dit gebeur wanneer die kerk slaap! (Matt. 13:25)(bestudeer gerus die tema van "slaap" en wat dit nou juis beteken). Ingesluiptes (Jud. 1:4) is ongelowig en vals (gee voor hulle is gelowig maar is nie, en is deur die bose daar gesaai). Hulle is gewoonlik verleiers, en word o.a. in Jud. 1 "skandvlekke" genoem (soos besoedeldes)(Jud. 1:12), en "struikelblokke" (omdat hulle mense vang om ongehoorsaam te wees aan die Here en Sy waarheid). Hulle word ook "dwaalsterre" genoem (want hulle dwaal!)(Jud. 1:14), en "goddelose mense" (want hulle doen nie die wil van die Here nie, maar hulle eie wil)(Jud. 1:6,7,11,18). Hulle is ook baiemaal spotters (want hulle spot met die waarheid, en maak die opregte op daardie manier stil)(Jud. 1:18; 2 Pet. 3:3-5).

Die begrip "valse broeders" behels nie net 'n broeder wat voorgee dat hy 'n broeder is nie, maar sluit ook in enige iemand in die Christelike kerk wat "vals" is bv. valse profete en valse leraars (maar as broeders gesien word)(Gal. 2:4). Die begrip wat veral gebruik word vir valse profete/valse leraars is "wolwe". Jesus het ook die begrip "onkruid" gebruik in Matt. 13:26,30,38, waar onkruid voorgestel word as "kinders vd bose". Onkruid lyk soos koring, maar is nie koring nie.... Hierdie mense (wat onkruid is) gee dus voor hulle is broeders, maar is nie werklik nie - hulle groei saam met die koring en lyk soos koring, maar met die tyd sal hulle vrug wys dat hulle nie regtig koring is nie. Hierdie opmerking word terloops ook van valse profete gemaak..., bv. "aan hulle vrug sal hulle geken word"! (Luk. 6:43,44). Valse profete kan voorgestel word met wolwe omdat 'n wolf se doel is om skape te vang en uitmekaar te jaag (Joh. 10:12). Valse profete en valse leraars kan gevaarlik wees vir die ware Christen (2 Kor. 11:26), omdat hulle kan twyfel saai en mense wat swak of jonk is in die geloof kan beweeg om "te doen wat hulle wil", nie wat die Here wil nie.

Hoekom sal iemand voorgee dat hy die waarheid verkondig maar hy doen nie?

Hoekom sal hy voorgee dat hy deel is van die kinders vd koninkryk, maar hy is nie? Duidelik het die bose 'n plan om verwoesting in daardie kerk te saai en die kinders van die Here te mislei... Ingesluiptes wil nie dien nie, maar wil gedien word! (Gal. 2:4); en hulle maak skape seer in hulle poging tot selfverheffing (sien die onderwerp van "onregverdige wins" vorige paragraaf - Eseg. 22:27)... Hulle praat verkeerde dinge met die doel om disspels vd Here weg en agter hulle aan te trek (Hand. 20:29,30). Diesulkes moet beslis aangespreek word (3 Joh. 1:9,10), of die skape moet gewaarsku word sodat die suurdeeg nie die hele deeg suurmaak nie. Daarom is ware lering in die kerk baie belangrik sodat ware kinders kan onderskei en nie "weggesleep" word nie.

-----------------------------------------------------------------------------------------------------------------------------

Dinsdag 16 Maart 2021

Goeies én slegtes in die koninkryk

Nie almal wat hulleself Christene noem of aan die Christelike kerk behoort, is "goeie saad" nie. Alhoewel "kinders vd koninkryk" gesien word as die wat deel is van God se koninkryk en Hom dien, is die waarheid dat nie almal in hierdie koninkryk opreg is nie. Net soos in ander koninkryke op aarde is daar ook struikelblokke in die "konkryk van God". Hierdie "struikelblokke" gee voor dat hulle die Here dien maar dien eintlik die ongeregtigheid. Hulle is soos spioene wat voorgee dat hulle deel is vd volk en die land se belange op die hart dra, maar hulle is eintlik daar met 'n bose plan. Diesulkes kan bv. 'n struikelblok wees vir ander Christene omdat hulle hul probeer verlei, of wereldse leringe en afgodspraktyke in die kerk invoer... - Openb. 2:14; 1 Kor. 8:9; Rom. 14:13-15; Matt. 18:6,7.

-----------------------------------------------------------------------------------------------------------------------------

