Sonder "VRUG TOT LEWE" kan jy nie die ewige lewe oes nie

Is daar 'n vrug wat die mens kan eet wat vir hom die ewige lewe kan gee?  As daar is klink dit beslis soos iets uit 'n storie..., maar in die tuin van Eden was daar 'n boom wat hierdie soort vrug gedra het!, genoem "DIE BOOM VAN DIE LEWE". Die "tuin van Eden" verwys na 'n tuin wat op aarde was, aan die oostekant van Eden... . Die boek van Genesis in die Bybel beskryf vir ons waar Eden (en die tuin van Eden eens) was, en in die middel van hierdie tuin was die BOOM VAN DIE LEWE (Gen. 2:9). Gen 3:22 leer vir ons dat die vrugte van hierdie boom ewige lewe kan gee! Ja, jy het reg gehoor..., daar bestaan beslis so 'n boom. 

Die Skrif leer vir ons van 'n ander plek waar hierdie boom ook te vinde is, nl. in die Nuwe Jerusalem (wat vir die uitverkorenes voorberei word en op die aarde sal neerdaal aan die einde van die "volgende eeu"-bedeling/Openb. 21:10)(Openb. 22:2,14). Die boek van Openbaring beskryf verder dat hierdie boom (van die lewe) 'n boom is wat elke maand van die jaar vrugte dra, en kan genesing gee (Openb. 22:2).  

---------------------------------------------------------------------------------------------------------------------------

Eden (die gebied waarin die tuin van Eden geleë was) kan o.a. ook beskryf word soos 'n TUIN (was o.a. genoem "die tuin van God")( Jes. 58;11; 61:11; Jer. 31:12; Eseg. 31:19);  of kan beskryf word as 'n "paradys" (Openb. 2:7)(die Gr. woord "par-ad'-i-sos", wat beteken 'n park of 'n "Eden" / Hebr. woord "par-dace" - park/tuin). Waar is hierdie paradys (met die tuin van Eden binne-in) huidiglik? Eseg. 31:8 leer vir ons dat dit weggesink het na die onderwereld... - vgl. dit ook met Luk. 16 en 23:43. 

----------------------------------------------------------------------------------------------------------------------------

GEDAGTE:

Het jy geweet dat die regverdige se vrug soos 'n boom van die lewe is? (Spr. 11:30).  Volgens Joh. 4:36 word die loon van die wat vir die Here arbeid, ook beskryf as vrugte wat lewe gee ("vrug tot ewige lewe"). En kyk ook Rom. 6:22 - almal wat vrygemaak is van sonde en diensbaar geword het aan God, dra vrug tot heiligmaking en uiteindelik die ewige lewe. Baie mense het al begeer om iets te vind wat vir hulle die ewige lewe kan gee, en vele in die verlede het probeer om die tuin van Eden met die boom van die lewe te vind, maar jy hoef nie ver te soek nie... Jesus Christus kan vir jou hierdie lewe gee! 

Kinders van die Koninkryk het hierdie vrug nodig om eendag die ewige lewe te oes, en word in vele gevalle voorgestel soos plante of bome wat groei en vrug dra... Jesus het baie oor hierdie onderwerp gepraat en die belangrikheid van hierdie vrug (kyk o.a. die gelykenis van die saaier, Joh. 15, ens.) - hierdie vrug kan vir jou die ewige lewe gee (asof jy eet van die boom van die lewe). Net soos die boom van die lewe vrug het wat lewe gee, so sal die vrug van die regverdige eendag vir hom die ewige lewe OES.

Natuurlike mense dra "vrugte vir die dood" (Rom. 7:5). 

Geestelike mense (weergeborenes) dra "vrug tot lewe"! (Rom. 6:22). GEESTELIKE MENSE IS SOOS BOME "VAN LEWE" - WAT DIE "VRUG TOT LEWE" DRA. 

Saad bepaal eerstens wat se soort boom opkom en wat se soort vrug dit sal dra.  Die natuurlike mens is uit Adam se saad gebore, en daardie tipe boom kan nie vrug tot lewe dra nie.  Om vrug tot lewe te kan dra, moet jy gebore wees "uit God se saad" - weergeborenes word gesien soos mense wat uit God gebore is (hulle is soos mense wat "oor gebore" is). As iemand nie weergebore word nie kan hy nie hierdie vrugte dra nie!, en VRUG (tot lewe) is belangrik om die (ewige) lewe te kan oes.  Die wat "vrug tot lewe" dra verwys dus na weergeborenes ("geestelike mense");  dus, sonder vergifnis (wanneer iemand diensbaar word aan die Here) en die ontvang vd Heilige Gees (wat beide weergeboorte beskryf) is niemand instaat om hierdie vrug te begin dra nie... (Rom. 6:22). 

Hoe dra iemand "vrug tot lewe"? Natuurlik is lig, kos en water nodig vir 'n boom om te kan groei en vrug dra. Geestelike mense (wat lewe deur die asem of lig vd Heilige Gees) kan ook net aan die lewe bly en geestelike groei as hulle geestelike kos en water kry (maar natuurlik nie enige soort nie!). Om vrug (tot lewe) te kan dra, moet die geestelike mens geestelik groei;  daarom is geloof belangrik en "om te bly in Jesus Christus"... (vir 'n dagstukkie oor geestelike lig, kos en water, gaan na: https://warechristenedagstukkies.blogspot.com/2024/10/waarna-verwys-lig-kos-en-water-geestelik.html)(Joh. 15:4,5 - "Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie"). Geestelike mense het die Heilige Gees ontvang deur wie hulle vernuwe word (asof hulle uit God gebore word) en hulle het heeltyd hierdie lig van die Gees..., en is dus instaat om geestelike voedsel verwerk (1 Joh. 5:1,4,18). Jesus en die woord is soos brood vir hulle, en hulle kry hulle water by Jesus Christus.

----------------------------------------------------------------------------------------------------------------------------

Waarna verwys lig, kos en water geestelik?

Kinders van die Koninkryk word somtyds soos plante of bome voorgestel, wat GROEI en VRUG DRA (en hierdie vrug kan vir hulle die ewige lewe oes). Maar waarna verwys hierdie geestelike LIG, KOS en WATER? Ons het bv. lig nodig om te kan lewe, en kos en water nodig om aan die lewe te bly..., maar waarna verwys dit geestelik?

Ten eerste bepaal saad natuurlik wat se soort boom groei en wat se soort vrug dit dra (daarom is weergeboorte nodig - iemand moet "oor gebore" word, want kinders van Adam dra vrugte vir die dood). Geestelike mense is instaat om vrug tot lewe te dra (dit wys dat hulle uit die regte saad gebore is - is "uit God gebore"). Tweedens het saad dus die LIG nodig (want sonder asem / lig kan ons nie lewe nie!).  Sonder die asem van die Heilige Gees kan die mens nie geestelik lewe nie... Derdens het die geestelike mens (wat nou tot 'n boom kan groei wat "vrug tot lewe" kan dra) kos en water nodig om aan die lewe te bly, en om te groei en vrug dra.

----------------------------------------------------------------------------------------------------------------------------

GEDAGTE:

 (1) - Geestelike WATER verwys na die woord vd Here en na die Heilige Gees (Joh. 6:63,68). Die Here se woord is vir ons soos water... (Amos 8:11). Die Here word ook o.a. beskryf soos 'n "fontein van water"... (Jer. 2:13)(ons moet by Hom drink, bv. glo in Sy woorde/leringe - plaas jou hoop in Sy wil en waarheid). Mense wat bv. nie water by die Here kry nie kan beskryf word soos 'n dor land (Hos. 2:1-3; Jer. 51:53; Ps. 68:6). Die mens kan nie sonder water lewe nie; altans, jy kan nie sonder water aan die lewe bly nie... - dieselfde geld vir die geestelike mens. Die weergeborene wat nie in die Here bly nie kry nie die water wat hy nodig het om aan die lewe te bly nie (dit stuit m.a.w. groei, wat dus veroorsaak dat jy nie kan vrug dra nie, en dit kan selfs tot die dood lei...). Dawid het 'n soortgelyke beeldspraak gebruik in Ps. 63 waarin hy die land rondom hom voorstel soos 'n "dor en uitgedroogde land SONDER WATER"..., maar die siel wat dors na die Here sal versadig word! - so 'n siel is "soos 'n tuin wat goed besproei is, en soos 'n fontein van waters waarvan die water nooit teleurstel nie" (Jes. 58:11)(Joh. 7:37,38 - "En op die laaste dag, die groot dag van die fees, het Jesus gestaan en uitgeroep en gesê: As iemand dors het, laat hom na My toe kom en drink! Hy wat in My glo, soos die Skrif sê: strome van lewende water sal uit sy binneste vloei") (Openb. 21:6). Wanneer jy water kry, kan jy hierdie water ook aan ander gee (die Here gebruik bv. Sy diensknegte om plantwerk te doen, en nat te maak..., en Hy laat groei!). Maar as ons by verkeerde waterbronne drink (bv. wereldse wysheid, of ons hoop plaas in ander geloofspraktyke, wat o.a. na verwys word as geestelik "hoereer"-Amos 8:11-13), dan gaan dit ons "geestelike groei"-proses beinvloed, asook beinvloed watter water ons aan ander gee.Wanneer die geestelike mens nie in die Here bly nie en begin dors na verkeerde dinge, word hy soos 'n "dor land" - hy kry nie die regte soort water nie, so hy bly dors (Hos. 2:1-3; Jes. 65:13). WATER VERWYS DUS NA WOORDE (WAARHEID) - in Spr. 18:4 word die woorde wat uit iemand se mond kom, bv. ook voorgestel soos water, en in 10:11a word die mond vd regverdige voorgestel soos 'n fontein lewe. Jesus Christus is die WOORD (Joh. 1:1; Openb. 19:13).  Die Heilige Gees is die Gees van WAARHEID (Joh. 15:26; 16:13; 1 Joh. 4:6).  Die manier hoe ons "bou" is dus belangrik, want vir die geestelike mens om goeie vrug te dra en "aan die lewe te bly", het jy die regte soort water nodig... - jy't bv. nodig om vas te hou aan Jesus Christus (bv. Sy woorde), en moet die Heilige Gees gehoorsaam. Die Heilige Gees is soos 'n fontein van lewe in iemand se binneste... - en waarvan die hart vol is loop die mond oor (Jes. 59:21)(Luk. 6:45; Matt. 12:34; 15:18; Kol. 3:16). IEMAND SE VRUG WYS GEWOONLIK WAT SE SOORT WATER HY DRINK (bv. vars water of bitter water?-Jak. 3:10,11). Ons moet dors na die Here (Openb. 21:6; 22:7; Ps. 63:1,2)(dors na die lewe wat daar in Jesus Christus is, dors na Sy geregtigheid, dors na Sy Gees), wat o.a. beteken "om na die Here te luister" en "die goeie te eet"... (Jes. 55:2).  

