Is daar 'n verskil tussen bekering en wedergeboorte?

BEKERING is iets wat ons moet doen:

- bekeer tot die Here (Matt. 3:2; 4:17; 11:20; Openb. 2:5);

- bekeer van werke (Eseg. 18:23; Dan. 9:13; Hand. 3:26);

- bekeer van afgode ( Deut. 3:20; Matt. 13:15; Luk. 1:16; Hand. 14:15).

Bekering beteken om weg/om te draai/van plan verander... - draai weg van die sonde na dit wat reg is (vrees die Here en soek geregtigheid ); draai weg van afgode na die Here toe (dien alleen die Here en raadpleeg Hom - bekeer jou van die manier hoe jy sien en dink), draai weg van die dooie werke vd wet na Jesus Christus toe (dien "wet van vryheid"/gehoorsaam aan die Gees  -  soek die wil vd Here bo werke)(vir 'n studie hieroor met skrifte, gaan na: https://warechristene.blogspot.com/2014/02/weer-gebore-wedergeboorte-wedergebore.html). Om vergifnis van sonde te kry moet iemand hom/haar BEKEER, maar l.w. dat bekering nie net beperk is tot die geval van wanneer iemand wederbaar word nie, maar dit is ook nodig waar 'n weergeborene terugval in sonde of afgodspraktyke of begin wegdraai van die Here.

WEERGEBOORTE is iets wat die Here in iemand doen:

- afwassing van sondes (Joh. 3:5);

- ontvang die Heilige Gees (Joh. 3:5).

Deur weergeboorte word iemand 'n nuwe mens (asof "weer gebore", maar hierdie keer uit God se saad)(1 Pet. 1:23; Joh. 3:6). Weergeboorte is 'n eenmalige gebeurtenis waarin sonde vergewe word en iemand die Heilige Gees ontvang, maar l.w. dat die weergeborene steeds vergifnis nodig het vir sondes daarna gepleeg, en alhoewel die Heilige Gees inkom (en daar bly) kan die weergeborene deurentyd met krag vd Gees gevul word.

---------------------------------------------------------------------------------------------------------------------------

BEKERING en WEERGEBOORTE gaan hand aan hand, kyk bv. (2Pet. 3:9 - "Die Here vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal TOT BEKERING (Gr. woord "met-an'-oy-ah", wat verwys na "van plan verander/omdraai") moet KOM").  Ons verwys baiemaal na wedergeboorte as "bekering", maar waarna dit dan eintlik verwys is dit wat die mens moet doen voor hy wederbaar kan word, nie dit wat die Here doen in die mens nie. BEKERING is bv. belangrik voor sondes vergewe kan word... (Mark. 4:12)(om jou van daardie sondes te bekeer - draai weg van die sondes). In daardie opsig is bekering beslis belangrik voor iemand weergebore kan word!, want tydens weergeboorte word iemand SE SONDES VERGEWE en die persoon ontvang die Heilige Gees. G'n wonder dis presies hoe Jesus se bedieninge begin het!, nl. dat Hy mense opgeroep het tot BEKERING (Mark. 1:15; 6:12) - en in hierdie konteks beteken die woord bekering in die Grieks in daardie skrifte veral, "om jou te bekeer van die manier hoe jy sien en dink" (bv., bekeer jou tot hoe die Here sien en dink). Johannes die doper het ook mense opgeroep tot BEKERING (o.a. verwag dat hulle heilig moes lewe!;  dus, wegdraai van die sonde) en op hierdie manier die pad voorberei vir die Here en so die paaie reguit gemaak want, het hy gesê: "die koninkryk van die hemele het naby gekom" (Matt. 3:2,3). Toe die 12 dissipels uitgestuur is in Mark. 6 was die opdrag ook om mense "tot bekering te roep" (v.12)(omdat die Koninkryk naby gekom het).  Dus sien ons hier die belangrikheid van BEKERING voor iemand kan ingaan in die koninkryk... Bekering en vergifnis van sondes gaan hand aan hand;  m.a.w., as iemand bely hy't vergifnis van sondes ontvang maar hy het hom nog nie van daardie sondes bekeer nie, dan lieg hy vir homself. Jy kan nie vergewe word as jy jou nie van sonde bekeer nie. Die Skrif onderstreep nie onvoorwaardelike vergifnis nie, maar is eerder uitgesproke oor wat nodig is voor iemand vergifnis kan kry! In Paulus se verdediging voor Agrippa waarin hy getuig van hoe die Here hom geroep het en gebruik, vertel hy dat hy gestuur is na die heidene "om hulle oë te open, dat hulle hul van die duisternis tot die lig kan BEKEER en van die mag van die Satan tot God, sodat hulle deur die geloof in Jesus vergifnis van sondes en ‘n erfdeel onder die geheiligdes kan ontvang (v.18)(kyk Hand. 26:17-20)(Hand. 26:20 - "maar ek het eers aan die mense in Damaskus en in Jerusalem en in die hele land van Judéa en aan die heidene verkondig dat hulle tot inkeer moet kom en hulle tot God bekeer deur werke te doen wat by die bekering pas"). Om tot bekering te kom is deel van "om tot geloof te kom" - dit is iets wat die mens moet doen (terwyl weergeboorte iets is wat die Here in iemand doen).

Die woorde "weergebore/wedergeboorte/wedergebore" kom sowat 6 keer voor in die N.T. (Joh. 3:3-8; 1 Pet. 1:23; ens.), en verwys na 'n vernuwing, alhoewel vernuwing ook regdeur die Christen se lewe plaasvind (kyk "pad van godsaligheid"). Om weergebore te word (deur water en Gees-Joh. 3:3-5) moet jy GLO in Jesus Christus, deur wie jy vergifnis van sonde kry en die Heilige Gees ontvang. Geloof in Jesus Christus is soos om jou tot Hom te bekeer (glo in wie Hy is, glo in Sy woorde, ens. / verander jou manier van sien en dink tot hoe Hy sien en dink). In daardie opsig is bekering nodig "tot lewe"! (Hand. 11:18; 2 Pet. 3:9). Sommige mense dink dat bekering slegs 'n belydenis is van geloof, maar die waarheid is dat bekering nie net uit woorde bestaan nie, want geloof sonder werke is dood (Jak. 2:20,26). 'n Ware bekering word bewys deur werke... (Hand. 26:20; Matt. 3:10-12);  daarom leer die Skrif dat ons nie net geregverdig word deur geloof nie, maar ook deur werke... (Jak. 2:24). As iemand hom bekeer van afgode, moet hy ophou om afgode te aanbid en ophou om deel te neem aan afgodspraktyke.  As iemand hom bekeer van sy manier van dink, moet hy sy eie sieninge weggooi en soek om te begin sien en dink soos die Here sien - hy kan nie dan nog vashou aan wereldse sienswyses nie.  As iemand hom bekeer van sonde, moet hy ophou om daardie sonde te doen. As iemand hom bekeer van dooie werke (Hebr. 6:1), moet hy ophou om sy hoop te plaas in werke vd wet of menslike gebooie (Tit. 1:13,14). 

----------------------------------------------------------------------------------------------------------------------------

GEDAGTE:


Daar is sekere werke wat saam met "bekering" gaan (Hand. 26:20), en beslis is nie enige werke 'n teken van bekering nie -  VRUG WYS bv. of iemand hom bekeer het of nie (Matt. 3:10)...  Dinge soos onreinheid, hoerery en ongebondenheid ens. is alles bewyse daarvan dat iemand nog NIE BEKEER is nie (2 Kor. 12:21), of is 'n bewys daarvan dat iemand teruggeval het in sondes - in so 'n geval moet die persoon hom weer (daarvan) bekeer. Inderdaad moet die persoon wat wederbaar is, verander het! 'n Broeder wat bv. afgedwaal het van die waarheid het nodig om hom daarvan te BEKEER... (Jak. 5:19,20). "Bekering" is dus belangrik in enige geval waar iemand wat reeds tot geloof gekom en wederbaar is, weer teruggeval het in wêreldse wysheid, sonde, werke of afgode.  Hier kan ons sien dat alhoewel weeergeboorte 'n eenmalige gebeurtenis is, en bekering nodig voor dit kan gebeur, is bekering nie noodwendig eenmalig nie - net so die verskil tussen die "ontvang vd Gees" en "vervulling van krag vd Gees", want op dieselfde wyse wat "vergifnis van sondes" iets is wat deurgaans gebeur in die geestelike mens se lewe, so is die ontvang vd krag van die Gees ook iets wat deurgaans in die weergeborene se lewe kan gebeur.  Die ONTVANG VD GEES is wel eenmalig, maar die KRAG VD GEES is iets waarmee die geestelike mens gedurigdeur vervul kan word (vir 'n studie hieroor, gaan na: https://warechristene.blogspot.com/2016/08/die-gees-van-god-4.html).   