In Matt. 13:37-42 het Jesus geleer dat daar mense is onder die kinders vd koninkryk wat saam met die volk groei, maar nie werklik deur die Here gesaai is onder die volk nie (maar deur die bose daar gesaai - Matt. 13:25). Ons moet onthou dat gelowiges in sommige skrifte voorgestel word soos saad wat in die wereld gesaai word om te groei en vrug te dra, maar alhoewel daar faktore is wat vrug beinvloed, bepaal die soort saad wat se soort boom opkom. In ander woorde, nie almal wat in die Christelike kerk gesaai is, is deur die Here gesaai nie!, en groei in bome wat ewige vrug dra nie. Sommige is deur die vyand daar onder die kinders vd Here gesaai. Hierdie mense word in Matt. 13 vgl. met "onkruid" - hulle lyk ma.w. soos koring maar is nie koring nie! - hulle lyk soos kinders vd koninkryk maar is eintlik kinders vd bose - hulle gee voor hulle is Christene, maar is nie! Alhoewel nie altyd onmiddellik sigbaar nie, sal diesulkes uiteindelik aan hulle vrug geken word... In die koninkryk van God, of anders gestel, onder die mense wat aan hierdie koninkryk behoort en gesien word as kinders vd koninkryk, is daar dus mense wat die ongeregtigheid doen (Matt. 13:41) en nie eendag sal ingaan in die ewige koninkryk nie (Matt. 13:30, 40-42). Jesus het o.a. ook die koninkryk vd hemele vgl. met 'n NET WAT IN DIE SEE GEGOOI WORD, en let op die woorde daar: "en van elke soort bymekaarbring" (Matt. 13:47). Hy het ook verder verduidelik hoe, met die voleinding vd wêreld die engele sal uitgaan en die slegtes onder die regverdiges uit afskei (en die slegtes in die vuuroond gooi)(Matt. 48-50). Die waarheid is dus dat daar in die Christelike kerk "visse" is wat voorkom asof hulle goeie saad is en deur die Here gesaai is, maar wat eintlik deur die bose daar gesaai is (om struikelblokke te wees in die kerk).

M.a.w., nie almal in die Christelike kerk is gewederbaar nie (en nie almal is heilig en goed en gelowig nie). En nie almal wat deurgaan vir Christene het die Heilige Gees nie!
------------------------------------------------------------------------------------------------------------

GEDAGTE:

In die EVANGELIE wat Christus gebring het oor die Koninkryk het Hy dus 'n duidelike onderskeid gemaak tussen die goeies en slegtes (l.w., "in die koninkryk"!). Alhoewel Christus vele beloftes het vir Sy SKAPE en vir die wat as KORING gesien word, moet ons nie dink dat hierdie beloftes ook bedoel is vir die akteurs wat hulleself voordoen as skape maar eintlik wolwe is, of die onkruid wat tussen die koring groei nie; of bedoel is vir die wat op die ou end bokke uitdraai of onbruikbare kaf word nie... (1 Tim. 5:12; Matt. 25:32). Dus, nie almal wat behoort aan 'n Christelike kerk sal eendag in die koninkryk ingaan en die ewige lewe beerwe nie. Nie almal wat bely hulle is Christene (geroepenes) sal inderdaad eendag erf of opstaan tot lewe nie, want die realiteit is dat sommige sal opstaan tot veroordeling (Joh. 5:28,29). Nie net die valses nie, maar ook die wat nie vashou nie, bv. die wat nie in Jesus Christus BLY nie, staan die gevaar dat hulle onvrugbaar sal wees wanneer Hy terugkom - en wat sal dan tog gebeur wanneer Jesus kom om hulle vrug te oes? (Jak. 5; Rom. 2:1-10).

Die Christelike kerk is nie gevrywaar van valse gelowiges nie. Hierdie valse broeders (2 Kor. 11:26; Gal. 2:4) word o.a. voorgestel as "wolwe" waarvan vasle profete deel uitmaak van hierdie groep (Matt. 7:15) - hulle gee voor dat hulle 'n woord van die Here bring maar praat eintlik uit hulleself; of bring 'n woord vd bose. Daar is 'n manier om valse profete uit te ken en dit is gewoonlik aan hulle vrug. Bv., 1 Joh. 4 leer vir ons dat valse profete nie gehoorsaam is aan die waarheid nie. Hulle kom in opstand teen die waarheid asook in opstand teen die wat die waarheid verkondig, en hulle praat en dink dus anders as die wat die Gees vd waarheid het (1Jn 4:5 - "Hulle is uit die wêreld; daarom praat hulle uit die wêreld, en die wêreld luister na hulle"). Valse profete het nie die Heilige Gees nie en sal dus verkeerd praat en ook in opstand kom teen die wat reg praat. Hierdie is een vd maklikste maniere om te bepaal of iemand waar of vals is... (aan hulle vrug sal hulle geken word). Bv., as iemand bely dat hy in Jesus Christus glo maar hy glo nie in Sy woorde nie, dan is daar beslis 'n vraagteken op daardie persoon se geloof.

'n Ander groep wat miskien ook onder "wolwe" gesorteer kan word is valse leraars (wat verderflike ketterye heimlik invoer onder die kinders vd Here); alhoewel valse leraars nie altyd verwys na wolwe nie. Valse leraars kan ook verwys na gelowiges wat eens wel die waarheid gevolg het maar afvallig geword het en nou die Here verloën (2 Pet. 2:1)(kan dus vgl. word met mense wat ongehoorsaam is aan die waarheid (Rom. 2:8,9), of vgl. word met die tema hart verhard). Ons sien somtyds hierdie in die kerk gebeur, waar iemand die Here begin volg en begin vrug dra, maar sy vrug verloor omdat hy ophou om die Here te dien en glo - so iemand verloën die geloof (kyk vb. 3de groep in die gelykenis vd saaier - Matt. 13:22 / is baiemaal die wat mislei is). En omdat hulle self nou die leuen glo, verkondig hulle leuens (hulle bedrieg hulleself). "Slegtes" in die koninkryk verwys dus nie net na ongelowiges wat deur die bose gesaai is onder die kinders vd Here nie, maar kan ook verwys na gelowiges wat "sleg" is; m.a.w., mense wat wel deur die Here gesaai is maar nie aan Hom vashou en in Hom bly nie - nie omdat Hy laat los nie, maar omdat hulle laat los! Bv., "bokke" dra nie die vrug van 'n skaap nie, en verwys na die wat in opstand kom teen die Here se gesag - hulle verwys na hardkoppige, ongehoorsame en/of onbarmhartige gelowiges (Matt. 25). Hierdie groep gelowiges sal soos die valses ook nie eendag die koninkryk beerwe nie (Matt. 25). "Kaf", soos bo gesien, is ook 'n term wat gebruik word vir sekere gelowiges maar verwys na 'n spesifieke groep gelowiges, nl. die wat nie vrug dra of die nodige vrug dra nie (hulle is dus waarlik Christene, maar dra nie die nodige vrug nie, of het onvrugbaar geword)(gelykenis vd saaier). Anders as koring (wat vrug dra) verwys kaf na die nutteloses en selfsugtes. Net soos kaf die deel is van koring wat onbruikbaar is en weggegooi word, net so sal gelowiges wat onvrugbaar is gesien word as onbruikbaar en "weggegooi en in die vuur gegooi" word wanneer Jesus terugkom (Matt. 3:12,17).

