Wie sal ingaan in die Koninkryk van God?

Christene het 'n plig om die volle waarheid te verkondig.  As ons net 'n halwe waarheid bring, dan het ons nie liefde nie.  Dit help nie ons paai mense deur vir hulle te laat dink dat geloof slegs 'n belydenis van woorde is en daar geen werke verwag word nie, want die waarheid is dat nie almal wat bely dat hulle kinders van die koninkryk is, uiteindelik sal ingaan in Sy ewige koninkryk nie!  Sommige geleerdes stry al jare oor of iemand sy/haar saligheid kan verloor of nie, maar alhoewel die gelowige absoluut seker kan wees van sy kindskap en deur die Gees verseel is tot op die wederkoms, moet ons verstaan dat elke kind van God geoordeel sal word (met die wederkoms)! As iemand die Gees van God ontvang het, maar die Gees bedroef, wat sal die uiteinde daarvan wees?  As iemand dan die saad van God in hom het, en begin groei en vrug dra, maar afvallig raak van die geloof, of weer homself en sonde begin dien, dan kan hy natuurlik daardie vrug verloor, of geen ryp vrug dra nie - so iemand sal uitgekap word.   
Die liefde is bly oor die waarheid - om hierdie waarheid van mense weg te hou, is nie liefde nie. As ons die waarheid weghou van mense, tree ons sonder liefde op en gee nie om dat hulle verlore gaan nie.  Toe Jesus die eerste keer gekom het, het Hy nie gekom om te oordeel nie, maar wanneer Hy terugkom, gaan hy KOM OM TE OORDEEL.  Die waarheid is dat baie wat "kinders van die koninkryk" genoem word, uiteindelik nie sal  ingaan in die koninkryk nie!  Baie van die Joodse volk is in hierdie selfde posisie, want alhoewel hulle as "kinders van die koninkryk" gesien word omdat hulle kinders van Abraham is, gaan nie almal van hulle ingaan in die Here se ewige koninkryk nie.  

Jesus het hierdie duidelik gemaak.  

Johannes het dit ook bevestig. 
Jesus se dissipels het ook so geleer.

http://warechristene.blogspot.co.nz/2013/12/uit-genade-gered-2.html

Ja, iemand kan 'n "kind van die koninkryk" wees, maar uiteindelik nie ingaan nie!;
en ja,  iemand kan sy/haar "saligheid" verloor sou hulle nie die voorwaardes nakom of nie vashou aan die geloof nie!  
- Die waarheid is dat baie se dat hulle GLO, maar glo hulle werklik?  
- En die waarheid is dat baie kom tot geloof, maar hou nie vas aan die geloof nie!
- Baie begin om die Here te dien en om Hom te KEN en Hom eerste te stel, maar verloor hulle eerste Liefde en raak later weer meer besig met die lewe as met die Here.  Ons kan nie vir sulke mense lieg deur vir hulle te se dat "eenmaal 'n kind van God, altyd 'n kind van God" nie - nee, sulke gelowiges moet gewaarsku word dat hulle afgesny kan word, soos Jesus die gemeentes gewaarsku het (in Openbaring)!  As ons hierdie belangrike waarheid van mense weerhou, is dit nie liefde nie.

--------------------------------------------------------------------------------------------------------------------------------- 

Terwyl gelowiges alreeds deel is van die koninkryk van God (en Hy by hulle teenwoordig is deur Sy Gees), is dit slegs die wat die nodige "vrug dra" wat uiteindelik sal ingaan in Sy "fisiese" ewige koninkryk (Joh. 15:2) - die wat nie vrug dra nie, sal uitgekap word (vgl. hierdie gerus met die gelykenis van die saaier, en die tema van "koring en kaf").  Die wat "slegte vrug" dra, sal ook uitgekap word... (vgl. dit met die gelykenis v/d koring en die onkruid). Jesus het hierdie baie duidelik gemaak in Sy leringe en die evangelie wat Hy gebring het rondom die koninkryk van God (ons moet ag gee op die evangelie wat Hy gebring het rondom Sy koninkryk!). Daarom, alhoewel gelowiges reeds as deel gesien word  van die "kinders van die koninkryk", beteken dit nie dat almal sal ingaan nie, maar slegs die wat oorwin. Ons word nie net geregverdig deur geloof nie, maar ook deur werke (Jak. 2:24), maar hierdie werke is nie soos "werke tot saligheid" nie, maar werke a.g.v. saligheid.  En alhoewel "VRUG" gaan oor goeie dade, goeie spraak, barmhartigheid ens., moet dit ook nie gesien word soos werke nie, maar soos "loon", m.a.w. loon a.g.v. gehoorsaamheid aan die Here.  "Goeie werke" gaan dus oor diensbaarheid aan die Here (om die WIL VAN DIE HERE te doen)(terwyl die doel van "werke tot saligheid" anders is!).  Iemand dra vrug OMDAT hy "in die Here bly", of OMDAT hy "die eie-ek afsterf", of OMDAT hy "ag gee op die waarheid" - (nie omdat hy probeer om goed te doen nie, of om goed te wees nie, maar omdat hy diensbaar geraak het aan die Here, m.a.w. gehoorsaam is aan die Here...).    In Jesus se leringe verduidelik Hy hoe, met Sy wederkoms, Sy engele uitgestuur sal word om die "koring van die onkruid" te skei (dan sal die ware gelowiges geskei word van die voorgee-gelowiges). Johannes die Doper het ook verwys na hoe, met die wederkoms, die Here die "koring van die kaf" sal skei, en hy verwys na "kaf" as die wat nie die vrug dra wat by die bekering pas nie (of kaf kan ook na "verkeerd bou" verwys). Volgens O.T. profesiee is dit ook duidelik dat die Here dan sal oordeel tussen "skape" en skape wanneer Hy kom.  Dit is duidelik dat nie almal wat bely dat hulle kinders van God is, uiteindelik sal ingaan in Sy koninkryk nie.  Jesus Christus is die een wat sal besluit wie ingaan in Sy ewige koninkryk, en wie nie. Die Vader het die oordeel aan Hom oorgegee, en daarom gaan Sy wederkoms gepaard met oordeel.  Jesus die Christus is ook die Een wat "die dood oorwin" het, en daarom mag het om te besluit wie Hy opwek tot lewe, en wie nie.  Hy het mag oor die dood (Hy het die sleutels vd doderyk - en Hy besluit wie lewe en wie nie), en die wat deur Hom die opstanding tot lewe kry, sal in ewigheid nooit doodgaan nie. Baie sal opstaan uit die dood (wanneer Hy terugkom), maar nie almal sal die opstanding tot lewe ontvang nie (m.a.w. verheerlikte liggame en ewige lewe kry nie)!   (1Kor. 15:50)  "Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie".

