Die EVANGELIE van die Koninkryk

Soos ons maar te goed weet, beteken die woord "evangelie",  "goeie tyding of goeie boodskap".  

Wanneer ons dink aan die woord "evangelie", dan dink ons gewoonlik aan die "evangelie van Jesus Christus", m.a.w. die goeie boodskap oor die Here Jesus Christus, oor hoe Hy vir ons sondes gesterf het, en opgestaan het uit die dode - so die dood oorwin het, sodat ons ook eendag kan opstaan tot lewe...  Maar wat ons moet verstaan, is dat die woord "EVANGELIE" nie net verwysend is na die "evangelie van Jesus Christus" nie, maar ook verwysend is na "die evangelie van vrede", asook "DIE EVANGELIE VAN DIE KONINKRYK".  Ons kan bv. nie regtig die evangelie van Jesus Christus ten volle verstaan as ons nie die evangelie van vrede en die evangelie v/d koninkryk in ag neem nie.  Die EVANGELIE wat Jesus gebring het, was deels gerig op "DIE GOEIE BOODSKAP oor DIE KONINKRYK VAN GOD". 

Waar Jesus die Christus bv. na Sy 40 dae vas, DIE EVANGELIE VAN DIE KONINKRYK VAN GOD begin verkondig het in Galiléa, en Hy hulle beveel het om hulle te bekeer en DIE EVANGELIE TE GLO, was hierdie "evangelie" waarna Hy verwys het, of die boodskap wat Hy hier gebring het, (of die evangelie wat Hy wou he hulle moet GLO), nie oor hoe Hy sou sterf vir hulle sonde nie, maar dit het gegaan oor Sy koninkryk!  Dit was 'n "goeie boodskap" oor Sy koninkryk!  Die opdrag hier dus om "die evangelie te glo", het gegaan oor om "die evangelie oor die koninkryk van God" te glo.  Die evangelie gaan nie net daaroor dat ons moet glo in Jesus die Christus nie, maar ook oor dat ons die evangelie (die waarheid) moet glo oor "die koninkryk van God" - dit behels o.a. voorwaardes om deel te raak van, of hoe om in te gaan in die koninkryk en leringe oor die koninkryk van God. Baie wat hulleself "kinders van die koninkryk" noem,  sal uiteindelik nie ingaan in hierdie koninkryk nie, omdat hulle nie die evangelie oor die die koninkryk van God GLO nie! Iemand kan bv. bely dat Jesus die Christus sy Here is, maar dan moet hy ag gee op die evangelie wat Jesus gebring het: (Luk 6:46) "En wat noem julle My: Here, Here! en doen nie wat Ek sê nie?" (gaan lees gerus ook hierdie skrif in konteks). As iemand nie ag gee op die leringe oor die Here se koninkryk nie, dan "glo" hy dit nie!  Baie bely dat hulle die Here dien, maar hulle is Hom nie gehoorsaam nie;  hulle weet wat Sy leringe behels, maar hulle gee nie ag daarop nie - in so 'n geval bely hulle dat hulle glo Jesus is die Christus, maar hulle glo nie die WAARHEID wat Hy gebring het nie?  

-Jesus het bv. geleer dat sonder vrug niemand in die koninkryk van God kan ingaan nie (ook in verskeie gelykenisse vertel Hy hoe sommige afgesny sal word en uitgewerp sal word omdat hulle nie die voorwaardes nakom nie);   tog GLO baie Christene dit nie, en dink hulle nie dat daar enige manier is hoe hulle hulle saligheid kan verloor nie?  

-Jesus het bv. geleer dat ons verdrukking sal he net soos Hy;  tog GLO baie Christene dit nie en glo eerder dat die Here nooit sal toelaat dat Sy kinders deur verdrukking gaan nie?

-Jesus het bv. geleer dat ons Hom as Eerste Liefde moet ken en dit as voorwaarde voorgehou, en waarskuwings daarby as iemand dit nie nakom nie; tog GLO baie Christene dat Hy niks van hulle verwag nie, stel sorge en begeerlikhede en genietinge van die lewe bo Hom, en dink nie dat hulle hul vrug kan verloor daardeur nie?

-Jesus het bv. geleer dat elkeen wat homself verhoog, verneder sal word;  tog GLO baie Christene dit nie en probeer liewer "wenners" wees, in plaas van "diensknegte"?

MIN GELOWIGES GLO REGTIG IN JESUS SE LERINGE.  MIN GELOWIGES GLO DIE EVANGELIE WAT HY GEBRING HET! Wat Jesus bedoel het met "hoor", is dat ons regtig moet ag gee op Sy woorde!  Hy het baie gepraat oor die belangrikheid van "om te hoor"!  Die manier hoe iemand "hoor", is wat uiteindelik gaan bepaal wie regtig ingaan in die koninkryk;  wie vrug dra, en wie nie, en wie hulle vrug verloor;  wie barmhartig is, en wie nie;  wie die wil van die Vader doen, en wie nie...

In die eerste kerke is hierdie evangelie wat Jesus oor Sy koninkryk verkondig het, saam met die evangelie van Jesus Christus verkondig (Hand. 8:12). Ons moet ag gee op die WAARHEID wat Jesus vir ons gebring het:  
(Mar 1:14)  En nadat Johannes oorgelewer was, het Jesus in Galiléa gekom en die evangelie van die koninkryk van God verkondig
(Mar 1:15)  en gesê: Die tyd is vervul en die koninkryk van God het naby gekom; bekeer julle en glo die evangelie. 

----------------------------------------------------------------------------------------------------------------------------------

GEDAGTE:

In die gelykenisse, verhale en leringe wat Jesus gegee het oor die Koninkryk van God,

stel Hy voor dat die Koninkryk in so 'n mate begeer moet word, dat die mens bereid moet wees om alles op te gee daarvoor en dit bo wereldse dinge moet soek 

(Matt. 13:44,45)(Matt. 6:21)(Matt. 19:21,29)(Luk. 14:33)(Hebr. 10:34)(Luk. 18:23,24)(Hand. 2:44-47; 4:32-35)(Hebr. 11:24-26)(Fil. 3:7-9). 

 ---------------------------------------------------------------------------------------------------------------------------------

http://warechristene.blogspot.co.nz/2012/06/aan-hom-wat-oorwin-sal-ek-gee-om-saam.html

http://warechristene.blogspot.co.nz/2012/12/jesus-christus-se-koninkryk-die.html

Die Gelowige 'n Boom

------------------------------------------------------------------------------------------------------------

EERSTE GROEP:  Dit verwys na Ware gelowiges (koring) word deur die Seun v/d Mens (Jesus die Christus) in die wereld gesaai - HULLE DRA GOEIE VRUG (word genoem:  "vrug tot heiligmaking" of "vrug vir die ewige lewe").  Let wel dat die KORINGKORREL nie kan leef, as dit nie eers gesterwe het nie - hierdie verwys nie net na hoe ons die eie-ek moet kruisig nie, maar verwys ook na hoe die wat "vrug dra" ("die wat hulle lewe verloor"), sal opstaan tot lewe! ("die opstanding", ewige lewe, verheerlikte liggame).

MIDDELSTE GROEP:  Dit verwys na Voorgee-gelowiges (onkruid) word deur die duiwel gesaai onder die koring (word onder die ware gelowiges gesaai) - HULLE DRA SLEGTE VRUG (wat miskien lyk soos goeie vrug, maar is nie gedoen uit "diensbaarheid aan God" nie).  In die geval van die voorgee-Christen, gee hy voor dat hy die Here ken, of dat hy in die Here bly, of dat hy gehoorsaam is aan Hom ens. - daarom gaan hy slegte vrug dra, want die vrug wat hy dra is nie uit diensbaarheid aan God nie, maar uit diensbaarheid aan homself!

DERDE GROEP:  Dit verwys ook na Ware gelowiges (koring) wat wel begin goeie vrug dra, maar die vrug word verstik deur die sorge, begeerlikhede, rykdom en genietinge van die lewe.  So iemand VERLOOR SY VRUG - "hy raak onvrugbaar" of "dra geen ryp vrug nie". Hy hou nie vas aan die geloof nie, gee nie ag op die waarheid nie, en begin om weer die sonde of sy eie wil te dien.  Die gevolg is dat hy vervloek sal word soos die vyeboom wat geen vye gedra het nie - hy sal uitgekap word en in die vuur gegooi word. 

========================================================================

GEDAGTE:

Die tema van "vrug dra" (goeie vrugte; vrug vir die ewige lewe; vrug tot heiligmaking), gaan spesifiek oor iemand wat 'n DIENSKNEG is, iemand wat DIENSBAAR IS AAN GOD (Rom. 6).  Alhoewel vrug verwys na goeie dade, optrede, die manier hoe iemand praat ens., moet dit nie gesien word soos werke nie, maar eerder soos "loon", m.a.w. "loon wat iemand verdien wanneer hulle die evangelie verkondig", of "loon omdat hy in die Here bly", of "loon omdat hy ag gee op die waarheid" ens.   Dit gaan oor gehoorsaamheid;  m.a.w. iemand dra vrug OMDAT hy in die Here bly, OMDAT hy doen wat die Here hom beveel, OMDAT hy die Here KEN....OMDAT hy gehoorsaam is aan die Here - hy DIEN DIE HERE (hy is 'n dienskneg).

MAAR DIESELFDE KAN NIE VAN DIE "ONKRUID" GESE WORD NIE.  Die persoon wat voorgee dat hy gelowig is, dra "slegte vrugte".