Wolwe" is roofsugtig van aard - hulle doel is om die skape uitmekaar te jaag en te verskeur (Matt. 7:15; Hand. 20:29; Joh. 10:12) deur bv. verkeerde dinge te praat om kinders vd Here te mislei en weg te trek agter hulle aan (Hand. 20:30; Matt. 24:11). Hierdie mense word deur die bose onder die kinders vd Here gesaai - hulle gaan saam met ons kerk toe en lyk of hulle deel is vd broeders en susters (Hand. 20:30; Matt. 7:15) en kom somtyds selfs kragtig voor! (Matt. 24:24), maar die waarheid is dat hulle 'n bose doel het. Daar mag dalk in jou kerk sit "wolwe in skaapsklere" - mense wat skape "vang" en "uitmekaarjaag". Dit is waar dat nie almal in die Christelike kerk "goeies" is nie, en nie almal in "die koninkryk" sal eendag erf nie; en wanneer Jesus terugkom sal die goeies van die slegtes geskei word. Matt. 13 leer vir ons dat die "toestand" van beide goeies en slegtes in die huidige (geestelike) koninkryk nie sal verander voor die voleinding vd wêreld nie (1 Kor. 4:5; Hebr. 10:30). Dit is m.a.w. eers wanneer Jesus terugkom wat die goeies vd slegtes geskei sal word. Wat elke KIND VD KONINKRYK moet doen oor hierdie toestand is nie om die "slegtes" self te probeer skei en verwyder uit die koninkryk nie (alhoewel jy ander kan waarsku teen hulle - Matt. 16:6), maar om elke gees te beoordeel en versigtig te wees met wie jy uithang en saam wie jy stem. Daar is 'n rede waarom Jesus nie met almal uitgehang het nie. Ware Christene behoort ook hulle situasie te kan beoordeel en moet versigtig wees met wie hulle omgaan en saam met wie hulle eet. Skape vd Here moet doen wat Jesus gesê het, nl. "versigtig wees soos die slange, en opreg soos duiwe" (Mat 10:16) - pasop vir (sekere) mense wat daarop uit is om jou te verwoes! (Matt. 10:17)(maar moet jou nie kwel oor wat jy moet spreek nie, want die Gees sal vir jou die woorde gee... Matt. 10:19,20). Moet hulle nie vrees nie, want daar is niks bedek of verborge wat nie ontdek en bekend sal word nie (Matt. 10:26,28).

Elke gelowige moet ook selfondersoek doen, want ons het gesien dat daar ook "slegte" gelowiges is in die koningkryk van God wat nie vashou nie. Elkeen moet bepaal watter stof hulle beskryf - is jy koring?, is jy kaf?, is jy 'n bok?, is jy 'n afvallige?, is jy "siek"?; want wanneer Jesus terugkom sal sommige vd wat nou GEROEP word (DIE GENOOIDES-Openb. 19:9) in die huidige "geestelike" koninkryk, nie in die "fisiese" koninkryk van God ingaan nie (a.g.v. ONGEHOORSAAMHEID en ONGELOOF). As jy die Here bely voor mense, sal Hy jou ook bely voor Sy Vader (Matt. 10:32) - staan dus op vir die waarheid en vir Jesus en Sy woorde!; maar as jy Hom verloën voor mense, dan sal Hy jou ook verloën... (Matt. 10:33).

-----------------------------------------------------------------------------------------------------------------------------

Donderdag 16 Februarie 2017

Waarna verwys "slegte vrugte" werklik?

Matt. 7:17 "So dra elke goeie boom goeie vrugte; maar ‘n slegte boom dra slegte vrugte".

In konteks het Jesus bg. stelling gemaak in verband met VALSE PROFETE (Matt. 7:15).

"Slegte vrugte" verwys hier na die vrug van valse profete, of die vrug van slegte "bome" - Matt. 7:17)(m.a.w. verwysend na die vrug van die wat VOORGEE dat hulle die Here ken maar Hom nie werklik KEN nie (Matt. 7:23)), of die wat VOORGEE dat hulle die Here gehoorsaam en na Sy woorde luister, maar nie regtig Sy wil doen nie (Luk. 6:46; Matt. 7:22).