(2)  -Geestelike KOS:  Jesus het geleer dat die mens nie van brood alleen kan lewe nie... (Matt. 4:4; Deut. 8:3). Net soos die uiterlike mens nie in die lewe kan bly sonder kos en water nie, net so die innerlike mens - die innerlike mens het ook brood nodig, die regte soort kos nodig om aan die lewe te bly (bv. om vrug tot lewe te kan dra). Hierdie "brood" is by Jesus te kry: (Joh 6:35 - "En Jesus sê vir hulle: Ek is die brood van die lewe; wie na My toe kom, sal nooit honger kry nie; en wie in My glo, sal nooit dors kry nie"). Hier sien ons hoe belangrik dit is om in Hom te bly (bv. om Hom te ken, om van Hom te leer, Hom te raadpleeg, ens.) sodat ons die geestelike kos en water kan kry wat ons nodig het om geestelik te kan groei, en dus vrug te kan dra. "Vas" is o.a. 'n manier wat ons help om "geestelik te eet" (Matt. 17:21; 9:16,17). Jesus het o.a. ook na hierdie voedsel verwys as "om die wil van die Vader te doen" (Joh. 4:34). Om Sy wil te doen gaan oor om na die Here luister en Sy werk te volbring;  m.a.w., wanneer 'n geestelike mens die wil van die Here doen is hy ook besig om geestelik te eet... (m.a.w., dit sal geestelike groei tot gevolg he). Die dienaar wat bv. deur die Here uitgestuur word in Sy koninkryk om Sy wil uit te voer, is besig om vrug te versamel... (Joh. 4:36 - "En hy wat maai, ontvang loon en vergader vrug vir die ewige lewe, sodat die saaier en die maaier saam bly kan wees"). Christene word o.a. bemoedig om "ryk te word in die Here" (eerder as in wereldse dinge)(Luk. 12:16-21)(Luk. 12:23 - "Die lewe is meer as die voedsel en die liggaam as die klere") - ons moet aandag gee aan die geestelike (geestelike water, geestelike voedsel, geestelike klere, ens.). Nie alle soorte voedsel is goed vir ons nie;  op ditto wyse is nie alle geestelike voedsel goed vir die mens nie. Die Here besluit wat vir ons as voedsel dien en wat nie (Gen. 1:29,30) , en bv. watter voedsels rein is vir ons en wat nie. En net soos ons in die N.T. ook koswette het (bv. mag nie bloed eet, of moet kos vermy wat jou broeder aanstoot gee tydens saameet, ens.), op ditto wyse is net sekere geestelike voedsels vir die weergeborene rein.  Bv., om die Here alleen te raadpleeg en Sy wil te doen (bly weg van heidens afgodspraktyke), om "wysheid van bo" te soek (i.p.v. wysheid van die wereld;  m.a.w. ons moet die Here raadpleeg), ens. Christene moet verstaan watter geestelike voedsel vir hulle rein is, en wat nie.

(3)  - Geestelike LIG: Die mens het lig/asem nodig om 'n lewende wese te wees... (Gen. 2:7; Job 27:3)(sonder asem kan hy nie lewe nie, en as asem weggeneem word gaan hy dood-Job 34:14,15).  Maar hierdie geld nie net vir die uiterlike mens (liggaam) nie, maar ook die innerlike mens (siel).  "Dood" verwys bv. nie net wanneer die uiterlike mens (liggaam) sterf nie, maar verwys ook na die tweede dood... (wanneer beide liggaam en siel in die poel van vuur gegooi word).  Hierdie is iets wat geen mens kan keer nie! - almal gaan dood, en die natuurlike mens sal ook eendag deur die tweede dood gaan;  want net soos die mens doodgaan wanneer asem teruggeneem word, net so sal die mens deur die tweede dood gaan as sy liggaam en siel nie die LIG/ASEM het nie! Natuurlike mense het 'n wereldse gees - as jy 'n wereldse gees het kan jy nie die lewe oes nie... Jy het die Heilige Gees nodig! Die Heilige Gees kan vir iemand hierdie "asem" of LIG gee wat vir hom die lewe kan gee... - die weergeborene word bv. o.a. voorgestel as iemand wat LEWE ontvang het. Die Heilige Gees is soos LIG/gees-asem vir die geestelike mens., - dus, die geestelike mens is deur die Heilige Gees verseel tot die dag van verlossing... (Ef. 1:13; 4:30)(wanneer die uiterlike ook vernuwe word/sien "opstanding" en "wegraping")(hulle is maw "gemerk" as die wat sal lewe en nie deur die tweede dood sal gaan nie)(Ef. 4:30). Plante het lig nodig om kos te kan verwerk - op ditto wyse het die mens die lig vd Heilige Gees nodig om geestelike voedsel te kan verwerk tot 'n bron van energie (dit is terloops waarom die met 'n wereldse gees het nie die geestelike dinge kan verstaan nie...-1 Kor. 2:14). 'n Liggaam wat dood is/'n dooie is soos (dooie) "grond" (liggaam=grond) waarin niks geplant of kan groei nie - op dieselfde wyse is die natuurlike mens se liggaam soos grond waarin die geestelike nie kan groei nie, en is hy nie instaat om geestelike vrug (tot lewe) te kan dra nie. Die weergeborene kry LIG (die Heilige Gees) en word o.a. beskryf soos iemand wat "gebore is uit God" (hulle behoort aan Christus - asof kinders uit Hom gebore, maar natuurlik nie fisies nie/van sy vlees en bene-Ef. 5:30). Daarom word kinders van die Koninkryk beskryf as "kinders van God", en word alreeds gesien as mense wat die lewe het... 

Wat is die verskil tussen die BESNYDENIS en die CHRISTELIKE DOOP?

Alhoewel die Christelike doop nie die besnydenis vervang het nie, is daar heelwat ooreenkomste tussen die vleeslike besnydenis vd Ou Testament en die Christelike doop vd Nuwe Testament.  In die verskillende bedelings word wette verskillend vervul, en met die besnydenis is dit niks anders nie. .. In kort, die besnydenis het nie weggeval nie maar word bloot op die uitnemender manier vervul in die N.T. - en die manier hoe dit vervul word in die nuwe is nie deur die Christelike doop nie, maar deur die besnydenis van hart en ore  (alhoewel die Christelike doop ook maar 'n teken is hiervan!)(kyk "nuwe lewe"/nuwe hart en "hoor"). In die O.T. was "die besnydenis van hart en ore" ook die uiteindelike bewys van wie dit is wat werklik glo...  

---------------------------------------------------------------------------------------------------------------------------- In die O.T. was die besnydenis 'n belangrike teken onder die volk van God - almal wat manlik was onder die volk moes besny word op 8 dae oud (die voorhuid is afgesny), en as hulle hierdie nie wou doen nie was daar ernstige gevolge;  bv., so iemand moes uit die volk uitgeroei word (Gen. 17:14) en mag nie deelgeneem het aan die Paasfees nie (Eks. 12:43-45), en mag ook nie met 'n dogter van die volk getrou het nie (Gen. 34). As jy 'n seun onder die volk gebore is was dit jou lot ...- elke manlike kind onder die volk was soos 'n priester vir die Here - die mans was afgesonder vir die Here en ook op 'n bepaalde tyd gebring om aan die Here voorgestel te word (Luk. 2:23,24 - kyk "reinigingsoffer")(kyk "bar-mitzvah" op 13 jarige ouderdom - dan het 'n seun 'n man geword-Num. 6:24-26).  Maar waarvan presies was die besnydenis 'n teken (wat het dit voorgestel)? Die besnydenis was 'n teken van God se verbond met die volk ('n teken dat hulle deel is van Sy volk)(Gen. 17 - vgl. met Gen. 12:1-7)(Gen. 34:17,22). Maar ons sien dat die "besnydenis van hart en ore" dit is waaroor die besnydenis eintlik gegaan het. Vir 'n studie oor "besnydenis van hart en ore", gaan na: (https://warechristene.blogspot.com/2016/11/die-besnydenis-2-besnydenis-van-hart-en.html). As hulle hul nie wou besny nie was dit eintlik 'n teken van ongeloof . Op beurt het dit nie veel gehelp jy is besny maar jy het nie geloof nie! Dus, ook in die O.T. was ongehoorsames hanteer soos mense wat nie besny is nie (al was hulle mans vleeslik besny)- wat help dit jy is vleeslik besny, maar het onbesnede hart en ore? Hierdie was moeiliker onder die wet van Moses, maar die inwoning van die Heilige Gees maak dit makliker vir ons in die N.T.  Die BESNYDENIS het dus nooit weggeval nie, maar word beter vervul in die N.T. deur ons geloof in Jesus Christus (Hy vergewe ons sonde, en die Heilige Gees stel ons instaat om nie meer die sonde te dien nie!).

----------------------------------------------------------------------------------------------------------------------------

In die eerste Christelike gemeentes was daar baie oor die besnydenis gesels en oor of dit steeds nodig is. Die Joodse Christene was natuurlik besny, maar wat van die Christene uit die heidene? Sommige het geglo dat dit steeds belangrik is, en ander nie (Hand. 15:24). Natuurlik is daar goeie mediese voordele aan besnydenis, maar in hierdie geval het dit gegaan oor die geestelike (wat met gevolge sou kom sou dit nie gehou word nie, bv. dat onbesnedens afgesny word van die res, verbied word om saam Pasga te hou, en verbied word om te  trou met vrouens van die Christelike geloof). Die dissipels het verstaan dat die gebaar van besnydenis meer gegaan het oor die "besnydenis van hart en ore" as wat dit gaan oor die vleeslike besnydenis, en daar was 'n besluit geneem dat die juk vd vleeslike besnydenis nie verder op Christene gelê word nie... (Hand. 15:10-29,24). Verder was die wat hulle vleeslike besny, onderwerp aan die wet van Moses (Gal. 5:3; 6:13), terwyl daar nou 'n beter manier (as die wet van Moses) was om "hart en ore te besny".  

----------------------------------------------------------------------------------------------------------------------------

In die N.T. word "onbesnedenes" nie gesien as die uit die heidene nie, of vleeslik onbesny nie, maar onbesnedes in die N.T. verwys na die wat nie glo in Jesus Christus nie;  ma.w., die wie se harte en ore nie besny is nie (Hand. 11:2-18)(hulle is nie vernuwe nie/het nie 'n "nuwe hart" gekry nie en "hoor" nie, en gee ook nie verder ag op die pad van godsaligheid nie). Christene uit die heidene is wel nie vleeslik besny nie, maar ten spyte van die feit dat hulle nie besny is nie ontvang hulle die Heilige Gees! -  wat 'n bewys is dat hulle aangeneem is!  (en l.w. dat niemand sal die opstanding tot lewe verkry as hy nie AANGENEEM word nie... - Rom. 8:23). Dit is die "kinders van die opstanding" (die wat waardig geag word om die opstanding uit die dode te verkry) wat uiteindelik die koninkryk sal sien... - hulle sal ingaan in die koninkryk en sal die land as ewige besitting verkry (Dan. 7:27), en sal wees soos engele en KINDERS VAN GOD (Luk. 20:36).

----------------------------------------------------------------------------------------------------------------------------

GEDAGTE:

 

Die Christelike doop word somtyds gesien as 'n teken wat die vleeslike besnydenis vervang het, maar l.w. dat DIE BESNYDENIS self NIE VERVAL HET NIE!, maar word op 'n uitnemender manier vervul in die N.T.... (nl. die klem is nie op die vleeslike besnydenis van die mans nie, maar "besnydenis van hart en ore" - wat slegs moontlik is deur GELOOF). Die kinders vd besnydenis (hetsy ou of nuwe testament) verwys na die kinders van GELOOF (nie die kinders na die vlees nie)(die belofte was bv. aan Abraham gemaak (Gen. 12) lank voor die instelling vd vleeslike besnydenis onder die wet van Moses (Gen. 17)) -  is bv. nie beperk tot die Hebreeuse volk en vleeslike besnydenis vd mans nie (Hand. 10:45), maar het hulle besnydenis deur geloof ontvang (Hand. 11:2). In die N.T. verwys besnedenes na die wie se hart en ore besny is... (m.a.w., die wat vernuwe is deur die weergeboorte asook ag gee op die pad van godsaligheid). Die besnydenis van die hart en ore is  nie net iets wat deur God in die gelowige gedoen word (kry "nuwe hart") nie, maar is ook iets wat van elke gelowige verwag word om self te doen (m.a.w. om ag te gee op die pad van godsaligheid, bv. gehoorsaamheid/werke is 'n bewys dat iemand glo). GELOOF  bepaal of iemand gesien word as 'n besnedene of as 'n onbesnedene (Rom. 4:9,10)(en l.w., geloof sonder werke is dood). 