Inderdaad is die onderwerp van bekering belangrik, en daar is groot blydskap in die hemel wanneer 'n sondaar hom bekeer! (Luk. 15:7,10).  Die wat hulle nie BEKEER nie, is ook die wat uiteindelik GEOORDEEL gaan WORD (Luk. 11:32; 13:3,5; Matt. 11:20), en sal nie die TOORN vryspring nie (Matt. 3:7) maar gaan na die plek van pyniging...( Luk. 16:27-31). Maar l.w., bekering is wel nodig..., maar  dit is nie enige offer wat vir sonde betaal nie! - vergifnis van sonde word op 'n spesifieke manier verkry, die manier wat God daarvoor geskep het, nl. deur Sy Seun Jesus Christus (Hy was soos 'n lam vir ons geoffer...). 'n Nuwe hart is ook nodig, anders is dit nie anders as diesulkes in die O.T. wat bloedoffers gebring het maar aanhou sondig het nie... (die wat, al was hulle vleeslik besny, nie besny was van hart en ore nie). Daarom is die ontvang van die Heilige Gees so belangrik, want die Gees verander ons en vernuwe ons harte, sodat ons ophou om die sonde te dien. Net soos vergifnis van sonde by Jesus te kry is, net so is Hy die Een by wie ons die Heilige Gees kan kry. Dus, voor iemand wederbaar kan word, moet hy glo in Jesus Christus (die Een wat sonde vergewe en vir jou die Heilige Gees kan gee).

---------------------------------------------------------------------------------------------------------------------------

Wat is die verskil tussen die BESNYDENIS en die CHRISTELIKE DOOP?

Alhoewel die Christelike doop nie die besnydenis vervang het nie, is daar heelwat ooreenkomste tussen die vleeslike besnydenis vd Ou Testament en die Christelike doop vd Nuwe Testament.  In die verskillende bedelings word wette verskillend vervul, en met die besnydenis is dit niks anders nie. .. In kort, die besnydenis het nie weggeval nie maar word bloot op die uitnemender manier vervul in die N.T. - en die manier hoe dit vervul word in die nuwe is nie deur die Christelike doop nie, maar deur die besnydenis van hart en ore  (alhoewel die Christelike doop ook maar 'n teken is hiervan!)(kyk "nuwe lewe"/nuwe hart en "hoor"). In die O.T. was "die besnydenis van hart en ore" ook die uiteindelike bewys van wie dit is wat werklik glo...  

---------------------------------------------------------------------------------------------------------------------------- In die O.T. was die besnydenis 'n belangrike teken onder die volk van God - almal wat manlik was onder die volk moes besny word op 8 dae oud (die voorhuid is afgesny), en as hulle hierdie nie wou doen nie was daar ernstige gevolge;  bv., so iemand moes uit die volk uitgeroei word (Gen. 17:14) en mag nie deelgeneem het aan die Paasfees nie (Eks. 12:43-45), en mag ook nie met 'n dogter van die volk getrou het nie (Gen. 34). As jy 'n seun onder die volk gebore is was dit jou lot ...- elke manlike kind onder die volk was soos 'n priester vir die Here - die mans was afgesonder vir die Here en ook op 'n bepaalde tyd gebring om aan die Here voorgestel te word (Luk. 2:23,24 - kyk "reinigingsoffer")(kyk "bar-mitzvah" op 13 jarige ouderdom - dan het 'n seun 'n man geword-Num. 6:24-26).  Maar waarvan presies was die besnydenis 'n teken (wat het dit voorgestel)? Die besnydenis was 'n teken van God se verbond met die volk ('n teken dat hulle deel is van Sy volk)(Gen. 17 - vgl. met Gen. 12:1-7)(Gen. 34:17,22). Maar ons sien dat die "besnydenis van hart en ore" dit is waaroor die besnydenis eintlik gegaan het. Vir 'n studie oor "besnydenis van hart en ore", gaan na: (https://warechristene.blogspot.com/2016/11/die-besnydenis-2-besnydenis-van-hart-en.html). As hulle hul nie wou besny nie was dit eintlik 'n teken van ongeloof . Op beurt het dit nie veel gehelp jy is besny maar jy het nie geloof nie! Dus, ook in die O.T. was ongehoorsames hanteer soos mense wat nie besny is nie (al was hulle mans vleeslik besny)- wat help dit jy is vleeslik besny, maar het onbesnede hart en ore? Hierdie was moeiliker onder die wet van Moses, maar die inwoning van die Heilige Gees maak dit makliker vir ons in die N.T.  Die BESNYDENIS het dus nooit weggeval nie, maar word beter vervul in die N.T. deur ons geloof in Jesus Christus (Hy vergewe ons sonde, en die Heilige Gees stel ons instaat om nie meer die sonde te dien nie!).

----------------------------------------------------------------------------------------------------------------------------

In die eerste Christelike gemeentes was daar baie oor die besnydenis gesels en oor of dit steeds nodig is. Die Joodse Christene was natuurlik besny, maar wat van die Christene uit die heidene? Sommige het geglo dat dit steeds belangrik is, en ander nie (Hand. 15:24). Natuurlik is daar goeie mediese voordele aan besnydenis, maar in hierdie geval het dit gegaan oor die geestelike (wat met gevolge sou kom sou dit nie gehou word nie, bv. dat onbesnedens afgesny word van die res, verbied word om saam Pasga te hou, en verbied word om te  trou met vrouens van die Christelike geloof). Die dissipels het verstaan dat die gebaar van besnydenis meer gegaan het oor die "besnydenis van hart en ore" as wat dit gaan oor die vleeslike besnydenis, en daar was 'n besluit geneem dat die juk vd vleeslike besnydenis nie verder op Christene gelê word nie... (Hand. 15:10-29,24). Verder was die wat hulle vleeslike besny, onderwerp aan die wet van Moses (Gal. 5:3; 6:13), terwyl daar nou 'n beter manier (as die wet van Moses) was om "hart en ore te besny".  

----------------------------------------------------------------------------------------------------------------------------

In die N.T. word "onbesnedenes" nie gesien as die uit die heidene nie, of vleeslik onbesny nie, maar onbesnedes in die N.T. verwys na die wat nie glo in Jesus Christus nie;  ma.w., die wie se harte en ore nie besny is nie (Hand. 11:2-18)(hulle is nie vernuwe nie/het nie 'n "nuwe hart" gekry nie en "hoor" nie, en gee ook nie verder ag op die pad van godsaligheid nie). Christene uit die heidene is wel nie vleeslik besny nie, maar ten spyte van die feit dat hulle nie besny is nie ontvang hulle die Heilige Gees! -  wat 'n bewys is dat hulle aangeneem is!  (en l.w. dat niemand sal die opstanding tot lewe verkry as hy nie AANGENEEM word nie... - Rom. 8:23). Dit is die "kinders van die opstanding" (die wat waardig geag word om die opstanding uit die dode te verkry) wat uiteindelik die koninkryk sal sien... - hulle sal ingaan in die koninkryk en sal die land as ewige besitting verkry (Dan. 7:27), en sal wees soos engele en KINDERS VAN GOD (Luk. 20:36).

----------------------------------------------------------------------------------------------------------------------------

GEDAGTE:

 

Die Christelike doop word somtyds gesien as 'n teken wat die vleeslike besnydenis vervang het, maar l.w. dat DIE BESNYDENIS self NIE VERVAL HET NIE!, maar word op 'n uitnemender manier vervul in die N.T.... (nl. die klem is nie op die vleeslike besnydenis van die mans nie, maar "besnydenis van hart en ore" - wat slegs moontlik is deur GELOOF). Die kinders vd besnydenis (hetsy ou of nuwe testament) verwys na die kinders van GELOOF (nie die kinders na die vlees nie)(die belofte was bv. aan Abraham gemaak (Gen. 12) lank voor die instelling vd vleeslike besnydenis onder die wet van Moses (Gen. 17)) -  is bv. nie beperk tot die Hebreeuse volk en vleeslike besnydenis vd mans nie (Hand. 10:45), maar het hulle besnydenis deur geloof ontvang (Hand. 11:2). In die N.T. verwys besnedenes na die wie se hart en ore besny is... (m.a.w., die wat vernuwe is deur die weergeboorte asook ag gee op die pad van godsaligheid). Die besnydenis van die hart en ore is  nie net iets wat deur God in die gelowige gedoen word (kry "nuwe hart") nie, maar is ook iets wat van elke gelowige verwag word om self te doen (m.a.w. om ag te gee op die pad van godsaligheid, bv. gehoorsaamheid/werke is 'n bewys dat iemand glo). GELOOF  bepaal of iemand gesien word as 'n besnedene of as 'n onbesnedene (Rom. 4:9,10)(en l.w., geloof sonder werke is dood). 