*  HOE KAN IEMAND VERWAG OM DIE OPSTANDING TOT LEWE TE VERKRY, MAAR HY GLO EN KEN NIE DIE EEN WAT HOM DAARDIE OPSTANDING GEE NIE?

========================================================================

GEDAGTE:

(Mat 7:20)  "So sal julle hulle dan aan hul vrugte ken.

(Mat 7:21)  Nie elkeen wat vir My sê: Here, Here! sal ingaan in die koninkryk van die hemele nie, maar HY WAT DIE WIL DOEN VAN MY VADER WAT IN DIE HEMELE IS".

--------------------------------------------------------------------------------------------------------------------------

http://warechristene.blogspot.co.nz/2013/09/opsomming-die-opstanding-wegraping.html  

http://warechristene.blogspot.co.nz/2014/07/die-oordeelewige-oordeel-1.html

http://warechristene.blogspot.co.nz/2014/07/die-oordeelewige-oordeel-2.html

http://warechristene.blogspot.co.nz/2014/07/die-oordeelewige-oordeel-3.html

Wie is die "Kinders van die Koninkryk"?

In die Skrif word die "NAGESLAG VAN ABRAHAM" uitgebeeld as die "KINDERS VAN DIE KONINKRYK".  Dit is aan die nageslag van Abraham aan wie die land van melk en heuning belowe is - hulle is "God se volk".  En dit is hulle aan wie die koninkryk belowe is - hulle sou die koninkryk van God ingaan - hulle is kinders van die koninkryk! (Matt. 8:12, 13:48, 10:24).

Die Skrif maak ook duidelik wie spesifiek as die "nageslag van Abraham" gesien word:

(1)   DIE JOODSE VOLK:  Soos die Here aan Abraham die belofte gemaak het, het Hy so ook aan Isak die belofte gemaak (nie aan Ismael nie), en aan Jakob (nie aan Esau nie), en aan die 12 stamme van Israel (die 12 seuns van Jakob) (http://sondagskooltuis.blogspot.co.nz/2012/10/sleutelgebeure-in-genesis-vir.html - kyk "verbondsvolk" verwysingspunte 46, 73,88,95,103,115,163). 

(2)   DIE GELOWIGES:  Die Christelike doop beteken deels dat iemand nou deel geraak het van die "nageslag van Abraham" (Gal. 3:24-29).  Die Joodse volk is die "natuurlike takke" - ander wat tot geloof kom word ingeeent (Rom. 11).  Deel van die belofte aan Abraham, was dat "alle nasies geseen sou word deur Abraham se saad".  In die Skrif word die woord "saad" o.a. gebruik vir "nageslag" (Hand. 3:25, Gal. 3:16,29; 1 Joh. 3:9). Dit is bv. deur die saad  of nageslag van Abraham wat al die nasies geseen sou word... - die Messias is gebore uit hierdie nageslag, uit die geslag van Dawid (Matt. 1) - en dit is deur die Messias wat enige iemand van enige nasie geseen word deur Abraham se saad - m.a.w. waardeur hulle deel kan raak van die nageslag van Abraham (deel raak van die "kinders van die koninkryk")(natuurlik die wat glo!). 