Dat daar kenmerkende ooreenkomste is tussen die TEKEN van die (vleeslike) besnydenis en die TEKEN van die Christelike doop, is verseker:

- (1) Die besnydenis was bv. 'n teken van wie deel is van die "verbonds"volk, en wys op die nageslag van Abraham... L.w. dat almal wat aan Christus behoort ook gesien word as die nageslag van Abraham...- en volgens die belofte erfgename!  (Gal 3:27 - "want julle almal wat in Christus GEDOOP is, het julle met Christus beklee. Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus. En as julle aan Christus behoort, dan is julle die nageslag van Abraham en volgens die belofte erfgename"). Die doop is o.a. 'n teken hiervan - bestudeer gerus die term "met Christus beklee", wat veral verwys na hoe weergeborenes "vlees en been" is van Christus (is familie van Hom / asof uit Hom gebore - "is uit God gebore" - natuurlik nie fisies uit Hom gebore maar het dit deur die geloof ontvang). 

- (2) Die vleeslike besnydenis was slegs 'n teken - die ware besnydenis was die besnydenis van hart en ore. Alhoewel ons nie onder die juk vd vleeslike besnydenis is in die N.T. nie, het die belangrikheid van "ware besnydenis" nie verval nie.  In die O.T. was die wat besny is "onder die wet (van Moses)", maar in die N.T. verwys gelowiges na die wat "onder Christus" is (hulle is deur Hom vrygekoop, en Hy is nou hulle meester - "slawe van Christus").  L.w. dat die Christelike doop ook o.a. hierdie voorstel..., nl. vergifnis van sonde en "doodgaan vir sonde" en "opstaan in 'n nuwe lewe om vir die Here te lewe". 

- (3) Besnedenes in die O.T. het die belofte gehad van opstanding! (maar onbesnedenes sou vergeet word in die graf...-Eseg. 28:10; 32:19,27; Jes. 38:18). In daardie opsig is die dood anders vir onbesnedenes as wat dit is vir die wat besny is (1 Kor. 7:18; Gen. 17:4-9) - besnedenes sal eendag opstaan tot (ewige) lewe.  L.w. dat die Christelike doop ook o.a. hierdie voorstel..., nl. belofte op opstanding in 'n nuwe liggaam wat vir ewig sal lewe.  

- (4) Die vleeslike besnydenis het nie veel beteken as hart en ore nie besny is nie - ongelukkig was dit moeilik onder die ou bedeling (onder die wet van Moses) om vergifnis van sonde te hou, want al het hulle vergifnis gekry deur bloedoffers, moes hierdie offers oor en oor gebring word omdat baie nog steeds "die sonde gedien" het (op daardie manier het die sonde net meer en meer geword). Vernuwing van die hart en gehoorsaamheid aan die Here (ore/"hoor") was nog 'n bewys van wie glo. Die wat in Jesus Christus glo verkry nie net vergifnis van sonde nie, maar ontvang die Heilige Gees deur wie hulle vernuwe word en instaat word om vrug (vrug tot lewe) vir die Here te dra - wat 'n veel uitnemender weg in die nuwe bedeling! L.w. dat die Christelike doop ook o.a. hierna verwys..., nl. die nuwe lewe (nuwe hart en pad van godsaligheid). Dit is waarom die Skrif leer dat almal wat hulle besny is "onder die wet (van Moses) is"... (Gal. 5:3)(gehoorsaam aan die wet van Moses) en is daardeur geoordeel, maar die Christelike doop is in die nuwe bedeling bedoel vir die "onder die wet van vryheid" (die wat "onder Jesus" is / hulle is "onder die Heilige Gees" deur wie Hy teenwoordig is), en sal deur "die wet van vryheid" geoordeel word. 

Nie almal wat GEROEP is sal uiteindelik die Koninkryk beerwe nie, want baie is geroep, maar min uitverkies (Matt. 22:14).    In die N.T. word "onbesnedenes" nie gesien as die uit die heidene of die wat vleeslik onbesny nie, maar onbesnedes in die N.T. verwys na die wat nie weergebore (deur geloof in Jesus Christus ) is nie;  ma.w., die wie se harte en ore nie besny is nie (Hand. 11:2-18). Net soos in die geval van die ou bedeling, sal Christene wat bloot staatmaak op die feit dat hulle "gedoop" is maar nie ag gee op die pad van godsaligheid nie, steeds gesien word soos "onbesnedenes" (al het hulle deur die Christelike doop gegaan - die pad van godsaligheid is m.a.w. steeds belangrik).  Net soos die ongehoorsames onder die volk van God destyds gesien is as "onbesnede" (al was hulle mans vleeslik besny), net so word die ongehoorsame N.T. gelowige gesien as "onbesnede" (al is hy gedoop!). 

----------------------------------------------------------------------------------------------------------------------------

Die oë van die Here is op jou

Wat beteken dit wanneer "die oë van die Here op jou is"?  

Die Here se oë is natuurlik op die weë van die mens, en Hy sien al sy voetstappe... - sy ooglede toets die mensekinders (Job 34:21; Ps. 11:4; Spr. 15:3) - die Here sien alles!, en Hy sal gee "aan elkeen na sy weë, volgens die vrug van sy handelinge" (Jer. 17:10)...;  maar l.w. dat die woorde "die oë vd Here is op jou" baiemaal spesifiek gebruik word in die Skrif om te wys op wie die Here gunstig is! In daardie opsig is dit 'n goeie ding wanneer die Here se oë op jou is..., want o.a. beteken dit dat Hy na jou gebede luister en vir jou sorg. 

Wanneer die Here se oë "oop is" en Sy "ore luister", dan is dit woorde wat beskryf hoe Hy weet van ons en na die gebede van Sy kinders luister... (2 Kron. 7:15; Joh. 9:31); dit verwys spesifiek na regverdiges - kyk 1 Pet. 3:12, wat vir ons leer dat die oë van die Here is op die regverdiges en sy ore tot hulle gebed (maar die aangesig van die Here is teen die kwaaddoeners - asof Hy Sy kop wegdraai van hulle af). 2 Kron. 16:9a maak ook die volgende stelling"  ("want die HERE—sy oë deurloop die hele aarde om diegene kragtig te steun wie se hart onverdeeld op Hom gerig is;....."). Kyk ook die volgende verse: -Deu 11:12 - "‘n land waar die HERE jou God voor sorg; die oë van die HERE jou God is altyddeur daarop, van die begin van die jaar tot die einde van die jaar"; en -1 Kon. 9:3 - "en die HERE sê vir hom: Ek het jou gebed en jou smeking gehoor wat jy voor my aangesig uitgespreek het; Ek het hierdie huis wat jy gebou het, geheilig deur my Naam daar te vestig tot in ewigheid; en my oë en my hart sal daar altyd wees". 

----------------------------------------------------------------------------------------------------------------------------

GEDAGTE:

Natuurlik wil ons graag hê dat die Here ons HOOR en SIEN (dat Hy ons gebede hoor, sien waardeur ons gaan)(2 Kron. 6:40; 1 Kon. 8:52), want Hy is ons hulp en redding. 

Die Here se oë is op Sy kinders... (om hulle te help en hoor), maar ons moet pasop want in sekere gevalle kan dit gebeur dat die Here Sy aangesig teen Sy kinders draai! (Lev. 16:17; Jer. 21:10; Eseg. 15:7). Spesifieke gevalle word in die Skrif genoem waar die Here Sy aangesig teen Sy kinders draai, en dit het veral te doen met wie ons raadpleeg... Ons is veronderstel om die Here te raadpleeg - die Here moet ons bron wees,.  Ongehoorsaamheid, en wanneer ons ander bronne opsoek, kan tot gevolg he dat die Here later Hom nie meer deur ons laat raadpleeg nie (soos met koning Saul gebeur het). Wederstrewiges (ongehoorsames, of die wat hulle verbitter en rebelleer) en eiesinniges (eiewilliges) val gewoonlik in hierdie gat. 

Kom ons kyk na hierdie spesifieke voorbeelde in die Skrif waar die Here Sy aangesig teen Sy kinders gedraai het:

- (1) die wat offer aan afgode/agter afgode aan hoereer... Die wat aan die koninkryk van God behoort se harte moet onverdeeld op die Here gerig wees; (Lev 20:3 - "En Ek sal my aangesig teen dié man rig en sal hom uitroei onder sy volk uit; want hy het van sy kinders aan Molog gegee om my heiligdom te verontreinig en my heilige Naam te ontheilig"). In die N.T. word kinders vd Koninkryk ook spesifiek belet om aan afgode te offer (Hand. 15:29 - " dat julle jul onthou van afgodsoffers en van bloed en van wat verwurg is en van hoerery. As julle jul hiervan onthou, sal julle goed doen. Vaarwel!")(Hand. 15:19,20 - "Daarom oordeel ek dat ons die wat uit die heidene hulle tot God bekeer, nie moet bemoeilik nie, maar aan hulle skrywe dat hulle hul moet onthou van die dinge wat deur die afgode besoedel is en van hoerery en van wat verwurg is en van bloed").

- (2) wanneer Sy kinders bloed eet... Die wat aan die koninkryk van God behoort word verbied om bloed te eet (Gen. 9:4; Hand. 15:20,29)(Lev 17:10 - "En elkeen uit die huis van Israel en uit die vreemdelinge wat onder hulle vertoef, wat maar enigsins bloed eet teen die een wat die bloed eet, sal Ek my aangesig rig en hom uitroei onder sy volk uit"). Of  hierdie alleenlik bedoel was in die konteks van afgodsoffers is natuurlik debateerbaar, maar die opdrag was veral gegee omdat "die bloed met die siel verbind is"... (Lev 17:14 - "want wat die siel van alle vlees aangaan, sy bloed is met sy siel verbind. Daarom het Ek aan die kinders van Israel gesê: Julle mag die bloed van enige vlees nie eet nie, want die siel van alle vlees is sy bloed; elkeen wat dit eet, moet uitgeroei word")(Deut. 12:23).

- (3) die wat hulle begewe tot geeste van afgestorwenes en geeste wat waarse...  Kinders vd koninkryk mag nie by hierdie heidense geloofspraktyke (bv. om raad te gaan soek by geeste van afgestorwenes of waarseers op te soek) betrokke raak nie; (Lev 20:6 - "En as ‘n persoon hom begewe tot die geeste van afgestorwenes en die geeste wat waarsê om agter hulle aan te hoereer, sal Ek my aangesig teen dié persoon rig en hom uitroei onder sy volk uit")(Jes. 8:19; Dut. 18:10-14; Lev. 19:31; 20-27). 

Waar kinders van die Here met sulke dinge besig raak, kan hulle nie staatmaat op die Here se hulp nie - en kan nie seker wees dat die Here hulle gebede sal hoor nie. 

-----------------------------------------------------------------------------------------------------------------------------

Valse elemente in die kerk, en die effek daarvan

Ons wil liewer glo dat almal in die Christelike kerk opreg is en gelowig, maar die waarheid is dat dit nie so is nie - somtyds sluip "valse broeders" (2 Kor. 11:26; Gal. 2:4) in die kerk in om die skape te mislei (en word deur die bose daar geplant), en hulle spreek valse dinge... (Spr. 2:12). Hierdie is niks nuuts nie en was nog altyd 'n probleem in die midde van gelowiges. Maar watter effek het hierdie valses op die kerk?, en maak dit regtig saak of daar valse leerstellings in die omtrek is?