Jesus het vir ons geleer dat ons 'n valse profeet aan sy vrugte sal ken. Die valse profeet dra slegte vrugte (hy dra m.a.w. "vrug", maar dit is nie vrug uit diensbaarheid aan God nie - hulle vrug is nie "uit gehoorsaamheid aan die Here" nie;  dit is nie vrug vir die ewige lewe, of vrug tot heiligmaking nie). Dit is iemand wat voorgee dat hy gehoorsaam is aan die Here en Hom dien, maar hy het nie Sy WAARHEID lief nie en gee ag op mensgemaakte wette i.p.v. OM gehoorsaam te wees aan die Here. Hulle laat die swaarste dele van die wet na, nl. die reg (om reg te oordeel), barmhartigheid, en trou (geloof)(Matt. 23:23). Baie van die Fariseers en Skrifgeleerdes was so 'n vb. - Jesus het hulle genoem, "geveinsdes" (wat beteken "akteurs).  Hulle het voorgegee dat hulle die Vader ken, tog het hulle nie Sy Seun aanvaar nie en hulle wette bo "gehoorsaamheid aan die Here" gestel. Dit wat "hulle geglo het die waarheid is", was m.a.w. vir hulle belangriker as wat "die waarheid was"!  Hulle hoop was in die manier "hoe hulle sien", nie soos die Here sien nie (m.a.w., hulle het hulle nie regtig bekeer tot die Here nie - bekeer van die manier hoe hulle "sien" of dink nie - juis dit wat Johannes die Doper hulle geroep het om te doen, het hulle nie gedoen nie!).  Hulle het in opstand gekom teen die waarheid wat Jesus verkondig het (die evangelie van die koninkryk) en teen die Gees van God;  hulle was onbarmhartig en het baie verkeerd geoordeel. Jesus het prontuit verklaar dat hulle nie regtig die Vader ken nie!  Hulle het hulself gesien as "kinders van die koninkryk" (omdat hulle kinders van Abraham is), maar het nie die voorwaardes nagekom om in te gaan in die koninkryk nie (daardie natuurlike takke is afgesny, maar dit beteken nou nie dat die Here hulle nie kan terug inent nie).  So is daar baie gelowiges vandag wat voorgee dat hulle "kinders van die koninkryk is" omdat hulle hul laat doop het (die Christelike doop)(hulle gee voor dat hulle glo), maar as hulle nie die voorwaardes nakom nie, sal hulle ook nie in die koninkryk van God ingaan nie.  Die wat nie gehoorsaam is aan die Here nie, en nie ag gee op die waarheid nie, en nie ag gee op Jesus se leringe oor Sy koninkryk nie, staan die gevaar om afgesny te word.  So sal baie na die bruilof gaan, maar uitgegooi word omdat hulle nie 'n bruilofskleed aan het nie... hulle gaan asof hulle deel is van die kinders van die koninkryk, maar daar sal gevind word dat hulle nie regtig die Here GEKEN HET NIE! 

----------------------------------------------------------------------------------------------------------

http://sondagskooltuis.blogspot.co.nz/2014/07/inligting-oor-die-vrug-van-die-gelowige.html

http://warechristene.blogspot.co.nz/2014/03/die-wet-en-die-profete-evangelie-vd.html

'n Heilige Priesterdom, 'n volk as EIENDOM verky

Vandag verstaan ons nie altyd wat bedoel word met die woorde " 'n heilige priesterdom" nie, maar in die eerste gemeentes was dit nie 'n vreemde begrip nie. Kyk bv. hoe die volk van God 'n "heilige priesterdom" genoem word in 1 Pet. 2:5, en 'n "koninklike priesterdom" (v. 9). In die boek van Openbaring word dit veral gebruik in konteks met die feit dat Christus ons met Sy bloed gekoop het en dat Hy die eersgeborene is uit die dode - Openb. 1:5,6 en 5:9,10 - m.a.w.,  dit gaan oor die feit dat die tweede dood geen mag het oor die gelowiges nie. Dit word ook in konteks gebruik met die feit dat ons "saam met Hom sal regeer". Hierdie beloftes was spesifiek gemaak aan die volk van God (sou hulle die voorwaardes nakom!) - Eks. 19:5,6: "As julle dan nou terdeë na my stem luister en my verbond hou (VOORWAARDE), sal julle my eiendom uit al die volke wees, want die hele aarde is myne (BELOFTE). En júlle sal vir My ‘n koninkryk van priesters en ‘n heilige nasie wees. Dit is die woorde wat jy aan die kinders van Israel moet meedeel" (kyk ook Jes. 61:6). Die belofte dat die heiliges van die Allerhoogste die koningskap sal ontvang en dat hulle die koninkryk in besit sal neem (tot in ewigheid!), was iets waarop die kinders van die Here nog altyd gewag het.
------------------------------------------------------------------------------------------------------------
Volgens Joodse tradisie wil dit voorkom asof die oudste seun (Joodse seun/Hebreer) oorspronklik die pligte van PRIESTER gekry het.  Die eersgeborene moes aan die Here opgedra word sodat hy hierdie pligte kon uitvoer. Die EERSGEBORE SEUN was dus die priester van die familie.  Die woord "priester" verwys na die een wat in beheer is, maar gaan nie noodwendig oor status nie!;  alhoewel daardie persoon 'n besonderse plek het.  Die plek van om in beheer te wees, het gegaan oor VERANTWOORDELIKHEID TEENOOR DIE HERE.  Die priester was die een wat die kennis bewaar; hy moes onderrig gee en was 'n boodskapper van die Here; die een wat na die wil van die Here gevra het (ter wille van die familie) en die een wat gesorg het dat die Vader se wil uitgevoer word en daar VERSOENING gedoen word vir die familie, asook in die Here se Naam seeninge uitgespreek word. Hy moes ook geregtelike uitspraak gee, en uitspraak op sake van twis en verwonding. - Vir skrifte hieroor, gaan na: http://warechristene.blogspot.co.nz/2015/04/eersgeborenes-en-eerstelingepriesters.html

DIE WOORD "EERSGEBORENES" HOU DUS DIREK VERBAND MET DIE WOORD "PRIESTERS".  Die volk Israel is ook gesien as " 'n eersgebore seun van die Here" tussen die volke (en die EERSTELINGE van Sy opbrings)(Jer. 2:3) - daarom sal almal wat in opstand kom teen Sy volk, skuld op hulleself laai...   Dit is nie net die eersborenes onder die volk wat gesien was soos priesters nie, maar die hele volk was as 'n PRIESTERLIKE VOLK gesien - 'n volk wat die Here dien. Daarom was daar spesifieke verwagtinge aan die hele volk in geheel gestel. En natuurlik sorg die Here altyd vir Sy priesters!  In die geval van die eersgebore seuns onder die volk, het hulle bv. 'n dubbele porsie geerf (Deut. 21:17);  en kyk ook die priesterlike Levitiese stam wat al die tiendes en eerstelinge van alles gekry het... Hulle was in die Here se diens en was "beloon" vir hulle diens.  In die geval van die volk van God (wie soos 'n eersgebore seun is vir Hom - Eks. 4:22), is hulle 'n priesterdom vir Hom en in Sy diens - en dit is aan hulle vir wie Hy Sy koninkryk belowe - hulle sal saam met Hom soos konings en priesters regeer, maar die wat nie die voorwaardes nakom nie en Hom nie dien nie (Hom nie gehoorsaam), sal nie die belofte deelagtig raak nie... Kyk maar bv. hoeveel gevalle is daar van mense wat hulle eersgeboortereg verloor het a.g.v. ongehoorsaamheid en ongeloof! ( http://warechristene.blogspot.co.nz/2015/04/eersgeborenes-en-eerstelingepriesters.html ).

Nie net het God die volk van Israel 'n eersgebore seun van Hom genoem nie, maar Hy gaan verder en verklaar dat alle eersborenes onder die kinders van Israel, aan Hom behoort! (Eks. 4:22,23; 13:2). Maar na die insident van die goue kalf, was die priesterlike pligte weggeneem van die eersgebore seuns, en aan die stam van die Leviete gegee (Num. 3:41-51) - op dieselfde tyd wat dit gebeur het, was die instelling dat elke eersgeborene losgekoop moes word... Hulle het hulle eersgeboortereg EN PRIESTERLIKE PLIGTE verloor a.g.v. ongehoorsaamheid en ongeloof.  Die Leviete het die pligte gekry van die eersgebore seuns, en moes die volk lei daarin om die Here te dien deur na Sy stem te luister en Sy verbond te hou.  Maar ook was die hele volk soos 'n eersgebore seun vir die Here, want hulle was soos priesters vir Hom in hierdie wereld.  Dit was die volk ("as 'n eersgebore seun") se plig om Sy kennis te bewaar, en die Here het profete uit die volk gekies om vir Hom boodskappers te wees en die wil van die Vader aan die volk bekend te maak. Die Levitiese priesters het die pligte gehad van om versoening te bewerkstellig asook geregtelike uitsprake te maak.      
------------------------------------------------------------------------------------------------------------

GEDAGTE:

WIE WORD IN DIE N.T. GESIEN AS DIE HERE SE "konings en PRIESTERS"?:
-  Volgens Openb. 20:6 is dit die wat deel het aan die eerste opstanding; M.A.W. "CHRISTENE" (JODE EN HEIDENE WAT TOT GELOOF GEKOM HET IN CHRISTUS JESUS, en die wat opgewek sal word tot lewe) - hulle is deur die geloof "kinders van Abraham" en kinders van die belofte (Gal. 3:7-9; Rom. 11:24)(Gal 3:29 - "En as julle aan Christus behoort, dan is julle die nageslag van Abraham en volgens die belofte erfgename")(Ef. 3:6). Vgl. dit ook met Rom. 11, met hoe die wat in Christus kom, ingeënt word op die olyfboom...

-  Volgens Openb. 5:9,10, die 24 ouderlinge (wat ook kan verwys na die wat in Christus is)

-  Volgens Openb. 1:4-6, die sewe gemeentes (wat ook kan verwys na alle Christelike gemeentes)

-  Volgens 1Pe 2:5, die gelowige Jode wat in die verstrooiing is;  (die heiliges en gelowiges in Christus Jesus - vgl. ook met Ef. 2:19).

As ons dan nou "konings en priesters" gemaak is in Christus vir Sy Vader, dan is ons besig om die Vader te dien.  Ons is dan 'n priesterlike volk in Sy diens, wat die belofte ontvang dat ons Sy koninkryk gaan beerwe, maar niemand kan die belofte van die koninkryk beerwe as hulle nie die voorwaardes nakom nie (Hebr. 3:11-19)(Matt. 7:21). Ons kan nie bely ons GLO, maar ons dien nie die Here nie / doen nie Sy wil nie (want dan sal ons ook ons posisie verloor, net soos baie eersgeborenes hulle eersgeboortereg en priesterlike pligte verloor het a.g.v. ongehoorsaamheid en ongeloof).  Ons is 'n priesterdom, 'n heilige volk en 'n volk AS EIENDOM VERKRY - ons behoort aan die Here en is in Sy diens (nie in ons eie diens nie!).  Ons moet Sy kennis bewaar, boodskappers vir Hom wees en die wil van die Vader doen.  In Christus is daar vir ons versoening gedoen. Hy is die ewige hoepriester - Hy het vir ons die waarheid gebring, en die wil van Sy Vader volbring. Hy kom terug om te oordeel, en ons sal saam met Hom regeer (en oordeel,1 Kor. 6:2).

(Heb 12:22,23 - "Maar julle het gekom by die berg Sion en die stad van die lewende God, die hemelse Jerusalem en tien duisende engele, by die feestelike vergadering en die gemeente van eersgeborenes wat in die hemele opgeskrywe is, en by God, die Regter van almal, en by die geeste van die volmaakte regverdiges").

(1Pe 2:9,10 - "Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is").