------------------------------------------------------------------------------------------------------------

ELKEEN VAN ONS WORD SOOS SAAD IN DIE WERELD GESAAI OM VRUG TE DRA.

http://warechristene.blogspot.co.nz/p/blog-page.html . Wanneer Jesus Christus terugkom, sal Hy o.a. kom om hierdie vrug te oes. Die soort vrug wat elkeen dra sal op die ou end bepaal of hy die ewige lewe ontvang of nie, maar nie alle soorte vrug is "vrug tot heiligmaking" wat vir iemand die ewige lewe gee nie! Alhoewel hierdie "vrug" ook dinge behels soos goeie dade, optrede, manier van praat ens., moet "vrug" nie gesien word soos werke nie, maar eerder soos "loon", en is dus ook 'n bewys van of iemand 'n goeie of 'n slegte boom is. Vrug wys hoe iemand se hart lyk. So verdien die "goeie boom" bv. (goeie) vrug vir die ewige lewe wanneer hy die evangelie verkondig, m.a.w. dit is "loon" vir sy "werk" maar nie die soort werke wat in eie naam geskied nie, maar werke uit gehoorsaamheid aan die Here - werke wat bewys wat in sy hart aangaan en wys dat hy 'n goeie boom is. Maar 'n slegte boom wat probeer om goeie vrug te dra; m.a.w. die wat dink dat vrug gaan oor "werke" en hulleself voordoen as goed terwyl hulle eintlik sleg is , sal nie daardie soort vrug dra wat vir hulle die ewige lewe besorg nie, want hulle dade en woorde sal gou bewys wat in hulle hart aangaan. Doen hulle bv. die dade vir eie eer?, of doen hulle dit uit gehoorsaamheid aan die Here? Baie dade wat gesien word as goed, is nie noodwendig vrug tot heiligmaking nie! En hier moet ons verstaan dat ons nou spesifiek praat van die wat bely dat hulle gelowig is, want baie wat "gelowig" is, gee dit slegs voor. Ongehoorsaamheid is bv. 'n bewys dat iemand nie gelowig is nie. Die wat nie die waarheid liefhet nie, bewys dat hulle nie regtig daarin glo nie. Die wat nie die Here raadpleeg nie, bewys dat hulle nie hul hoop in Hom plaas nie....... BAIE BELY DAT HULLE GLO, MAAR VERSTAAN HULLE WAT "GELOOF" REGTIG BETEKEN?

------------------------------------------------------------------------------------------------------------

Dit is nie altyd maklik om die wat VOORGEE dat hulle gelowig is te onderskei van die wat wel gelowig is nie, maar met die tyd word hulle vrug wel sigbaar. Net soos die geval van onkruid tussen die koring (in die natuur), is dit moeilik om te onderskei tussen wat is onkruid en wat is koring wanneer altwee nog jonk is, maar wanneer in vrug is dit maklik! Slegte bome word deur die duiwel "onder die koring gesaai" (vgl. dit met die gelykenis v/d koring en die onkruid). Ons kan ook die tema van "onkruid" en "die wat slegte vrugte dra" vgl. met die tema van "geveinsdes". Jesus het bv. sommige van die Skrifgeleerdes en Fariseers "geveinsdes" genoem (wat beteken "akteurs"). Hulle het VOORGEGEE dat hulle gelowig is, maar het nie regtig die Vader GEKEN nie! Hulle het voorgegee dat hulle in die Vader se wil optree en Sy waarheid verkondig en deur Hom gestuur word, maar het nie eens behoorlik die wette verstaan nie en het eintlik maar net hulle eie wil gedoen - hulle vrug het dit bewys toe hulle die Een wat deur die Vader gestuur is, nl. Sy Seun (nl. die Here Jesus Christus), verwerp. En ook het hulle Sy waarheid verwerp! Hoe kan 'n gelowige wat bely dat hy die Vader KEN, nie Sy Seun ontvang nie???, want as hy die Vader geken het, dan sal hy Sy seun ook (er)ken! (Joh. 8:19). Alhoewel ons beveel word om nie nou al die onkruid uit te trek nie (sodat ons nie perongeluk koring saam uittrek nie), word ons wel beveel om versigtig te wees vir die suurdeeg van die slegte bome. Ons moet kan onderskei sodat die hele deeg nie suur word nie. Met die Here Jesus Christus se wederkoms sal die "onkruid' bymekaargemaak en met vuur verbrand word. ("Onkruid" verwys na die wat "slegte vrugte" dra - hulle dra nie die vrug tot heiligmaking nie - hulle dra nie vrug vir die ewige lewe nie...).

------------------------------------------------------------------------------------------------------------

"Gelowiges" wat bely dat hulle die Here KEN en van Hom hoor, maar Sy Woord en waarheid verwerp, is vals! - hulle is "voorgee-gelowiges". Heelwat Skrifgeleerdes en Fariseers het gedink dat hulle slim is en "iets weet", maar hulle wysheid was gegrond in hulle eie oorlegginge, net soos daar vandag ook baie "gelowiges" is wat voorgee dat hulle glo, maar hulle vrug teen hulle getuig wanneer hulle wereldse wysheid bo die Here Jesus Christus se woorde kies - mense wat in opstand kom teen die waarheid wat Christus verkondig het, dit verdraai of nie gehoorsaam is daaraan nie, of Sy leringe afmaak as outyds... Hulle gee voor dat hulle Christene is, maar Sy woorde dra geen krag vir hulle nie??

(Luk 6:46 - "En wat noem julle My: Here, Here! en doen nie wat Ek sê nie?").