Die uitstorting van die Heilige Gees was vir baie eeue voorspel deur die profete, en die "kinders van die koninkryk" het die uitstorting van die Heilige Gees vgl. met die Messias se koms en die Here se koninkryk.  Waar God is, daar is Sy koninkryk.  Waar die Gees van God is, daar is Hy teenwoordig. Die wat God se saad in hulle het (m.a.w. die wat die Heilige Gees ontvang het), hulle is gebore uit God - deur Sy saad kan iemand vrug verdien vir die ewige lewe.  Dit dan ook waarom die uitstorting van die Heilige Gees so 'n belangrike gebeurtenis was, en dit belangrik is dat iemand die Gees van God ontvang, omdat die ontvang van die Gees van God die bewys is dat iemand nou gebore is uit God.  Dit is dan die persoon wat begin vrug dra vir die ewige lewe, want sy werke is uit diensbaarheid aan die Here - hy leef vir die Here, nie meer vir homself nie.  Hulle is nie net deel van die kinders van die koninkryk nie, maar word KINDERS VAN GOD (hulle het Sy saad binne-in hulle / hulle is gebore uit God - jy kan slegs 'n kind wees van die saad waaruit jy gebore is!).  Daarom is die WATER nie al gedeelte van die wedergeboorte (die Christelike doop 'n teken dat iemand deel is van die nageslag van Abraham) nie, maar die tweede gedeelte van die wedergeboorte, is die GEES.  AS IEMAND NIE DIE GEES VAN GOD ONTVANG NIE, IS HY NIE 'N "KIND VAN GOD" NIE (en het dan nie Sy saad in hom nie, en is dan nie deel van Sy nageslag nie - dan nie 'n "kind van God" nie).

========================================================================

 Kom ons kyk na die Joodse volk as die "kinders van die koninkryk":

-  (m.a.w. die nageslag van Abraham, die "natuurlike takke - die wat glo in die Vader).

Alhoewel die Joodse volk gesien word as die kinders van die koninkryk omdat hulle God se volk is, sal nie almal van hulle ingaan in die koninkryk nie! - Jesus het dit duidelik gemaak dat baie "kinders van die koninkryk" uitgedryf sal word (Matt. 8:12).  Ook in sekere profetiese boeke word hierdie punt duidelik gemaak (Amos 9).  AS 'N JOOD DAN DIE WEG WAT DIE VADER GESKEP HET TOT VOLKOME SALIGHEID, WEGWYS (m.a.w. nie Jesus die Christus aanneem nie), DAN HET HY GEEN HOOP OP DIE OPSTANDING TOT LEWE NIE, want Jesus Christus is die Een wat ons sal opwek tot lewe (wat vir ons die ewige lewe gee sodat ons in Sy ewige koninkryk kan ingaan).  En moet ons onthou dat niemand die Gees van God kan ontvang as hulle nie glo in Hom nie, want Hy is immers die Een wat die Gees van die Vader ontvang en uitstort!  (dit was geen geheim in die Ou Testament nie - die uitstorting van die Gees het gepaadgegaan met die verwagting van die Messias!).  As iemand nie die Gees van God ontvang nie (tweede gedeelte van wedergeboorte), is hulle nie "kinders van God nie" (het dan nie Sy saad in hulle nie).  En as die "kind van die koninkryk" dan die LAM (wat vir hom geslag word as sondoffer) afwys, hoe kan hy volkome vergifnis van sondes ontvang? (want die wet is nie volkome nie)... - en hoe kan hy dan in die ewige koninkryk ingaan?

Kom ons kyk na die Gelowiges as die "kinders van die koninkryk":

-  (m.a.w. die wat glo in die Vader, en in Sy Seun Jesus die Christus, en die Gees van God ontvang het)

Enige iemand uit enige nasie wat glo en hom bekeer, kan deel raak van die "kinders van die koninkryk" (deel raak van die nageslag van Abraham).  So iemand gaan deur die Christelike doop (wat o.a. 'n teken is hiervan, asook van vergifnis van sondes, en die hoop op opstanding tot lewe), en ontvang die Gees van God (m.a.w. is dan wedergebore:  WATER en GEES). 

Hy is ook verseel (deur die Heilige Gees) tot die dag van verlossing (Ef. 4:30)(die dag van die wederkoms wanneer Jesus sal opwek tot ewige lewe, wie Hy wil - Hy het die sleutels van die doderyk en sal die opstanding tot lewe gee aan wie Hy wil - die oordeel is in Sy hande).  

Maar wat sal gebeur met die gelowige wat die Heilige Gees bedroef?  -soos waarteen gelowiges gewaarsku word in Ef. 4 en gevra word om te wandel "waardig die roeping waarmee hulle geroep is";  ook word hulle aangemoedig om die "oue af te le en hulleself met die nuwe te beklee".  Jesus het dit duidelik gemaak dat die wat nie vrug dra nie, uitgekap sal word!  Op dieselfde wyse wat die "natuurlike takke" afgesny kan word, so kan die "takke wat ingeeent is" ook afgesny word as hulle nie vashou aan die geloof nie, of weer die sonde begin dien.

========================================================================

GEDAGTE VIR DIE WEEK:

Nie almal wat hulleself noem "kinders van die koninkryk" sal uiteindelik ingaan in die Here se ewige koninkryk nie!  

Nie almal wat hulleself noem "kinders van die koninkryk" sal die opstanding tot lewe (ewige lewe) ontvang nie.  

In die opstanding (wanneer Jesus terugkom), sal sommige opstaan tot lewe, ander tot veroordeling...

--------------------------------------------------------------------------------------------------------------------------

http://warechristene.blogspot.co.nz/2014/07/die-oordeelewige-oordeel-3.html

http://warechristene.blogspot.co.nz/2014/07/die-oordeelewige-oordeel-2.html

http://warechristene.blogspot.co.nz/2014/07/die-oordeelewige-oordeel-2.html

http://warechristene.blogspot.co.nz/2013/09/opsomming-die-opstanding-wegraping.html

http://warechristene.blogspot.co.nz/2013/09/opsomming-die-opstanding-wegraping.html

Wie is geskik vir die Koninkryk van God?