------------------------------------------------------------------------------------------------------------------------------

In Matt. 7:15 vgl. Jesus valse profete met WOLWE (Matt. 7:15 - "Maar pas op vir die valse profete wat in skaapsklere na julle kom en van binne roofsugtige wolwe is"). Ten eerste het Hy geleer dat ons moet PAS OP vir hierdie mense! Hoekom moet ons versigtig wees vir hulle? - duidelik het hulle 'n verkeerde invloed op die kerk...  Hierdie "wolwe" verwys beslis nie na mense wat onkundige gelowiges is nie, maar eerder na die wat voorgee dat hulle van die Here hoor maar na regte nie werklik van Hom hoor nie;  of voorgee dat hulle die waarheid verkondig maar na regte verkondig hulle menslike gebooie of hulle eie opgemaakte geloof. Dit is dan hoe die hart van 'n valse profeet of valse leraar lyk - hy gee voor om iets te wees wat hy nie is nie  (gee bv. voor hy is 'n profeet of leraar wat die Here se woord bring, maar bring sy eie woorde of verdraaide of valse leringe - hy pleeg bedrog). Of ons dit wil glo of nie, maar hierdie mense in die kerk het beslis 'n invloed op die huidige afvalligheid! 

Diesulkes gee voor hulle is broeders/susters wat saam met ons die Here dien, maar dien eintlik hulleself of iemand anders. Die wat vals is kan leed doen aan die kerk, bv.:

-om die skape uitmekaar te jaag (bring skeuringe in die kerk)(Joh. 10:12); of

-om mense te "vang" (Joh. 10:12)(om agter hulle aan te gaan, bv. om hulle valse en verdraaide leerstellings te glo). 

Valse profete gee voor dat hulle die Here dien maar doen nie, en betrek o.a. mense op hierdie manier om die Here op hulle manier te probeer dien... (deur bv. dooie werke). In Eseg. 22:27 word die vorste in Israel vgl. met "wolwe wat prooi verskeur" -  hulle het bv. o.a. bloed vergiet sodat hulle onregverdige wins kon maak... "Onregverdige wins" verwys tipies na wanneer iemand wins maak deur die reg te verdraai (bv. om omkoopgeskenke aan te neem - 1 Sam. 8:3; Jer. 22:17; Eseg. 22:13);  m.a.w. hulle pleeg bedrog met die doel om wins te maak (is dan "onregverdige wins"-Jer. 6:13). Valse profete/valse leraars pleeg bedrog! (tot hulle eie voordeel). Daar is mense in die kerk wat so opereer, en Paulus het graag na hierdie valses verwys en gewaarsku, bv. waar hy in Tit. 1:10-14 verwys na diesulkes as tugteloos en wat onsin praat en verleiers is, en leer wat nie betaam nie ter wille van vuil wins! Hy het hulle leringe o.a. "Joodse fabels" genoem, en "gebooie van mense" (menslike wette en leringe wat vd waarheid afwyk) - hulle gee dus voor hulle preek die waarheid, maar hulle doen nie, en hulle doen dit ter wille van wat hulle daaruit kan kry (hetsy eer of geld, ens.).

------------------------------------------------------------------------------------------------------------------------------

Ons moet natuurlik versigtig wees om iemand vinnig te oordeel (as bv. 'n valse profeet, want sommige is bloot onkudig), maar versigtigheid werk ook na die ander kant toe... - as iemand bv. gekenmerk kan word as vals, moet die waarheid gespreek word sodat dit kan wys hy's vals.  Kyk bv. Jesus se woorde in Matt. 10:16 - " Kyk, Ek stuur julle soos skape onder die WOLWE in; wees dan versigtig soos die slange en opreg soos die duiwe".  Let wel dat hierdie "uitstuur onder wolwe" nie verwys het na uitstuur onder ongelowiges nie, maar uitstuur onder mense wat bely hulle is gelowig (in hierdie geval was dit "skape van Israel", waarvan sommige nie werklik skape was nie maar "wolwe"). Die dissipels was uitgestuur om die waarheid te bring aan beide opregtes en valses (nie net aan die skape nie, maar ook aan die wolwe...). Die manier dus om so 'n situasie te hanteer is nie om stil te bly oor die waarheid (soos sommige kerke doen) nie, maar eerder om die waarheid te preek (en dan sal die wolwe hulle klere wys). Wolwe "verskeur" (Eseg. 22:27) en vang en jaag skape uitmekaar (Joh. 10:12), en terwille van onregverdige wins sal sommige selfs bloed vergiet (Eseg. 22:27)(is roofsugtig-Matt. 7:15) - hierdie is baiemaal 'n kenmerk van verleiers - hulle haat die opregte... -1Jn 3:15. Wanneer wolwe in 'n kerk inkom en sekere broeders "vang" (beweeg om agter hulle aan te gaan) en die ander "uitmekaarjaag" (skeuringe bring), saai dit verwoesting in 'n kerk. Voor Paulus se vertrek in Hand. 20 het hy o.a. die Efese ouderlinge gewaarsku teen WOLWE wat sal inkom in hulle gemeente... (Hand. 20:29-31), en hy't die volgende stellings gemaak rakende wolwe:  (1)  Hulle sal die kudde nie spaar nie;  (2)  Hulle sal verkeerde dinge praat om die dissipels weg te trek agter hulle aan...  Hierdie is die doel van "ingesluiptes".

Dit is maklik om te sien wie is wolwe en wie skape... - wolwe ontvang nie die waarheid nie! (Luk. 10), maar is liewer die wat opstaan teen die waarheid en ander beweeg om nie die waarheid (wat deur die opregte gepreek word) te ontvang nie.  Hierdie is terloops 'n goeie manier om "valse broeders" uit te ken... - is om die waarheid te spreek!  'n Valse profeet of valse leraar sal bv. bely dat hy in Jesus glo en in die waarheid, maar is nie gehoorsaam aan Jesus nie en glo nie in Sy woorde nie, maar glo liewer in "wat hy wil of wie hy wil" - hulle gee dus voor dat hulle die waarheid liefhet maar hulle vrug getuig anders sodra hulle met die waarheid gekonfronteer word. Hierdie verleiers gebruik o.a die metode van spot (is spotters vd waarheid) om mense te druk om liewer in hulle te glo as in die waaheid.

--------------------------------------------------------------------------------------------------------------------------
GEDAGTE:

Daar is Christene wat vandag glo dat daar nie iets bestaan soos "valse broeders" nie - hierdie is 'n groot miskonsepsie van ons tyd en baiemaal die rede waarom suurdeeg in die kerk insluip... Of hulle dink dat valse leerstellings nie regtig 'n probleem is, maar dit is net waar in geval van waar mense die waarheid ken en volg.  Die waarheid is dat in sommige kerke word valse leringe liewer gekoester in plaas van aangespreek!, en die wat die waarheid ken, bly stil daaroor (?). Ons moet verstaan dat "ingesluiptes" deur die bose in die kerk gesaai word, en Jesus het o.a. geleer dat dit gebeur wanneer die kerk slaap! (Matt. 13:25)(bestudeer gerus die tema van "slaap" en wat dit nou juis beteken). Ingesluiptes (Jud. 1:4) is ongelowig en vals (gee voor hulle is gelowig maar is nie, en is deur die bose daar gesaai). Hulle is gewoonlik verleiers, en word o.a. in Jud. 1 "skandvlekke" genoem (soos besoedeldes)(Jud. 1:12), en "struikelblokke" (omdat hulle mense vang om ongehoorsaam te wees aan die Here en Sy waarheid). Hulle word ook "dwaalsterre" genoem (want hulle dwaal!)(Jud. 1:14), en "goddelose mense" (want hulle doen nie die wil van die Here nie, maar hulle eie wil)(Jud. 1:6,7,11,18). Hulle is ook baiemaal spotters (want hulle spot met die waarheid, en maak die opregte op daardie manier stil)(Jud. 1:18; 2 Pet. 3:3-5).

Die begrip "valse broeders" behels nie net 'n broeder wat voorgee dat hy 'n broeder is nie, maar sluit ook in enige iemand in die Christelike kerk wat "vals" is bv. valse profete en valse leraars (maar as broeders gesien word)(Gal. 2:4).  Die begrip wat veral gebruik word vir valse profete/valse leraars is "wolwe". Jesus het ook die begrip "onkruid" gebruik in Matt. 13:26,30,38, waar onkruid voorgestel word as "kinders vd bose". Onkruid lyk soos koring, maar is nie koring nie.... Hierdie mense (wat onkruid is) gee dus voor hulle is broeders, maar is nie werklik nie - hulle groei saam met die koring en lyk soos koring, maar met die tyd sal hulle vrug wys dat hulle nie regtig koring is nie.  Hierdie opmerking word terloops ook van valse profete gemaak..., bv. "aan hulle vrug sal hulle geken word"! (Luk. 6:43,44). Valse profete kan voorgestel word met wolwe omdat 'n wolf se doel is om skape te vang en uitmekaar te jaag (Joh. 10:12).  Valse profete en valse leraars kan gevaarlik wees vir die ware Christen (2 Kor. 11:26), omdat hulle kan twyfel saai en mense wat swak of jonk is in die geloof kan beweeg om "te doen wat hulle wil", nie wat die Here wil nie. 

Hoekom sal iemand voorgee dat hy die waarheid verkondig maar hy doen nie? 

Hoekom sal hy voorgee dat hy deel is van die kinders vd koninkryk, maar hy is nie? Duidelik het die bose 'n plan om verwoesting in daardie kerk te saai en die kinders van die Here te mislei...  Ingesluiptes wil nie dien nie, maar wil gedien word! (Gal. 2:4);  en hulle maak skape seer in hulle poging tot selfverheffing (sien die onderwerp van "onregverdige wins" vorige paragraaf - Eseg. 22:27)... Hulle praat verkeerde dinge met die doel om disspels vd Here weg en agter hulle aan te trek (Hand. 20:29,30).  Diesulkes moet beslis aangespreek word (3 Joh. 1:9,10), of die skape moet gewaarsku word sodat die suurdeeg nie die hele deeg suurmaak nie.  Daarom is ware lering in die kerk baie belangrik sodat ware kinders kan onderskei en nie "weggesleep" word nie. 

-----------------------------------------------------------------------------------------------------------------------------

Wat ek mag en nie mag doen nie, en of ek as Christen geoordeel sal word

As kinders van die Koninkryk (van God) is ons onder die reëls van die Here se Koninkryk, maar hoe weet ons wat ons as Christene mag doen en wat nie?  Waarop sal ons geoordeel word?

Daar is 3 dinge waartussen ons moet onderskei om duidelikheid hieroor te kry:

(1)  Gewete (bewustheid van sonde);  

(2)  Die Here se wette ("wet van Moses" / "wet van vryheid"); 

(3)  Kultuurwette ("mensgemaakte reëls/wette").  

Gewete is iets waarvan ons oortuig word - bv. om 'n wete te hê dat jy verkeerd gedoen het (Joh. 8:9).  Almal weet bv. dit is verkeerd om te lieg - niemand hoef dit vir jou te vertel nie, want die oomblik wanneer jy lieg weet jy jy't verkeerd gedoen... (en volgende keer weet jy jy moet dit nie doen nie). Die Gees oortuig die mens van sonde (Joh. 16:8-11), nie net vir die Christen (Joh. 16:10) nie, maar ook die hele wereld (Joh. 16:9; Rom. 1:20,21). Elke mens weet bv. dat hy eendag deur God geoordeel gaan word (Joh. 16:11; Jud. 1:15). Ons gewete ly ons om sleg te voel/bekommerd wees wanneer ons verkeerd doen, en daarom is dit belangrik om ag te gee op die gewete! As jy bv. bewus is daarvan dat kos aan 'n afgod geoffer is en jy steeds daarvan eet, kan dit jou gewete besoedel want jy mag nie afgodsoffers eet nie (Tit. 1:15), maar as jy dit nie weet nie kan dit tog nou nie jou gewete besoedel nie.... (1 Kor. 10:25-29). As ons nie 'n goeie/rein gewete (1 Tim. 1:5,19; 3:9) het nie, dan is dit duidelik dat ons iets verkeerd doen of gedoen het. 