------------------------------------------------------------------------------------------------------------

GEDAGTE:

Dus verwys "slegte vrugte" na die vrug van die wat nie die wil van die Vader doen nie - dus "die wat nie na die Here Jesus se woorde luister nie en nie doen wat Hy hulle sê om te doen nie" (Luk. 6:46). Baie tree op in die Here se Naam asof Hy hulle gestuur het, bv. profeteer, dryf duiwels uit en doen kragte in die Here se Naam, maar is nie deur Hom gestuur nie - Matt. 7:22. In werklikheid is hulle soos akteurs (hulle is "voorgee-gelowiges") wat nie die wil van die Vader doen nie, maar hulle eie wil (Matt. 7:21). Daar was bv. ook heelwat valse profete in die O.T. wat nie na die wil van die Here gesoek het nie, maar geprofeteer het uit eie wil. Hulle het slegs VOORGEGEE dat hulle die Here KEN. Die doel v/d slegte boom wat voorgee, is OM MENSE TE VERLEI EN TE MISLEI ! (Matt. 24:11,24). Sommige doen selfs tekens en wonders met die doel om te mislei (sodat mense liewer in hulle glo as in die waarheid) - dit is m.a.w. "opsetlike misleiding". En soos ons goed weet, is hierdie ook 'n kenmerk van die duiwel self - daarom word hy vgl. met 'n slang. Daar is heelwat "slange" in die Christelike kerk wat in plaas van die waarheid, hulle eie verdraaide leringe verkondig - hulle kom in opstand teen die waarheid en is eintlik besig met afgodsdiens (want eiesinnigheid is afgodsdiens). Hulle bedoelinge is om ander mense se oe op hierdie "afgode" te plaas in plaas van op die Here; kyk bv. hoeveel Christene is eerder besig om 'n getuienis te wees vir heidense praktyke en wereldse wysheid in plaas van om ander te vertel van die Here en Sy leringe... WAT IS JOU GETUIENIS? Wat se soort vrug dra jy?

Is jy besig om heidense praktyke te verkondig, of is jy besig om die Here te verkondig? Is jy besig om wereldse wysheid te verkondig, of die Here Jesus Christus se leringe? Die valse profeet is bv. ook 'n valse leraar (2 Pet. 2:1,2). Die gelowige wat optree asof hy deur die Here gestuur word, maar hom nie steur aan "wat is WAARHEID" nie, is duidelik nie deur die Here gestuur nie! Iemand se vrug bewys of hy gehoorsaam is aan die Here of nie. Die wat nie ag gee op die Here Jesus Christus se leringe nie, maar eerder wereldse geloofswysheid verkondig of valse en verdraaide leerstellings, se vrug getuig daarvan dat hulle nie onderdanig is aan Hom nie en nie die Vader se wil doen nie. In beide Matt. 7 en Luk. 6 word die opregte boom, wat anders as die slegte boom wys en verstandig is, geskets as die wat NA DIE HERE JESUS SE WOORDE LUISTER en DIT DOEN. Voorgee-gelowiges aan die ander kant, is die wat NIE na die Here Jesus se woorde luister nie en NIE gehoorsaam is aan Hom nie. Hulle volg hulle eie wysheid en doen wat hulle wil.

------------------------------------------------------------------------------------------------------------

(Mat 13:30) Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur.

-----------------------------------------------------------------------------------------------------------

http://warechristene.blogspot.co.nz/2013/03/wat-moet-die-christen-se-persepsie-wees.html

http://warechristene.blogspot.co.nz/2015/07/profete-valse-profeet.html

http://warechristene.blogspot.co.nz/2014/07/slange.html

http://warechristene.blogspot.co.nz/2012/11/hoekom-skei-die-here-nie-nou-al-die.html

http://warechristene.blogspot.co.nz/2014/03/boom-van-die-lewe.html

http://warechristene.blogspot.co.nz/2012/01/oefen-jou-in-die-godsaligheid.html

http://warechristene.blogspot.co.nz/2012/03/as-jy-dink-jy-doen-goed.html

http://warechristene.blogspot.co.nz/2012/05/wat-dit-beteken-om-kragtig-te-wees-in.html

http://warechristene.blogspot.co.nz/2012/09/christene-in-die-pad-van-ander-christene.html

http://warechristene.blogspot.co.nz/2013/02/noem-ander-jou-ook-n-christen.html

http://warechristene.blogspot.co.nz/2013/04/glo-jy-wat-jesus-gese-het-of-wat-die_17.html

http://warechristene.blogspot.co.nz/2013/04/wat-glo-jy-die-waarheid-of-die-halwe.html

http://warechristene.blogspot.co.nz/2013/11/mag-die-christen-mediteer-oosterse.html

GELOOF:

http://warechristene.blogspot.co.nz/2012/09/die-post-wat-het-logika-daarmee-te-doen.html

http://warechristene.blogspot.co.nz/2012/08/gee-ons-meer-geloof.html

http://warechristene.blogspot.co.nz/2012/07/die-wat-hulle-lewe-verloor-sal-dit-wen.html

http://warechristene.blogspot.co.nz/2012/03/as-jesus-kom-sal-hy-wel-die-geloof-op.html

http://warechristene.blogspot.co.nz/2012/04/onderwerp-julle-dan-aan-god.html

http://warechristene.blogspot.co.nz/2012/04/wie-dink-jy-is-in-beheer.html

Sondag 06 April 2014

Waarseêry in die kerk?

In die O.T. was daar verskeie "VERBODE HEIDENSE PRAKTYKE" vir die volk van God. Al hierdie praktyke het te doen met "sonde" en "afgodsdiens". Die skrif verklaar o.a. dat waar gelowiges omgaan met hierdie heidense praktyke, hulle DIE HERE TERG! (2 Kon. 21:6). en nie opreg is met Hom nie! (Deut. 18:13).