KOM ONS KYK WAT DIE SKRIF, of WAT JESUS VIR ONS GELEER HET HIEROOR:  
"WIE IS GESKIK VIR DIE KONINKRYK"?
-  SLEGS DIE WAT TOT BEKERING/WEDERGEBOORTE GEKOM HET EN DIE EVANGELIE GLO
-  SLEGS DIE WAT SE BEGEERTE NA DIE HERE IS
-  SLEGS DIE WAT DIE WIL VAN DIE VADER DOEN
-  SLEGS DIE WAT HULSELF ONDERGESKIK STEL AAN DIE HERE, DIE NEDERIGES
-  SLEGS DIE WAT HULLE HOOP PLAAS IN DIE HERE
-  SLEGS DIE WAT DIE HERE MEER LIEFHET as die lewe

-  DIE WAT ARM VAN GEES IS; BEREID IS OM VERVOLG TE WORD TERWILLE VAN DIE HERE;  DIE WAT DIE GEREGTIGHEID DOEN EN DIT AAN ANDER LEER ens.............

http://warechristene.blogspot.co.nz/2012/12/jesus-christus-se-koninkryk-die.html

---------------------------------------------------------------------------------------------

VGL. DIT MET DIE VOORWAARDES WAT 'N GELOWIGE MOET NAKOM OM "VRUG TE DRA" (en l.w. dat waar 'n gelowige geen vrug dra nie, of dit verloor, sal hy uitgekap word):

-   Moet die "eie-ek" afsterwe - die koringkorrel moet eers sterf voor hy vrug kan dra 

-   Bly in Hom  -  Jesus het gese dat die enigste manier hoe ons vrug kan dra is deur in Hom te bly

-   Moet die WAARHEID (Jesus se leringe) aanneem en daarvolgens lewe - moet vashou aan die geloof!

(Joh. 12:24; 15:4,5)

In die gelykenis van die saaier verduidelik Jesus dat iemand sy vrug kan verloor as hy probeer om sy lewe te wen, m.a.w. die lewe meer liefhet as die Here en nie Sy geregtigheid en Sy koninkryk eerste soek nie - soos in die geval van waar die sorge, begeerlikhede, rykdom en genietinge van die lewe die vrug verstik.

---------------------------------------------------------------------------------------------

GEDAGTE:

"Goeie vrug" moet nie gesien word soos werke nie, maar soos "loon", m.a.w. loon omdat iemand in die Here bly, loon omdat iemand die evangelie verkondig, loon omdat iemand die waarheid aanneem en daarvolgens lewe...  Om vrug te dra gaan nie oor "werke tot saligheid" nie, maar oor "werke a.g.v. saligheid". Gelowiges word soos saad in die wereld gesaai om te groei en soos 'n boom "vrug te dra".

(Joh 15:16)  "Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee". 

Goëlery in die kerk?

In die O.T. was daar verskeie "VERBODE HEIDENSE PRAKTYKE" vir die volk van God, o.a. "goëlery" (towerkunste).  Die skrif verklaar dat iemand wat omgaan met hierdie praktyke, DIE HERE TERG! (2 Kon. 21:6; 2 Kron. 33:6).

=================================================================================

-In sommige skrifte word die woord "towerkunste" gebruik vir die woord "goëlery",

 bv. in die geval van Eks. 7:10,11:  ("Toe het Moses en Aäron na Farao gegaan en gedoen net soos die HERE hulle beveel het: Aäron het sy staf voor Farao en voor sy dienaars neergegooi, en dit het ‘n slang geword. Daarop laat Farao óók die wyse manne en die towenaars roep; en hulle, die Egiptiese towenaars, het ook dieselfde gedoen met hulle towerkunste ("goelery"))" (kyk ook Eks. 7:11,22;  8:7,18).  

-In ander skrifte word die woord goëlery self gebruik (Lev. 19:26; Deut. 18:10; 2 Kon. 21:6; 2 Kron. 33:6)(towerkunste - die kuns van goël - beinvloeding van iem. deur die indruk te wek dat dit bonatuurlik is; towerkunste verrig; oe verblind) ("enchantment"; "magic spells").  

Die heidense volke het veral opgekyk na persone wat towerkunste doen, en as mense na wie hulle kon luister.  In daardie geval het die persoon wat omgaan met goëlery homself gelykgestel aan 'n hoër mag - as iemand wat geraadpleeg kan word asof hy iets besonders is.  

(Deu 18:10)  Daar mag niemand by jou gevind word wat sy seun of sy dogter deur die vuur laat deurgaan—wat met waarsêery, goëlery of met verklaring van voortekens of towery omgaan nie,

(Deu 18:11)  of wat met besweringe omgaan, of wat ‘n gees van ‘n afgestorwene vra of ‘n gees wat waarsê, of wat die dooies raadpleeg nie.

(Deu 18:12)  Want elkeen wat hierdie dinge doen, is vir die HERE ‘n gruwel; en om hierdie gruwels ontwil verdryf die HERE jou God hulle voor jou uit.

(Deu 18:13)  Opreg moet jy wees met die HERE jou God.

(Deu 18:14)  Want hierdie nasies wat jy uit hulle besitting verdrywe, luister na goëlaars en waarsêers; maar wat jou aangaan, die HERE jou God het jou nie so iets toegelaat nie.