Dat daar kenmerkende ooreenkomste is tussen die TEKEN van die (vleeslike) besnydenis en die TEKEN van die Christelike doop, is verseker:

- (1) Die besnydenis was bv. 'n teken van wie deel is van die "verbonds"volk, en wys op die nageslag van Abraham... L.w. dat almal wat aan Christus behoort ook gesien word as die nageslag van Abraham...- en volgens die belofte erfgename!  (Gal 3:27 - "want julle almal wat in Christus GEDOOP is, het julle met Christus beklee. Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus. En as julle aan Christus behoort, dan is julle die nageslag van Abraham en volgens die belofte erfgename"). Die doop is o.a. 'n teken hiervan - bestudeer gerus die term "met Christus beklee", wat veral verwys na hoe weergeborenes "vlees en been" is van Christus (is familie van Hom / asof uit Hom gebore - "is uit God gebore" - natuurlik nie fisies uit Hom gebore maar het dit deur die geloof ontvang). 

- (2) Die vleeslike besnydenis was slegs 'n teken - die ware besnydenis was die besnydenis van hart en ore. Alhoewel ons nie onder die juk vd vleeslike besnydenis is in die N.T. nie, het die belangrikheid van "ware besnydenis" nie verval nie.  In die O.T. was die wat besny is "onder die wet (van Moses)", maar in die N.T. verwys gelowiges na die wat "onder Christus" is (hulle is deur Hom vrygekoop, en Hy is nou hulle meester - "slawe van Christus").  L.w. dat die Christelike doop ook o.a. hierdie voorstel..., nl. vergifnis van sonde en "doodgaan vir sonde" en "opstaan in 'n nuwe lewe om vir die Here te lewe". 

- (3) Besnedenes in die O.T. het die belofte gehad van opstanding! (maar onbesnedenes sou vergeet word in die graf...-Eseg. 28:10; 32:19,27; Jes. 38:18). In daardie opsig is die dood anders vir onbesnedenes as wat dit is vir die wat besny is (1 Kor. 7:18; Gen. 17:4-9) - besnedenes sal eendag opstaan tot (ewige) lewe.  L.w. dat die Christelike doop ook o.a. hierdie voorstel..., nl. belofte op opstanding in 'n nuwe liggaam wat vir ewig sal lewe.  

- (4) Die vleeslike besnydenis het nie veel beteken as hart en ore nie besny is nie - ongelukkig was dit moeilik onder die ou bedeling (onder die wet van Moses) om vergifnis van sonde te hou, want al het hulle vergifnis gekry deur bloedoffers, moes hierdie offers oor en oor gebring word omdat baie nog steeds "die sonde gedien" het (op daardie manier het die sonde net meer en meer geword). Vernuwing van die hart en gehoorsaamheid aan die Here (ore/"hoor") was nog 'n bewys van wie glo. Die wat in Jesus Christus glo verkry nie net vergifnis van sonde nie, maar ontvang die Heilige Gees deur wie hulle vernuwe word en instaat word om vrug (vrug tot lewe) vir die Here te dra - wat 'n veel uitnemender weg in die nuwe bedeling! L.w. dat die Christelike doop ook o.a. hierna verwys..., nl. die nuwe lewe (nuwe hart en pad van godsaligheid). Dit is waarom die Skrif leer dat almal wat hulle besny is "onder die wet (van Moses) is"... (Gal. 5:3)(gehoorsaam aan die wet van Moses) en is daardeur geoordeel, maar die Christelike doop is in die nuwe bedeling bedoel vir die "onder die wet van vryheid" (die wat "onder Jesus" is / hulle is "onder die Heilige Gees" deur wie Hy teenwoordig is), en sal deur "die wet van vryheid" geoordeel word. 

Nie almal wat GEROEP is sal uiteindelik die Koninkryk beerwe nie, want baie is geroep, maar min uitverkies (Matt. 22:14).    In die N.T. word "onbesnedenes" nie gesien as die uit die heidene of die wat vleeslik onbesny nie, maar onbesnedes in die N.T. verwys na die wat nie weergebore (deur geloof in Jesus Christus ) is nie;  ma.w., die wie se harte en ore nie besny is nie (Hand. 11:2-18). Net soos in die geval van die ou bedeling, sal Christene wat bloot staatmaak op die feit dat hulle "gedoop" is maar nie ag gee op die pad van godsaligheid nie, steeds gesien word soos "onbesnedenes" (al het hulle deur die Christelike doop gegaan - die pad van godsaligheid is m.a.w. steeds belangrik).  Net soos die ongehoorsames onder die volk van God destyds gesien is as "onbesnede" (al was hulle mans vleeslik besny), net so word die ongehoorsame N.T. gelowige gesien as "onbesnede" (al is hy gedoop!). 

----------------------------------------------------------------------------------------------------------------------------

Die oë van die Here is op jou

Wat beteken dit wanneer "die oë van die Here op jou is"?  

Die Here se oë is natuurlik op die weë van die mens, en Hy sien al sy voetstappe... - sy ooglede toets die mensekinders (Job 34:21; Ps. 11:4; Spr. 15:3) - die Here sien alles!, en Hy sal gee "aan elkeen na sy weë, volgens die vrug van sy handelinge" (Jer. 17:10)...;  maar l.w. dat die woorde "die oë vd Here is op jou" baiemaal spesifiek gebruik word in die Skrif om te wys op wie die Here gunstig is! In daardie opsig is dit 'n goeie ding wanneer die Here se oë op jou is..., want o.a. beteken dit dat Hy na jou gebede luister en vir jou sorg. 

Wanneer die Here se oë "oop is" en Sy "ore luister", dan is dit woorde wat beskryf hoe Hy weet van ons en na die gebede van Sy kinders luister... (2 Kron. 7:15; Joh. 9:31); dit verwys spesifiek na regverdiges - kyk 1 Pet. 3:12, wat vir ons leer dat die oë van die Here is op die regverdiges en sy ore tot hulle gebed (maar die aangesig van die Here is teen die kwaaddoeners - asof Hy Sy kop wegdraai van hulle af). 2 Kron. 16:9a maak ook die volgende stelling"  ("want die HERE—sy oë deurloop die hele aarde om diegene kragtig te steun wie se hart onverdeeld op Hom gerig is;....."). Kyk ook die volgende verse: -Deu 11:12 - "‘n land waar die HERE jou God voor sorg; die oë van die HERE jou God is altyddeur daarop, van die begin van die jaar tot die einde van die jaar"; en -1 Kon. 9:3 - "en die HERE sê vir hom: Ek het jou gebed en jou smeking gehoor wat jy voor my aangesig uitgespreek het; Ek het hierdie huis wat jy gebou het, geheilig deur my Naam daar te vestig tot in ewigheid; en my oë en my hart sal daar altyd wees". 

----------------------------------------------------------------------------------------------------------------------------

GEDAGTE:

Natuurlik wil ons graag hê dat die Here ons HOOR en SIEN (dat Hy ons gebede hoor, sien waardeur ons gaan)(2 Kron. 6:40; 1 Kon. 8:52), want Hy is ons hulp en redding. 

Die Here se oë is op Sy kinders... (om hulle te help en hoor), maar ons moet pasop want in sekere gevalle kan dit gebeur dat die Here Sy aangesig teen Sy kinders draai! (Lev. 16:17; Jer. 21:10; Eseg. 15:7). Spesifieke gevalle word in die Skrif genoem waar die Here Sy aangesig teen Sy kinders draai, en dit het veral te doen met wie ons raadpleeg... Ons is veronderstel om die Here te raadpleeg - die Here moet ons bron wees,.  Ongehoorsaamheid, en wanneer ons ander bronne opsoek, kan tot gevolg he dat die Here later Hom nie meer deur ons laat raadpleeg nie (soos met koning Saul gebeur het). Wederstrewiges (ongehoorsames, of die wat hulle verbitter en rebelleer) en eiesinniges (eiewilliges) val gewoonlik in hierdie gat. 

Kom ons kyk na hierdie spesifieke voorbeelde in die Skrif waar die Here Sy aangesig teen Sy kinders gedraai het:

- (1) die wat offer aan afgode/agter afgode aan hoereer... Die wat aan die koninkryk van God behoort se harte moet onverdeeld op die Here gerig wees; (Lev 20:3 - "En Ek sal my aangesig teen dié man rig en sal hom uitroei onder sy volk uit; want hy het van sy kinders aan Molog gegee om my heiligdom te verontreinig en my heilige Naam te ontheilig"). In die N.T. word kinders vd Koninkryk ook spesifiek belet om aan afgode te offer (Hand. 15:29 - " dat julle jul onthou van afgodsoffers en van bloed en van wat verwurg is en van hoerery. As julle jul hiervan onthou, sal julle goed doen. Vaarwel!")(Hand. 15:19,20 - "Daarom oordeel ek dat ons die wat uit die heidene hulle tot God bekeer, nie moet bemoeilik nie, maar aan hulle skrywe dat hulle hul moet onthou van die dinge wat deur die afgode besoedel is en van hoerery en van wat verwurg is en van bloed").