Een van hierdie verbode praktyke was "waarseêry".

Vele nasies wat rondom die volk van God gewoon het, was betrokke in waarseery

(1 Sam. 6:1; Dan. 4:7; 5:7), en al het die Here Sy volk uitdruklik verbied om betrokke te raak hierby (Deut. 18:9-13), het baie hierdie gebod oortree. Kyk maar die vb. van Manasse, wat selfs sy seun deur die vuur laat deurgaan het, en met goëlery en verklarings van voortekens omgegaan en dodebesweerders en waarsêers aangestel het - hy het baie gedoen wat verkeerd was in die oë van die HERE (2 Kon. 21:6)(2 Kron. 33:6,7).

Selfs koning Saul het hierdie vreeslike sonde gepleeg (1 Sam. 28:5-11), omdat toe hy die Here raadpleeg, die Here hom nie geantwoord het nie! Dit is ook om hierdie selfde rede hoekom gelowiges somtyds hulle begewe in "waarseêry", is omdat hulle verhouding met die Here nie op datum is nie (hulle in ongehoorsaamheid stap), en hulle daarom nie die Here "hoor" nie! MAAR baie gelowiges is besig met die sonde van waarseêry terwyl hulle voorgee dat hulle die Here dien en Hom gehoorsaam! Ons moet verstaan wat waarseêry beteken, en dat dit nie net gaan oor om 'n dodebesweerder op te soek nie, maar eintlik gaan oor wederstrewigheid!(dit is immers die rede hoekom iemand soos Saul 'n dodebesweerder gaan opsoek het!).

--------------------------

(1) Baie Christene terg die Here vandag op dieselfde wyse , en

pleeg "waarseêry" deur WEDERSTREWIGHEID

(1 Sam. 15:23).

---

(2) 'n Ander vb. van "waarseêry", is

VALSE PROFESIE - baie gee voor dat hulle in die Here se Naam

"profeteer", maar is nie opreg met die Here nie

en eintlik besig met waarseêry (bv. waar gelowiges vir ander gelowiges 'n woord gee asof van die Here, maar eintlik is dit net wat hulle dink die persoon moet hoor)

(Mig. 3:11).

----------------------------------------------------------------------------------------------------------------------------------

(1) Waar 'n gelowige dink dat hy die Here kan omkoop met "offers",
maar nalaat om "gehoorsaam" te wees, is hy wederstrewig!:

(1Sa 15:22) Daarop sê Samuel: Het die HERE behae in brandoffers en slagoffers soos in gehoorsaamheid aan die stem van die HERE? Kyk, om gehoorsaam te wees is beter as slagoffer, om te luister beter as die vet van ramme.

(1Sa 15:23) Want wederstrewigheid ("om te rebelleer"/ongehoorsaamheid) is ‘n sonde van waarsêery, en eiesinnigheid ("eie wil") is afgodery en beeldediens. Omdat jy die woord van die HERE verwerp het, het Hy jou as koning verwerp. Koning Saul se probleem was dat hy gedink het hy kan doen soos hy wil en hyself goeddink, en dan dit met 'n offer probeer regmaak, maar die Here soek liewer GEHOORSAAMHEID! Saul se wederstrewigheid het ook nie daar geindig nie, want toe die Here hom nie wil vergewe nie, en hom nie antwoord nie, toe stel hy homself steeds nie onderskik aan die Here nie, maar terg Hom deur verder te rebelleer en by 'n dodebesweerder sy antwoord te kry! (Gaan lees gerus 1 Sam. 15 om hierdie beter te verstaan - kyk ook na Deut. 1:40-45 om verder te verstaan wat die woord wederstrewigheid nou eintlik beteken). Die woord "wederstrewig" word ook vir ons goed verduidelik in Deu 21:18 - ("As iemand ‘n koppige en wederstrewige seun het, wat nie luister na die stem van sy vader en na die stem van sy moeder nie, en hulle hom tugtig, maar hy na hulle nie luister nie..."). Die een wat wederstrewig is teenoor die Here, is dus die een wat GOED WEET WAT DIE HERE VAN HOM VERWAG, MAAR HY IS NIE GEHOORSAAM NIE - hy rebelleer teen die Here (EN PROBEER DAN DEUR OFFERS SY SONDE REGVERDIG!) - en selfs as hy getugtig word, gee hy voor asof hy luister, maar hy luister nie regtig nie; hy sal soos Saul voorgee dat hy jammer is, maar steeds sy sonde probeer regverdig! In 1 Sam. 15:23 word hierdie sonde van wederstrewigheid, vgl. met "waarseery"! Baie gelowiges dink so dat hulle kan doen wat hulle wil, en probeer dan hulle besluite regverdig deur offers, bv. waar gelowiges weet dit is verkeerd om betrokke te raak by oosterse meditasie, maar hulle probeer dit regverdig deur die oefeninge in hierdie tipe meditasie net geestelike name te gee, en voor te gee asof hy daardeur tot die Here mediteer! 'n Ander vb. is waar 'n gelowige stap in 'n sonde soos om rykdom te begeer, en vir hom leermeesters/leringe te vergader wat sy sonde regverdig. DIE PROBLEEM MET IEMAND WAT WEDERSTREWIG IS, IS DAT HY DINK "HY WEET BETER" AS DIE HERE - NET SOOS 'N KIND WAT ONGEHOORSAAM IS AAN SY OUERS OMDAT HY DINK HY WEET BETER (maar eintlik is dit om "sy eie wil" te kry!) - HY SPEEL M.A.W. GOD, NET SOOS 'N WAARSEER GOD SPEEL OOR IEMAND ANDERS SE LEWE! So iemand wil self in beheer wees van sy lewe, en soek nie na die wil van die Here nie.