Wanneer ons dink aan "TOWERKUNSTE" (of "goëlery") waar iemand die indruk wek dat dit wat hy doen bonatuurlik is, sien meeste dit bloot as kuns.  Die werklike probleem met goelery (of towerkuns), is egter die feit dat iemand graag wil he dat ander moet dink hy iets besonders is; as iemand wat "bonatuurlike dinge kan doen" - hy wil graag he mense moet opsien na hom, soos die geval van Simon in Hand. 8.   So iemand stel homself gelyk aan 'n hoër mag en begeer eer.  Dit is ook hoe die skare na Simon gekyk het:  (Hand. 8:10,11 - "En almal, klein en groot, het hom aangehang en gesê: Hy is die groot krag van God. En hulle het hom aangehang, omdat hy hulle ‘n geruime tyd deur sy towerye verbyster het").  Maar selfs nadat Simon gelowig geraak het, het hy nog hierdie verkeerde begeerte gehad om "iets besonders te wees" (Hand. 8:19-24).  Sy rede hoekom hy die Gees wou ontvang, was heeltemal verkeerd - net soos baie gelowiges se redes vandag verkeerd is hoekom hulle die Gees van God wil ontvang, en die gawes van die Gees - en dit gaan baiemaal omrede hulle "iets besonders wil wees" -  http://warechristene.blogspot.co.nz/2013/06/wat-het-jesus-bedoel-met-die-woorde.html.  In so 'n geval moet iemand hom bekeer van "sy manier van dink".  Christenskap gaan oor "om die Here te dien" - oor "om 'n dienaar te wees", nie te begeer dat jy deur ander gedien word nie!

------------------------------------------------------------------------------------------------------------

'n Ander woord wat ook somtyds gebruik word, is die woord "betower", wat veral beteken dat iemand deur towery in 'n sekere toestand gebring word (sterk bekoor; verruk). Die woord "bekoor" word ook gebruik, wat beteken "om iemand in versoeking te bring" (betower). Paulus het ook die woord "betower" gebruik in 'n brief aan die gemeente van Galasiers: 
(Gal 3:1 - "o, Onverstandige Galásiërs, wie het julle betower ("bewitched; to fascinate by false representations") om die waarheid nie gehoorsaam te wees nie, julle voor wie se oë Jesus Christus afgeskilder is as onder julle gekruisig?").

In konteks het hy verwys na die "valse broeders" wat kinders van die geloof onder wette wou bring, hulle diensbaar wou maak aan wette i.p.v. diensbaar aan die Here - hulle verdraai die waarheid en "bekoor" mense om die leuen te glo. Ons moet egter verstaan dat Paulus NIE hier bedoel het dat geen werke van die gelowige verwag word nie!, maar eerder dat werke alleen nie vir iemand kan red nie (vgl. dit met Jak. 2:24) - dit gaan m.a.w. oor "diensbaar aan die Here", nie "diensbaar aan wette" nie!  Dit is duidelik dat die gemeente van Galasiers gou afvallig geraak het van die ware evangelie (Gal. 1:6).  Sommige mense het hulle in die war gebring deur die evangelie van Christus te verdraai, en 'n evangelie te verkondig wat in stryd is met wat die apostels verkondig het. Paulus verduidelik dit as volg: (Gal 1:10 - "Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie ‘n dienskneg van Christus wees nie").  Heelwat kerke van vandag het in hierdie selfde strik geval, waar hulle mense "bekoor" om 'n ander evangelie te glo - een waar hulle wil he mense moet hulle "waarheid" dien.  Baie gelowiges is besig om ander mense te dien, in plaas van om die Here te dien.  Hulle is gehoorsaam aan wette wat mense op hulle le, maar nie gehoorsaam aan die Here self nie!  Hulle het "diensknegte geword van mense", in plaas van "diensknegte van Christus", Sulke "valse broeders" wat ander "bekoor" om hulle afvallige evangelie te volg, terg die Here, en is besig met  goëlery! Hulle gee voor dat hulle die waarheid verkondig. Dit is net soos die towenaar wat VOORGEE dat hy iets besonders is en mense betower om hulle geloof in hom te plaas.  So word kinders van die Here somtyds betower om hulle geloof in 'n spes. kerk te plaas, of in spes. leermeesters, in plaas van in die Here! (in die waarheid).

========================================================================

GEDAGTE:

(Mat 23:11)  Maar die grootste van julle moet jul dienaar wees.

(Mat 23:12)  Wie homself verhoog, sal verneder word, en wie homself verneder, sal verhoog word. 

(Mat 23:13)  Maar wee julle, skrifgeleerdes en Fariseërs, geveinsdes, want julle sluit die koninkryk van die hemele toe voor die mense; want julle gaan self nie in nie, en die wat sou ingaan, laat julle nie toe om in te gaan nie.   -In die skrifgedeelte, noem Jesus hierdie skrifgeleerdes en Fariseers GEVEINSDES (wat beteken, "akteurs").  Hulle het VOORGEGEE dat hulle die waarheid ken en die waarheid verkondig.  Hulle het die mense "bekoor" om liewer vir hulle te glo, as die evangelie (die waarheid) wat Jesus gebring het.  Die rede hiervoor was omdat hulle "die grootste" wou wees!  Hulle wou gedien word, in plaas van "om te dien".

(Mat 18:4 - "Elkeen dan wat homself verneder soos hierdie kindjie, hy is die grootste in die koninkryk van die hemele").