- (2) wanneer Sy kinders bloed eet... Die wat aan die koninkryk van God behoort word verbied om bloed te eet (Gen. 9:4; Hand. 15:20,29)(Lev 17:10 - "En elkeen uit die huis van Israel en uit die vreemdelinge wat onder hulle vertoef, wat maar enigsins bloed eet teen die een wat die bloed eet, sal Ek my aangesig rig en hom uitroei onder sy volk uit"). Of  hierdie alleenlik bedoel was in die konteks van afgodsoffers is natuurlik debateerbaar, maar die opdrag was veral gegee omdat "die bloed met die siel verbind is"... (Lev 17:14 - "want wat die siel van alle vlees aangaan, sy bloed is met sy siel verbind. Daarom het Ek aan die kinders van Israel gesê: Julle mag die bloed van enige vlees nie eet nie, want die siel van alle vlees is sy bloed; elkeen wat dit eet, moet uitgeroei word")(Deut. 12:23).

- (3) die wat hulle begewe tot geeste van afgestorwenes en geeste wat waarse...  Kinders vd koninkryk mag nie by hierdie heidense geloofspraktyke (bv. om raad te gaan soek by geeste van afgestorwenes of waarseers op te soek) betrokke raak nie; (Lev 20:6 - "En as ‘n persoon hom begewe tot die geeste van afgestorwenes en die geeste wat waarsê om agter hulle aan te hoereer, sal Ek my aangesig teen dié persoon rig en hom uitroei onder sy volk uit")(Jes. 8:19; Dut. 18:10-14; Lev. 19:31; 20-27). 

Waar kinders van die Here met sulke dinge besig raak, kan hulle nie staatmaat op die Here se hulp nie - en kan nie seker wees dat die Here hulle gebede sal hoor nie. 

-----------------------------------------------------------------------------------------------------------------------------

Liggaam, siel en gees

Die mens bestaan uit 'n (1) UITERLIKE (mens) en 'n (2) INNERLIKE (mens),

 maar dit word beskryf deur (1) LIGGAAM, (2) SIEL en (3) GEES   - en dit is hier waar die "paw paw die fan strike"...  Is dit nou 2 dele, of 3? Ons is wonderlik kompleks gemaak, geen wonder ons sukkel om onsself te verduidelik. 

Kom ons kyk na die skrifte waaruit bg. kennis verkry is:

- LIGGAAM, SIEL en GEES (1 Thess. 5:23)

(liggaam=Gr. woord "so'-mah" -liggaamlik, liggaam, slaaf)(siel=Gr. woord "psoo-khay'"-hart, lewe, siel, gesindheid, ons, jy)(gees=Gr. woord "pnyoo'-mah" -gees, lewe, gesindheid, gees(vdmens)) 

- "LIGGAAM en SIEL" (Ps. 31:10; Mig. 6:7) (Matt. 10:28)

(liggaam= Gr. woord "so'-mah" -liggaamlik, liggaam, slaaf)(siel=Gr. woord "psoo-khay'"-hart, lewe, siel, gesindheid, ons, jy)

- UITERLIKE MENS en INNERLIKE MENS (2 Kor. 4:16; Rom. 7:22; 2 Kor. 4:16; Ef. 3:16) 

(uiterlike (mens)= Gr. woord "ex'-o" -verwys na die buitekant -weg van, vorentoe, buite, vreemd)(innerlike (mens)=Gr. woord "es'-o-then'"-verwys na die binnekant -binnekant, van binne, sonder)

----------------------------------------------------------------------------------------------------------------------------

Dit is somtyds moeilik om te verduidelik waarna die verskillende dele van die mens verwys.  Waarna verwys "liggaam" spesifiek?  Waarna verwys die woord "siel"?  Waarna verwys "gees"? Hierdie hang eerstens af van die konteks, en tweedens kan ons vra of dit verwys na die fisiese, of na die gees? 

Vir volledige studies oor elk van hierdie begrippe, gaan na:

"liggaam" : https://warechristene.blogspot.com/2019/05/die-liggaam.html

"siel": https://warechristene.blogspot.com/2020/06/die-siel-vd-mens.html

"gees": https://warechristene.blogspot.com/2020/05/asem-gees-lig-gees-vd-mens.html

----------------------------------------------------------------------------------------------------------------------------

Kom ons kyk na 'n kort opsomming wat poog om "liggaam, siel en gees" te beskrywe (vir skrifte, klik asb. op bg. urls):

- "LIGGAAM" beskryf basies alles wat in die graf vergaan wanneer iemand doodgaan... - dit verwys na die uiterlike mens (wat terloops nie kan lewe sonder asem of gees nie). Die begrip "liggaam" word o.a. beskryf deur die woord VLEES ("mens" of "mensdom"- dit wys m.a.w. op soort wese...). Dit beskryf  die (1) FISIESE LIGGAAM "van buite" en "binne" (vleis, vel, naaktheid, ens. = fisiese uiterlike); (organe, bloed, sintuie, ens. =fisiese innerlike). In die Hebr. betekenis kan dit na baie dinge verwys, afhangende van die konteks..., bv. die begrip "liggaam" kan o.a. ook wys aan watter familie jy behoort (kyk bv. DNA), die feit dat die liggaam werk en voedsel en bekleding nodig het, en soos bo beskryf wys dit op beurt na "die self" (wie is jy?, wat is jy? - "vlees", meer in die sin van wat se soort wese is jy), en raak dus ook aan die onderwerp van lewende wese of lewende siel omdat asem/gees die liggaam tot lewe bring...  Wanneer die mens sterf is dit DIE LIGGAAM wat sterwe, en sal eendag opstaan of herlewe... - die wat gered word sal opstaan tot (ewige) lewe (hulle sal ander soort liggame kry, nl. verheerlikte/geestelike liggame), en die wat nie gered word nie sal deur die "tweede dood" gaan (wanneer beide liggaam en siel in die poel van vuur gegooi word = ewige oordeel). DIE BEGRIP "UITERLIKE MENS" BESKRYF VERAL DIE LIGGAAM... (fisies van buite en binne). Dit is eintlik jou innerlike mens wat sien en hoor en praat en voel ens... - die uiterlike liggaam is soos 'n werktuig waardeur die mens se gees werk;  m.a.w., as jou gees jou liggaam verlaat (wanneer jy doodgaan) kan jou liggaam nie meer sien en praat en hoor ens. nie, maar natuurlik kan jou gees! (Luk. 16) - die liggaam is dood sonder gees (Jak. 2:26). 

- "GEES" beskryf asem of  'n gees, nl. in hierdie geval "die gees van die mens"(gees in binneste)(kyk begrip "geeste van alle vlees", in hierdie geval is die soort vlees die mens- m.a.w. "gees van die mens") - in die Hebr. betekenis (bv. in Gen. 2:7) verwys die woord "gees" na beide ASEM of 'n GEES, en dit word o.a. na verwys as "siel" omdat dit die "lewende siel" (beskryf die innerlike mens).  Asem/gees verander 'n liggaam tot 'n lewende wese/lewende siel (Gen. 2:7; Jak. 2:26). Daarom gaan die liggaam dood wanneer asem/gees die liggaam verlaat... Sonder gees of asem kan niemand 'n lewende wese wees nie. Daar word 'n gees in elke mens geformeer (Sag. 12:1). Die skrif verwys somtyds hierna as die "geeste van alle vlees" -  dit is waarom die mens doodgaan wanneer "gees" (asem of die gees vd mens) die liggaam verlaat - want dit is deur "gees" wat hy lewe!  Wanneer die mens doodgaan is dit die liggaam/uiterlike mens wat doodgaan en in die graf vergaan, die innerlike mens of gees vd mens of "siel" verlaat dan die liggaam en gaan na 'n ander plek. DIE BEGRIP "INNERLIKE MENS" BESKRYF VERAL "DIE GEES VAN DIE MENS" (die gees vd mens kan beweeg, praat, hoor, ens.-Luk. 16). 