Wette wat deur die Here gegee is gee vir ons 'n riglyn van wat die Here van Sy kinders verwag (bv. dat ons die Sabbat moet hou - die sabbat is vir ons gemaak, en elke mens het dit nodig om een dag van die week te rus). Net soos elke koninkryk in die wereld reëls het wat die burgers moet gehoorsaam, net so is kinders van God onderwerp aan die reëls van Sy koninkryk - hierdie reëls is iets wat die Here van Sy kinders verwag om na te kom, en as hulle dit nie doen nie is daar gevolge. Die wet van Moses is 'n goeie voorbeeld hiervan, maar wette word nie altyd dieselfde vervul oor die eeue/bedelings nie, en in die Nuwe Testament is ons bv. onder die "wet van vryheid" (ook genoem die wet van die Gees-Rom. 7:6; 8:2,4), nie onder die wet van Moses nie (die Here se wet verval nooit..., maar word anders vervul in verskillende bedelinge;  bv., offers het nie weggeval nie - die offersisteem onder die wet van Moses het wel, maar 'n ander offersisteem was ingelei). Christene is wel onder 'n wet!, nl. die wet van vryheid, en hulle sal eendag deur hierdie wet geoordeel word (die wet van vryheid verwys na hulle is "onder die Gees" en is "onder Jesus" - hulle sal m.a.w. geoordeel word deur die Gees en deur Jesus, bv. die woorde wat Hy gespreek het...)(Christene moet m.a.w. luister na Jesus en na die Heilige Gees)(1 Kor. 9:21; Joh. 8:36; Hebr. 10:16; Rom. 8:1-11; 7:6; Gal. 5:18; Joh. 6:63)(Hebr. 10:28,29). 

Kultuurwette is wette wat deur verskillende kultuurgroepe geskep word, en verwys dus na "mensgemaakte reëls" (bv. of vrouens 'n bedekking moet dra of nie, hande was voor ete, reëls rondom hoe 'n huwelik plaasvind, ens. - elke kultuur maak hulle eie reëls). Kultuurwette is iets wat "in kultuur" gehoorsaam word, maar jy sondig bv. nie noodwendig wanneer jy dit nie hou nie want dit is nie 'n wet wat deur die Here gegee is nie (jy kan bv. nie onrein word as jy dit nie onderhou nie..., tensy dit 'n wet van die Here ook breek as jy dit nie gehoorsaam nie). Ons het die reg om kultuur te verander, behalwe as die verandering 'n wet is wat ook teen die Here se wet is.

------------------------------------------------------------------------------------------------------------------------------

GEDAGTE:

Sal kinders van die Koninkryk (van God) ook eendag geoordeel word?

Ja, in "die laaste dag"..., wanneer Jesus terugkom. Die oordeel begin by die huis van God (1Pet. 4:5,17). Kinders van die Koninkryk sal deur Jesus Christus self geoordeel word - kyk o.a. die tema "die regterstoel van Christus" (Rom 14:10 - "Maar jy, waarom oordeel jy jou broeder? Of jy ook, waarom verag jy jou broeder? Want ons sal almal voor die regterstoel van Christus gestel word")(Matt. 25:31,32; Joh. 5:22; Hand. 10:42; 1 Kor. 4:5).(2Kor. 5:9,10 - "Daarom lê ons ons ook ywerig daarop toe, of ons inwoon of uitwoon, om Hom welbehaaglik te wees. Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het, volgens wat hy gedoen het, of dit goed is of kwaad"). Kinders van die Koninkryk sal volgens die WET VAN VRYHEID geoordeel word (die wat onder die wet van vryheid is, verwys na die wat onder die Gees is, onder Jesus is - die wat gehoorsaam is aan die Heilige Gees en aan Jesus Christus.  Hulle leef volgens die Gees en volgens Jesus se reels);  m.a.w., hulle sal deur die Gees en deur Jesus (bv. Sy woorde) geoordeel word (Jak. 2:12; Joh. 12:48; Ef. 4:30; ens.). Kinders van die Koninkryk sal geoordeel word wanneer Jesus terugkom;  die res van die mensdom sal eers geoordeel word aan die einde van die 1000-jaar "volgende eeu"-bedeling (dan sal die wit troon oordeel plaasvind-Openb. 20:11-15).  

-   Die bedeling waarin ons huidiglik is, word o.a. na verwys as "hierdie eeu".  Aan die einde van die "hierdie eeu-bedeling" vind die REGTERSTOEL VAN CHRISTUS plaas (dit is wanneer Jesus terugkom - dan word die kinders van die Koninkryk geoordeel), en hulle sal in groepe verdeel word  (en die kinders vd koninkryk wat gesterf het = sommige sal "opstaan tot veroordeling" en ander sal opstaan tot lewe-Joh. 5:28,29). Die verskillende groepe wat vir ons genoem word in die Skrif, is "KORING, KAF, en ONKRUID", en "SKAPE en BOKKE". Hierdie tyd word o.a. beskryf as die "oestyd" (Matt. 13:30)(maw, wanneer die Christen se "vrug" geoes word)... - 3 groepe verwys veral hierna: 

(1) Koring verwys na die opregtes (die wat gered is en vrug dra)(hulle bly in die Here, en is daarom vrugbaar, is maw bruikbaar - "sal in die skuur saamgebring word"-Matt. 3:12). 

(2)  Onkruid verwys na die wat vals is (Matt. 13:25-40)(o.a. wolwe/verleiers-die wat dwaal) - onkruid sal verwyder word...(bymekaargemaak word, en sal uiteindelik verbrand word-Matt. 13:40). Dit verwys na mense wat onder die kinders vd koninkryk beweeg het asof hulle gered is maar is nie gered nie (m.a.w., valse broeders en die ingesluiptes) - hulle is eintlik deur die bose daar gesaai...;  dit verwys o.a. na valse profete, valse leraars, struikelblokke, die wat die ongeregtigheid doen...-Matt. 13:41. 

(3) Kaf verwys na mense wat weg gered is maar nie vrug het nie (Matt. 3:12; Luk. 3:17) - die rede hiervoor is of omdat hulle nooit vrug gedra het nie (kyk tweede groep in die gelykenis vd saaier), of omdat hulle hul vrug verloor het (kyk derde groep in die gelykenis vd saaier)(die wat nie in die Here bly nie kan nie vrug dra nie... - onvrugbares is onbruikbaar, en die uiteinde is die vuur-Joh. 15:4-6)(elke loot wat nie vrug dra nie, word weggeneem...-Joh. 15:2). 

Die term "skape en bokke" word gebruik om te onderskei tussen barmhartiges en onbarmhartiges - wanneer Jesus op Sy troon gaan sit (nadat Hy teruggekom het-Matt. 25:31-45), sal Hy die skape van die bokke skei - die skrif verklaar dat al die nasies voor Hom versamel sal word... (Matt. 25:32), wat noodwendig verwys na almal wat dan in die lewe is (die wat nie gesterf het nie en die wat opgestaan het uit die dood - of hierdie slegs verwys na kinders vd koninkryk is 'n punt van bespreking). Die "nasies" sal dan in 2 groepe verdeel word, nl. barmhartiges en onbarmhartiges;  die skape sal aan Sy regterhand gesit word, en die bokke aan Sy linkerhand. 

(4)(1) Skape verwys na die barmhartiges/regverdiges (hulle sal ingaan in Sy koninkryk-Matt. 25:34) - en dus is o.a. "Koring" (want hulle het die vrug).  

(5)(2) Bokke verwys na die onbarmhartiges/onregverdiges (hulle sal nie ingaan in Sy koninkryk nie, maar is vervloektes en hulle uiteinde is die poel van vuur-Matt. 25:41) - en dus is o.a. "Onkruid" (want hulle het nie die vrug nie). 

-   Die volgende bedeling begin aan die einde van "hierdie eeu" (wat ons ken as "die einde vd wereld") - en sal 'n 1000 jaar lank wees, en aan die einde daarvan vind die WIT TROON OORDEEL plaas (wanneer die res van die mensdom geoordeel sal word - Openb. 20:11-15).  

------------------------------------------------------------------------------------------------------------------------------

Is die Christen onder 'n wet ? (2)

Vir die eerste dagstukkie oor hierdie onderwerp, gaan na: https://warechristenedagstukkies.blogspot.com/2018/05/werke.html

___________________________________________________________________________________

Sonder 'n wet kan niemand jou oordeel nie (Rom. 7:8);  bv. wanneer daar geen wet is rakende 'n fontein met water (bv. hoeveel water elkeen mag gebruik) nie, kan niemand geoordeel word sou hy bv. meer as 'n sekere maat water gebruik nie. Al manier hoe hy sou oortree (verkeerd doen/sondig) is as daar 'n wet is en hy die wet oortree op hoeveel water hy mag gebruik. Sonder wet kan niemand jou oordeel nie, en sou iemand jou oordeel sal jy bes moontlik verontreg voel (omdat daar geen wet is nie!). 'n Kind gaan bv. ook verontreg voel as 'n ouer hom vermaan op iets wat hy nie geweet het verkeerd is nie - hierdie is die soort reaksie wat jy verwag van iemand wat geoordeel word waar geen wet is nie. Daarom word kinders eers kennis gegee voor hulle vermaan word, en word daar gewoonlik meer genade bewys t.o.v. onwetende sonde. 

Dit sal ook verkeerd wees om 'n Christen te oordeel volgens die wet van Moses, want Christene is nie onder die wet van Moses nie. Natuurlik moet 'n Christen verontreg voel wanneer hy vermaan word omdat hy nie besny is nie of sekere voedsels eet of watookal verwag was onder die wet van Moses, want hy is nie onder daardie wet nie! Maar is dit reg van 'n Christen om verontreg te voel wanneer daar van hom verwag word om Jesus te gehoorsaam? Dit is ongelukkig wat somtyds in die kerk gebeur, is dat sommige Christene nie besef hulle is onder 'n WET vir vryes nie, en word dan kwaad wanneer hulle volgens "die wet" van vryheid geoordeel word. Hoekom?  Duidelik is diesulkes onder 'n wanindruk dat hulle onder geen wet is nie...  ----------------------------------------------------------------------------------------------------------------------------- 

Die mensdom kan ingedeel word in 

- "geestelike mense" (1 Kor. 2:14,15; 3:1), en 

- "natuurlike mense" (Jud. 1:10; 1 Kor. 2:14). 

In Christenskap verwys die begrip "geestelike mense" na 'n baie spesifieke groep mense, nl. die wat die Heilige Gees het (nl. "weergeborenes"). Geestelike mense dink en sien anders as natuurlike mense - vir natuurlike mense is die geestelike dinge bv. dwaasheid (want hulle het die gees vd wêreld-1 Kor. 2:12-14) - hulle praat uit die wêreld en die wêreld luister na hulle (1 Joh. 4:5),  maar geestelike mense beoordeel dinge op 'n geestelike manier. Hulle wysheid kom van bo (die Here se woord is vir hulle wysheid en hulle luister dus na die wat uit die Gees praat, en herken dus gewoonlik wie anders ook die Heilige Gees in hulle het ...- 1 Joh. 4:6). Hierdie (waar iemand se wysheid vandaan kom) is die groot verskil tussen natuurlike en geestelike mense, en die manier hoe mense glo/"sien"/verstaan is dus o.a. 'n manier om te bepaal of iemand die Heilige Gees het of nie (en of iemand praat uit die Gees of nie). 

Mense in wie die Heilige Gees is dink en sien gewoonlik dieselfde, en glo terloops in Jesus se woorde! (want die Gees gaan nie iets anders preek as wat Jesus gepreek het nie, en die Gees herinner ons ook aan Jesus se woorde...-Joh. 14:26). Die Heilige Gees word o.a. "die Gees van WAARHEID" (Hy praat/leer die waarheid) genoem, en die wat Hom ontvang is onder Sy lering en leiding (1 Joh. 2:20,27). Weergeborenes word gesien soos "gesalfdes" - hulle het die SALWING VD HEILIGE GEES (1Jn 2:20 - "En julle het die salwing van die Heilige en weet alles");  wat deels beteken dat hulle afgesonder is om die waarheid te ken, en ook beteken dat hulle afgesonder is vir 'n spesifieke doel...; is bv. afgesonder vir die Here... (afgesonder om deel te wees vd volk van eersgeborenes, is deel van die wat die Here dien, ontvang gawes, bedieninge en werke soos die Heilige Gees aan hulle uitdeel...,ens.). 