(Rom 7:6 - "Maar nou is ons ontslae van die wet waardeur ons gebonde was, aangesien ons dit afgesterf het, sodat ons dien in die nuwigheid van die Gees en nie in die oudheid van die letter nie").  

========================================================================

http://warechristene.blogspot.co.nz/2013/06/wat-beteken-dit-dat-daar-krag-is-in-die.html

Ons gedagtes kan ons onderkry

Somtyds laat ons toe dat ons gedagtes ons onderkry, en baiemaal is die "issue" so groot in die kop, dat iemand nie wil ophou dink daaraan nie.  Jesus het verstaan hoe die koestering van sekere gedagtes iemand kan onderkry, daarom het Hy ons gewaarsku teen sulke gedagtes.  Hy het nie net verwys na "verkeerde" gedagtes (soos in die geval van Matt. 5:27,28) nie, maar ook gedagtes wat iemand vermoeid en belas maak, soos om bekommerd te wees oor die sorge van die lewe (Matt. 11:28).  Om ons gedagtes te plaas op die dinge daarbo, is iets wat elke Christen daagliks moet doen.  Maar dit beteken nie dat jy net bewus moet raak van waaraan jy dink nie soos baie glo nie.  Somtyds het ons nodig om met iemand te gesels (soos 'n sielkundige of 'n vriend), ja, maar om oor dit wat in jou gemoed aangaan te praat, of bewus te wees van waaraan jy dink, is nie die manier "hoe" jy jou gedagtes op die dinge daarbo plaas nie! Dit is elke Christen se eie plig om sy eie gedagtes GEVANGE TE NEEM TOT GEHOORSAAMHEID AAN CHRISTUS (niemand anders kan dit vir jou doen nie - iemand kan jou vertel om dit te doen, maar jy moet dit steeds self doen)(2 Kor. 10:5). Baie Christene glo deesdae dat hulle nie beheer het oor hulle eie gedagtes nie en vra die Here om hulle gedagtes vir hulle te verander (soos dit deur sommige kerke geleer word), maar wat die Skrif ons eintlik leer, is dat ons SELF ons eie gedagtes moet gevange neem! Jy hoef nie vasgevang te wees deur jou gedagtes nie. Jy is in beheer van jou gedagtes - net soos God vir Kain gewaarsku het dat hy moet heers oor sy begeerte (gedagte) (Gen. 4:7), maar Kain het dit nie gedoen nie - Kain het toegegee aan sy gedagtes en geweier om dit gevange te neem tot gehoorsaamheid aan die Here.  Op dieselfde wyse het baie van die volk in die woestyn gekla en gemurmereer oor hulle lot, in plaas van om hulle gedagtes gevange te neem tot gehoorsaamheid aan die Here, en Hom te vertrou. Die rede waarom iemand somtyds sukkel om sy gedagtes te gevange te neem, het baiemaal te doen met die feit dat hy nie die Here vertrou nie, of vol selfbejammering is, of nie wil vergewe nie..... ens. EN AS EK NIE MY EIE GEDAGTES WIL VERANDER NIE, MAAR DIT LIEWER WIL KOESTER, DAN KAN EK NIE VERWAG DAT EK "GEESTELIK" GAAN DINK NIE!  Net so wil ons ook somtyds gedagtes koester wat gepaardgaan met verbittering en selfbejammering, en vaskyk in ons omstandighede.  Ons moet versigtig wees vir sulke gedagtes en daaroor heers! 

(Mat 6:31)  Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie?

(Mat 6:32)  Want na al hierdie dinge soek die heidene; want julle hemelse Vader weet dat julle al hierdie dinge nodig het.

(Mat 6:33)  Maar soek eers die koninkryk van God en sy geregtigheid, en al hierdie dinge sal vir julle bygevoeg word.

(Mat 6:34)  Kwel julle dus nie oor môre nie, want môre sal hom oor sy eie dinge kwel. Elke dag het genoeg aan sy eie kwaad.

 WANNEER ONS BALANS VERKEERD IS, EN ONS GEDAGTES MEER IS OP DIE VLEESLIKE AS OP DIE GEESTELIKE, DAN GAAN ONS GEDAGTES ONS ONDERKRY.

(Kol 3:2)  Bedink die dinge wat daarbo is, nie wat op die aarde is nie.

AS ONS ONS GEDAGTES PLAAS OP DIE DINGE DAARBO, DAN NEEM ONS DIT SELF GEVANGE TOT GEHOORSAAMHEID AAN DIE HERE.  HOE MEER TYD JY MET DIE HERE SPANDEER, HOE MEER GAAN JY DINK OOR DIE GEESTELIKE, EN NIE OOR DIE VLEESLIKE NIE.  EN KOM ONS WEES EERLIK, OM VLEESLIKE DINGE TE BEDINK, MAAK ONS NEERSLAGTIG EN VEROORSAAK DAT ONS BEKOMMERD IS EN BELAS VOEL!  

(Rom 8:5)  Want die wat vleeslik is, bedink vleeslike dinge, maar die wat geestelik is, geestelike dinge.

(Rom 8:6)  Want wat die vlees bedink, is die dood, maar wat die Gees bedink, is lewe en vrede

Ons moet ook seker maak dat ons genoeg persoonlike tyd inruim met die Here (soos Jesus vir ons geleer het), sodat ons perspektief kan verander en ons begin "sien soos Hy sien". As ons gedagtes heeltyd op die wereldse is, dan gaan ons natuurlik vermoeid en belas voel (soos die res van die wereld).