_________________________________________________________________________________

http://warechristene.blogspot.co.nz/2015/04/eersgeborenes-en-eerstelingepriesters.html
http://warechristene.blogspot.co.nz/2015/03/die-koninklike-geslag-uit-die-stam-van.html
http://warechristene.blogspot.co.nz/2013/07/en-ons-gemaak-het-konings-en-priesters.html

Die een wat in eie naam uitgaan

Toe die Messias die eerste keer gekom het, het baie van die wat gebore is uit die geslag van Jakob, en wie gesien is as "kinders van die koninkryk",  Hom nie aangeneem nie.  Diesulkes van die Joodse volk wat Hom nie aanneem nie, wag steeds op die koms van die Messias.  En alhoewel sommige van hulle beweer dat dit om en dieselfde is asof Christene wag vir Hom om terug te kom, en hulle vir Hom wag om nog te kom, is die waarheid eerder dat hulle 'n valse messias sal aanvaar omdat hulle nie vir Christus Jesus aangeneem het nie.
------------------------------------------------------------------------------------------------------------
Hulle wag nie op dieselfde Messias (nl. Christus Jesus) wat gaan terugkom nie, maar wag nog op "die koms van 'n messias". Dit is baie gevaarlik, want omdat hulle die ware Messias nie wou aanvaar nie, maak dit hulle gereed om 'n valse te aanvaar. Dat die Joodse volk 'n valse messias gaan aanneem,  is iets wat Christus self gese het gaan gebeur:  (Joh 5:43 - "Ek het gekom in die Naam van my Vader, en julle neem My nie aan nie. As ‘n ander een in sy eie naam kom, hóm sal julle aanneem"). Die valse messias sal in sy eie naam kom, en sal dus nie die wil van die Vader doen nie, maar sy eie wil en sy eie woorde gebruik.
- Ons verwag 'n Messias wat terugkom OP DIE WOLKE; 
- Hulle verwag 'n Messias wat nog moet kom, een wat gebore sal word/gebore is uit die midde van hulle broers.  En tereg verstaan hulle dat God 'n Profeet sou verwek UIT DIE MIDDE VAN HULLE BROERS in wie se mond Hy Sy woorde sou le (soos Moses geprofeteer het)(Deut. 18:17-19(Joh. 1:45,46)), maar toe Hy gekom het, het hulle Hom nie aangeneem nie en nie na Hom geluister nie!  Die wat egter nie na Hom luister nie, sal deur Moses en deur die woorde wat Hy gespreek het, geoordeel word op die laaste dag (Joh. 12:48)(Joh 5:45).
 ------------------------------------------------------------------------------------------------------------

Vele Rabbis is vandag van mening dat die koms van die "Joodse Messias" naby is, o.a. Rabbi Chaim Kanievsky wat probeer om mense van Joodse afkoms terug te roep na die land toe, omdat (volgens hom) die koms van die Messias om die draai is (http://www.breakingisraelnews.com/44534/leading-israeli-rabbi-messiah-imminent-jewish-world/#smVUlcKlKZAdkT3z.97). En daarmee bedoel hy nie dat die "wederkoms" van Christus Jesus naby is nie, maar verwag die "koms" van 'n messias.  As hulle 'n ander een wat in sy eie naam kom, ontvang, dan sal Jesus Christus se woorde in Joh. 5:43 vervul word, en dit sal inderdaad 'n valse messias wees!   Die ene Rabbi Kaduri wat gese het dat hy die Messias ontmoet het deur 'n visioen, het bv. ook die opmerking gemaak dat die messias alreeds in Israel is!  Hy het ook gese dat die messias se siel hom aangekleef het tot 'n persoon in Israel en vertel hoe hy aan die begin geen amp sal he nie, maar tussen die mense sal wees en die media gebruik om met die mense te kommunikeer.  Volgens hom sal almal nie onmiddellik glo in hierdie messias nie, maar sy openbaarmaking sal in twee dele geskied.  Rabbi Kaduri het ook die stelling gemaak dat die messias self nie eens oorspronklik sal weet dat hy die messias is nie (!??)...  Dit wat Kaduri van die messias vertel het, is definitief anders as die Messias waarvoor ons wag wat terloops definitief weet wie Hy self is! en met die wolke sal terugkom! En alhoewel Kaduri vir sy dissipels geleer het dat Jesus die Messias is, het hy net 'n halwe evangelie gebring en glad nie die opstanding gepreek nie.  Ons weet ook dat daar baie valse messiasse in hierdie wereld al uitgegaan het, en baie van hulle gaan uit onder die naam van "Jesus".  Ons weet ook dat ons geloof waardeloos is as Christus nie opgestaan het uit die dood nie!, so om glad nie die opstanding te preek nie, is soos om 'n ANDER EVANGELIE te preek.  Mag ons tog bid dat daardie dissipels van Kaduri die volle evangelie sal hoor, en dat die wat wel tot volle insig kom, nie beweeg sal word deur die valse messias wat deur Kaduri verkondig is nie...
------------------------------------------------------------------------------------------------------------ 'n Oorblyfsel van die volk sal wel op die ou end hulle bekeer tot Here, EN HULLE SAL OPSIEN NA DIE EEN (Christus Jesus) VIR WIE HULLE DEURBOOR HET.....EN BITTERLIK OOR HOM WEEN...... (Sag. 12:10), maar voor dit gebeur leer ons uit die Skrif dat die Joodse volk 'n valse messias sal aanvaar. Die Skrif is duidelik dat die "die Antichris" ('n valse messias) sy plek in die tempel inneem asof God - dus voorgee "dat hy God is" (2 Thess. 2:4), en wil lyk of dit aan die begin sal wees van die Groot Verdrukking (en sy regering sal 3 en half jaar duur).  Teen daardie tyd sal die (3de) tempel m.a.w. klaar gebou wees.  Baie Jode is ook van mening dat hierdie messias die bou van die tempel gaan waarneem en hulle wag op sy verdere instruksies., m.a.w. volgens hulle gaan die bou van die tempel eers begin wanneer die messias gekom het (http://www.breakingisraelnews.com/45847/will-god-or-the-messiah-build-the-third-holy-temple/#HfsMlTCAPv7a4zpe.97). Alhoewel God steeds omgee vir die Joodse volk en die derde tempel ook gesien word as " 'n tempel van God" (Openb. 11:1), moet ons dit nie verwar met die tempel van Eseg. 40 nie.  Die tempel wat in Eseg. 40 - 48 beskryf word is wel 'n tempel wat gebou gaan word wanneer die Messias terugkom en dit sal ook Sy paleis wees, maar dit sal nie plaasvind voor die wederkoms nie en moet gesien word as 'n " 4de tempel". Die derde tempel is egter 'n tempel wat gebou sal word in die laaste dae voor die wederkoms en ook die tempel waarin die Antichris sal gaan sit asof hy God is...  
_________________________________________________________________________________

GEDAGTE:

Die woorde "kinders van Abraham", verwys na die wat die beloftes ontvang het en die hoop het TOT OPSTANDING. Maar, al is die beloftes gemaak aan die kinders van Abraham, Isak, Jakob (Israel), sal niemand die beloftes deelagtig word as hulle nie ook die voorwaardes nakom nie. Hoe sal iemand dan deel he aan die opstanding as hulle nie glo in die Een wat ons gaan opwek tot lewe nie?  Hoe sal hulle saam met Hom regeer as hulle glad nie in Hom glo nie?  Daarom sal ook die wat behoort aan die Joodse volk, alhoewel God vir hulle omgee en hulle gesien word "as kinders van die Koninkryk" (en hulle die beloftes en hoop het van die opstanding), NIE INGAAN IN DIE KONINKRYK as hulle nie gehoorsaam is aan die Profeet waarvan Moses vir hulle vertel het nie;  nl. as hulle nie vir Jesus Christus as die Messias aanvaar nie! (Deut. 18:15).

Niemand kan in die koninkryk van God ingaan as hy nie weer gebore word nie! (Joh 3:3 - "Jesus antwoord en sê vir hom: Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie"). Niemand kan in die koninkryk van God ingaan slegs deur die "water" nie! Daar is 2 elemente van die wedergeboorte, nl. "die water" en "die Gees".  As iemand nie die Gees van God het nie, is hy nie weer gebore nie. Jesus Christus is die Een wat ons doop met Sy Gees.  As iemand nie glo in die EEN WAT ONS DOOP MET SY GEES NIE, dan sal hy nie die Gees van God ontvang nie en kan hy nie weergebore word nie en kan dus nie vrug begin dra tot die ewige lewe nie... Die belofte van die Heilige Gees was eeue voor die Messias gekom het, geprofeteer, en was direk gekoppel aan die koms van die Messias, en Johannes self het ook hiervan getuig: (Mar 1:8 - "Ek het julle wel met water gedoop, maar Hy sal julle doop met die Heilige Gees"). Om in die koninkryk van God in te gaan, moet jy 'n KIND VAN GOD wees - dit beteken dat jy Sy saad in jou moet he (m.a.w. "gebore uit God"). Jy kan nie 'n KIND VAN GOD wees as jy nie GEBORE IS UIT GOD nie. Jy kan nie gebore word uit God as jou sondes nie afgewas ("water") en jy nie vervul word met die Heilige Gees nie ("Gees").

_________________________________________________________________________________
http://warechristene.blogspot.co.nz/2014/02/weer-gebore-wedergeboorte-wedergebore.html
http://warechristene.blogspot.co.nz/2015/03/opsomming-antichris.html
http://warechristenedagstukkies.blogspot.co.nz/2015/01/dien-almal-wat-bely-hulle-is-christene.html
http://warechristenedagstukkies.blogspot.co.nz/2015/01/het-christene-moslems-en-jode-dieselfde.html
http://warechristene.blogspot.co.nz/2012/12/die-tempel-van-god.html

Die geloofwaardigheid van 'n komende Koninkryk van God op aarde

Alhoewel baie mense vandag glo dat die Bybel sommer net 'n boek is van opgemaakte stories, is die teendeel oor en oor bewys. Vele mense het bv. al oor die eeue probeer bewys dat Bybelse gebeure nie werklik is nie of bloot wetenskaplike verskynsels was, of probeer bewys dat Christus nie opgestaan het uit die dood nie, net om tot die slotsom te kom dat hulle verkeerd was. Die waarheid is die boeke vd Bybel elke moontlike toets alreeds geslaag!  Ook deur argeologie en ander geskrifte is keer op keer bewys dat historiese gebeure in die Bybel akkuraat en waar is;  inteendeel, geen ander boek vd antieke wêreld beskryf historiese gebeure so deeglik soos die boeke vd Bybel nie, en geen ander is so akkuraat nie.  Behalwe dit, is daar baie meer kopieë vd boeke vd Bybel wat oorleef het as wat daar is van enige ander antieke boek, en die vergelyking tussen manuskripte (iets soos meer as 24000 vd boeke vd Bybel) is ook baie akkuraat.