- "SIEL" beskryf "lewe - is 'n lewende siel", die JY (word gewoonlik deur hart, bloed, sintuie en organe beskryf, maar meer as dit in die Hebr. fo Gr. betekenis vd woord... - dit kan bv. selfs verwys na "liggaam", in die sin van dat siel 'n wese beskryf "met asem", nl. lewende wese (hartstog kan bv.  'n gebeente verrot-Spr. 14:30; 'n gebeente kan ongesond word weens sonde-Ps. 38:3,4; 'n goeie tyding maak die gebeente vet-Spr. 15:30; stralende oe kan die hart verbly-Spr. 15:30;  niere kan versmag van verlange in iemand se binneste-Job. 19:27, en selfs jubel! -Spr. 23:15...ens.). In Gen.1:30 en 2:7 verwys die woord  o.a. na "die eie ek, gedagtes, persoon", ens.  DIE BEGRIP "SIEL" BESKRYF DUS VIR JOU AS LEWENDE WESE (hetsy fisies of geestelik) -  (1) deels na die fisiese (lewe in bloed - siel is aan die bloed verbind), en (2) deels na die gees vd mens in die sin van "is 'n lewende siel" -jy lewe omdat jy 'n gees het). Kyk veral na die terme BLOED  en HART wanneer daar oor die siel gepraat word.  Die siel is in die bloed... - (kyk bv. hoe die term bloed en wat bloed alles vir jou van jou kan vertel - kyk ook terme soos "vlees en bloed", "liggaam en bloed", ens...). "SIEL" WORD BESKRYF IN BEIDE DIE BEGRIPPE "UITERLIKE MENS" EN "INNERLIKE MENS" - DIE BEGRIP "UITERLIKE MENS" BESKRYF BV. O.A. DIE BINNEKANT VAN DIE FISIESE LIGGAAM... (bv. organe -hart, bloed, ens.)., en DIE BEGRIP "INNERLIKE MENS" BESKRYF O.A. DIE SIEL op 'n GEESTELIKE MANIER (bv. begeertes vd hart, ens.) - soos die fisiese jou "as siel" beskryf (bv. jou hartstoestand en bloed wat wys of jy gesond of ongesond is, ens.), so kan jou innerlike jou beskryf  (nie die fisiese hart of bloed nie, maar geestelik..., bv., "wat is die begeertes van jou hart?"," is jou hart gebreek in jou binneste", "is jy geestelik gesond of ongesond?, ens.). 

--------------------------------------------------------------------------------------------------------------------------

GEDAGTE:

Die maklikste manier om die terme "liggaam, siel en gees" te beskryf, is deur Gen. 2:7 - God het die LIGGAAM gemaak van stof/grond, toe ASEM / GEES in die liggaam ingeblaas, en die mens het 'n LEWENDE SIEL geword... (Gen 2:7 - " En die HERE God het die mens geformeer uit die stof van die aarde en in sy neus die asem (Hebr. woord "nesh-aw-maw'" - blaas, asem ingegee, inspirasie, siel, gees) van die lewe geblaas. So het dan die mens ‘n lewende siel (Hebr. woord "neh'-fesh" - wat verwys na iets wat asemhaal, bv. het daarom begeertes, hart wat klop, 'n aptyt, gesindheid, die self, is 'n persoon, die ek, 'n siel, ens.) geword"). 

Dit word ook op 'n ander manier in die Skrif verduidelik..., bv.: om Jesus en die dissipels se leringe beter te verstaan kan die liggaam van die weergeborene gesien word soos GROND (is immers van grond gemaak!-moet omgespit word, ploeg en saai, het kos en water en oefening nodig - kyk onderwerp "pad van godsaligheid" en "slaaf van Christus") - waarin 'n PLANT/BOOM groei en vrug dra (die siel binne-in, kyk onderwerp "geestelike groei") - en het LIG nodig (asem/gees nodig om te lewe - het die asem van die Heilige Gees nodig te kan groei en vrug dra tot ewige lewe)...  (https://warechristenedagstukkies.blogspot.com/2020/05/die-mens-in-beeldspraak.html).     

OP DITTO WYSE IS 

- die liggaam VAN DIE MENS SOOS IETS WAARIN IETS KAN GROEI (moet omgespit word soos GROND, werk, het kos en water nodig om in die lewe te bly, oefening, klere, ens., en word baiemaal soos 'n slaaf beskryf);

- die siel IS SOOS IETS WAT GROEI... (saad/plant/boom) - EN GAAN OOR HOE JY AS MENS (binne) GROEI en wat se VRUG jy dra (nie net fisies wat jou bloed/hart van jou vertel bv. is jy gesond of ongesond nie, maar ook wat dit jou gees aanbetref  - wat jy glo, hoe jy "sien", wat jy begeer, ens.);  

- EN die gees IS SOOS LIG WAT NODIG IS OM TE LEWE (asem is soos lig vir die liggaam, en jy gaan dood sonder dit).

----------------------------------------------------------------------------------------------------------------------------

https://warechristenedagstukkies.blogspot.com/2021/12/algemene-vrae-oor-saligheid-lewe-of-dood.html

Valse elemente in die kerk, en die effek daarvan

Ons wil liewer glo dat almal in die Christelike kerk opreg is en gelowig, maar die waarheid is dat dit nie so is nie - somtyds sluip "valse broeders" (2 Kor. 11:26; Gal. 2:4) in die kerk in om die skape te mislei (en word deur die bose daar geplant), en hulle spreek valse dinge... (Spr. 2:12). Hierdie is niks nuuts nie en was nog altyd 'n probleem in die midde van gelowiges. Maar watter effek het hierdie valses op die kerk?, en maak dit regtig saak of daar valse leerstellings in die omtrek is?

------------------------------------------------------------------------------------------------------------------------------

In Matt. 7:15 vgl. Jesus valse profete met WOLWE (Matt. 7:15 - "Maar pas op vir die valse profete wat in skaapsklere na julle kom en van binne roofsugtige wolwe is"). Ten eerste het Hy geleer dat ons moet PAS OP vir hierdie mense! Hoekom moet ons versigtig wees vir hulle? - duidelik het hulle 'n verkeerde invloed op die kerk...  Hierdie "wolwe" verwys beslis nie na mense wat onkundige gelowiges is nie, maar eerder na die wat voorgee dat hulle van die Here hoor maar na regte nie werklik van Hom hoor nie;  of voorgee dat hulle die waarheid verkondig maar na regte verkondig hulle menslike gebooie of hulle eie opgemaakte geloof. Dit is dan hoe die hart van 'n valse profeet of valse leraar lyk - hy gee voor om iets te wees wat hy nie is nie  (gee bv. voor hy is 'n profeet of leraar wat die Here se woord bring, maar bring sy eie woorde of verdraaide of valse leringe - hy pleeg bedrog). Of ons dit wil glo of nie, maar hierdie mense in die kerk het beslis 'n invloed op die huidige afvalligheid! 

Diesulkes gee voor hulle is broeders/susters wat saam met ons die Here dien, maar dien eintlik hulleself of iemand anders. Die wat vals is kan leed doen aan die kerk, bv.:

-om die skape uitmekaar te jaag (bring skeuringe in die kerk)(Joh. 10:12); of

-om mense te "vang" (Joh. 10:12)(om agter hulle aan te gaan, bv. om hulle valse en verdraaide leerstellings te glo). 

Valse profete gee voor dat hulle die Here dien maar doen nie, en betrek o.a. mense op hierdie manier om die Here op hulle manier te probeer dien... (deur bv. dooie werke). In Eseg. 22:27 word die vorste in Israel vgl. met "wolwe wat prooi verskeur" -  hulle het bv. o.a. bloed vergiet sodat hulle onregverdige wins kon maak... "Onregverdige wins" verwys tipies na wanneer iemand wins maak deur die reg te verdraai (bv. om omkoopgeskenke aan te neem - 1 Sam. 8:3; Jer. 22:17; Eseg. 22:13);  m.a.w. hulle pleeg bedrog met die doel om wins te maak (is dan "onregverdige wins"-Jer. 6:13). Valse profete/valse leraars pleeg bedrog! (tot hulle eie voordeel). Daar is mense in die kerk wat so opereer, en Paulus het graag na hierdie valses verwys en gewaarsku, bv. waar hy in Tit. 1:10-14 verwys na diesulkes as tugteloos en wat onsin praat en verleiers is, en leer wat nie betaam nie ter wille van vuil wins! Hy het hulle leringe o.a. "Joodse fabels" genoem, en "gebooie van mense" (menslike wette en leringe wat vd waarheid afwyk) - hulle gee dus voor hulle preek die waarheid, maar hulle doen nie, en hulle doen dit ter wille van wat hulle daaruit kan kry (hetsy eer of geld, ens.).

