Wie is geskik vir die Koninkryk van God?

KOM ONS KYK WAT DIE SKRIF, of WAT JESUS VIR ONS GELEER HET HIEROOR:  
"WIE IS GESKIK VIR DIE KONINKRYK"?
-  SLEGS DIE WAT TOT BEKERING/WEDERGEBOORTE GEKOM HET EN DIE EVANGELIE GLO
-  SLEGS DIE WAT SE BEGEERTE NA DIE HERE IS
-  SLEGS DIE WAT DIE WIL VAN DIE VADER DOEN
-  SLEGS DIE WAT HULSELF ONDERGESKIK STEL AAN DIE HERE, DIE NEDERIGES
-  SLEGS DIE WAT HULLE HOOP PLAAS IN DIE HERE
-  SLEGS DIE WAT DIE HERE MEER LIEFHET as die lewe

-  DIE WAT ARM VAN GEES IS; BEREID IS OM VERVOLG TE WORD TERWILLE VAN DIE HERE;  DIE WAT DIE GEREGTIGHEID DOEN EN DIT AAN ANDER LEER ens.............

http://warechristene.blogspot.co.nz/2012/12/jesus-christus-se-koninkryk-die.html

---------------------------------------------------------------------------------------------

VGL. DIT MET DIE VOORWAARDES WAT 'N GELOWIGE MOET NAKOM OM "VRUG TE DRA" (en l.w. dat waar 'n gelowige geen vrug dra nie, of dit verloor, sal hy uitgekap word):

-   Moet die "eie-ek" afsterwe - die koringkorrel moet eers sterf voor hy vrug kan dra 

-   Bly in Hom  -  Jesus het gese dat die enigste manier hoe ons vrug kan dra is deur in Hom te bly

-   Moet die WAARHEID (Jesus se leringe) aanneem en daarvolgens lewe - moet vashou aan die geloof!

(Joh. 12:24; 15:4,5)

In die gelykenis van die saaier verduidelik Jesus dat iemand sy vrug kan verloor as hy probeer om sy lewe te wen, m.a.w. die lewe meer liefhet as die Here en nie Sy geregtigheid en Sy koninkryk eerste soek nie - soos in die geval van waar die sorge, begeerlikhede, rykdom en genietinge van die lewe die vrug verstik.

---------------------------------------------------------------------------------------------

GEDAGTE:

"Goeie vrug" moet nie gesien word soos werke nie, maar soos "loon", m.a.w. loon omdat iemand in die Here bly, loon omdat iemand die evangelie verkondig, loon omdat iemand die waarheid aanneem en daarvolgens lewe...  Om vrug te dra gaan nie oor "werke tot saligheid" nie, maar oor "werke a.g.v. saligheid". Gelowiges word soos saad in die wereld gesaai om te groei en soos 'n boom "vrug te dra".

(Joh 15:16)  "Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee". 

Dit is nie mense wat besluit wat die waarheid is nie...

=========================================================================

(Joh 1:17)  "Want die wet is deur Moses gegee; die genade (grace, favour) en die waarheid (truth) het deur Jesus Christus gekom".

Nie almal hou van die waarheid nie.  Baie Skrifgeleerdes en Fariseers het aanstoot geneem aan Jesus terwyl Hy die waarheid verkondig het.  Die "waarheid" is nie net die mooi dele van die evangelie nie, maar ook die dele wat ons nie graag wil hoor nie, soos bv. dat ons ook op sonde gewys word, en herinner word aan die komende oordeel, of dat ons nie ons hoop moet plaas in wereldse sekuriteite nie....  Die "waarheid" is, dat die manier hoe die Here dinge sien, nie is hoe ons dit sien nie! Ons moet ons bekeer van die manier "hoe ons sien", en moet pasop "hoe ons hoor" - wanneer ons die waarheid hoor, kan ons nie net die dele aanneem wat ons in die gehoor streel nie! Jesus het nie net sekere dele van die waarheid verkondig nie, maar die volle waarheid gebring!  Baie het a.g.hiervan aanstoot geneem aan hom:  (Mat 15:12 - "Daarop kom sy dissipels nader en sê vir Hom: Weet U dat die Fariseërs, toe hulle die woord hoor, aanstoot geneem het?"); - want die waarheid is nie altyd wat ons graag wil hoor nie! Wanneer iemand nie die wil van die Here soek nie, neem hy maklik aanstoot aan die waarheid, want dit bots met sy eie wil.   Net so het baie ook  aanstoot geneem aan die prediking van die dissipels, maar Jesus se dissipels het nie self besluit wat die waarheid is nie;  inteendeel het hulle die gelowiges gewaarsku teen diesulkes wat die evangelie probeer verdraai!  Dit is nie mense of kerke wat besluit waaroor die evangelie gaan, of wat reg of verkeerd is, of wat die voorwaardes is om in te gaan in die koninkryk van God nie, maar die WAARHEID is wat die Here se dit is.  Geen kerk kan ewe skielik besluit iets is nie meer sonde nie, wat wel vroeer sonde was, of besluit dat hulle gaan kies watter dele van die waarheid hulle wil verkondig en wat nie!  