Die Bybel kan inderdaad as 'n geloofwaardige boek gesien word. Geleerdes gebruik verskillende toetse (bv. die interne, eksterne toets, bibliografiese toets..ens.) om die geloofwaardigheid en akkuraartheid van Bybelboeke te bepaal - een so 'n toets wat die Bybel ook loshande slaag, is die "profetiese toets".  Kyk maar hoe daar alreeds iets soos 2000 van die sowat 2500 profesieë in die Bybel woordeliks vervul is (en nie net min of meer reg was nie, maar woordeliks gebeur het presies soos dit geprofeteer was, sonder enige foute). 'n Komende koninkryk en Christus se wederkoms is ook deel van hierdie profesieë (in die Bybel)...  As die Bybel voorspel dat Christus gaan terugkom, Hy 'n koninkryk op aarde oprig, en as koning oor die hele aarde sal regeer, kan ons dit maar glo.  Deur al die woordeliks vervulde profesieë is daar al genoeg bewys dat profetiese boeke in die Bybel, dus hierdie profete, opreg was en hulle bron regtig die Here was.  Inderdaad kan so 'n profeet se woorde vertrou word. 

------------------------------------------------------------------------------------------------------------------------------

Jesus het self vir ons baie oor hierdie Koninkryk geleer (dit is immers een van die redes waarom Hy die eerste keer gekom het!)(Luk. 4:43; 8:1). Hy sit wel nou aan die regterhand van God (Mark. 16:19), maar Hy sal terugkom en hierdie ewige Koninkryk op aarde op te rig... (Hand. 1:11)(Luk 19:11,12 - "En terwyl hulle na hierdie dinge luister, vertel Hy daar nog ‘n gelykenis by, omdat Hy naby Jerusalem was en hulle gedink het dat die koninkryk van God onmiddellik sou verskyn. Hy het dan gesê: ‘n Man van hoë geboorte het na ‘n ver land gereis om vir homself ‘n koningskap te ontvang en dan terug te kom"). Die Bybel leer verder dat hierdie komende koninkryk alreeds berei is vd grondlegging vd wêreld af... (Matt. 25:34), en daar is van die vroegste tye af alreeds hieroor geprofeteer (in die dae van Genesis - Henog, sewende van Adam af; Jud. 1:14), oor hoe DIE HERE SAL KOM MET SY HEILIGE TIEN DUISENDTALLE.  Alhoewel die volk van God nie baie oor hierdie Koninkryk geweet het nie, het hulle dit altyd verwag. In Dan. 2:44 word o.a. geprofeteer van hierdie komende Koninkryk.  Bv., in 'n spesifieke reeks van 8 koninkryke wat mekaar opvolg (genoem in profesie) tot in die einde van dae net voor Jesus terugkom, verklaar Dan. 2 dat in die dae van die laaste van hierdie konings (nl. die 7de en 8ste of "verdeelde koninkryk"), DIE GOD VD HEMEL 'N KONINKRYK SAL VERWEK WAT IN EWIGHEID NIE VERNIETIG SAL WORD NIE (Dan. 2:44). 

----------------------------------------------------------------------------------------------------------------------------- 

Die evangelie oor die Koninkryk word somtyds verdraai, en terwyl dit eintlik deel is van die goeie boodskap/evangelie, hoor mense nie altyd die waarheid hieroor nie. In die tyd vd eerste kerke was daar ook alreeds baie verdraaide leringe in omloop deur mense wat hulleself gelowig genoem het maar iets anders verkondig het (het 'n "ander evangelie" verkondig -2 Kor. 11:4; Gal. 1:6). Hierdie soort leringe is bedoel om twyfel te saai en te keer dat die evangelie vd Koninkryk verkondig word, maar Jesus het geleer dat in die laaste dae die evangelie (vd Koninkryk) in die hele wêreld verkondig sal word!, tot ‘n getuienis vir al die nasies - en dan sal die einde kom... (Matt. 24:14). Niks sal hierdie komende Koninkryk kan stuit nie.

---------------------------------------------------------------------------------------------------------------------------- 

GEDAGTE:

Soos ons sien is die feit van 'n komende fisiese koninkryk op aarde waarin die Messias as Koning sal regeer oor die hele aarde, niks nuuts nie (Jer. 23:5) - en is alreeds 4000 jaar terug geprofeteer (Henog, Gen. 5; Jud. 1:14). Deur die eeue is die Here besig om vir Hom 'n volk (die "kinders van die Koninkryk")te versamel wat sal ingaan in hierdie (ewige) KONINKRYK (bv., "kinders vd geloof" - die wat gebore is uit 'n spesifieke geslagslyn, of hierdie "geboortereg" ontvang het deur geloof). 

Wanneer Jesus terugkom kom Hy wel om Sy ewige koninkryk op te rig en oor die aarde te regeer, maar natuurlik sal dit ook gepaardgaan met oordeel. Hy is die Een wie besluit wie in Sy koninkryk ingaan en wie nie. Bv., geen "vlees en bloed" (verganklikheid) kan die koninkryk beërwe nie (1 Kor. 15:50);  daarom, as iemand nie deel het aan die komende opstanding (tot lewe) nie (1 Kor. 15:50-58), dan kan hy nie ingaan in die Koninkryk nie, en Jesus Christus besluit wie sal opgewek word tot lewe, en wie tot veroordeling (Joh. 5:29). Die Vader het hierdie oordeel in Sy hande gegee. Ons moet ag gee op Jesus se leringe oor die Koninkryk, want baie sal nie gereed wees nie omdat hulle in 'n "ander evangelie" glo.

Die Christen, die "politikus"

Elke Christen kan gesien word soos 'n spreekbuis vir "die Here se party", vir Sy koninkryk - 'n koninkryk wat ons graag wil sien aan bewind kom en wat wel eendag letterlik aan bewind sal wees op aarde! Daar is reeds van die begin van dae hieroor geprofeteer van hoe die Here sal kom met Sy 10 000-talle... (Jud 1:14). Christus het ook Self na hierdie tyd verwys as die tyd wanneer Hy op Sy heerlike troon gaan sit...(Mat 25:31). Hy sal KONING wees oor die HELE AARDE en regeer (Ps. 47:2 (3). Hierdie feit word ook bevestig in vele ander skrifte en profesieë, bv. Jer. 23:5; Openb. 19:5; Ps. 2:8,9, ens. Die volk van God het nog altyd uitgesien na hierdie koninkryk, maar het nie altyd presies verstaan waaroor die koninkryk alles gaan nie;  inteendeel, die EVANGELIE daarvan was in die O.T. verborge. Hulle het natuurlik 'n "fisiese" aardse koninkryk verwag (wat wel steeds sal plaasvind wanneer Christus terugkom)(Hand. 1:6,7), maar hulle het nie goed verstaan dat die koninkryk ook "geestelik" van aard is nie;  en het nie besef dat daar 'n periode sou wees tussen Christus se eerste koms en Sy wederkoms nie (Luk 17:20), nl. die huidige (Christelike) "kerk-periode". Die profete het ook van hierdie koninkryk profeteer (en terloops van beide Christus se eerste koms asook Sy wederkoms), maar die huidige "geestelike" koninkryk, altans "die evangelie vd koninkryk", was ook vir hulle verborge (Ef. 3:9; Kol. 1:26). Oor hierdie "huidige geestelike" koninkryk het Christus baie te sê gehad (in die "evangelie van die koninkryk"), en het d.m.v. gelykenisse verborge dinge uitgespreek wat bedek was in die O.T. (Matt. 13:35). Christus het vir ons genoeg geleer oor Sy koninkryk, om te kan weet hoe ons deel word daarvan asook ons instaat stel om mense uit te nooi om deel te word van Sy koninkryk.

DIE KONINKRYK VAN GOD (die Here se "party") is wel op die oomblik meer figuurlik of geestelik van aard op aarde (en natuurlik letterlik hemels van aard), maar sal ook eendag 'n fisiese koninkryk wees op aarde. En Sy "fisiese" regering op aarde sal nie net vir 'n kort rukkie wees nie, maar sal begin wanneer Jesus terugkom (die "volgende eeu", vir 1000 jaar), en sal ook wees tot in ewigheid...
------------------------------------------------------------------------------------------------------------
Baie vra die vraag of Christene vir ewig in die hemel sal bly, of op aarde?  Dit is die algemene mening dat Christene huidiglik hemel toe gaan wanneer hulle doodgaan (alhoewel sommige hieroor verskil) en Christene se werklike tuiste (burgerskap) 'n hemelse is omdat hulle kinders van God is...  Die toekomstige erfenis wat egter aan die volk van God belowe word, word nie beskryf as "in die hemel nie", maar op "die aarde" (Ps. 37:9,11,22,29,34; Rom. 4:13...). Kyk bv. Matt. 5:5 - "Salig is die sagmoediges, want hulle sal  die aarde (Griekse woord, "ghay" - aarde, grond, land, wereld...) beërwe". Die belofte van die heiliges wat mag oor die nasies sal kry en die koninkryk saam met Christus in besit neem tot in ewigheid wanneer Hy terugkom, is deur verskeie profete geprofeteer - kyk o.a. Dan. 7 wat 'n goeie uitbeelding is van gebeure wat oploop tot in die laaste dae wanneer Christus terugkom en Sy koninkryk oprig - genoem "die einde van die wêreld". Gaan kyk ook waar die wederkoms beskrywe word in Openb. 19, waaruit ook duidelik afgelei kan word dat die nasies vir wie Hy met 'n ysterstaf sal regeer, "op aarde" is  (en Hy kom van die hemel na die aarde toe...).  En let wel hoe Paulus beskryf dat die wat die "wegraping" deelagtig gaan wees, nie die ontslapenes sal voor wees nie, want wanneer die Here Jesus Christus terugkom sal Hy die wat in Hom ontslaap het, SAAM MET HOM BRING (1 Thess. 4:14-16) en hulle sal eerste opstaan (opstanding), en daarna sal die Christene wat nog nie ontslaap het nie in 'n oogwink verander word ("wegraping"/deel van opstanding) - en hulle sal opgeneem word in die wolke en Hom daar ontmoet en vir altyd by Hom wees...  "Waar" ons vir altyd by Hom gaan wees en "waar" Hy gaan wees wanneer Hy terugkom, is egter nie in die hemel nie, maar op die aarde. Hy is op die oomblik in die hemel, aan die regterhand van God, maar wanneer Hy terugkom kom Hy na die aarde toe...(Hand. 1:11). Hierdie is die tyd wanneer Hy Sy ewige koninkryk sal oprig OP AARDE en die heiliges sal vir altyd by Hom wees en saam met Hom regeer (OP AARDE)(Dan. 2:44...). Ook aan die einde vd volgende eeu, in Openb. 21, wanneer 'n nuwe hemel en aarde beskryf word, en die nuwe stad Jerusalem (dus aan die einde vd volgende eeu) van God uit die hemel neerdaal (l.w., "op die AARDE"!), sal die heiliges in hierdie stad bly... - dus nie "in die hemel" vir ewig bly nie, maar op die aarde...
------------------------------------------------------------------------------------------------------------

GEDAGTE:

Christene word huidiglik uitgestuur om te "oes" (en mense uit te nooi na die bruilof vd Lam, wat sal gebeur wanneer Jesus terugkom - Matt. 22)(Joh. 4:35-37; Matt. 9:37,38). Alhoewel tye van "oes" gewoonlik in die Skrif gepaard gaan met "oordeel", verwys hierdie soort oes (waarin Christene soos diensknegte en arbeiders uitgestuur word) nie na oordeel nie, alhoewel mense 'n oordeel oor hulleself bring sou hulle die evangelie wegwys (Matt. 10:13,14; Mark. 6:11; Luk. 10:6; Hand. 13:51). Christene is soos spreekbuise vir die Here se koninkryk (vir Sy "party").