------------------------------------------------------------------------------------------------------------------------------

Ons moet natuurlik versigtig wees om iemand vinnig te oordeel (as bv. 'n valse profeet, want sommige is bloot onkudig), maar versigtigheid werk ook na die ander kant toe... - as iemand bv. gekenmerk kan word as vals, moet die waarheid gespreek word sodat dit kan wys hy's vals.  Kyk bv. Jesus se woorde in Matt. 10:16 - " Kyk, Ek stuur julle soos skape onder die WOLWE in; wees dan versigtig soos die slange en opreg soos die duiwe".  Let wel dat hierdie "uitstuur onder wolwe" nie verwys het na uitstuur onder ongelowiges nie, maar uitstuur onder mense wat bely hulle is gelowig (in hierdie geval was dit "skape van Israel", waarvan sommige nie werklik skape was nie maar "wolwe"). Die dissipels was uitgestuur om die waarheid te bring aan beide opregtes en valses (nie net aan die skape nie, maar ook aan die wolwe...). Die manier dus om so 'n situasie te hanteer is nie om stil te bly oor die waarheid (soos sommige kerke doen) nie, maar eerder om die waarheid te preek (en dan sal die wolwe hulle klere wys). Wolwe "verskeur" (Eseg. 22:27) en vang en jaag skape uitmekaar (Joh. 10:12), en terwille van onregverdige wins sal sommige selfs bloed vergiet (Eseg. 22:27)(is roofsugtig-Matt. 7:15) - hierdie is baiemaal 'n kenmerk van verleiers - hulle haat die opregte... -1Jn 3:15. Wanneer wolwe in 'n kerk inkom en sekere broeders "vang" (beweeg om agter hulle aan te gaan) en die ander "uitmekaarjaag" (skeuringe bring), saai dit verwoesting in 'n kerk. Voor Paulus se vertrek in Hand. 20 het hy o.a. die Efese ouderlinge gewaarsku teen WOLWE wat sal inkom in hulle gemeente... (Hand. 20:29-31), en hy't die volgende stellings gemaak rakende wolwe:  (1)  Hulle sal die kudde nie spaar nie;  (2)  Hulle sal verkeerde dinge praat om die dissipels weg te trek agter hulle aan...  Hierdie is die doel van "ingesluiptes".

Dit is maklik om te sien wie is wolwe en wie skape... - wolwe ontvang nie die waarheid nie! (Luk. 10), maar is liewer die wat opstaan teen die waarheid en ander beweeg om nie die waarheid (wat deur die opregte gepreek word) te ontvang nie.  Hierdie is terloops 'n goeie manier om "valse broeders" uit te ken... - is om die waarheid te spreek!  'n Valse profeet of valse leraar sal bv. bely dat hy in Jesus glo en in die waarheid, maar is nie gehoorsaam aan Jesus nie en glo nie in Sy woorde nie, maar glo liewer in "wat hy wil of wie hy wil" - hulle gee dus voor dat hulle die waarheid liefhet maar hulle vrug getuig anders sodra hulle met die waarheid gekonfronteer word. Hierdie verleiers gebruik o.a die metode van spot (is spotters vd waarheid) om mense te druk om liewer in hulle te glo as in die waaheid.

--------------------------------------------------------------------------------------------------------------------------
GEDAGTE:

Daar is Christene wat vandag glo dat daar nie iets bestaan soos "valse broeders" nie - hierdie is 'n groot miskonsepsie van ons tyd en baiemaal die rede waarom suurdeeg in die kerk insluip... Of hulle dink dat valse leerstellings nie regtig 'n probleem is, maar dit is net waar in geval van waar mense die waarheid ken en volg.  Die waarheid is dat in sommige kerke word valse leringe liewer gekoester in plaas van aangespreek!, en die wat die waarheid ken, bly stil daaroor (?). Ons moet verstaan dat "ingesluiptes" deur die bose in die kerk gesaai word, en Jesus het o.a. geleer dat dit gebeur wanneer die kerk slaap! (Matt. 13:25)(bestudeer gerus die tema van "slaap" en wat dit nou juis beteken). Ingesluiptes (Jud. 1:4) is ongelowig en vals (gee voor hulle is gelowig maar is nie, en is deur die bose daar gesaai). Hulle is gewoonlik verleiers, en word o.a. in Jud. 1 "skandvlekke" genoem (soos besoedeldes)(Jud. 1:12), en "struikelblokke" (omdat hulle mense vang om ongehoorsaam te wees aan die Here en Sy waarheid). Hulle word ook "dwaalsterre" genoem (want hulle dwaal!)(Jud. 1:14), en "goddelose mense" (want hulle doen nie die wil van die Here nie, maar hulle eie wil)(Jud. 1:6,7,11,18). Hulle is ook baiemaal spotters (want hulle spot met die waarheid, en maak die opregte op daardie manier stil)(Jud. 1:18; 2 Pet. 3:3-5).

Die begrip "valse broeders" behels nie net 'n broeder wat voorgee dat hy 'n broeder is nie, maar sluit ook in enige iemand in die Christelike kerk wat "vals" is bv. valse profete en valse leraars (maar as broeders gesien word)(Gal. 2:4).  Die begrip wat veral gebruik word vir valse profete/valse leraars is "wolwe". Jesus het ook die begrip "onkruid" gebruik in Matt. 13:26,30,38, waar onkruid voorgestel word as "kinders vd bose". Onkruid lyk soos koring, maar is nie koring nie.... Hierdie mense (wat onkruid is) gee dus voor hulle is broeders, maar is nie werklik nie - hulle groei saam met die koring en lyk soos koring, maar met die tyd sal hulle vrug wys dat hulle nie regtig koring is nie.  Hierdie opmerking word terloops ook van valse profete gemaak..., bv. "aan hulle vrug sal hulle geken word"! (Luk. 6:43,44). Valse profete kan voorgestel word met wolwe omdat 'n wolf se doel is om skape te vang en uitmekaar te jaag (Joh. 10:12).  Valse profete en valse leraars kan gevaarlik wees vir die ware Christen (2 Kor. 11:26), omdat hulle kan twyfel saai en mense wat swak of jonk is in die geloof kan beweeg om "te doen wat hulle wil", nie wat die Here wil nie. 

Hoekom sal iemand voorgee dat hy die waarheid verkondig maar hy doen nie? 

Hoekom sal hy voorgee dat hy deel is van die kinders vd koninkryk, maar hy is nie? Duidelik het die bose 'n plan om verwoesting in daardie kerk te saai en die kinders van die Here te mislei...  Ingesluiptes wil nie dien nie, maar wil gedien word! (Gal. 2:4);  en hulle maak skape seer in hulle poging tot selfverheffing (sien die onderwerp van "onregverdige wins" vorige paragraaf - Eseg. 22:27)... Hulle praat verkeerde dinge met die doel om disspels vd Here weg en agter hulle aan te trek (Hand. 20:29,30).  Diesulkes moet beslis aangespreek word (3 Joh. 1:9,10), of die skape moet gewaarsku word sodat die suurdeeg nie die hele deeg suurmaak nie.  Daarom is ware lering in die kerk baie belangrik sodat ware kinders kan onderskei en nie "weggesleep" word nie. 

-----------------------------------------------------------------------------------------------------------------------------

Wat ek mag en nie mag doen nie, en of ek as Christen geoordeel sal word

As kinders van die Koninkryk (van God) is ons onder die reëls van die Here se Koninkryk, maar hoe weet ons wat ons as Christene mag doen en wat nie?  Waarop sal ons geoordeel word?

Daar is 3 dinge waartussen ons moet onderskei om duidelikheid hieroor te kry:

(1)  Gewete (bewustheid van sonde);  

(2)  Die Here se wette ("wet van Moses" / "wet van vryheid"); 

(3)  Kultuurwette ("mensgemaakte reëls/wette").  

Gewete is iets waarvan ons oortuig word - bv. om 'n wete te hê dat jy verkeerd gedoen het (Joh. 8:9).  Almal weet bv. dit is verkeerd om te lieg - niemand hoef dit vir jou te vertel nie, want die oomblik wanneer jy lieg weet jy jy't verkeerd gedoen... (en volgende keer weet jy jy moet dit nie doen nie). Die Gees oortuig die mens van sonde (Joh. 16:8-11), nie net vir die Christen (Joh. 16:10) nie, maar ook die hele wereld (Joh. 16:9; Rom. 1:20,21). Elke mens weet bv. dat hy eendag deur God geoordeel gaan word (Joh. 16:11; Jud. 1:15). Ons gewete ly ons om sleg te voel/bekommerd wees wanneer ons verkeerd doen, en daarom is dit belangrik om ag te gee op die gewete! As jy bv. bewus is daarvan dat kos aan 'n afgod geoffer is en jy steeds daarvan eet, kan dit jou gewete besoedel want jy mag nie afgodsoffers eet nie (Tit. 1:15), maar as jy dit nie weet nie kan dit tog nou nie jou gewete besoedel nie.... (1 Kor. 10:25-29). As ons nie 'n goeie/rein gewete (1 Tim. 1:5,19; 3:9) het nie, dan is dit duidelik dat ons iets verkeerd doen of gedoen het. 