---------------------------------------------------------------------------------------------

(2) Waar 'n gelowige 'n profesie uitspreek teenoor iemand anders asof dit van die

Here kom, maar hy eintlik spreek soos wat hyself dink, is hy ook besig met waarseêry!

"En die HERE het vir my gesê: Die profete profeteer vals in my Naam; Ek het hulle nie gestuur en hulle geen bevel gegee en met hulle nie gespreek nie; hulle profeteer vir julle ‘n leuengesig en nietige waarsêery en bedrieëry van hulle hart".(Jer. 14:14)(kyk ook Sag. 10:2). Profesie is een van die gawes van die Gees, maar dit is duidelik dat, net soos daar in die O.T. profete was wat voorgegee het dat hulle optree in die Naam van die Here, daar ook vandag gelowiges is wat vals profeteer, en so eintlik besig is met "waarseery"! Waarsêers sien leuens en verkondig nietige drome, hulle troos met wind (Sag. 10:2). Op dieselfde wyse sien valse profete leuens en verkondig nietige drome - hulle troos met die wind! Jesus het ons gewaarsku teen hierdie valse profete! Die manier hoe Hy vir ons geleer het om hulle te kan onderskei, is deur na hulle vrug te kyk! Baie gelowiges gaan agter die lee beloftes aan van valse profete (hulle troos met die wind), en glo dit omdat hulle self hierdie waarsêery soek! Hulle is self wederstrewig en soek iemand om hulle in hulle gehoor te streel en vir hulle te vertel wat die Here nie vir hulle wil vertel nie, soos materiele voorspoed, of dat hulle hul nie hoef te bekeer van hulle sondes nie, of dat die Here nie sal toelaat dat hulle deur verdrukking gaan nie...... GELOWIGES WAT HIERDIE ONWAARHEDE VERKONDIG, PROBEER GOD SPEEL, net soos die waarseers, EN REBELLEER TEEN DIE WAARHEID! Hulle soek nie na die wil van die Here nie, maar na hulle eie wil, en bedien ook baie wat na hulle eie wil soek (soos iemand wat 'n dodebesweerder opsoek); die wat nie self na die Here gaan nie a.g.v. 'n rebelerende hart, maar ander soek wat vir hulle kan vertel wat hulle graag wil hoor...
==============================================
GEDAGTE:

Deur wederstrewigheid kan iemand die Heilige Gees bedroef! (Jes. 63:10) - http://warechristene.blogspot.co.nz/2013/02/en-bedroef-nie-die-heilige-gees-van-god.html. As ons dan nou verseel is deur die Heilige Gees tot die dag van verlossing, maar steeds die sonde dien (m.a.w. wederstrewig is), terwyl ons verklaar dat ons die Here gehoorsaam, dan sal ons die Heilige Gees bedroef (want dan pleeg ons waarseery). In Ef. 4:30 word die Christen beveel om nie die Heilige Gees te bedroef nie - gelowiges wat nie na die wil van die Here soek in hulle lewens nie, moet versigtig wees, want as daar dan nou 'n voorwaarde gestel word (...en bedroef nie die Heilige Gees van God nie...), dan moet daar tog 'n gevolg wees sou iemand ongehoorsaam wees!

Dinsdag 11 Februarie 2014

Die tyd is naby ?

Is dit verkeerd om te sê, "DIE TYD IS NABY" ? In Luk. 21:8 het Jesus gewaarsku teen hierdie gesegde wat op 'n spesifieke tyd sal plaasvind... (Luk 21:8 - "En Hy antwoord: Pas op dat julle nie mislei word nie; want baie sal onder my Naam kom en sê: Dit is ek! en: Die tyd is naby! Gaan dan nie agter hulle aan nie"). In hierdie konteks moet ons bedag wees wanneer ons die woorde "die tyd is naby" hoor. Om te sê dat "die tyd van Jesus se wederkoms naby is" is wel nie in wese verkeerd nie! - kyk bv. na hoe die dissipels ook hierdie woorde gebruik het in (Jak. 5:8) en (Openb. 1:3); en ook die engel in (Openb. 22:10)..., - ons moet altyd gereed wees. Maar ons moet verstaan dat toe Jesus gewaarsku het teen die woordgebruik van "die tyd is naby" (in Luk. 21:8) het Hy nie die spesifieke woordgebruik afgeskiet nie, maar dit afgeskiet IN KONTEKS MET waaroor Hy gepraat het, nl. dat ons moet pasop om nie mislei te word deur valse christusse nie, want hulle sal sê "Dit is ek!", en "Die tyd is naby!" (hulle sal voorgee dat hulle Jesus Christus is). Daarom Sy woorde: "Gaan dan nie agter hulle aan nie". Vgl. dit ook met Matt. 24:4,5. Gelowiges moet altyd leef asof die Here se wederkoms naby is, maar die probleem is dat sommige die Here vroeër sal verwag deur agter valse christusse aan te gaan. Omdat hulle nie oor die nodige kennis beskik om te onderskei nie, of die kennis ignoreer, maak hulle hullself dan indirek gereed vir 'n valse messias.