Christene verkondig die Here se party en nooi mense uit om deel te word van hierdie koninkryk (wat ons glo binnekort ook letterlik aan regering sal kom), maar wat is dit wat ons vir mense van hierdie regering vertel? Christene is alreeds deel van die "koninkryk van God" (geestelik) en staan vir hierdie "party", maar hoeveel verstaan ons regtig van hoedanig die Here se regering is en gaan wees (wanneer Hy terugkom), en wie in daardie regering toegelaat gaan word?  Ons moet seker maak dat dit wat ons oor hierdie party weet en verkondig die ware evangelie is (nie 'n "ander" of verdraaide nie). As ons nie weet wat presies die EVANGELIE VD KONINKRYK (Matt. 4:23; 9:35; 24:14; Mark. 1:14; Luk. 4:43; Luk. 8:1; 16:16; Hand. 8:12) behels nie, hoe sal ons mense uitnooi om deel te word van hierdie (letterlik komende) party? Om te staan vir die Here se party is 'n verantwoordelikheid wat nie ligtelik opgeneem moet word nie. Christene is soos 'n priesterdom vir die Here, en as priesters is ons veronderstel om o.a. vir Hom boodskappers te wees, Sy kennis bewaar, ens. Ons moet ag gee op wat Jesus geleer het oor Sy koninkryk. "Die evangelie vd koninkryk" is NIE " hoe elkeen dit beskryf " nie, maar Jesus het vir ons die evangelie of waarheid daaroor gebring - Hy besluit "wat is die evangelie". As ons bely dat ons in Hom glo, dan moet ons natuurlik ook in Sy leringe (oor die evangelie vd koninkryk) glo!

_________________________________________________________________________________

http://warechristene.blogspot.co.nz/2012/12/jesus-christus-se-koninkryk-die.html
http://eindtydonderwerpe.blogspot.co.nz/2017/07/hierdie-eeu-volgende-eeu.html
http://warechristene.blogspot.com/2013/01/die-evangelie.html
https://warechristene.blogspot.com/2013/01/evangelie-verkondiging.html
http://warechristene.blogspot.com/2015/03/die-koninklike-geslag-uit-die-stam-van.html
https://warechristene.blogspot.com/2015/04/eersgeborenes-en-eerstelingepriesters.html
http://eindtydonderwerpe.blogspot.co.nz/2017/06/wanneer-is-die-einde-van-die-wereld-en.html
http://eindtydonderwerpe.blogspot.com/2017/05/wie-is-die-bruid-van-christus.html
(http://warechristenedagstukkies.blogspot.com/2017/05/die-koninkryk-vd-hemele-is-soos-n_23.html);
(http://warechristenedagstukkies.blogspot.com/2017/06/die-koninkryk-vd-hemele-is-soos-n.html);
(http://warechristenedagstukkies.blogspot.com/2017/07/die-koninkryk-vd-hemele-is-soos-n_1.html).

Die Christelike Doop

Die Christelike doop was deel van die basiese leerstellings in die eerste kerke, en ook saam met die evangelie gepreek. Ander "basiese leerstellings" het behels:  - "bekering uit dooie werke", "geloof in God", "handoplegging", "die opstanding v/d dode" en die "ewige oordeel" (Hebr. 6:1,2). Elke Christen behoort 'n skriftelike kennis te he oor hierdie basiese leerstellings.

------------------------------------------------------------------------------------------------------------
Die dissipels het veral na die Christelike doop verwys as "die doop in Christus Jesus". En ook tereg, want die doop stel voor die DOOD EN OPSTANDING (tot lewe) - soos Christus gesterf het en opgestaan het (tot lewe). (Kol 2:12 - "omdat julle saam met Hom begrawe is in die doop, waarin julle ook saam opgewek is deur die geloof in die werking van God wat Hom uit die dode opgewek het").  Alhoewel die Christelike doop ook deels verwys na die vergifnis van sonde, is dit nie presies dieselfde as die doop van Johannes nie, want die doop van Johannes was 'n doop van "bekering" (die volk het hulle "sonde bely" en hulle bekeer van die manier "hoe hulle dink") - dit het dus ook wel gewys op vergifnis van sonde, maar met die doel om die volk gereed te kry vir die Een wat aan die kom was.  Johannes se bediening het vingers gewys na Christus Jesus, en sy doel was om die pad voor te berei vir die Messias. Die bekering met sy doop as 'n teken daarvan, was noodsaaklik.  Dat die volk hulle sou bekeer tot die Here wanneer die Messias terugkom en Hy Sy koninkryk gaan oprig, is lank tevore deur die profete voorspel (die Joodse volk sal weer deur hierdie bekering gaan voor die Messias terugkom) (Hos. 3:5; Sag. 12:10). Daarom het Johannes ook die woorde gebruik, "want die koninkryk v/d hemele het naby gekom" - vir baie eeue het hulle uitgesien na hierdie koninkryk waarin die Messias vanuit Jerusalem sou regeer oor die hele aarde. Johannes se doel was dus om die kinders van Israel tot bekering te roep en om vir die Here 'n toegeruste volk voor te berei (Luk. 1:15,16).  Hy kan gesien word as "Elia wat sou kom" (Matt. 11:14; Mal. 4:5,6).

Die Christelike doop aan die ander kant, verwys nie alleen na vergifnis van sondes nie, maar verwys ook na geloof in Christus Jesus, die Seun van God;  m.a.w., geloof in die EEN WAT SONDES VERGEWE;  Hy het die SLEUTELS VAN DIE DODERYK en sal besluit wie opstaan tot lewe en wie nie, en Hy GEE vir ons (doop ons in) DIE HEILIGE GEES (en ons sal ingaan in Sy koninkryk...). Bekering is dus 'n voorwaarde, maar as hulle nie ook GLO in die Een (wat gekom het), die Een wat hulle opwek tot lewe en vir hulle die Heilige Gees gee nie, hoe kan hulle dan ingaan in Sy koninkryk? (want as jy nie gewederbaar is deur die Gees nie, dan kan jy nie in Sy koninkryk ingaan nie). Wat help dit hulle kom tot bekering, maar hulle aanvaar nie die Een wat hulle kan opwek tot lewe en inneem in die koninkryk nie?  Daarom sien ons 'n vb. in Hand. 19 van dissipels wat wel gedoop was in die doop van Johannes, maar nog nie die Heilige Gees ontvang het nie. Christus is die Een wat mense doop met Sy Gees en gehoorsaamheid en geloof word vereis voor iemand die Heilige Gees ontvang. Hierdie mense in Hand. 19 is toe "weer gedoop", maar hierdie keer "met die doop in Christus Jesus" en toe het hulle die Heilige Gees ontvang.  Dit beteken egter nie dat die waterdoop 'n voorwaarde is vir die doping in die Heilige Gees nie, want daar is vb.e van mense wat wel die Heilige Gees ontvang het nog voor hulle deur die waterdoop is (Hand. 10:47,48),  maar wat dit beteken, is dat die Christelike doop 'n bewys is van geloof in die EEN (nl. geloof in Christus Jesus) WAT ONS DOOP MET SY GEES. Terloops, dit beteken egter ook nie dat iemand altyd outomaties die Heilige Gees ontvang direk na hy gedoop is nie! (Hand. 8:15-17; 10:47,48)  -  in sommige gevalle ontvang mense nie onmiddellik die Heilige Gees nie;  maar dan is daar weer gevalle waar mense onmiddellik die Gees ontvang wanneer hulle gedoop is (Hand. 2:38).  Dit is dus duidelik dat dit nie gaan oor "of iemand gedoop is" nie, maar eerder oor "of hy hom bekeer het en glo", waarvan die opdrag van die waterdoop dan 'n teken is (en ons behoort gehoorsaam te wees aan hierdie opdrag).
------------------------------------------------------------------------------------------------------------
Die doop in Christus Jesus, wat wel geskied in die Naam van die Vader en die Seun en die Heilige Gees (Matt. 28:19), stel 3 dinge voor:

-(1)  DIT WYS OP DIE VERGEWING VAN SONDES (volkome vergifnis deur Christus se bloed en liggaam wat vir ons gebreek is, omdat ons ons bekeer en GLO );
-(2)  DIT WYS OP 'N NUWE LEWE, AFGESONDER VIR DIE HERE (dit wys m.a.w. op die bekering en belydenis van sonde, en die ontvang van die Heilige Gees wat ons nuut maak van binne, en wys op die pad van godsaligheid)(dit simboliseer ook die dood en opstanding:  soos Christus gesterf het, word ons begrawe saam met Hom in Sy dood, m.a.w. "ons wil nie meer die sonde dien nie;  en soos Hy opgestaan het uit die dood, staan ons op in 'n nuwe lewe, m.a.w. 'n lewe waarin "ons Hom dien", nie meer onsself dien nie - geloof);
-(3)  en DIT WYS OP DIE OPSTANDING TOT LEWE  (Die term "nuwe lewe" verwys nie alleen na die Christen nou "op die pad van godsaligheid" nie, maar verwys ook na hoe die Here Jesus Christus ons gaan opwek op daardie dag wanneer Hy terugkom (die opstanding) - dan ontvang ons die opstanding tot lewe, m.a.w. "ewige lewe", en dan is die dood eers finaal oorwin! M.a.w., die liggaam waarin Jesus opgestaan het (Rom. 6:9,10), en wat vir die gelowige dienskneg belowe word, nl. die wat Hom dien en in Hom glo).
------------------------------------------------------------------------------------------------------------

GEDAGTE:


Alhoewel ons nie gered word deur die doop self nie, is dit 'n teken van BEKERING EN GELOOF ('n teken van ons redding) - ook 'n teken van die hoop op die beloftes wat diesulkes ontvang wat in Hom glo. 