 Waar iemand egter die waarheid hoor, maar dit wegwys (en gewoonlik dan aanstoot neem daaraan), wys dit daarop dat sy hart nie reg is nie.  Die persoon wat nie opreg is nie, stel nie belang in wat "die waarheid" is nie. Sommige mense is net nie ontvanklik vir die waarheid nie.  Dit dan waarom Paulus skryf: (Gal 4:16)  "Het ek dan julle vyand geword deur julle die waarheid te vertel?".  Hulle wil net daardie dele hoor wat hulle in die gehoor streel, en sien net dit as stigting, maar die waarheid is dat dit slegs "die waarheid" is wat vrymaak! (en iemand werklik kan stig)(Joh. 8:32). Iemand kan slegs vrug begin dra (vrug tot heiligmaking), as hy DIE WAARHEID (die woord van God) aanneem - m.a.w. as hy "hoor" (en nie net sekere dele van die waarheid nie!).  Die gelowige wat kies wat hy wil hoor, gaan nie vrug dra nie en kan selfs vrug verloor wat hy alreeds begin dra het, soos bv. waar die sorge van die lewe of genietiinge van die lewe, begeerlikhede en verleiding van die rykdom die vrug verstik... In so 'n geval kies iemand watter waarheid hy wil aanneem - hy kies bv. om die dele van die waarheid te onvang wat gaan oor verlossing en seen ens., maar nie die dele wat gaan oor gehoorsaamheid of om die Here as eerste Liefde te ken of sy gedagtes te verander nie! Hierdie wys baiemaal daarop dat die persoon hom nog nie regtig "bekeer" het nie!

===========================================================

Gedagte:

  ("Elkeen wat uit die waarheid is, luister na My stem"). 

Iemand wat uit die waarheid is, neem nie net die woorde aan wat hom laat goed voel nie, maar neem ook die woorde aan wat hom tot gehoorsaamheid bring aan Christus (die "hoor")!  

========================================================================

Wat beteken dit "om vrug te dra"?

Gelowiges word soos koringkorrels gesaai in die wereld  (OM VRUG TE DRA) (dink aan die gelykenis van die "koring en die onkruid") - dit gaan oor die groei-proses en hoe die vrug uiteindelik getuig van wat is koring en wat is onkruid.  Dit is moeilik om te onderskei tussen koring en onkruid wanneer nog jonk, maar die "vrug" getuig op die ou end wat is koring en wat is onkruid.  

In die gelykenis van die saaier verwys die saad egter nie na gelowiges (soos in die geval v/d koring wat gesaai word) nie, maar na die "woord van God".  Maar ook hier (in die  gelykenis van die saaier), gaan dit oor die "VRUG" v/d gelowige. Die vrug is die ding wat op die ou end getuig wat is koring en onkruid, maar die manier hoe iemand die  "SAAD - DIE WOORD VAN GOD" ontvang en aanneem en behou, bepaal of hy gaan vrug dra, of aanhou vrug dra!  Dit gaan oor die manier hoe iemand "HOOR" !  Jesus het baie gepraat oor die belangrikheid van "om te hoor":  ("wie ore het om te hoor, laat hom hoor"... -Matt. 11:15; 13:43; Mark. 7:16; Openb. 2:7 ens.).   DIE MANIER HOE 