=================================================================================

GEDAGTE:

(Rom 12:2)  En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.

(Mat 11:28)  Kom na My toe, almal wat vermoeid en belas is, en Ek sal julle rus gee.

----------------------------------------------------------------------------------------------------------------------------------

http://warechristene.blogspot.co.nz/2012/08/mat-527-het-gehoor-dat-aan-die-mense.html

http://warechristene.blogspot.co.nz/2012/04/god-weet-wat-jy-dink.html

http://warechristene.blogspot.co.nz/2012/01/gods-bewus-of-selfbewus.html

http://warechristene.blogspot.co.nz/2012/05/wat-dit-beteken-om-kragtig-te-wees-in.html

Sal enige bome (gelowiges) uitgekap word wanneer Jesus terugkom?

IN DIE GELYKENIS VAN DIE SAAIER, IS DIT SLEGS DIE EERSTE GROEP WAT 'N VOORSTELLING IS VAN "ONGELOWIGES" - AL 3 DIE ANDER GROEPE IS 'N VOORSTELLING VAN 

"GELOWIGES" (2de, 3de en 4de groep).

-Die tweede groep (in die gelykenis v/d saaier) neem die geloof met blydskap aan, maar glo net vir 'n tyd.

-Die derde groep het selfs wortel, en begin vrug dra, maar die vrug word verstik deur die sorge, begeerlikhede, rykdom en genietinge van die lewe.

-Die vierde groep hou vas aan die geloof, gee ag op die waarheid, en KEN die Here as eerste Liefde. ( Vgl. hierdie gerus ook met die trappe van geestelike ondervinding (baba, kind, jongman, vader)).

------------------------------------------------------------------------------------------------------------

JESUS HET VIR ONS GELEER DAT DIE WAT NIE VRUG DRA NIE, UITGEKAP SAL WORD.  DIT DAN DIE PROBLEEM MET DIE TWEEDE EN DERDE GROEPE IN DIE GELYKENIS VAN DIE SAAIER, WANT OMDAT DIE TWEEDE GROEP NIE "IN DIE HERE BLY NIE", KAN HULLE NIE VRUG DRA NIE (hulle "val af" in tyd van versoeking of verdrukking);  EN IN GEVAL V/D DERDE GROEP, RAAK HULLE ONVRUGBAAR, OF DRA GEEN RYP VRUG NIE.  Dit beteken dat iemand wel 'n Christen kan word en deel wees van die kinders v/d koninkryk (en die hoop he op saligheid en opstanding tot ewige lewe),  maar ontwortel kan word sou hy nie vashou aan die geloof nie.

Die wat wel vrug dra en vashou aan die geloof, sal meer vrug kry, en word ook gesnoei om meer vrug te dra.

========================================================================

GEDAGTE:

Alhoewel ongelowiges ook nie goeie vrug dra nie (omdat hulle werke nie uit diensbaarheid aan God is nie), verwys die skrifte wat handel oor die wat geen vrug dra nie, eintlik na "gelowiges wat geen vrug dra nie".  Baie Christene dink dat die tema van "geen vrug dra nie" na ongelowiges verwys, maar daar kan nie van 'n ongelowige verwag word om vrug te dra nie, want hy het nog nie saligheid nie - hy is nog nie "diensbaar aan God" nie - hy dien nog nie die Here nie. DIE TEMA VAN "GEEN VRUG DRA NIE", GAAN OOR WARE GELOWIGES WAT NIE VRUG DRA NIE - die wat bv. wel tot geloof gekom het, maar nie in die Here bly nie, of die wat nie ag gee op Sy waarheid nie; of selfs die wat wel begin vrug dra, maar meer besig raak met die lewe as met die Here (soos die sorge, begeerlikhede, rykdom en genietinge van die lewe), staan die gevaar dat hulle kan "afval" en "uitgekap" word.

========================================================================

http://sondagskooltuis.blogspot.co.nz/2014/07/a4-muurkaart-gelykenis-van-die-saaier.html

http://sondagskooltuis.blogspot.co.nz/2014/07/a4-muurkaart-horisontaal-saad-en-vrug.html

Die Gelowige 'n Boom

------------------------------------------------------------------------------------------------------------

EERSTE GROEP:  Dit verwys na Ware gelowiges (koring) word deur die Seun v/d Mens (Jesus die Christus) in die wereld gesaai - HULLE DRA GOEIE VRUG (word genoem:  "vrug tot heiligmaking" of "vrug vir die ewige lewe").  Let wel dat die KORINGKORREL nie kan leef, as dit nie eers gesterwe het nie - hierdie verwys nie net na hoe ons die eie-ek moet kruisig nie, maar verwys ook na hoe die wat "vrug dra" ("die wat hulle lewe verloor"), sal opstaan tot lewe! ("die opstanding", ewige lewe, verheerlikte liggame).