As ons in Christus gedoop is, het ons ons MET CHRISTUS BEKLEE - dan word ons gesien AS DEEL VAN DIE NAGESLAG VAN ABRAHAM EN IS DAN VOLGENS DIE BELOFTE, ERFGENAME! (Gal. 3:24-29)(ons word dus gesien as "deel van God se volk")(jy wat 'n wilde olyfboom was, is onder hulle ingeent en het deel gekry aan die wortel v/d "mak" olyfboom...Rom. 11). Ons is dan ook "kinders van die koninkryk".  En net soos die seuns besny is en so uitgesonder is as diensknegte vir die Here, so is ons deur die doop "besny", maar nie 'n besnydenis wat met hande verrig is nie, maar deur die liggaam van die sondige vlees af te le (ons was m.a.w. dood deur die misdade en onbesnedenheid van ons vlees, maar nou lewend gemaak vir Hom, om Hom te dien - afgesonder vir Hom..., 'n volk van eersgeborenes!)(Kol. 2:11-13).

_________________________________________________________________________________
http://warechristene.blogspot.co.nz/2013/09/die-christelike-doop.html
http://warechristene.blogspot.co.nz/2013/08/die-opstanding-dooies-sal-herlewe.html

Die koninkryk vd hemele is soos 'n koning wat 'n bruilof vir sy seun berei het (2)

Wat Christus vir ons geleer het uit die gelykenis waarin Hy die koninkryk vd hemele beskryf het as "soos ‘n koning wat ‘n bruilof vir sy seun berei het" (Matt. 22:1-14), leer Hy dat die wat eendag SONDER  KLEED opdaag by die bruilof, uitgegooi sal word uit die bruilofsaal... (Matt. 22:12,13). Hierdie verwys natuurlik na die "SONDER" kleed, en kan deels verwys na die wat nog nie 'n nuwe kleed gekry het nie (soos ons hieronder sal sien), maar kan ook verwys na die wat wel 'n kleed gekry het, maar dit nie bewaar het nie (sien vorige dagstukkie-http://warechristenedagstukkies.blogspot.co.nz/2017/05/die-koninkryk-vd-hemele-is-soos-n_23.html),  en dus dan sonder kleed opeindig...
------------------------------------------------------------------------------------------------------------
Wanneer Christus praat oor die belanrikheid van "om te vas" wanneer Hy, die BRUIDEGOM, weg is, dan vgl. Hy die kind van God met 'n "nuwe leersak" (Matt. 9:17);  wat ook vgl. word met 'n kleed (Matt. 9:16) (soos om 'n nuwe KLEED te kry). In die betrokke gedeelte verduidelik Hy dat "om te vas" is soos om die nuwe leersak (die persoon wat wedergebore is) te vul met nuwe wyn (te vul met die Here se woorde - Sy wysheid en kennis - geestelike voedsel). Die een wat tot bekering kom, bekeer veral van die manier hoe hy "sien" (en daarom begeer hy hierdie voedsel vd Here).  Dit is ook terloops veral waarna die woord bekering verwys het toe Jesus (en Johannes die doper) die mense opgeroep het tot BEKERING, nl. om jou te bekeer van die manier hoe jy "SIEN"!  Jesus se leringe het baie hieroor gegaan, oor hoe ons moet HOOR.  Deur "vas" RAADPLEEG ons die Here en soek Sy voedsel (nuwe wyn).  Let wel dat hierdie voedsel of nuwe wyn nie verwys na die Heilige Gees nie, maar verwys na die Here se woorde, Sy wysheid en kennis - en die Gees lei en leer en oortuig ons hierin/van (-om meer te leer oor "vas", voorwaardes ens., gaan na: http://warechristene.blogspot.co.nz/2016/01/om-te-vas.html)------------------------------------------------------------------------------------------------------------Somtyds laat die Here toe dat ons fisies honger het of 'n tekort het aan sekere kosse (soos Hy met die volk in die woestyn gemaak het) - met die doel om vir ons daardeur te leer dat DIE MENS NIE VAN BROOD ALLEEN LEWE NIE, MAAR VAN ELKE WOORD WAT UIT DIE MOND VAN GOD UITGAAN (Deu 8:3). 'n Christen wat nie tyd met die Here spandeer nie, of nooit tyd maak vir vas nie, sal vind dat iets skort, want ons is nie gemaak om van brood alleen te lewe nie!  Elkeen van ons het die woorde wat uit God se mond uitgaan, NODIG. (Mat 9:15)(Matt. 17:21; 9:16,17).  Baie Christene is vandag HONGER, en is bv. desperaat en voel daar's geen uitkoms of voel onseker of onvergenoegd of watookal, maar in hulle "hongerte" gaan soek hulle dan antwoorde op verkeerde plekke!??, terwyl wat hulle eintlik moet doen is om tyd te maak met die Here, en/of te vas, en Sy woorde te bepeins....  Wie is dit vir wie ons raadpleeg wanneer ons "honger" het? (Joh 6:35). 

------------------------------------------------------------------------------------------------------------

GEDAGTE:

Die bruilofsgaste wat eendag na die bruilof gaan, het nou nodig om te vas terwyl die Bruidegom weg is (Matt. 9:15) sodat hulle van hierdie nuwe wyn kan kry. Maar wat met sekere bruilofsgaste of GEROEPENES gebeur, is dat wanneer hulle hierdie nuwe wyn in hulle sakke gooi, dit nie hou nie!  Christus het die beeldspraak gebruik dat dit is soos om 'n NUWE STUK LAP OP 'N OU KLEED TE LAP! - wat dan gebeur is dat die aangelapte stuk skeur van die kleed af en daar kom 'n erger skeur... (Mat 9:16). Hulle het dus nog nie 'n nuwe kleed gekry nie, alhoewel hulle deel is van die geroepenes...!  Die rede hiervoor? - nie alle GEROEPENES het hulle tot die Here Jesus Christus BEKEER nie. En omdat hulle hul nog nie BEKEER het van die manier hoe hulle SIEN nie, glo hulle nie die EVANGELIE vd koninkryk nie.  Hulle soek hierdie nuwe wyn (vd evangelie) en sit onder die geklank van Christus se woorde, maar hulle "HOOR" nie. In so 'n geval sal die woorde van die evangelie hulle nie verander nie, want die ou sakke kan nie die nuwe wyn dra nie (Matt. 9:15-17). Toe Christus die eerste keer gekom het, het die volk van God gesit onder die geklank van Sy woorde terwyl Hy vir hulle hierdie evangelie van die koninkryk gebring het, maar nie almal het in Hom en in die evangelie geglo nie. Hulle het nog die ou wyn begeer. Hulle het voorgegee dat hulle die Vader ken, maar hulle het nie, want as hulle Hom werklik geken het dan sou hulle na Sy Seun geluister het.  En omdat hulle Christus verwerp het, kon diesulkes nie die Gees ontvang nie, en nie nuut gemaak word nie... al is hulle deel van die GEROEPENES! (http://warechristene.blogspot.co.nz/2014/12/die-gees-van-god-2.html). Hulle mag dink dat hulle kinders is van die koninkryk omdat hulle kinders is van Abraham (waarvan die besnydenis 'n teken was onder die ou verbond), maar as hulle nie glo in die Een wat vir hulle kan opwek tot lewe nie, dan het hulle nog nie die nuwe kleed aangetrek nie.  Op dieselfde wyse is daar baie Christene vandag wat hulleself sien as kinders van die koninkryk omdat hulle geloof bely in Christus (en waarvan die Christelike doop 'n teken is), maar as hulle nie die werke het saam met die geloof nie (m.a.w. wat bewys dat hulle inderdaad in Hom glo), dan is hulle geloof dood en dan is hulle naak voor die Here. Baie wat voorgee dat hulle in Christus glo, gee nie ag op Sy woorde nie (glo nie die evangelie nie) en hulle is Hom nie gehoorsaam nie - hulle mag dalk deel wees van die wat UITGENOOI is na die bruilof, maar sal eendag in hulle ou klede bevind word, want in plaas van om 'n nuwe kleed te kry, het hulle die ou kleed probeer lap met 'n nuwe stuk lap... 

Daar is 2 voorwaardes wat die mens moet nakom voor hy weergebore kan word, nl. bekering en geloof (Mark. 1:15).  Min kerke preek vandag "bekering" saam met geloof. Inteendeel, Christene neem glad aanstoot wanneer werke (GEHOORSAAMHEID) saam met geloof gepreek word (of wanneer daar gepraat word oor die pad van godsaligheid!).  Vele Christene glo vandag dat geloof slegs 'n belydenis is en leef steeds vir hulleself;  hulle besef nie eens dat hulle 'n besluit moet maak om die Here te DIEN en vir Hom te leef (gehoorsaam) nie! Hulle besef nie dat BEKERING deel is van GELOOF nie. Hulle sit in die Christelike kerk as mense wat bely dat hulle Christene is, maar hulle is ongehoorsaam aan die Here en glo nie eens regtig die waarheid nie!  Kyk maar hoeveel Christene hang wereldse wysheid aan en probeer die waarheid van die Bybel verdraai om by hulle sieninge in te pas (in plaas van dat hulle hulle sieninge moet verander om by die Skrif in te pas). Baie kerke maak glad nie meer staat op die waarheid van die Skrif nie, maar besluit self wat is waarheid en wat nie -  lidmate dink glad dat die waarheid bepaal kan word deurdat die gemeente "stem"  oor wat hulle toelaat en wat nie! In plaas van om hulle lidmate lering te gee in die waarheid,  en hulle te waarsku teen afgodspraktyke en teen sonde tot die dood, is hulle liewer besig om wat sleg is goed te maak, en goed sleg! (Jes. 5:20). Die kerk is besig om te LASTER wanneer hulle hul eie waarhede begin skep bo die Here se waarheid, en hulle hoop al meer begin plaas op leringe wat in teenstelling is met dit wat Christus geleer het in die EVANGELIE van die koninkryk. 