IEMAND "HOOR" GAAN BEPAAL OF HY VRUG DRA, EN

 OF HY DIE VRUG GAAN BEHOU!  Soos in die gelykenis van die saaier, gaan dit oor hoe die woord wat gesaai word (DIE WAARHEID) aangeneem moet word en hoe die gelowige daarin moet bly - DIT IS WAT BEPAAL OF HY VRUG DRA OF NIE.  M.a.w., as iemand nie ag gee op die waarheid nie, gaan hy nie vrug dra nie - in so 'n geval "hoor" hy nie! Iemand wat bv. voorgee dat hy gehoorsaam is aan die Here, maar nie ag gee op Sy bevele nie, gee nie ag op die waarheid nie - hy "hoor" nie!  Iemand wat bv. voorgee dat hy die waarheid verkondig, maar 'n verdraaide evangelie verkondig, gee nie ag op die waarheid nie - hy "hoor" nie!  Niemand kan verwag om vrug te dra as hy nie "hoor" nie.  Sommige mense kan lyk of hulle vrug dra, bv. die manier hoe hulle praat, optree, goeie lewenswandel, goeie dade ens., maar as dit nie geskied uit DIENSBAARHEID AAN DIE HERE nie (Rom. 6:21,22), dan dra hy nie regtig hierdie  vrug tot heiligmaking  wat uiteindelik vir hom die ewige lewe kan gee nie. Hierdie vrug wat nodig is om te kan ingaan in die koninkryk van God, het nie te doen met "self probeer om goed te wees" nie, maar te doen met GEHOORSAAMHEID - soos ons leer in Rom. 6, "dit is iemand wat DIENSBAAR GEWORD het AAN GOD"!  Baie gee voor dat hulle diensbaar is aan die Here, maar dien Hom "soos hulle wil" - "diensbaarheid aan God" beteken egter dat ons Hom dien SOOS HY WIL, nie soos ons wil nie!  Ons moet Sy waarheid liefhe - ons kan nie se ons "hoor", maar ons gee nie ag op Sy bevele nie, of gee nie ag op "wat die waarheid" is nie. Iemand wat 'n valse leerstelling navolg, gaan nie vrug dra a.g.daarvan nie!  Hy kan miskien voorkom asof hy "vrug dra", maar is dit "vrug tot heiligmaking"?  Iemand wat nie gehoorsaam is aan die Here nie, gaan nie vrug dra nie - hy kan ook miskien voorkom in die samelewing asof hy vrug dra, 'n goeie mens..., maar is dit "vrug tot heiligmaking"?  Ons kan nie self besluit "wat die waarheid is" nie, die Here besluit wat die waarheid is, en die persoon wat nie "hoor" nie (wat nie Sy waarheid aanneem en daarvolgens lewe nie), kan nie verwag om "vrug tot heiligmaking" te dra (wat uiteindelik vir hom die ewige lewe kan gee) nie!

http://warechristene.blogspot.co.nz/2013/08/goeie-vrug-en-goeie-werke.html

=============================================================================================

GEDAGTE:

(Mar 4:24)  "En Hy het vir hulle gesê: Pas op wat julle

 hoor; met die maat waarmee julle meet, sal vir julle 

gemeet word, en daar sal bygevoeg word vir julle wat hoor".

DIE PERSOON WAT DIE WAARHEID (DIE WOORD VAN GOD) ONTVANG, SAL NOG MEER ONTVANG, MAAR DIE EEN WAT DIT NIE ONTVANG NIE, OF NIE VASHOU DAARAAN NIE, SAL DIT WAT HY ONTVANG HET, VERLOOR (vgl. dit met die "gelykenis van die saaier").

========================================================================

http://warechristene.blogspot.co.nz/2013/08/die-vrug-van-die-gelowige.html
http://warechristene.blogspot.co.nz/2013/08/wat-beinvloed-die-vrug-van-die-gelowige.html
http://warechristene.blogspot.co.nz/2013/07/hoekom-voel-sommige-christene-dat-die_16.html

Die Here het nie gekom om vrede op die aarde te bring nie?

(Mat 10:34)  "Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die swaard".

========================================================================

IN HIERDIE GEDEELTE HET JESUS GEPRAAT MET SY DISSIPELS, OOR HOE HULLE VERVOLGING SOU LEI TER WILLE VAN HULLE GELOOF EN DIE WOORD (DIE WAARHEID)-(Mat 10:14) " En as iemand julle nie ontvang nie en na julle woorde nie luister nie, gaan uit daardie huis of daardie stad uit en skud die stof van julle voete af".
HY MAAK OOK DIE VOLGENDE OPMERKING:

(Mat 10:16)  "Kyk, Ek stuur julle soos skape onder die wolwe in; wees dan versigtig soos die slange en opreg soos die duiwe".  