-----------------------------------------------------------------------------------------------------------------------------

Deesdae word 'n "ander evangelie" verkondig, 'n evangelie waarin kinders van die koninkryk nie altyd die EVANGELIE VD KONINKRYK geleer word nie, of hulle word 'n verdraaide evangelie geleer. 

In die EVANGELIE VAN DIE KONINKRYK lê Jesus veral klem op die geestelike want wette word  terloops in die N.T. op 'n veel uitnemender manier vervul; bv., in die N.T. (onder die wet van vryheid/wette vir vryes) het wette 'n sterker betekenis omdat ons siening wyer is (ons verstaan beter want ons het die Heilige Gees en het Jesus se leringe).  Bv., egbreuk gaan nie net oor die fisiese daad nie, maar selfs wanneer iemand daardie daad in sy hart pleeg word dit al gesien soos egbreuk... (Matt. 5:27,28). Daar word bv. van Christene verwag om ook hulle gedagtes te verander (2 Kor. 10:5). Dit wat jou gewete onrein maak gaan nie oor wat jy inneem, eet, higeine ens. nie, maar sonde maak mens onrein - dit wat uit jou hart kom - bv. slegte gedagtes/begeertes, lastertaal ens. (Matt. 15:118-20). Dus, alhoewel die wet anders lyk, is dit eintlik ditto wet wat op 'n veel uitnemender manier vervul word volgens Jesus se leringe en die leiding vd Heilige Gees - die "wet van vryheid" is 'N WET vir vryes. Die Christen is onder hierdie wet, wat beteken hy moet toesien dat hy wegbly van dit wat hom onrein maak, moet gedagtes verander, barmhartig wees, goeie bedink, ens. As jy dan nou "vry is van jou slaafskap onder sonde", dan moet jy tog nou soos iemand lewe wat vry is daarvan! 

-----------------------------------------------------------------------------------------------------------------------------

GEDAGTE:

Sekere wette onder die wet van Moses is steeds geldig, en ander word anders vervul (want "die wet" is nie ontbind nie - die Here se gebooie is steeds belangrik, Matt. 5:17-19).

Watter wette het nie verander nie?:

- wette teen sonde (bv. mag nie lieg nie, ens.), en 

- sekere ander wette wat dieselfde vervul word in die N.T. (bv. wette soos "mag nie bloed eet nie"). 

Watter wette word anders vervul?:

- sekere wette oor wat is rein en wat nie (bv. wette rondom kos, of hoe om rein te word van sonde);

- sekere wette oor wat is heilig en wat nie (bv. wat afgesonder is, bv. die weergeborene se liggaam is soos 'n tempel) . In elke bedeling is daar 'n wet, en in elkeen word die reëls neergelê. Bv., dit wil voorkom of die mens oorspronklik nie vleis geëet nie, maar na Noag se ark was hulle spesifiek toegelaat om ook vleis te eet. Net so, onder die wet van Moses was daar baie wette rondom wat die volk mag geeet het en wat nie, maar in die N.T. is ons nie onder al daardie wette nie;  maar dit beteken nie dat die wet van wat ons mag eet en wat nie, verval het nie!;  nee, daar is steeds wette rondom wat ons mag eet en wat nie, maar dit word ander vervul...;  bv., ons kan enige iets eet wat met danksegging en gebed ontvang word, maar word steeds belet om sekere goed te eet, bv. afgodsoffers, bloed, of iets te eet by 'n samekoms waar die voedsel tot aanstoot is van 'n broeder..., ens. Dus sien ons hoe reëls verander in verskillende bedelinge, alhoewel wette teen sonde nooit verander nie. Wat gesien is as sonde in die O.T., word steeds as sonde gesien in die N.T... 

'n Manier hoe hierdie somtyds beter verstaan kan word is deur te kyk na die begrip "wette", en te onderskei tussen 

- "wette teen sonde" (wat nooit verander nie), 

- "vervulde wette" (wette wat "anders vervul word in verskillende bedelings, bv. wette wat in die N.T. op 'n uitnemender manier vervul word as in die oue - die wet het nie verval nie maar word op 'n ander manier vervul), en 

- "mensgemaakte wette" (wat baiemaal meer te doen het met kultuur, bv. die hoofbedekking, handewas voor ete, ens.). In die geval van mensgemaakte wette is dit nie dinge wat die Here noodwendig van ons VERWAG NIE, maar ook niks verkeerd as dit gehou word nie!,;  maar ons moet verstaan dat die onderhouding van mensgemaakte wette geen invloed het op 'n persoon se saligheid nie. Mensgemaakte wette gaan tot niet, maar die Here se wette gaan nooit tot niet nie (alhoewel dit somtyds verskillend vervul word in verskillende bedelings, en dit dus dan kan lyk of dit tot niet gegaan het, maar dit het nie - dit word net anders vervul). Wette teen sonde moet dus nie verwar word met wat vervulde wette kan wees nie...

Het jy die Heilige Gees?

Sonder weergeboorte is die mens oppad na sy dood (nie net die dood vd liggaam nie, maar ook die tweede dood, wanneer beide liggaam en siel in die hel gewerp word - ook genoem "die oordeel vd hel"). Die natuurlike mens dra vrugte vir die dood. 

Hierdie is 'n groot verskil tussen die natuurlike mens en die geestelike mens. 

Anders as natuurlike mense is GEESTELIKE MENSE (mense wat weergebore is) (1) die wie se sondes afgewas is en (2) die wat DIE HEILIGE GEES ONTVANG HET. Net hierdie groep mense ("geestelike mense") is instaat om vrug te dra tot (ewige) lewe! Sonder die AFWASSING VAN SONDES en  DIE ONTVANG VAN DIE HEILIGE GEES kan jy nie die ewige lewe oes nie - die wat die Heilige Gees het, is verseël is tot die dag van verlossing (Ef. 4:30)...

----------------------------------------------------------------------------------------------------------------------------  

Net soos "water" nodig is om die liggaam of uiterlike mens te was, en water ook 'n teken is vir die afwassing van sondes, so is die Gees soos WATER vir die innerlike mens wat deur Jesus gegee word (Joh. 4:14) aan die wat in Hom glo en Hom gehoorsaam (Joh. 7:38,39). Water is belangrik, en dit word ook baiemaal soos beeldspraak in die Skrif gebruik om vir ons iets belangrik te verduidelik bv., as die uiterlike mens nie water drink nie sal hy uiteindelik van dors doodgaan - op dieselfde wyse kan die innerlike mens nie sonder water lewe nie en sal van dors doodgaan as hy dit nie kry nie.  Die wat die Heilige Gees ontvang sal bv. nie deur die "tweede dood" gaan nie, want hulle het die "water" wat hulle aan die lewe hou (Joh. 6:35; 11:26).  Jesus is soos water vir ons - die wat in Hom glo, sal nooit dors kry nie (Joh. 6:35)(en ook nooit honger nie!, want Hy is die Brood vd lewe). Hy gee aan ons die water, nl. die Heilige Gees.  Geestelike mense is deur die Gees verseël tot die dag van verlossing... (hulle is soos mense wat "gemerk" is vir beskerming)(Ef. 4:30)(bestudeer gerus die betekenis van merke, bv. teken op die hand of voorhofsband onder die onderwerp van eersgeborenes). 

Daar is slegs een manier hoe iemand weergebore kan word, en dit is deur:

- (1) WATER: -vergifnis van sondes (wat in Jesus beskikbaar is)(afwassing van sondes, waarvan die Christelike waterdoop 'n teken is); en 

- (2) deur GEES: - MOET DIE HEILIGE GEES ONTVANG (wie deur Jesus gestuur word aan die wat in Hom glo en Hom gehoorsaam).

M.a.w., die mens word weergebore deur water en Gees, wat terloops beide verkrygbaar is by Jesus Christus. Sonder die Heilige Gees (asook afwassing van sondes) kan niemand m.a.w. weergebore word nie, en sonder hierdie weergeboorte is niemand instaat om vrug te dra tot lewe nie. DIE ONTVANG VD HEILIGE GEES IS DUS  INDERDAAD BAIE BELANGRIK VIR SALIGHEID. Het jy die Heilige Gees? Is jou sondes afgewas? Maar natuurlik moet ons dan eers vra, glo jy in Jesus Christus? (want beide is by Hom verkrygbaar).

-----------------------------------------------------------------------------------------------------------------------------

As jy in Jesus Christus glo en vergifnis van sondes ontvang het, maar nie seker is of jy die Heilige Gees ontvang het nie, moet jy bid dat die Here Sy Gees aan jou stuur (Luk 11:13 - "As julle dan wat sleg is, weet om goeie gawes aan julle kinders te gee, hoeveel te meer sal die hemelse Vader die Heilige Gees gee aan die wat Hom bid?"). Daar is 'n roetine voor iemand die Heilige Gees kan ontvang, en hierdie roetine begin by geloof in Jesus Christus (want in Hom kan vergifnis van sondes verkry word, en die Gees word ook in Sy Naam uitgestuur). Soos reeds genoem, die ontvang vd Heilige Gees is een vd twee belangrike dele van wedergeboorte... - in ander woorde, as jy nie die Heilige Gees ontvang het nie, is jy nog nie gewederbaar nie! 

Almal wat tot geloof kom in Jesus Christus ontvang nie die Heilige Gees op dieselfde tyd of op dieselfde manier nie. Sommige ontvang Hom die oomblik wanneer hulle deur die WATERDOOP gaan, ander selfs nog voor hulle deur die Christelike doop gaan (Hand. 10). Dit kan gebeur terwyl die woord verkondig word... (Hand. 8:14-19; Luk. 11:13/Matt. 18:19; Hand. 19:1-6; Hand. 9:17), of tydens GEBED;  of deur HANDOPLEGGING... (Hand. 2:38; 10:47; 8:17-19 19:2-6). As jy jou tot Jesus Christus bekeer het en in Hom glo, en is gewaterdoop maar nie seker is of jy die Heilige Gees ontvang het nie, kan jy die Here vra om jou die Heilige Gees te stuur - bid die Vader in die Naam van Jesus Christus, en die Here sal jou Sy Gees gee... - maar l.w. die belangrikheid van ware bekering en gehoorsaamheid aan Jesus Christus as voorwaardes om die Heilige Gees te ontvang. Alhoewel daar spesifieke verandering is wat bewys dat iemand die Heilige Gees ontvang, is weergeboorte nie noodwendig so sigbaar die oomblik wanneer iemand die Gees ontvang nie (Joh 3:8 - "Die wind waai waar hy wil, en jy hoor sy geluid, maar jy weet nie vanwaar hy kom en waarheen hy gaan nie. So is elkeen wat uit die Gees gebore is"). As iemand bv. gevul word met "krag vd Gees" of gawes vd Gees, is dit makliker sigbaar dat so iemand die Gees ontvang het, maar siende almal nie dieselfde hoeveelheid krag en gawes ontvang nie is VERNUWING en GEHOORSAAMHEID aan Jesus Christus eerder 'n beter aanduiding dat iemand die Heilige Gees ontvang het. Mense wat die Gees ontvang het, word "nuwe mense" (en dit is duidelik sigbaar) en hulle wil gehoorsaam wees aan Jesus Christus. 