Wette wat deur die Here gegee is gee vir ons 'n riglyn van wat die Here van Sy kinders verwag (bv. dat ons die Sabbat moet hou - die sabbat is vir ons gemaak, en elke mens het dit nodig om een dag van die week te rus). Net soos elke koninkryk in die wereld reëls het wat die burgers moet gehoorsaam, net so is kinders van God onderwerp aan die reëls van Sy koninkryk - hierdie reëls is iets wat die Here van Sy kinders verwag om na te kom, en as hulle dit nie doen nie is daar gevolge. Die wet van Moses is 'n goeie voorbeeld hiervan, maar wette word nie altyd dieselfde vervul oor die eeue/bedelings nie, en in die Nuwe Testament is ons bv. onder die "wet van vryheid" (ook genoem die wet van die Gees-Rom. 7:6; 8:2,4), nie onder die wet van Moses nie (die Here se wet verval nooit..., maar word anders vervul in verskillende bedelinge;  bv., offers het nie weggeval nie - die offersisteem onder die wet van Moses het wel, maar 'n ander offersisteem was ingelei). Christene is wel onder 'n wet!, nl. die wet van vryheid, en hulle sal eendag deur hierdie wet geoordeel word (die wet van vryheid verwys na hulle is "onder die Gees" en is "onder Jesus" - hulle sal m.a.w. geoordeel word deur die Gees en deur Jesus, bv. die woorde wat Hy gespreek het...)(Christene moet m.a.w. luister na Jesus en na die Heilige Gees)(1 Kor. 9:21; Joh. 8:36; Hebr. 10:16; Rom. 8:1-11; 7:6; Gal. 5:18; Joh. 6:63)(Hebr. 10:28,29). 

Kultuurwette is wette wat deur verskillende kultuurgroepe geskep word, en verwys dus na "mensgemaakte reëls" (bv. of vrouens 'n bedekking moet dra of nie, hande was voor ete, reëls rondom hoe 'n huwelik plaasvind, ens. - elke kultuur maak hulle eie reëls). Kultuurwette is iets wat "in kultuur" gehoorsaam word, maar jy sondig bv. nie noodwendig wanneer jy dit nie hou nie want dit is nie 'n wet wat deur die Here gegee is nie (jy kan bv. nie onrein word as jy dit nie onderhou nie..., tensy dit 'n wet van die Here ook breek as jy dit nie gehoorsaam nie). Ons het die reg om kultuur te verander, behalwe as die verandering 'n wet is wat ook teen die Here se wet is.

------------------------------------------------------------------------------------------------------------------------------

GEDAGTE:

Sal kinders van die Koninkryk (van God) ook eendag geoordeel word?

Ja, in "die laaste dag"..., wanneer Jesus terugkom. Die oordeel begin by die huis van God (1Pet. 4:5,17). Kinders van die Koninkryk sal deur Jesus Christus self geoordeel word - kyk o.a. die tema "die regterstoel van Christus" (Rom 14:10 - "Maar jy, waarom oordeel jy jou broeder? Of jy ook, waarom verag jy jou broeder? Want ons sal almal voor die regterstoel van Christus gestel word")(Matt. 25:31,32; Joh. 5:22; Hand. 10:42; 1 Kor. 4:5).(2Kor. 5:9,10 - "Daarom lê ons ons ook ywerig daarop toe, of ons inwoon of uitwoon, om Hom welbehaaglik te wees. Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het, volgens wat hy gedoen het, of dit goed is of kwaad"). Kinders van die Koninkryk sal volgens die WET VAN VRYHEID geoordeel word (die wat onder die wet van vryheid is, verwys na die wat onder die Gees is, onder Jesus is - die wat gehoorsaam is aan die Heilige Gees en aan Jesus Christus.  Hulle leef volgens die Gees en volgens Jesus se reels);  m.a.w., hulle sal deur die Gees en deur Jesus (bv. Sy woorde) geoordeel word (Jak. 2:12; Joh. 12:48; Ef. 4:30; ens.). Kinders van die Koninkryk sal geoordeel word wanneer Jesus terugkom;  die res van die mensdom sal eers geoordeel word aan die einde van die 1000-jaar "volgende eeu"-bedeling (dan sal die wit troon oordeel plaasvind-Openb. 20:11-15).  

-   Die bedeling waarin ons huidiglik is, word o.a. na verwys as "hierdie eeu".  Aan die einde van die "hierdie eeu-bedeling" vind die REGTERSTOEL VAN CHRISTUS plaas (dit is wanneer Jesus terugkom - dan word die kinders van die Koninkryk geoordeel), en hulle sal in groepe verdeel word  (en die kinders vd koninkryk wat gesterf het = sommige sal "opstaan tot veroordeling" en ander sal opstaan tot lewe-Joh. 5:28,29). Die verskillende groepe wat vir ons genoem word in die Skrif, is "KORING, KAF, en ONKRUID", en "SKAPE en BOKKE". Hierdie tyd word o.a. beskryf as die "oestyd" (Matt. 13:30)(maw, wanneer die Christen se "vrug" geoes word)... - 3 groepe verwys veral hierna: 

(1) Koring verwys na die opregtes (die wat gered is en vrug dra)(hulle bly in die Here, en is daarom vrugbaar, is maw bruikbaar - "sal in die skuur saamgebring word"-Matt. 3:12). 

(2)  Onkruid verwys na die wat vals is (Matt. 13:25-40)(o.a. wolwe/verleiers-die wat dwaal) - onkruid sal verwyder word...(bymekaargemaak word, en sal uiteindelik verbrand word-Matt. 13:40). Dit verwys na mense wat onder die kinders vd koninkryk beweeg het asof hulle gered is maar is nie gered nie (m.a.w., valse broeders en die ingesluiptes) - hulle is eintlik deur die bose daar gesaai...;  dit verwys o.a. na valse profete, valse leraars, struikelblokke, die wat die ongeregtigheid doen...-Matt. 13:41. 

(3) Kaf verwys na mense wat weg gered is maar nie vrug het nie (Matt. 3:12; Luk. 3:17) - die rede hiervoor is of omdat hulle nooit vrug gedra het nie (kyk tweede groep in die gelykenis vd saaier), of omdat hulle hul vrug verloor het (kyk derde groep in die gelykenis vd saaier)(die wat nie in die Here bly nie kan nie vrug dra nie... - onvrugbares is onbruikbaar, en die uiteinde is die vuur-Joh. 15:4-6)(elke loot wat nie vrug dra nie, word weggeneem...-Joh. 15:2). 

Die term "skape en bokke" word gebruik om te onderskei tussen barmhartiges en onbarmhartiges - wanneer Jesus op Sy troon gaan sit (nadat Hy teruggekom het-Matt. 25:31-45), sal Hy die skape van die bokke skei - die skrif verklaar dat al die nasies voor Hom versamel sal word... (Matt. 25:32), wat noodwendig verwys na almal wat dan in die lewe is (die wat nie gesterf het nie en die wat opgestaan het uit die dood - of hierdie slegs verwys na kinders vd koninkryk is 'n punt van bespreking). Die "nasies" sal dan in 2 groepe verdeel word, nl. barmhartiges en onbarmhartiges;  die skape sal aan Sy regterhand gesit word, en die bokke aan Sy linkerhand. 

(4)(1) Skape verwys na die barmhartiges/regverdiges (hulle sal ingaan in Sy koninkryk-Matt. 25:34) - en dus is o.a. "Koring" (want hulle het die vrug).  

(5)(2) Bokke verwys na die onbarmhartiges/onregverdiges (hulle sal nie ingaan in Sy koninkryk nie, maar is vervloektes en hulle uiteinde is die poel van vuur-Matt. 25:41) - en dus is o.a. "Onkruid" (want hulle het nie die vrug nie). 

-   Die volgende bedeling begin aan die einde van "hierdie eeu" (wat ons ken as "die einde vd wereld") - en sal 'n 1000 jaar lank wees, en aan die einde daarvan vind die WIT TROON OORDEEL plaas (wanneer die res van die mensdom geoordeel sal word - Openb. 20:11-15).  

------------------------------------------------------------------------------------------------------------------------------

Die spreekwoord "glo in jouself"

Die spreekwoord "glo in jouself" is 'n spreekwoord wat somtyds in sommige Christelike kringe gebruik wanneer iemand hoop verloor en opbouiing nodig het... Die mens se hart kan veroorsaak dat hy sonder hoop is, omdat die manier hoe hy in sy hart dink is eintlik wie hy is (Spr; 23:7a - "Want soos hy in sy siel bereken, so is hy...") - dit is bv. baiemaal "die hart" wat iemand terughou om in geloof te stap.  Die Here gee miskien vir hom 'n opdrag maar sy hart hou hom terug... (bv., hy glo nie hy kan dit doen nie, so hy doen nie wat die Here wil nie). Die woorde "glo in jouself" word dus baiemaal onder Christene in hierdie konteks gebruik - nie dat jou jouself kan vertrou nie, maar sodat jy glo jy kan enige iets doen deur die Here wat jou die krag gee (Fil 4:13 - "Ek is tot alles in staat deur Christus wat my krag gee"). 