--------------------------------------------------------------------------------Kom ons kyk na vb. e in vandag se lewe waar die woorde "die tyd is naby" alreeds verkeerd gebruik word:

* Bv., 'n Sekere rabbi het nie lank gelede nie gesê het dat hy die messias ontmoet het..., en het die Messias se naam op 'n papier geskryf wat 'n jaar na sy dood oopgemaak moes word, en die dissipels onder hom geleer het dat die messias Yeshua is.... Wereldwyd is vele Christene baie opgewonde en stel hierdie rabbi voor as 'n ware profeet (?). L.w. dat die rabbi o.a. gesê het dat die messias openbaar gemaak gaan word na 'n spesifieke politkus se dood - en kyk die woorde wat hierdie mense gebruik wanneer hulle die rabbi as 'n profeet voorstel: "die tyd is naby"! As jy gaan navorsing doen en kyk na wat presies die rabbi regtig geleer het oor hierdie messias, dan is dit duidelik dat hy van 'n "ander messias" gepraat het (nie van Jesus Christus nie), want hy het ook gesê dat die messias alreeds in Israel is (?) -ook gesê dat die messias se siel hom aangekleef het tot 'n persoon in Israel (?). Die manier hoe hy hierdie messias beskryf, lyk of hy 'n antichris beskryf het...- hy het bv. vertel hoe die messias geen amp sal hê aan die begin nie, maar tussen die mense sal wees en die media gebruik om met die mense te kommunikeer; hoe almal nie onmiddellik sal glo in hom nie, en hoe sy openbaarmaking in twee dele gaan geskied; hoe hyself aan die begin nie eens sal weet dat hy die messias is nie; hoe almal, wanneer hy uiteindelik geopenbaar is, sal sê: "wat, is hy die messias?"; hulle sal sy naam ken, maar het nie geglo dat hy die messias is nie..(?????). Hierdie is nogal skokkend as jy die feite begin hoor. Wat baie nie besef nie is dat alhoewel hierdie rabbi sy dissipels geleer het dat Jesus die Christus is, hy net 'n halwe evangelie gebring het en bv. glad nie eens die opstanding gepreek het nie! Dit is baie problematies... Gelowiges wat glo dat hierdie rabbi opreg was en hulle hoop in sy woorde sit, kan maklik gereed wees om 'n valse messias te ontvang. Mag ons bid dat sy huidige dissipels tot volle insig sal kom en die hele evangelie sal hoor.

----------------------------------

* Kom ons kyk ook na die leerstelling wat leer dat die "wegraping" voor die Groot Verdrukking gaan plaasvind (en wederkoms in 2 dele?). Baie gelowiges, wêreldwyd, glo vandag dat die Here Jesus enige dag (voor die Groot Verdrukking) gaan terugkom en hulle wegraap, en alhoewel hulle dit uit die Skrif probeer bewys is die waarheid dat hierdie lering nie skriftuurlik nie. Jy moet nogal deur lang leringe sit om by hierdie punt te probeer uitkom, net om te sien dat daardie leringe vreeslik uit konteks geneem is! Niemand weet die dag en uur waarop die Here Jesus Christus gaan terugkom nie, ja, maar daar is vir ons baie spesifieke tekens gegee sodat ons weet wanneer "die tyd naby is"! Ons moet nie hierdie tekens ignoreer nie. Een van hierdie tekens is dat Sy wederkoms eers na die Groot Verdrukking gaan plaasvind (Matt. 24:29,30) - en l.w. dat Jesus hierdie self vir ons geleer het! Baie dinge moet gebeur voor die opstanding en wegraping (en l.w. dat die opstanding/wegraping gebeur saam met die tyd van die wederkoms). Nog 'n teken wat ook gegee word in Thess. is dat die afval eers moet plaasvind en die mens van sonde openbaar word, voor die wederkoms gaan plaasvind.... En wat van die tempel (Openb. 11)? Ons moet ag gee op hierdie tekens, want die wederkoms gaan nie "enige dag" gebeur soos daar somtyds geleer word nie. As ons hierdie tekens alles sien gebeur het ja, mens van sonde openbaar, nuwe tempel, groot verdrukking..., ja, dan kan ons begin kyk na "enige dag"! Wat daar oor die "wegraping" geleer word is nie altyd presies korrek nie, en sekere leerstellings wat rondgaan in die kerke oor hierdie onderwerp kan veroorsaak dat mense die Here op 'n ander tyd verwag as wanneer Hy regtig terugkom (en as dit geval is, sal die woorde "die tyd is naby" inderdaad verkeerd gebruik word). Ons moet verstaan dat die Groot Verdrukking in 'n tydperk is voor die 7de seel (en l.w. dat die wederkoms eers onder die 7 de seel is...).
-------------------------
* Nog 'n vb is die van Islam wat besig is om die woorde "die tyd is naby" te gebruik om mense gereed te maak vir 'n ander messias.....en so kan ons baie vb.e noem in vandag se lewe...

____________________________________________________________________________________

GEDAGTE:

Daar is heelwat dinge wat in plek moet val voor die wederkoms. Ons moet versigtig wees vir gesegdes soos "die tyd is naby" wat uit plek gebruik word, want Jesus het geleer dat dit ook sal gebruik word wanneer hulle 'n valse christus wil probeer inlui... Daarom moet Christene seker maak dat hulle kennis op datum is oor dit wat geleer is oor die laaste dae.

================================================================================