-----------------------------------------------------------------------------------------------------------------------------

Maar wie is die Heilige Gees? Die woord "heilig" verwys na "afgesonder" - die "heilige" Gees is Gees van God wat afgesonder is vir kinders vd koninkryk.... In die O.T. was net sekeres onder die volk vervul met die Gees, bv. profete, priesters en konings...-Ps. 51:13,Jes. 63:11,Luk. 1:15, ens. (alhoewel die res vd volk tog die Gees in hulle midde gehad het). In die O.T. was die Gees basies gegee net aan die wat bedien het, die wat die Here se woord en wil moes oordra, die volk lei, leer, ens. Hierdie mense was bekwaam gemaak om spesifieke werke vir die Here te doen, en het daarom gawes en bedieninge ontvang bv., sommige kon profeteer, ander het besonderse wysheid en verstand gekry, of kon wonderwerke en genesings doen, of het besonderse insig gehad om die volk te lei, kon drome uitle, ens. - sommige kon selfs van een plek na 'n ander plek vervoer word in die Gees (2 Sam. 23:2; 2 Kron. 24:20; Neh. 9:30; Num. 27; 2 Kron. 15:1; Eks. 28:3; 31:3; 35:31; Gen. 41:38,39; Rig. 14; 2 Kon. 2:16; 1 Korn. 18:12; Eseg. 3:14; 8:3; 11:1,24;...ens.). Dit is baie soortgelyk van wat ons sien in die N.T. nadat die krag van die Gees uitgestort is...  Die doel hoekom hulle die Heilige Gees ontvang het was nie sodat hulle self iets besonders kon wees of geëer word deur mense nie, maar was "om te kan getuig" en om die Here se wil te ken en te laat seëvier. Ons sien dieselfde gebeur in die N.T. bv., toe die dissipels gevul is met die krag vd Gees op die dag van Pinkster is die eerste ding wat hulle gedoen het "om te getuig"!, en hulle het begin stap in gawes en bedieninge waardeur hulle die Here se wil kon uitvoer. Die volk van God/kinders, of "kinders vd koninkryk" het lank uitgesien na hierdie belofte dat (nie net sekeres nie, maar) alle gelowiges gevul sal word met die Heilige Gees wanneer die Messias kom. 

Die ontvang vd Heilige Gees het deels te doen met wedergeboorte (so iemand word geestelik vernuwe/word 'n NUWE MENS), en deels te doen met die bediening (die ontvang vd krag vd Gees...). Net soos daar spesifieke verandering plaasvind in die persoon wat wederbaar word (die wie se sondes afgewas word en die Heilige Gees ontvang-Joh. 3:3-8; 1 Pet. 1:23)(bv. dat hulle begin anders sien en dink, soek die wil vd Here, begin om dinge op 'n geestelike manier te oordeel, ens.), so is daar ook spesifieke tekens wat volg wanneer iemand "die krag vd Gees" ontvang (wat terloops ook somtyds bloot na verwys word as "ontvang die Heilige Gees", maar l.w. dat die Christen gereeld met KRAG gevul kan word...-Hand. 4:29-31, maar wedergeboorte is eenmalig). M.a.w., die een wat weergebore word ontvang die Heilige Gees en die Gees bly by hom, maar wat die krag vd Gees aanbetref kan 'n weergeborene gereeld vervul word met meer krag...  Genadegawes word ontvang NA DIE MAAT VAN geloof, soort werk, gesindheid, ens. (Rom 12:7,8)(bv. profesie na die maat van geloof, ywer belangrik vir die wat voorganger wil wees, en so aan). Hierdie word uitgedeel deur die Gees soos Hy wil! Die wat die krag van die Gees ontvang word instaat om te kan GETUIG, en diesulkes ontvang verskillende GAWES en/of BEDIENINGE vd Gees (bv. gawe van wysheid of kennis of profesie of allerhande tale, uitleg van tale, geloof, werkinge van kragte, onderskeiding van geeste, ofgenadegawes van gesondmaking, bediening van lering, profesie, ens.)(1 Kor. 12:1-11; Rom. 12:6-8). 

-----------------------------------------------------------------------------------------------------------------------------

GEDAGTE:

As jy nie seker is of jy die Heilige Gees het nie, kan jy jouself aan die volgende meet:

(1)  Het jy jou bekeer en vergifnis van sondes ontvang? (hierdie is 'n voorwaarde!). Alhoewel die ontvang vd Heilige Gees 'n gawe is, is BEKERING en vergifnis van sondes nodig voor jy die Heilige Gees kan ontvang (Hand. 2:38)(Matt. 3:2; 4:17)(Hand. 2:38 - "En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang"). M.a.w., OM DIE HEILIGE GEES TE KAN ONTVANG, MOET JY TEN EERSTE JOU BEKEER EN VERGIFNIS VAN SONDES BY JESUS CHRISTUS ONTVANG.

(2) Glo jy in JESUS CHRISTUS? Jesus Christus het die mag om sondes te vergewe (Matt. 9:6), en die Gees word in Sy Naam uitgestuur.  Die Trooster, die Gees van waarheid wat deur die Vader uitgestuur word, word in die Naam van Jesus uitgestuur (Joh. 14:16,26);  daarom word die wat hulle bekeer "gedoop in die Naam van Jesus Christus"  (Joh. 7:39; 14:16,17)(Hand. 1:8; Luk. 3:16; 24:49; Joh. 20:22 - die Christelike doop is o.a. 'n teken van hierdie "vergifnis van sondes" wat in Jesus Christus verkrygbaar is (Joh 7:39 - "En dit het Hy gesê van die Gees wat dié sou ontvang WAT IN HOM GLO; want die Heilige Gees was daar nog nie, omdat Jesus nog nie verheerlik was nie")  (Hand. 2:38 - "En Petrus sê vir hulle: BEKEER JULLE, en LAAT ELKEEN VAN JULLE GEDOOP WORD IN DIE NAAM VAN JESUS CHRISTUS tot vergewing van sondes, en julle sal die gawe van die Heilige Gees ontvang"). .  M.a.w., OM DIE HEILIGE GEES TE KAN ONTVANG (wat deel is van weergeboorte) MOET JY GLO IN JESUS CHRISTUS (Hand. 2:38), want Hy is immers die Een wat ons sondes kan afwas, asook die Een in wie se Naam die Heilige Gees uitgestuur word. Natuurlik moet "geloof" vandag ook beskryf word, want baiemaal bely iemand hy glo maar sy dade wys dat hy nie werklik weet wat geloof beteken nie. Geloof is nie net 'n belydenis nie! 'n (Ware) Christen glo in WIE Jesus Christus is, glo in WAT Hy verkondig, en is Hom gehoorsaam/DIEN Hom (hy word 'n slaaf van Christus). Dus, BEKERING tot die Here (om Hom te gehoorsaam) is belangrik vir iemand om die Heilige Gees te onvang.

(3) Dink en sien jy soos Jesus Christus?  (het jy jou bekeer tot die manier van hoe die Here sien - glo jy in Sy woorde?/is jy lief vir Hom?)(Joh 14:23 - "Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak"....................(Joh 14:26)  maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het"). Nie almal wat deel is vd Christelike kerk het die Heilige Gees nie (Jud 1:19), of het die Gees vd waarheid nie  - maar sommige het die gees van dwaling... (1 Joh. 4:6). Die Heilige Gees is die Gees van waarheid;  daarom is dit maklik om te sien wie dien vir Jesus Christus en wie nie, nl. die wat die Gees van waarheid het, glo in die waarheid wat Jesus gebring het (en die Gees herinner hulle aan Sy woorde), maar die wat die Gees van dwaling het trek Jesus se woorde in twyfel en bely of verkondig watookal hulle sien as waarheid. Maklik om te bely jy glo in Jesus, maar weet dat "geloof" ook beteken dat jy in die waarheid glo wat Hy gebring het... Geloof gaan nie net oor "glo wie Hy is" nie, maar gaan ook oor om te "glo in Sy woorde" (wat natuurlik op beurt gekoppel is aan gehoorsaamheid en liefde vir Hom).  Die Heilige Gees gaan nie iets anders leer as wat Jesus geleer het nie - hierdie is dus 'n groot teken of iemand die Gees ontvang het of nie, asook is dit 'n teken van wie gehoorsaam is aan die Gees, nl. die wat ag gee op Jesus se woorde. Glo jy dat dit wat Jesus gepreek het die waarheid is en Hy deur die Vader gestuur is om die waarheid te bring? (Joh 18:37b - ".....................Hiervoor is Ek gebore en hiervoor het Ek in die wêreld gekom, om vir die waarheid te getuig. Elkeen wat uit die waarheid is, luister na my stem). (Joh 14:15,16 - "As julle My liefhet, bewaar my gebooie. En Ek sal die Vader bid, en Hy sal julle ‘n ander Trooster gee om by julle te bly tot in ewigheid").      (Joh 14:23 - "Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak")(Mark. 1:15; 1 Kor. 2:14). OM DIE HEILIGE GEES TE ONTVANG, MOET JY JOU BEKEER TOT DIE MANIER HOE DIE HERE SIEN EN DINK (dit is immers o.a. waaroor bekering gaan, en gaan oor "wie jy dien") .    

(4)  Is jy gehoorsaam aan Jesus Christus (doen jy wat Hy van jou verwag)? Die Heilige Gees word gestuur aan die wat vir Jesus gehoorsaam (Hand. 5:30-32 - "Die God van ons vaders het Jesus opgewek, wat julle omgebring het deur Hom aan ‘n kruishout te hang. Hom het God as Leidsman en Verlosser deur sy regterhand verhoog om aan Israel bekering en vergifnis van sondes te skenk. En ons is sy getuies van hierdie dinge, en ook die Heilige Gees wat God gegee het aan die wat Hom gehoorsaam is"). Vir wie dien jy? (Rom. 6:16). OM DIE HEILIGE GEES TE ONTVANG MOET JY VIR JESUS CHRISTUS DIEN / WIL AAN HOM GEHOORSAAM WEES.   Geloof gaan nie net oor "glo in wie Hy is" of "glo in Sy woorde" nie, maar gaan ook oor gehoorsaamheid (want "geloof sonder werke is dood")(Luk. 6:46; Jak. 2:26; Hand. 5:29).  Anders gestel, gehoorsaamheid is 'n bewys dat iemand glo!  Die wat in Jesus Christus glo is wel soos vrygemaaktes (vrygemaak van hulle slaafskap onder sonde), maar l.w. dat hulle "vrygekoop" is - vrygekoop deur Jesus Christus, en behoort dus nou aan Hom... (deur wie hulle vrygekoop is). In ander woorde, is "vrygekooptes" (vrygekoop van sonde) en dus nou SLAWE VAN CHRISTUS (is deur Hom gekoop)(1 Kor. 7:22).

(5) Het jy van binne verander?  Geestelike mense/weergeborenes weet gewoonlik hulle het die Heilige Gees...., want hulle het "nuwe mense van binne" geword (hulle innerlike mens is vernuwe!) - en die verandering is sigbaar!  Dit is duidelik te sien hoe iemand verander wanneer hy/sy die Heilige Gees ontvang (2 Kor. 3:3; Hand. 2:38). Jesus het hierdie verandering o.a. as volg beskryf: (Joh 7:38,39 - "Hy wat in My glo, soos die Skrif sê: strome van lewende water sal uit sy binneste vloei. En dit het Hy gesê van die Gees wat dié sou ontvang wat in Hom glo; want die Heilige Gees was daar nog nie, omdat Jesus nog nie verheerlik was nie"). So 'n persoon begin sien, dink, praat, leef soos die Here wil (die Skrif verwys o.a. hierna dat so iemand nou 'n "nuwe mens" is/word - in die Christelike doop word hierdie o.a. voorgestel, hoe die weergeborene opgestaan het in 'n nuwe lewe... - natuurlik moet so iemand nou "anders wees").  Hierdie is dus 'n groot teken dat iemand die Heilige Gees ontvang het, en dit is dat weergebore mense (m.a.w.. mense in wie die Heilige Gees is) "verander" (hulle begin glo in die waarheid en wil leef volgens die Here se wil  - hulle is nou diensbaar aan die Here / is slawe van Christus...). Maar l.w. dat "bron" belangrik is hoekom iemand verander!, want sommige kom geestelik voor en het 'n gedaante van godsaligheid maar gebruik 'n ander bron. Mense wat egter die Here as bron het sal in die waarheid (bv. die Skrif of Jesus se woorde) glo, en sal die Here se wil in hulle lewens soek (gehoorsaamheid - bv., sal die Here raadpleeg, nie ander bronne raadpleeg nie). Hierdie "verandering" moet dus te wyte wees aan "verandering deur die Heilige Gees" (nuwe mens, gawes en bedieninge vd Gees, vrug vd Gees ens.), en dit word bewys deur die persoon se praat, doen en late ... - dit gaan beslis oor "DIE BRON".  M.a.w., waaraan is jou "verandering" toegeskryf?  (want ander gelowe kan ook mense verander!) - ons kan dus nie enige verandering wat goed voorkom toeskryf aan "verandering deur die Heilige Gees" nie...  OM TE BEOORDEEL OF IEMAND SE VERANDERING TOEGESKRYF KAN WORD AAN DIE HEILIGE GEES, MOET ONS DUS BEOORDEEL OF HY /SY DIE HERE AS BRON HET (bv., wat glo hy is die waarheid?/ vir wie raadpleeg hy?/ aan wie is hy gehoorsaam?, ens.).