So, natuurlik verstaan meeste Christene dat die woorde "glo in jouself" somtyds in hierdie konteks gebruik word en verstaan ook wat eintlik bedoel word, maar ons weet dat dit nie noodwendig die beste bewoording is nie... Geloof is vertroue - om in jouself te glo beteken dat jy jouself vertrou (?) - dit klink nie reg nie, doen dit? Waarin plaas jy jou vertroue? (bv., in jou eie wil of in die Here se wil?). As iemand nie verstaan wat hiermee bedoel word nie, kan dit 'n verkeerde invloed he, want in sommige gevalle veroorsaak die gesegde dat mense opeindig in wensdenkery...  Dit is m.a.w. nie noodwendig die beste spreekwoord in die betrokke bg. konteks nie, want in hierdie konteks is dit nie regtig geloof "in jouself" nie maar eerder geloof in die Here wat deur jou werk. 'n Beter gesegde sou miskien eerder lui "glo in die Here wat in jou is" (nie "glo in jouself" nie)... -meer presies, glo in die Here se leiding deur Sy Heilige Gees wat in jou is). 

------------------------------------------------------------------------------------------------------------------------------

Ons gaan natuurlik nou nie Christene wat die gesegde gebruik loop en stilmaak nie, want ons weet wat hulle eintlik bedoel... (en die gesegde word terloops in die beste kringe op 'n mooi manier gebruik), maar as dit nie uitgeklaar word dat dit gaan oor hoop in die Here plaas nie, kan dit deur sommige baie verkeerd verstaan word en selfs vals hoop gee in sekere gevalle. Dit kan tot gevolg hê dat sommige mense "hulleself mislei/hulleself bedrieg" (Jak. 1:22,26; 1 Joh. 1:8; Gal. 6:3; 1 Kor. 3:18) - "dwaal" (m.a.w. soos iemand wat dwaal op 'n pad...-Spr. 12:26; Jer. 50:6). Mense wat afgode aanbid is bv. besig om te dwaal deurdat hulle IN HULLE HARTE GLO dat daardie afgod vir hulle iets kan doen... (Jes. 44:17,20); dit is soos wensdenkery - op dieselfde wyse mislei sommige Christene hulleself op hierdie manier deur "in hulleself te glo" en staat te maak (te vertrou) op hulle eie sieninge, wil en begeertes - dit word gewoonlik gesien onder Christene wat beskryf word as die wat "slaap" of "dronk" is. Die wat slaap "sien en hoor nie" - hulle dink verkeerd en hoor nie van die Here nie, wat tot gevolg het dat hulle hul eie sieninge volg en doen wat hulleself goeddink (m.a.w., hulle vertrou hulleself, nie die Here nie).  Die wat dronk is doen wat hulle wil en soos die wereld wil... (hulle is oorgegee aan hulle eie begeertes en gedagtes);  m.a.w., hulle doen nie die Here se wil nie maar glo in hulleself, en besluit self wat die regte ding is om te doen (hulle laat na om die Here te raadpleeg). In hierdie sin is die woorde "glo in jouself" beslis nie goed nie!

Hierdie twee punte is baie belangrik wanneer dit kom by GELOOF, en dit is dat die wat in die Here glo:

 - (1) DIE HERE RAADPLEEG (watter bron gebruik jy?)(die Here moet jou bron wees, nie jy self nie )(glo in die Here, nie in jouself nie);  en 

- (2) DOEN DIE HERE SE WIL (dit is immers deels waaroor geloof gaan, is die feit dat jy vertroue het in die Here dat Hy die beste weet, nie jy nie... - dit gaan oor die Here se wil, nie jou eie wil nie)(glo/vertroue in die Here, nie in jouself nie). As jy ongehoorsaam is en doen wat jy wil, maar dink dat jy deur wensdenkery die Here se arm kan draai om steeds te kry wat jy wil he, sal om te "glo in jouself" beslis nie vir jou vrugte oplewer nie - hierdie is juis een van die redes waarom die Here nie altyd vir Sy kinders gee wat hulle vra nie, is wanneer hulle  ongehoorsaam is (Hos. 4:6). Natuurlik is daar gevolge wanneer 'n geestelike mens die Gees bedroef...!  Ongehoorsaamheid kan selfs veroorsaak dat die Here Hom later ook glad nie deur so iemand meer laat raadpleeg nie! (Eseg. 14:3; 20:3; 1 Sam. 28:16,17).  En dan gaan "glo in jouself" beslis niks vir jou beteken nie.

------------------------------------------------------------------------------------------------------------------------------

GEDAGTE:

Die waarheid is dat sommige Christene verloor hulle vrug juis omdat hulle "in hulleself glo", bv. om liewer te glo in die manier hoe jy self sien en dink, nie die manier hoe die Here sien en dink nie (bv., glo in jou eie begeertes/wil, of glo in wereldse wysheid).  Of om te doen wat jy dink gedoen moet word, nie wat die Here sê gedoen moet word nie (soos koning Saul gedoen het). Wanneer Christene nalaat om die Here te raadpleeg of NIE Sy wil doen nie, is hulle presies besig om eerder in hulleself te glo as in die Here! Dit is hoe vinnig die woord "glo in jouself" fataal kan wees.  Baie Christene sien geloof deesdae eerder soos wensdenkery (hulle vertrou nie die Here se wil en leiding nie, maar vertrou hulleself in wat hulle dink is reg en hoe hulle sien, en mislei hulleself deur onvoorwaardelik hulle hoop in hulle eie sieninge en besluite te plaas en te dink dat die Here steeds vir hulle sal help - m.a.w., hulle versoek die Here)(https://warechristenedagstukkies.blogspot.com/2014/02/wanneer-iemand-die-here-versoek-wys-dit.html).  Sommige gebruik dus die spreekwoord "glo in jouself" om liewer hulle eie wil en begeertes tot stand te bring (hulle mislei hulleself), in plaas van die Here te vertrou, nl. Sy wil en leiding. 

As jy bely dat jy GLO, is dit belangrik om uit te klaar waarin jy glo..., want om in jouself te glo sal selfs in die regte konteks nie noodwendig suksesvol wees nie, want dit hang af of dit onderwerp is aan die Here se leiding en wil.  As dit bv. eerder oor jou eie wil gaan i.p.v. die Here se wil sal dit nie noodwendig realiseer nie, maak nie saak hoeveel jy "glo in jouself/in jou hart" nie.  Dit is bv. dieselfde met gebed... - hierdie is een van die redes waarom gebed nie altyd beantwoord word nie, en dit is wanneer iemand bid volgens eie begeertes... (Jak. 4:2-4 - "Julle begeer en julle het nie, julle pleeg moord en is naywerig en julle kan niks verkry nie. Julle veg en maak oorlog, en julle het nie, omdat julle nie bid nie. Julle bid en julle ontvang nie, omdat julle verkeerd bid, om dit in julle welluste deur te bring. Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God"). Die derde groep in die gelykenis vd saaier stel daardie groep Christene voor wat hulle hoop weer begin plaas in die wêreld - dit is mense wat die woord ontvang het (glo in die Here) en begin vrug dra het (hulle bly in die Here), maar dan hou hulle op om die Here te vertrou en begin hulle eie begeertes navolg en laat na om die Here te raadpleeg. Die tweede groep in die gelykenis vd saaier is nog 'n vb. van mense wat die woord ontvang, maar dan ophou glo (en die rede hiervoor is omdat hulle nie in die Here bly nie - hulle "skiet nie wortel nie" en kan dus nie groei en vrug dra nie) - wat met hierdie groep Chritene gebeur is dat hulle afval in tyd van versoeking en vervolging. Dit "WAARIN JY GLO", is belangrik, en sal uiteindelik bepaal of iemand eendag gered word of nie. 

Dit is dus nie noodwendig goed om vir iemand voor te skryf  om in hom/haarself te glo nie. alhoewel dit onder Christene in 'n konteks gebruik word waar dit gewoonlik bedoel dat die weergeborene moet glo dat hy enige iets kan doen deur die Here (glo/vertrou in die Here se woorde en leiding/leiding deur Sy Gees). Die waarheid is dus dat die gesegde ("glo in jouself") nie skriftuurlik is nie en die woorde "glo in die Here wat in jou is" miskien liewer gebruik kan word om so 'n konteks te verduidelik.  Die geestelike mens laat hom deur die Gees lei en raadpleeg die Here - en kan dus enige iets doen wat die Gees deur hom/haar wil doen, en kry altyd 'n antwoord.  Die wat in die Here bly, kan enige iets vir Hom vra (Joh 15:7 - "As julle in My bly en my woorde in julle, sal julle vra net wat julle wil hê, en julle sal dit verkry")(natuurlik is die voorwaarde om "in Hom te bly"). As die geestelike mens dit in sy hart glo en die hoop van sy hart op die Here plaas, het hy altyd hoop! M.a.w., "glo in die Here wat in jou is". Die Here moet jou bron wees (nie jou eie wil of manier van "sien" nie). Ons kan nie enige iets doen nie, maar die Here kan enige iets deur ons doen.  Ons sien nie altyd reg nie, maar die Here sien altyd reg en leer vir ons wat die waarheid is.  Ons weet nie altyd wat om te doen nie, maar die Here weet altyd wat gedoen moet word en wys vir ons die pad.

------------------------------------------------------------------------------------------------------------------------------