Daar is 'n miskonsepsie onder baie gelowiges dat die waarheid en die evangelie, veronderstel is om vrede te bring tussen alle mense, maar alhoewel dit vrede beteken vir die persoon wat dit aanneem, vrede tussen hom en sy Skepper, en vrede tussen die wat die waarheid liefhet, i s   d i t   s o o s   'n   s w a a r d   i n   d i e   g e v a l   w a a r   i e m a n d   d i t   n i e   a a n n e e m   n i e ! Die Christen word wel beveel om, WAAR MOONTLIK,  in vrede te leef met alle mense:  (Rom 12:18)  "as dit moontlik is, sover as dit van julle afhang, leef in vrede met alle mense";  tog weet ons dat dit nie altyd moontlik is nie!  Ook die dissipels van Jesus het nie in vrede kon leef met alle mense nie;  ook Jesus self, kon nie in vrede leef met alle mense nie!  Kyk maar die geval van sommige skrifgeleerdes, Fariseers en Sadduseers - DIE WAT NIE DIE WAARHEID WOU AANNEEM NIE.  Jesus het hulle nie gepaai en in liefde liewer stilgebly oor die waarheid nie, nee Hy het des te meer die waarheid gebring!  En in die geval van mense wat voorgegee het asof  hulle die waarheid dien, maar dit nie gedien het nie, het Hy hulle selfs tereg gewys, hulle selfs "akteurs" (geveinsdes) genoem!, en Sy dissipels gewaarsku teen hierdie mense.  Ook Sy dissipels was nie afgeskrik deur "voorgee-gelowiges" wat die waarheid weggewys het nie, maar het hulle eerder tereg gewys en ook die ander gelowiges gewaarsku teen diesulkes. Die liefde van God staan nie los VAN DIE WAARHEID nie!, maar word eerder bewys deur die waarheid. Deesdae dink baie gelowiges dat liefde beteken dat ons stilbly oor die waarheid en sodoende vrede behou.  Die Christen moet goed doen aan ander, selfs vir hulle vyande liefhe, ja, maar nooit beteken dit dat jy die waarheid in die proses opgee nie! (2 Thess. 2:10).  (1Kor. 13:6 - "(die liefde) is nie bly oor die ongeregtigheid nie, maar is bly saam met die waarheid").
 Jesus en Sy dissipels het vir ons hierdie vb. gestel waar hulle goed was vir ander mense, ook hulle vyande liefgehad het, maar nooit "die waarheid" in die proses opgegee nie.  IN DAARDIE SIN HET JESUS NIE GEKOM OM VREDE OP DIE AARDE TE BRING NIE, WANT DIE WAARHEID IS SOOS 'N SWAARD.

 (2Ti 2:15)  Lê jou daarop toe om jou beproef voor God te stel as ‘n werker wat hom nie hoef te skaam nie, wat die woord van die waarheid reg sny.

(2Ti 2:16)  Maar die onheilige, onsinnige praatjies moet jy vermy; want hulle sal al verder voortgaan in goddeloosheid,

(2Ti 2:17)  en hulle woord sal voortwoeker soos ‘n kanker, onder wie daar Himenéüs en Filétus is,

(2Ti 2:18)  wat van die waarheid afgedwaal het, omdat hulle sê dat die opstanding al plaasgevind het; en hulle keer die geloof van sommige om.

------------------------------------------------------------------------------------------------------------

WANNEER 'N GELOWIGE DIE WAARHEID VERLOEN TER WILLE VAN SG. "LIEFDE", DAN WYS DIT EINTLIK DAAROP DAT HY EERDER DIE AANNEMING VAN MENSE SOEK, AS DIE AANNEMING VAN GOD.  

(Gal 1:8)  Maar al sou ons of ‘n engel uit die hemel julle ‘n evangelie verkondig in stryd met die wat ons julle verkondig het, laat hom ‘n vervloeking wees!

(Gal 1:9)  Soos ons vantevore gesê het, sê ek nou ook weer: As iemand julle ‘n evangelie verkondig in stryd met die wat julle ontvang het, laat hom ‘n vervloeking wees!

(Gal 1:10)  Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie ‘n dienskneg van Christus wees nie.

(Gal 1:11)  Maar ek maak julle bekend, broeders, dat die evangelie wat deur my verkondig is, nie na die mens is nie.

IN SO 'N GEVAL, LYK DIT OOK OF DIE GELOWIGE SKAAM IS VIR DIE HERE (EN VIR DIE WAARHEID) - kyk na die opmerking wat Jesus gemaak het in dieselfde konteks waar Hy genoem het dat Hy nie gekom het om vrede op die aarde te bring nie:

(Mat 10:32)  Elkeen dan wat My sal bely voor die mense, hom sal Ek ook bely voor my Vader wat in die hemele is.

(Mat 10:33)  Maar elkeen wat My verloën voor die mense, hom sal Ek ook verloën voor my Vader wat in die hemele is.    VGL. DIT OOK MET (Mar 8:38 - "Want elkeen wat hom vir My en my woorde skaam in hierdie owerspelige en sondige geslag, vir hom sal die Seun van die mens Hom ook skaam wanneer Hy kom in die heerlikheid van sy Vader met die heilige engele").