MIDDELSTE GROEP:  Dit verwys na Voorgee-gelowiges (onkruid) word deur die duiwel gesaai onder die koring (word onder die ware gelowiges gesaai) - HULLE DRA SLEGTE VRUG (wat miskien lyk soos goeie vrug, maar is nie gedoen uit "diensbaarheid aan God" nie).  In die geval van die voorgee-Christen, gee hy voor dat hy die Here ken, of dat hy in die Here bly, of dat hy gehoorsaam is aan Hom ens. - daarom gaan hy slegte vrug dra, want die vrug wat hy dra is nie uit diensbaarheid aan God nie, maar uit diensbaarheid aan homself!

DERDE GROEP:  Dit verwys ook na Ware gelowiges (koring) wat wel begin goeie vrug dra, maar die vrug word verstik deur die sorge, begeerlikhede, rykdom en genietinge van die lewe.  So iemand VERLOOR SY VRUG - "hy raak onvrugbaar" of "dra geen ryp vrug nie". Hy hou nie vas aan die geloof nie, gee nie ag op die waarheid nie, en begin om weer die sonde of sy eie wil te dien.  Die gevolg is dat hy vervloek sal word soos die vyeboom wat geen vye gedra het nie - hy sal uitgekap word en in die vuur gegooi word. 

========================================================================

GEDAGTE:

Die tema van "vrug dra" (goeie vrugte; vrug vir die ewige lewe; vrug tot heiligmaking), gaan spesifiek oor iemand wat 'n DIENSKNEG is, iemand wat DIENSBAAR IS AAN GOD (Rom. 6).  Alhoewel vrug verwys na goeie dade, optrede, die manier hoe iemand praat ens., moet dit nie gesien word soos werke nie, maar eerder soos "loon", m.a.w. "loon wat iemand verdien wanneer hulle die evangelie verkondig", of "loon omdat hy in die Here bly", of "loon omdat hy ag gee op die waarheid" ens.   Dit gaan oor gehoorsaamheid;  m.a.w. iemand dra vrug OMDAT hy in die Here bly, OMDAT hy doen wat die Here hom beveel, OMDAT hy die Here KEN....OMDAT hy gehoorsaam is aan die Here - hy DIEN DIE HERE (hy is 'n dienskneg).

MAAR DIESELFDE KAN NIE VAN DIE "ONKRUID" GESE WORD NIE.  Die persoon wat voorgee dat hy gelowig is, dra "slegte vrugte".

Jesus het vir ons geleer dat ons 'n valse profeet aan sy vrugte sal ken. Die valse profeet dra slegte vrugte (hy dra m.a.w. "vrug", maar dit is nie vrug uit diensbaarheid aan God nie - hulle vrug is nie "uit gehoorsaamheid aan die Here" nie;  dit is nie vrug vir die ewige lewe, of vrug tot heiligmaking nie). Dit is iemand wat voorgee dat hy gehoorsaam is aan die Here en Hom dien, maar hy het nie Sy WAARHEID lief nie en gee ag op mensgemaakte wette i.p.v. OM gehoorsaam te wees aan die Here. Hulle laat die swaarste dele van die wet na, nl. die reg (om reg te oordeel), barmhartigheid, en trou (geloof)(Matt. 23:23). Baie van die Fariseers en Skrifgeleerdes was so 'n vb. - Jesus het hulle genoem, "geveinsdes" (wat beteken "akteurs).  Hulle het voorgegee dat hulle die Vader ken, tog het hulle nie Sy Seun aanvaar nie en hulle wette bo "gehoorsaamheid aan die Here" gestel. Dit wat "hulle geglo het die waarheid is", was m.a.w. vir hulle belangriker as wat "die waarheid was"!  Hulle hoop was in die manier "hoe hulle sien", nie soos die Here sien nie (m.a.w., hulle het hulle nie regtig bekeer tot die Here nie - bekeer van die manier hoe hulle "sien" of dink nie - juis dit wat Johannes die Doper hulle geroep het om te doen, het hulle nie gedoen nie!).  Hulle het in opstand gekom teen die waarheid wat Jesus verkondig het (die evangelie van die koninkryk) en teen die Gees van God;  hulle was onbarmhartig en het baie verkeerd geoordeel. Jesus het prontuit verklaar dat hulle nie regtig die Vader ken nie!  Hulle het hulself gesien as "kinders van die koninkryk" (omdat hulle kinders van Abraham is), maar het nie die voorwaardes nagekom om in te gaan in die koninkryk nie (daardie natuurlike takke is afgesny, maar dit beteken nou nie dat die Here hulle nie kan terug inent nie).  So is daar baie gelowiges vandag wat voorgee dat hulle "kinders van die koninkryk is" omdat hulle hul laat doop het (die Christelike doop)(hulle gee voor dat hulle glo), maar as hulle nie die voorwaardes nakom nie, sal hulle ook nie in die koninkryk van God ingaan nie.  Die wat nie gehoorsaam is aan die Here nie, en nie ag gee op die waarheid nie, en nie ag gee op Jesus se leringe oor Sy koninkryk nie, staan die gevaar om afgesny te word.  So sal baie na die bruilof gaan, maar uitgegooi word omdat hulle nie 'n bruilofskleed aan het nie... hulle gaan asof hulle deel is van die kinders van die koninkryk, maar daar sal gevind word dat hulle nie regtig die Here GEKEN HET NIE! 

----------------------------------------------------------------------------------------------------------

http://sondagskooltuis.blogspot.co.nz/2014/07/inligting-oor-die-vrug-van-die-gelowige.html

http://warechristene.blogspot.co.nz/2014/03/die-wet-en-die-profete-evangelie-vd.html