(6) Het jy vrymoedigheid om die woord te verkondig? - getuienis en ywer is somtyds tekens dat iemand die Heilige Gees/krag van die Gees ontvang het. Hierdie was bv. o.a. ook een van die tekens nadat die dissipels gevul is met  die krag vd Gees in Hand. 4:32, is dat hulle "die woord van God met VRYMOEDIGHEID gespreek het!  En nie net dit nie, die wat die krag vd Gees ontvang verkry verskillende gawes en bedieninge (bv. om in tale begin praat, kan genees, profeteer, ens.). Alhoewel die "ontvang van die Gees" (Joh. 20:22) en "die ontvang van die krag vd Gees" (Luk. 24:49; Hand. 1:8) as twee afsonderlike geleenthede gesien kan word, gebeur dit nie noodwendig afsonderlik nie. As jy nie seker is of jy die krag van die Gees ontvang het nie, en graag vir die Here wil werk, bid dan vir die ontvang van krag van die Gees. 

(7) Dink en sien jy soos ander "geestelike mense" ? (1 Kor. 2:14,15; 3:1). Hierdie is 'n groot aanduiding of iemand die Heilige Gees het of nie - geestelike mense glo in die Skrif en glo in die waarheid wat Jesus gebring het, en hulle soek na die wil vd Here - en hulle stem saam hierin!, maar "natuurlike mense" het 'n wêreldse gees en dink en sien nie dieselfde as geestelike mense nie (hulle neem nie die dinge vd Gees aan nie;  en sal bv. ook nie die wat deur die Gees praat glo of ontvang nie - vir hulle is die waarheid bog - 1 Kor. 2:10-15). As jy in wereldse wysheid eerder glo as in dit wat Jesus verkondig het, dan kan dit een van twee dinge beteken:  (1) jy het nie die Heilige Gees nie; of (2) jy het die Heilige Gees maar is ongehoorsaam aan die Gees, hou nie vas aan die geloof nie, of het afvallig geword vd geloof...  AS JY DIE HEILIGE GEES HET SAL JY GLO IN JESUS SE WOORDE, EN OOK SAAMSTEM MET DIE WAT DIE WAARHEID VERKONDIG!

(8) Praat die Here met jou?  Wanneer iemand die Heilige Gees het begin hy die Here "hoor".  Die Here gebruik verskeie maniere om met ons te praat, bv. deur die Skrif, of deur drome en gesigte, of deur 'n engel na ons te stuur, deur 'n hoorbare stem, deur Sy Gees... ens. (Hand. 10:19). Mense wat gevul word met die Heilige Gees ervaar gewoonlik baie duidelik dat die Here met hulle begin praat, en dit gebeur op verskillende maniere... (en kan bv. o.a. wees dmv gesigte en drome - Eseg. 11:24, wat terloops baiemaal tydens gebed gebeur (Hand. 11:5; 22:17), of d.m.v. 'n droom (Hand. 16:9,10; 18:9, ens.).  Gesigte en drome is veral die twee maniere waarop die Here met die profete in die O.T. gepraat het... (Num. 12:16) - en l.w. dat hierdie verwys na mense wat die Heilige Gees gehad het.  Die belofte vd uitstorting vd Heilige Gees was ook gekoppel aan die feit dat die wat gevul word o.a. "gesigte sal sien" en "drome droom" (Joe 2:28; Hand. 2:17,18).  Ons moet egter die geeste op die proef stel! (1 Joh. 4:1), want die vyand gebruik ook somtyds soortgelyke metodes (met die doel om valse leerstellings te verkondig, mense te mislei om 'n ander Jesus te dien of ander gees ontvang of om 'n ander evangelie aan te neem...).  Bv., valse profete gebruik graag drome en gesigte om ander te mislei (Jer. 23:25-32; Jer. 29:8,9; Matt. 24:11; 2 pet. 2:1), en daar is selfs gelowe wat gebou is op 'n engel se woorde (1 Kon. 13:18). Die groot gevaar vir Christene is wanneer hulle "ander bronne" gebruik, en so was baie al blootgestel aan bose geeste, bv. dat daar aan iemand 'n gesig gewys is dmv 'n heidense vorm van meditasie (daarom moet ons die Here alleen as bron gebruik). Enige woord in stryd met die waarheid, kom nie van die Here nie (1 Kon. 13). As iemand 'n ander "waarheid" bring, of 'n ander Jesus, of 'n ander gees, dan getuig sy vrug dat hy nie deur die Here gestuur is nie.  As 'n persoon of engel bv. 'n woord bring in stryd met wat Jesus geleer het, dan is hy nie deur die Here gestuur nie (die Heilige Gees sal bv. nie iets anders leer as wat Jesus geleer het nie. Mense wie die Heilige Gees het, glo in Jesus se woorde ) -  so kan ons onderskei of dit die Here is wat met ons praat of nie.  DIE WAT DIE HEILIGE GEES HET GEBRUIK DIE HERE AS BRON EN ERVAAR DAT DIE HERE MET HULLE BEGIN PRAAT...

(9) Het die Here vir jou gawes, bedieninge en/of werke gegee?  Wanneer iemand stap in die gawes en bedieninge van die Gees, is dit gewoonlik ook 'n teken dat so iemand die Heilige Gees ontvang het (want die Gees gee aan hulle hierdie gawes en bedieninge;  dus hulle moet die Gees he om hierin te kan stap...).  Alhoewel die ontvang van die krag van die Gees (o.a. genoem "doping in die Heilige Gees", ook genoem "die gawe vd Heilige Gees ontvang") nie altyd op dieselfde tyd gebeur as wanneer iemand wederbaar word deur (water en) Gees nie, word daar na enige van hierdie verwys as "ontvang die Gees". Die begrip "ontvang die Gees" word dus gebruik vir beide gevalle waar iemand (1) vernuwe word deur die Gees (2) of krag ontvang vd Gees - somtyds gebeur hierdie op dieselfde tyd. In werklikheid kan geestelike mense gedurigdeur "gevul word met die (krag vd) Heilige Gees" - nie bedoelende dat die Gees hulle telkens verlaat nie!, maar bedoel dat hulle "meer krag kan ontvang"... (gawes, bedieninge en werke); of spesifieke krag ontvang waar dit nodig is (Hand. 13:52). Hierdie gaan gewoonlik gepaard met gebed (Hand. 4:29-31), en geestelike mense ontvang ook nie almal dieselfde gawes en bedieninge nie (1 Kor. 14). Daar is verskeie gawes en bedieninge vd Gees, bv. gawe van wysheid, gawe van kennis, gawe van profesie, gawe van genesing,gawe van tale, gawe van uitleg van tale, gawe van onderskeiding, apostoliese bediening, profetiese bediening. bediening van lering, kragte, helpers, regeringe...ens. L.w., daar is ook mense in die wereld wat in sg. gawes en bedieninge stap wat nie die Heilige Gees as bron het nie (bv. geestelike genesers in satanisme, waarseers wat ander geeste as bron gebruik, ens.). Christene moet hier kan onderskei - daarom is "wie ons raadpleeg" belangrik, maar somtyds kom hierdie mense in die kerk in om die volk te verlei. Dit gaan oor "die bron" - as iemand nie die Heilige Gees as bron het nie, sal hy nie die waarheid liefhe nie (maar wereldse wysheid verkondig), en sal bv. nie glo in Jesus woorde nie (maar eie sieninge verkondig), en sal hom nie onderwerp aan die Here se wette nie (maar doen soos hulle wil). Maar ons moet ook kennis neem dat nie almal wat in gawes en bedieninge stap in die Christelike kerk, hulleself onderwerp aan die wil van die Here nie.  Sommige weergeborenes gebruik die gawes tot eie voordeel; m.a.w., hulle het die Heilige Gees ontvang, en selfs krag vd Gees ontvang, maar is nie gehoorsaam aan die Gees nie - bv. om sg. te profeteer maar dan uit eie wil... (bv. om te profeteer dit wat hulle dink die persoon eerder moet hoor as  wat die Here hulle opdrag gee om te se);  of om sg. te vermaan maar is besig om die persoon verkeerd te oordeel, of sg. lering te gee, maar dan volgens eie siening, ens...  Nie almal wat in "gawes" stap, is gehoorsaam aan die Gees nie! Die gawes en bedieninge van die Heilige Gees is dus onderwerp aan die Here se wil (aan die waarheid, aan opdrag vd Here, ens.). Daar is dus mense in die Christelike kerk wat die Heilige Gees het, maar die gawes en bedieninge namaak of verkeerd gebruik.  

(10) Hoe lyk jou vrug?  Die "VRUG VAN DIE GEES" is ook 'n teken dat iemand die Heilige Gees het... Hierdie vrug (doen/optree ens.) verwys na baie spesifieke soort vrug, bv. vrug wat iemand oes omdat hy/sy "die wil van die Here doen", verwysend na die wat diensbaar geword het aan die Here (Rom. 6:21,22). Nie alle soorte goeie werke kan bv. hierdie soort vrug oes nie, maar geestelike mense is instaat om hierdie soort "vrug te dra wat tot ewige lewe kan lei"... Die natuurlike mens se uiteinde is egter die dood (maak nie saak watter soort vrug hy gedra het nie, want sonder vernuwing kan jy nie die regte soort vrug dra nie).  Mense word baiemaal voorgestel soos saad wat in die wereld geplant word, en soos bome/plante groei en VRUG DRA . Natuurlike mense dra vrugte vir die dood, maar geestelike mense dra vrugte tot lewe (vgl. gerus hierdie ook met die tema van "geestelike groei" , bv. dat die geestelike mense geestelike kos en water nodig het om te kan groei, en vrug dra...). Hierdie vrug verwys na doen/praat/optree (goeie werke/goeie gesindheid) ens. - dinge soos vredeliewendheid, vriendelikheid, barmhartigheid, goeie lewenswandel, stoflike goed met ander deel, en so aan (Jak. 3:11-18; Fil. 4:17; Rom. 15:26-28). Jesus het bv. geleer dat nie elkeen wat vir Hom se "Here, Here" sal ingaan in die koninkryk van God nie, maar slegs die wat "die wil vd Vader doen". Sommige Christene sal bv. sg. 'n profesie of lering gee, maar dan is dit woorde uit hulleself / hulle praat uit hulleself (bv. wat hulle dink die persoon moet hoor;  of preek wereldse wyheid, nie die waarheid nie) - sulke soort profesie/lering is nie volgens die wil vd Here nie..., en kan dus nie vir hulle die vrug (tot ewige lewe) oes nie, al kom dit ook godsalig voor (omdat dit nie is volgens die wil vd Here nie)(Matt. 7:22,23). 

-----------------------------------------------------------------------------------------------------------------------------