========================================================================

GEDAGTE:

(Rom 1:16)  "Want ek skaam my nie oor die evangelie van Christus nie, want dit is ‘n krag van God tot redding vir elkeen wat glo, eerste vir die Jood en ook vir die Griek".

========================================================================

http://warechristene.blogspot.co.nz/2013/04/maar-die-wat-buite-is-word-deur-god.html
http://warechristene.blogspot.co.nz/2014/01/doen-reg-aan-my-teenoor-my-teeparty.html
http://warechristene.blogspot.co.nz/2012/01/sou-jy-paulus-nog-respek-betoon.html

Wat is die WAARHEID?

Opregte Christene soek die WAARHEID.  Die persoon wat nie opreg is nie, stel nie belang in wat "die waarheid" is nie.  Maar moet ons dan nou vra soos Pilatus, "wat is die waarheid?" (Joh. 18:38).  Een van die redes waarom Jesus gekom het, was om VAN DIE WAARHEID TE GETUIG  (Joh. 18:37).   (Joh 1:17)  Want die wet is deur Moses gegee; die genade en die waarheid het deur Jesus Christus gekom.  Die Here Jesus het ook die volgende stelling gemaak:  
"Elkeen wat uit die waarheid is, luister na my stem".  

 Alhoewel die gemeente van Korinthïers in geen enkele genadegawe agtergestaan het nie, noem Paulus hulle "klein kinders" - hy skryf hierdie feit toe aan die feit dat hulle nog vleeslik dink!  Tog het die gemeente gedink dat hulle baie "wys" was! Hulle oë was nie altyd gevestig op "wat die Here geleer het" nie (op wat presies die waarheid is nie) - sommige het wel net na Paulus geluister, ander net na Apollos, ander net na Cefas.......(1Kor. 1:12) - as gevolg hiervan was daar heelwat twiste onder hulle.  Hulle oë was dus nie gevestig op "wat die waarheid is" nie, maar op spesifieke mense, op "wie hulle wil glo" en "wat daardie mense sê die waarheid is".  Wanneer gelowiges hulle hoop plaas in mense,dan sukkel hulle om te erken wanneer die Here deur iemand tot hulle praat, want dan is hulle net ontvanklik vir sekere mense  - in so 'n geval, wanneer die Here vir hulle wel iemand stuur wat die waarheid verkondig, is hulle nie ontvanklik vir hom nie omdat hulle vleeslik dink!  (1 Kor. 3).

 Dit moenie gaan oor "vir wie ek glo" nie, maar oor, 

"WAT IS DIE WAARHEID?"

Jesus het vir ons die waarheid kom deel.  Baie Christene hou vandag vas aan leerstellings wat heeltemal in stryd is met wat die Here Jesus vir ons geleer het.  So verstaan baie bv. die term "geseënde" verkeerd en dink dat dit die Here se wil is dat ons materiële voorspoed moet hê, of ryk word, of geen verdrukking ly nie..............ens.,  MAAR die waarheid wat Jesus kom deel het, klop bv. nie met hierdie leerstellings nie! Die manier hoe so 'n Christen dan "dink", is "vleeslik" (soos baie in die gemeente van Korinthiers).  Dit gaan nie vir hulle oor wat die waarheid is nie, maar oor "vir wie hulle wil glo", of "wat hulle graag wil hê die waarheid moet wees".  Baie is wel "onwetend" en ken nie regtig die waarheid nie.  Ons moet natuurlik verstaan dat onwetende sondes anders hanteer word as "wetende" sondes - dit dan ook die rede waarom ons nie 'n Christelike kerk moet ontwortel nie!  Die waarheid is dat geen Christelike kerk die volle waarheid verkondig nie, tog is daar seker ware Christene in elke Christelike kerk!  En in elke kerk is daar die wat "onwetend" is, maar ook die wat "wetend" is.  As ons nou die ongehoorsame "wetendes" probeer ontwortel, dan gaan ons ook die koring saam met die onkruid uittrek!  Daarom het Paulus nie die gemeente van Korinte probeer ontwortel nie, maar hulle gewaarsku om te let op "hoe hulle bou" - elke gelowige moet persoonlik seker maak dat hulle werklik die waarheid liefhet - dat hulle ag gee op Jesus se leringe, en seker maak dat hulle "bly in die waarheid".

========================================================================

GEDAGTE:

"Elkeen wat uit die waarheid is, luister na my stem" (Joh. 18:37).  

========================================================================

http://warechristene.blogspot.co.nz/2013/07/as-iemand-se-werk-verbrand-word-sal-hy.html
http://warechristene.blogspot.co.nz/2012/11/hoekom-skei-die-here-nie-nou-al-die.html