Die wat nog met ou gelapte klede rondloop, het hulle nog nie bekeer van die manier hoe "hulle sien" nie, en kan dus nie die Gees ontvang nie! (en kan dus nie die dinge van die Gees verstaan nie).  Die probleem met die ou kleed of leersak is dat hulle die ou wyn bo die nuwe begeer (Luk. 5:39). En ons kan sien , soos bo genoem, dat hierdie direk verband hou met die manier "hoe iemand SIEN".  Die nuwe leersak begeer die kennis en wysheid van die nuwe verbond (die evangelie van die koninkryk), en het hom bekeer van sy eie, tot die manier "hoe die Here SIEN". Wat Christus vir ons geleer het is dat as ons NUWE wyn in ou leersakke gooi, dit sal bars! (Matt. 9:17).   As iemand nie regtig tot bekering kom nie, dan sal hy nie die dinge van die Gees verstaan nie, "soos iemand met 'n ou gelapte kleed"  (1Kor. 2:14 - Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word").  Die "broeder" wat dus nog nie werklik tot bekering gekom het nie (m.a.w. nog nie hom bekeer het van sy eie wil nie, en nie ag gee op die evangelie vd koninkryk nie), sal nie instaat wees om die nuwe wyn te dra nie! En dit sal ook met verloop van tyd duidelik word dat hy nie regtig die nuwe wyn begeer nie, want die oue smaak vir hom beter! Om die NUWE WYN te behou moet jy 'n nuwe leersak wees - soos om 'n nuwe kleed te kry! Maar die ou leersak wat nie die nuwe wyn kan behou nie, sal nie die vrug kan dra wat nodig is om die ewige lewe te beerwe nie... (http://warechristene.blogspot.co.nz/p/blog-page.html).  Dit is slegs die nuwe leersak. of die een met hierdie nuwe KLEED, wat kan bely dat hy inderdaad "vry" is, want hy wil doen wat die Gees wil (en daarom "verstaan" hy die geestelike)(http://warechristene.blogspot.co.nz/2017/05/wie-is-nie-onder-die-wet-nie.html).  Dit is maklik om te sien wie VRY is, want die vrye begeer die dinge van die Gees! (Gal. 5:17; Jak. 4).

------------------------------------------------------------------------------------------------------------

Sommige wat wel 'n nuwe kleed ontvang het, se kleed is ongelukkig weer deur die sonde bevlek... (Jud. 1:23)(soos die wat wel begin vrug dra, maar hulle vrug verloor...)  -  daar is egter altyd hoop vir die een wat hom tot die Here bekeer! - (Luk 15:21)  En die seun sê vir hom: Vader, ek het gesondig teen die hemel en voor u en ek is nie meer werd om u seun genoem te word nie. (Luk 15:22)  Maar die vader sê vir sy diensknegte: Bring die beste kleed en trek hom dit aan, en gee ‘n ring vir sy hand en skoene vir sy voete.   Vir 'n dagstukkie hieroor, gaan na: 
http://warechristenedagstukkies.blogspot.co.nz/2017/05/die-koninkryk-vd-hemele-is-soos-n_23.html._________________________________________________________________________________

http://warechristene.blogspot.co.nz/2016/01/nuwe-wyn-moet-in-nuwe-sakke-gegooi-word.html
http://warechristene.blogspot.co.nz/2016/01/om-te-vas.html
http://warechristene.blogspot.co.nz/2014/02/weer-gebore-wedergeboorte-wedergebore.html
http://warechristene.blogspot.co.nz/2013/07/hoekom-voel-sommige-christene-dat-die.html
------------------------------------------------------------------------------------------------------------

Dien almal wat bely hulle is Christene, dieselfde Vader?

Daar word van kinders wat in dieselfde huis grootword, verwag om hulle ouers te gehoorsaam.  Kinders praat dieselfde taal as hulle ouers, en het dieselfde waardes.  Wanneer een kind se taal en waardes verskil van die ander, is hy ongehoorsaam aan sy ouers.  So is daar baie ongehoorsame Christene wie se taal en waardes verskil van WAT DIE WAARHEID is.  Het hulle dieselfde Vader?  Ja, as hulle "in bloed dieselfde moeder het" (m.a.w., deur wie is hulle gebore?) - m.a.w. iemand moet weer gebore word om "'n kind van God" te raak (dan is hy "gebore uit God").  As iemand bely dat hy 'n Christen is, maar nie wedergebore is nie, is hy nie 'n kind van God nie - dan het hy nie dieselfde Vader nie!
(1Jn 5:8)  "en daar is drie wat getuig op die aarde: die Gees en die water en die bloed, en die drie is eenstemmig".

(Openb 5:9)  "Toe sing hulle ‘n nuwe lied en sê: U is waardig om die boek te neem en sy seëls oop te maak, want U is geslag en het ons vir God met u bloed gekoop uit elke stam en taal en volk en nasie".

Nie almal wat bely dat hulle Christene is, het dieselfde Vader nie.  Iemand moet hom eers bekeer tot die Here en wedergebore word ("water" en "Gees") voor hy 'n "kind van God" is.  Baie "Christene" is wel wedergebore, maar ONGEHOORSAAM,  maar dit beteken nie dat hulle nie dieselfde Vader het nie (m.a.w., hulle het dieselfde Vader, maar luister nie na Hom nie).  Wat kinders moet onthou, is dat hulle nie altyd erf nie!  'n Kind wat ongehoorsaam is, word dalk uit die boedel uitgehaal (al is hy regtig 'n "kind"). Ongehoorsame Christene kan nie staatmaak daarop dat hulle die koninkryk van God gaan beerwe nie.  Die Here het dit ook duidelik gemaak dat die wat geen of nie die nodige vrug (tot ewige lewe) dra wanneer Hy terugkom nie, sal afgesny word, en sal nie ingaan in Sy koninkryk nie.  Daardie kind sal sy straf moet dra vir sy ongehoorsaamheid.

As 'n kind die keuse moet maak oor wie hy eerder gaan vertrou in 'n moeilike situasie (bv. sy pa of die oom wat uithelp), dan sal hy eerder sy pa vertrou!  Kinders vertrou nie so maklik ander mense se oordeel, soos die van hulle eie ouers nie. So is dit ook duidelik wie van die twee (die pa of die oom), die pa is!  'n Kind kan bely dat iemand spesifiek sy pa is, maar in wie hy sy vertroue plaas (aan wie hy gehoorsaam is), sal gou wys na wie hy eintlik luister. GEHOORSAAMHEID aan die Here (diensbaarheid aan God) is dus 'n bewys van of die Here iemand se Vader is. (Rom 6:16 - "Weet julle nie dat aan wie julle julself as diensknegte tot beskikking stel om hom gehoorsaam te wees, julle diensknegte is van hom aan wie julle gehoorsaam is nie òf van die sonde tot die dood, òf van die gehoorsaamheid tot geregtigheid?").

------------------------------------------------------------------------------------------------------------

Waar Christene egter wel die waarheid ken, en steeds die valse waarheid verkondig omdat hulle wil he ander moet liewer in hulle waarheid glo as wat die waarheid regtig is -  so iemand bewys dat hy nie dieselfde Vader dien as die ware Christen nie! (EN IS BESIG OM TE "LASTER"). Hulle is die "valse profete", "valse leraars", en soos die "valse apostels" van wie Paulus gepraat het in 2 Kor. 11:13. Hulle dien nie dieselfde Vader nie, en is Hom nie gehoorsaam nie, en LASTER deur die waarheid opsetlik te verdraai.   Baiemaal verkondig gelowiges ook valse of verdraaide leertstellings omdat hulle ONWETEND is oor die waarheid - dit is egter 'n ander storie as iemand wat WETEND is van wat die waarheid, maar dit opsetlik verdraai en graag wil he dat iemand liewer sy storie glo as wat die waarheid is!
========================================================================

GEDAGTE:


*   Die valse profeet/leraar (die een wat die waarheid ken, maar dit verdraai sodat ander liewer in sy "waarheid" glo as in wat regtig die waarheid is), dra slegte vrug, en is soos wolwe onder die skape - so iemand is besig om te LASTER, en dien nie dieselfde Vader as die ware Christen nie!  So iemand "gee slegs voor" (soos 'n akteur). Wanneer iemand opsetlik die Here se woord verdraai, is hy Sy vyand (nie "vriend" nie!). Daardie persoon luister na die duiwel, nie na die Here nie, en is nie 'n "kind van die koninkryk" nie, want hy dien (is gehoorsaam aan) 'n ander pa - dit is die "wolwe" in die kerk.  Nie almal wat bely dat hulle Christene is, dien dieselfde vader nie!

*  Jou pa is die een na wie jy luister! (die een aan wie jy gehoorsaam is)( dieselfde taal en dieselfde waardes). Wedergebore ongehoorsame kinders het dieselfde Vader as die wedergebore gehoorsame kinders, maar verloor hulle vrug, of dra geen vrug nie (ongehoorsame kinders verloor die guns van hulle pa). In hierdie geval laster die persoon nie, maar hy begin weer die sonde of eie wil dien. Ongehoorsame kinders kan afgesny word van hulle erfenis.

*  Kinders wat gehoorsaam is, dra veel vrug, of die nodige vrug.  Hulle is in guns by hulle ouers. Die wedergebore gehoorsame kind van God (die een wat diensbaar is aan God), is vir Hom welgevallig - hulle sal hulle erfenis ontvang, en ingaan in die koninkryk van God - (Hand. 10:35 - " maar dat in elke nasie die een wat Hom vrees en geregtigheid doen, Hom welgevallig is".

========================================================================
http://warechristenedagstukkies.blogspot.co.nz/2015/01/het-christene-moslems-en-jode-dieselfde.html
http://warechristene.blogspot.co.nz/2014/05/wat-word-bedoel-met-onwetende-sonde.html
http://warechristene.blogspot.co.nz/2013/03/weerstaan-die-duiwel.html  

http://warechristene.blogspot.co.nz/2014/05/wat-is-die-onvergeeflike-sonde.html

http://warechristene.blogspot.co.nz/2013/07/as-iemand-se-werk-verbrand-word-sal-hy.html

http://warechristene.blogspot.co.nz/p/bybelstudie-gidse.html
http://kortbybelopsommings.blogspot.co.nz/2014/10/wie-is-die-kinders-van-die-koninkryk.html

Goeies én slegtes in die koninkryk

Nie almal wat hulleself Christene noem of aan die Christelike kerk behoort, is "goeie saad" nie. Alhoewel "kinders vd koninkryk" gesien word as die wat deel is van God se koninkryk en Hom dien, is die waarheid dat nie almal in hierdie koninkryk opreg is nie. Net soos in ander koninkryke op aarde is daar ook struikelblokke in die "konkryk van God". Hierdie "struikelblokke" gee voor dat hulle die Here dien maar dien eintlik die ongeregtigheid. Hulle is soos spioene wat voorgee dat hulle deel is vd volk en die land se belange op die hart dra, maar hulle is eintlik daar met 'n bose plan.  Diesulkes kan bv. 'n struikelblok wees vir ander Christene omdat hulle hul probeer verlei, of wereldse leringe en afgodspraktyke in die kerk invoer... - Openb. 2:14; 1 Kor. 8:9; Rom. 14:13-15; Matt. 18:6,7. 

-----------------------------------------------------------------------------------------------------------------------------

In Matt. 13:37-42 het Jesus geleer dat daar mense is onder die kinders vd koninkryk wat saam met die volk groei, maar nie werklik deur die Here gesaai is onder die volk nie (maar deur die bose daar gesaai - Matt. 13:25). Ons moet onthou dat gelowiges in sommige skrifte voorgestel word soos saad wat in die wereld gesaai word om te groei en vrug te dra, maar alhoewel daar faktore is wat vrug beinvloed, bepaal die soort saad wat se soort boom opkom.  In ander woorde, nie almal wat in die Christelike kerk gesaai is, is deur die Here gesaai nie!, en groei in bome wat ewige vrug dra nie. Sommige is deur die vyand daar onder die kinders vd Here gesaai. Hierdie mense word in Matt. 13 vgl. met "onkruid" - hulle lyk ma.w. soos koring  maar is nie koring nie!  - hulle lyk soos kinders vd koninkryk maar is eintlik kinders vd bose - hulle gee voor hulle is Christene, maar is nie!  Alhoewel nie altyd onmiddellik sigbaar nie, sal diesulkes uiteindelik aan hulle vrug geken word...  In die koninkryk van God, of anders gestel, onder die mense wat aan hierdie koninkryk behoort en gesien word as kinders vd koninkryk, is daar dus mense wat die ongeregtigheid doen (Matt. 13:41) en nie eendag sal ingaan in die ewige koninkryk nie (Matt. 13:30, 40-42). Jesus  het o.a. ook die koninkryk vd hemele vgl. met 'n NET WAT IN DIE SEE GEGOOI WORD, en let op die woorde daar:  "en van elke soort bymekaarbring" (Matt. 13:47). Hy het ook verder verduidelik hoe, met die voleinding vd wêreld die engele sal uitgaan en die slegtes onder die regverdiges uit afskei (en die slegtes in die vuuroond gooi)(Matt. 48-50).  Die waarheid is dus dat daar in die Christelike kerk "visse" is wat voorkom asof hulle goeie saad is en deur die Here gesaai is, maar wat eintlik deur die bose daar gesaai is (om struikelblokke te wees in die kerk).  

M.a.w., nie almal in die Christelike kerk is gewederbaar nie (en nie almal is heilig en goed en gelowig nie).  En nie almal wat deurgaan vir Christene het die Heilige Gees nie! 
------------------------------------------------------------------------------------------------------------

GEDAGTE:

In die EVANGELIE wat Christus gebring het oor die Koninkryk het Hy dus 'n duidelike onderskeid gemaak tussen die goeies en slegtes (l.w., "in die koninkryk"!).  Alhoewel Christus vele beloftes het vir Sy SKAPE en vir die wat as KORING gesien word, moet ons nie dink dat hierdie beloftes ook bedoel is vir die akteurs wat hulleself voordoen as skape maar eintlik wolwe is, of die onkruid wat tussen die koring groei nie;  of bedoel is vir die wat op die ou end bokke uitdraai of onbruikbare kaf word nie... (1 Tim. 5:12; Matt. 25:32). Dus, nie almal wat behoort aan 'n Christelike kerk sal eendag in die koninkryk ingaan en die ewige lewe beerwe nie. Nie almal wat bely hulle is Christene (geroepenes) sal inderdaad eendag erf of opstaan tot lewe nie, want die realiteit is dat sommige sal opstaan tot veroordeling  (Joh. 5:28,29). Nie net die valses nie, maar ook die wat nie vashou nie, bv. die wat nie in Jesus Christus BLY nie, staan die gevaar dat hulle onvrugbaar sal wees wanneer Hy terugkom - en wat sal dan tog gebeur wanneer Jesus kom om hulle vrug te oes? (Jak. 5; Rom. 2:1-10). 

Die Christelike kerk is nie gevrywaar van valse gelowiges nie.  Hierdie valse broeders (2 Kor. 11:26; Gal. 2:4) word o.a. voorgestel as "wolwe" waarvan vasle profete deel uitmaak van hierdie groep (Matt. 7:15) - hulle gee voor dat hulle 'n woord van die Here bring maar praat eintlik uit hulleself; of bring 'n woord vd bose. Daar is 'n manier om valse profete uit te ken en dit is gewoonlik aan hulle vrug. Bv., 1 Joh. 4 leer vir ons dat valse profete nie gehoorsaam is aan die waarheid nie.  Hulle kom in opstand teen die waarheid asook in opstand teen die wat die waarheid verkondig, en hulle praat en dink dus anders as die wat die Gees vd waarheid het (1Jn 4:5 - "Hulle is uit die wêreld; daarom praat hulle uit die wêreld, en die wêreld luister na hulle"). Valse profete het nie die Heilige Gees nie en sal dus verkeerd praat en ook in opstand kom teen die wat reg praat. Hierdie is een vd maklikste maniere om te bepaal of iemand waar of vals is... (aan hulle vrug sal hulle geken word). Bv., as iemand bely dat hy in Jesus Christus glo maar hy glo nie in Sy woorde nie, dan is daar beslis 'n vraagteken op daardie persoon se geloof. 

'n Ander groep wat miskien ook onder "wolwe" gesorteer kan word is valse leraars (wat verderflike ketterye heimlik invoer onder die kinders vd Here); alhoewel valse leraars nie altyd verwys na wolwe nie. Valse leraars kan ook verwys na gelowiges wat eens wel die waarheid gevolg het maar afvallig geword het en nou die Here verloën (2 Pet. 2:1)(kan dus vgl. word met mense wat ongehoorsaam is aan die waarheid (Rom. 2:8,9), of vgl. word met die tema hart verhard). Ons sien somtyds hierdie in die kerk gebeur, waar iemand die Here begin volg en begin vrug dra, maar sy vrug verloor omdat hy ophou om die Here te dien en glo  - so iemand verloën die geloof (kyk vb. 3de groep in die gelykenis vd saaier - Matt. 13:22 / is baiemaal die wat mislei is). En omdat hulle self nou die leuen glo, verkondig hulle leuens (hulle bedrieg hulleself). "Slegtes" in die koninkryk verwys dus nie net na ongelowiges wat deur die bose gesaai is onder die kinders vd Here nie, maar kan ook verwys na gelowiges wat "sleg" is; m.a.w., mense wat wel deur die Here gesaai is maar nie aan Hom vashou en in Hom bly nie - nie omdat Hy laat los nie, maar omdat hulle laat los!  Bv., "bokke" dra nie die vrug van 'n skaap nie, en verwys na die wat in opstand kom  teen die Here se gesag - hulle verwys na hardkoppige, ongehoorsame en/of onbarmhartige gelowiges (Matt. 25). Hierdie groep gelowiges sal soos die valses ook nie eendag die koninkryk beerwe nie (Matt. 25). "Kaf", soos bo gesien, is ook 'n term wat gebruik word vir sekere gelowiges maar verwys na 'n spesifieke groep gelowiges, nl. die wat nie vrug dra of die nodige vrug dra nie (hulle is dus waarlik Christene, maar dra nie die nodige vrug nie, of het onvrugbaar geword)(gelykenis vd saaier).  Anders as koring (wat vrug dra) verwys kaf na die nutteloses en selfsugtes. Net soos kaf die deel is van koring wat onbruikbaar is en weggegooi word, net so sal gelowiges wat onvrugbaar is gesien word as onbruikbaar en "weggegooi en in die vuur gegooi" word wanneer Jesus terugkom (Matt. 3:12,17). 

Wolwe" is roofsugtig van aard - hulle doel is om die skape uitmekaar te jaag en te verskeur (Matt. 7:15; Hand. 20:29; Joh. 10:12) deur bv. verkeerde dinge te praat om kinders vd Here te mislei en weg te trek agter hulle aan (Hand. 20:30; Matt. 24:11).  Hierdie mense word deur die bose onder die kinders vd Here gesaai - hulle gaan saam met ons kerk toe en lyk of hulle deel is vd broeders en susters (Hand. 20:30; Matt. 7:15) en kom somtyds selfs kragtig voor! (Matt. 24:24), maar die waarheid is dat hulle 'n bose doel het. Daar mag dalk in jou kerk sit "wolwe in skaapsklere" - mense wat skape "vang" en "uitmekaarjaag". Dit is waar dat nie almal in die Christelike kerk "goeies" is nie, en nie almal in "die koninkryk" sal eendag erf nie;  en wanneer Jesus terugkom sal die goeies van die slegtes geskei word.  Matt. 13 leer vir ons dat die "toestand" van beide goeies en slegtes in die huidige (geestelike) koninkryk nie sal verander voor die voleinding vd wêreld nie (1 Kor. 4:5; Hebr. 10:30). Dit is m.a.w. eers wanneer Jesus terugkom wat die goeies vd slegtes geskei sal word. Wat elke KIND VD KONINKRYK moet doen oor hierdie toestand is nie om die "slegtes" self te probeer skei en verwyder uit die koninkryk nie (alhoewel jy ander kan waarsku teen hulle - Matt. 16:6), maar om elke gees te beoordeel en versigtig te wees met wie jy uithang en saam wie jy stem. Daar is 'n rede waarom Jesus nie met almal uitgehang het nie. Ware Christene behoort ook hulle situasie te kan beoordeel en moet versigtig wees met wie hulle omgaan en saam met wie hulle eet. Skape vd Here moet doen wat Jesus gesê het, nl. "versigtig wees soos die slange, en opreg soos duiwe" (Mat 10:16) - pasop vir (sekere) mense wat daarop uit is om jou te verwoes! (Matt. 10:17)(maar moet jou nie kwel oor wat jy moet spreek nie, want die Gees sal vir jou die woorde gee... Matt. 10:19,20). Moet hulle nie vrees nie, want daar is niks bedek of verborge wat nie ontdek en bekend sal word nie (Matt. 10:26,28). 

Elke gelowige moet ook selfondersoek doen, want ons het gesien dat daar ook "slegte" gelowiges is in die koningkryk van God wat nie vashou nie. Elkeen moet bepaal watter stof hulle beskryf - is jy koring?, is jy kaf?, is jy 'n bok?, is jy 'n afvallige?, is jy "siek"?;  want wanneer Jesus terugkom sal sommige vd wat nou GEROEP word (DIE GENOOIDES-Openb. 19:9) in die huidige "geestelike" koninkryk, nie in die "fisiese" koninkryk van God ingaan nie (a.g.v. ONGEHOORSAAMHEID en ONGELOOF).   As jy die Here bely voor mense, sal Hy jou ook bely voor Sy Vader (Matt. 10:32) - staan dus op vir die waarheid en vir Jesus en Sy woorde!;  maar as jy Hom verloën voor mense, dan sal Hy jou ook verloën... (Matt. 10:33). 

-----------------------------------------------------------------------------------------------------------------------------